" لا تجي بعضك ويبقى منك باقي
لا تجي نصك قسى ونصك شعور

يا تجي كلك على قدر إشتياقي
أو كذا خلك على آخر ظهور "

" في عيوني كلام وفي محانيّي
‏همٍ يشيلني لو كان ما شلته

‏ليه وياك لا أوافق ولا أعيّي
‏الحزين أكثر همومه من أسئلته

‏لا وقفت ويديني في مخابيّي
‏إعرف إن في عيوني شي ما قلته"

‏الشوارع كئيبه والمدينه تحيّر
‏والقلق منتشر بين البشر والمباني

‏أختفي وأتضايق وأحترق وأتغيّر
‏في مكاني وأحس إني ماني في مكاني

‏ليت الأيام ترجع بي يوم إني صغيّر
‏للهوى للفيافي للصبا للأماني

‏الشغف قل والعمر القصيّر قصيّر
‏غير هذا العمر محتاج لي عمر ثاني :)

‏كيف لا مرّ السهر من دونك أستعذب نعاسي ؟
‏وأنت تدري ما لـ عيني من بعد عينك مسرّه
‏ㅤ
‏كل ما طال السكوت بسور صدري طال باسي
كنّي اللي راضي التعذيب من قوّ المضرّه
‏ㅤ
‏والله إني ما تحلويت الجفا لو كنت قاسي
‏مير قلبي من كثر حبه عجز منك يتشرّه

‏" معرضٍ صدري لـ رش المطر وذعذاع الهبوب
‏ودي إن المطر يغسل قلبي من شيءٍ يحسه "

ورغم سهو ذاكرتي — معك ما سهى البال
ورغم طبعي الخوّاف — جازفت لك كلّي

وسط عقلي ضجيج ووسط قلبي هواده
يا نسيم الشفى هبّ : وهويدك هويدك

كن بصدري تدور أعظم حروب الإباده
كل ما قالوا السمار عطنا جديدك

شاعرك يا رهيف القدُّ حرر قياده
يوم كنتي مثل عليا وكان أبو زيدك

صعب ينساك لو ينسى المجلا بلاده
كل ما مرت الذكرى على صبح عيدك

ليت معك السنين بدون نقص وزياده
أكثر من الخطوط اللي على باطن إيدك

لو يموت الرجا عيني تشوف الإراده
بين بارق ثغرْك وبين باسق نضيدك

إنتي حسنك عظيم ويستحق الإشاده
مؤمن إنه ما فيه أعظم منه غير كيدك

في عيون العذارى يستليّ السياده
من معارج نحرك إليا تثني عويدك

ودي أن الحسد ماهوب يبلغ مراده
غير بين الثلاث وبين مجرى وريدك

الحزام الدقيّق – والكحل – والقلاده
في قوامك وفي عينك وفي ضم جيدك

• تركي العطاوي

" كأن الجمر في قلبي يولّع من ضلوعي نار
أبي غيم السما يمطر على صدري مطر مقري "

أنا الرايد أشّتمَك ..
أنا الكاره الدنيا وأحبنها عله مود أسمك

ساومني ..
ساومني عله أيامي وعله أغراضي
وأخذني بتعبي وأمراضي
يـ من چسمي فدا لچسمك !

أخذني أحتاجلك منفى
أخذني لوطن مو كُلشي إذا مو شابكك وأغفى ..

كُل شي ولا تخلص شوفتك عندي
ولو ترسو عيوني الناس
" تبقى إنته الوحيد العازتك عازه "

ولو كل غيمه تتوازه وتُصب كل مايها بدمي ؟
أضل معتازلك يمي ..

ما علمني چفك أنروي من الغش
الماي الما أشربه من إيدك يعطش

‏" طيح على صدري وحبه منيه
‏هذا مكان چروحي اللي تعور " ..

أنا الطريق الممتلي بالمحطات
لا تخدعك رحابتي وإمتدادي

مافي دروب التايه إلا المتاهات
وصوله بوادي .. ومشيه بوادي

غيري كثير إخترتني ليه بالذات ؟
ليه إختيارك كان غير إعتيادي

وش لون تملى بالفراغ الفراغات
ما خفت من هذا الشغف والتمادي ؟

بتشوفني قدام كل المرايات
وبسمعك حتى ولو ما تنادي

تجمع مكاتيبي سواليف وأبيات
كنك طفل فالعيد يجمع عيادي

أعرف من الألوان لون البدايات
أخضر ويذبل ويتحوّل رمادي

وأجهل من التوديع كل العبارات
إلا فمان اللّٰه .. وطيب .. وعادي

" أدعو الله ألاّ أفقد مسَرَّاتي الصغيرة التي تُجدّد في داخلِي الرغبةَ بالاستمرار ، ألاّ أفقِد رتابة روحي في فوضوية الأيام ، ألاّ أُضيعَ الطريق ولا أخسر الرفيق ، ألاّ أكون عثرةً في درب أحد ، ألاّ تتساوى في عيني جميعُ الأشياء ، أن لا يموت فيّ الجزء الذي يُقاوِم "

‏يقول أحمد حلمي :
‏كل ما أسألها " زعلانه مني؟ " وتجاوبني بـ آه
‏بحس بأمان ، زعلانه يعني عتبانه ، عتبانه يعني مهتمه ، ومهتمه يعني بتحبني ، خوفي الوحيد يجي يوم وتبطل تزعل مني ، يجي يوم وتقولي
‏" لأ عادي مفيش حاجه "

‏" تنفس الصبح والنور إبتدا بالظهور
‏وأنا على جلسة البارح ما غيرتها

‏أفكاري تدور والدنيا تلف وتدور
‏ولا فيه ذكرى قديمه ما تذكرتها

‏أعيش بحالة إستنكار ذات وشعور
‏وصلت نقطه غريبه ما تصورتها

‏أحس روحي لحقها قل جهد وفتور
‏من كثر ما أحترت فأحلامي وحيرتها

‏عودتها كل من يبعد بعيد معذور
‏وعمرتها بالتسامح لين دمرتها

‏أحيان أقول ليت الله خلقنا طيور
‏وأقدر أتلاحق الفرصه لا طيرتها

‏أو ليت ربي مكملني بقلبٍ صبور
‏إن كان نفسي من الأوهام حررتها

‏أنا قبل ساعات وأيام وشهور
‏نفذت من غلطة الشاطر وكررتها " ..