‏كبيرة قدر وما تحاتي فعايلها تصغّرها
‏تشوف الرد ما يسوى إذا كان العقل جاهل

‏عليها الوقت متعجّب في كل مره يكاسرها
‏مهي بتطيح وإذا طاحت مهي بتطيح بالساهل

‏عزيزة حزن ما تشرح وش اللي في خواطرها
‏تخاف إن حزنها ينقال على صدرٍ ما يستاهل

أعمق من أن أنطق الكلام كتعبير مجازي .. عندما أقول لك " عمري " فأنا أدخلك فيه
‏- سُرى عشاو وأنا

الوتر ♡︎

" جيتك بقلبٍ أبيض ولا يعرف اللعب
‏ولعبت به لعب الهوا بالستاير "

" أنثى ولا مثلك أنثى في نسا العالمين
لو تنجب الحور حور فـ كل مطلع شهر "

‏" لو تذبحين الشعور وتذبحين الحماس
‏العشق ماله حكم ثابت وكاتب عدل

‏تبرد على كلمة لسانك جميع الحواس
‏لو كان ليلة وصالك جوّها معتدل

‏جمال وجه ودماثة خاطر وطيب ساس
‏مافيه قبلك ولا بعدك شبيه وبَدل

‏إنتي جمالك لـ كل الغيد وحدة قياس
‏حتى جديلك مع العالم يثير الجدل " 💘

‏هات من جمرها وشوي من كاسها
ضحكتك طفلةٍ مرفوع عنها العتب

‏طفلةٍ تسهر الغيمه بـ كراسها
‏ترسم النجمه اللي غافيه بالهدب

خلها تقلب أيامي على راسها !
ليتها ما تمل ولا يجيها التعب

‏خلّها بالضلوع تشب مرواسها
‏القصايد تبي دافع قويّ وسبب

كل ما جاء يزخ العطر نسناسها
ثوبها من رذاذ وشالها من قصب

خبني بين حد الصحو ونعاسها
لحظةٍ فارهه لين أتساقط رطب

لحظةٍ باذخه تذبحك بإحساسها
كنها تبعدك عني وهي تقترب

‏هاتها يا بعد عمري بعد ناسها
‏ضحكة ماربت بـ شفاك ما تنحسب

‏عاد لا ريـّع النعناع بأنفاسها
لعنبو شعر ذاك الوقت ما ينكتب
‏
- مساعد الرشيدي

أقرأ تعابير الحشا بالحجاجين
كنّه تقول أن العسل في شفاهي

حمّرة غروب .. وجمرةٍ بالشفاتين
ونحرٍ يشابه مطلع الشمس باهي

ويشدني خصرٍ تقل رسم قوسين
لو كل قوس يغيّر الإتجاهي

وإن قصرت توصيفي لازم تعذرين
لقيت شيٍ ما خبر له مضاهي

الزول .. والمنطوق .. والخد .. والعين
شيٍ يخلي كامل العقل فاهي

وإن قلت وين علاجي اللي تخبرين ؟
ثم دمجت حكي الغنج بالتباهي 💘

‏" قبلة الشاعر وقافه وإتزان أبياته
‏جعلهم يفدونك اللي ماهم بيثرونك

‏إنتي الفكره وأنا اللي فكرته لا جاته
‏صبها بإبداعه اللي تكتحله جفونك

‏ويوم ساد الليل والراقد هناه سباته
‏همي أصبحك بأبيات ٍ تفوق ظنونك

‏دونك يموت الشجاع فداك يا رغباته
‏من وقف دونك محال إنه يعيش بدونك "

‏دام راسي تحت حكم العقل راضي في نظامه
‏وش عليّ من النفوس اللي تحت حكم ألسنتها ؟

أحبها جدًا وأحس إنها لقلبي كافيه
عن كل حب يمرني عابر وألقى له ظهر !

‏أُنثى وقلبي شجاع وشهم ، صادق ، أصيل
‏أضحك وكل ما حزنت أعيش حزني بـ ترف

‏تلقى بـ صمتي شِعر وسنين عدّت وليل
‏حفظتها داخلي ماني بـ حاجه لـ رفّ

‏قد قلتلك لو تغيب الشمس مالي مثيل
‏تدهشك الأقدار والدنيا بـ دين وسلَف !

« يستاهلك من رمى روحه على جالك — ماهو من أرضاك ليله وأزعلك ليله »

" ودّي أكتب لك فصيح — لكن أوجاعي بدو "

‏الوقت لو غيّر مفاهيم وطبوع
‏أبقى الذي ما غيّر الوقت طبعه

‏يوم الليالي جفوة أحباب وربوع
‏ما بار بـ أحبابه — ولا خان ربعه

‏ياللي تشوف العمر تابع ومتبوع
‏أنا أشوف العمر موقف وسُمعه

معه جربت الهِدايه وجربت الظلال
قلبي أعلن له ضلاله وعقلي مهّتدي

- سعود بن مبارك