Dövlət Vergi Xidməti Yay Təcrübə Proqramına qəbul elan edir!

Real iş mühitində bilik və bacarıqlarını inkişaf etdirmək üçün sən də bu fürsətdən yararlan! Proqramda iştirak etmək üçün sənəd qəbulu tecrube@taxes.gov.az elektron poçt ünvanı vasitəsilə 10 may 2026-cı il saat 23:59-dək həyata keçiriləcək. Müraciətlər göndərilərkən (mövzu hissəsində “Yay Təcrübə Proqramı 2026” qeyd etməklə) şəxsiyyət vəsiqəsi, tələbə bileti və akademik transkript mütləq qaydada fayl şəklində məktuba əlavə olunmalıdır.

Bu gün Azərbaycan Dövlət Neft Akademiyasında törədilmiş dəhşətli terror hadisəsindən 17 il ötür.
Hadisə qurbanlarının ruhunu ehtiramla yad edirik!
#adpu #eduaz #adnaterroru #ElmvəTəhsilNazirliyi #edu

ADPU-nun Beynəlxalq əlaqələr üzrə prorektorluğunun nəzdində Təlim–Tədris Mərkəzi tərəfindən “Dərs planlaşdırılması və öyrənmə nəticələrinin ölçülməsi” mövzusunda təlim təşkil edilir.

Təlimin məqsədi :

Təlimin əsas məqsədi müəllimlərin effektiv dərs planlaşdırma və qiymətləndirmə bacarıqlarını inkişaf etdirməkdir. Təlim iştirakçıları müasir pedaqoji yanaşmalar əsasında dərs məqsədlərinin düzgün müəyyənləşdirilməsi, uyğun təlim strategiyalarının seçilməsi və öyrənmə nəticələrinin ölçülməsi yolları ilə tanış olacaqlar.Təlim çərçivəsində iştirakçılar dərs planının əsas komponentlərini (məqsəd, fəaliyyət, qiymətləndirmə), Bloom taksonomiyasına uyğun öyrənmə nəticələrinin yazılması prinsiplərini və formativ və summativ qiymətləndirmə üsullarını praktik şəkildə öyrənəcəklər. Həmçinin, müxtəlif qiymətləndirmə alətlərinin hazırlanması və tətbiqi üzrə tapşırıqlar yerinə yetiriləcəkdir.İki gün ərzində nəzəri biliklərlə yanaşı, interaktiv fəaliyyətlər, qrup işləri və real dərs nümunələri üzərində təhlillər aparılacaqdır. Təlimin sonunda iştirakçılar öz dərs planlarını hazırlaya və öyrənmə nəticələrini effektiv şəkildə ölçmək üçün uyğun qiymətləndirmə üsullarını tətbiq edə biləcəklər.

Təlim formatı:

Müddət: 2 günlük (1.5 -2 saat)

Tarix: 20-21 may 2026-cı il

Təlimçi: Sahil Nağızadə

Təlim kursunu müvəffəqiyyətlə bitirən iştirakçılara sertifikat təqdim olunur.
Qeydiyyat:

https://docs.google.com/forms/d/1GbuZDF7FqqQbdpW2yzCobX25jJBrEiqYzjyyO3-JqLA/edit