🇦🇿 Hijob — jinoyat emas! E’tiqod — hech qanday qurol yoki shaytoniy siyosat bilan yo‘q bo‘lmaydi !

Ozarbayjonda musulmon qizlarning hijob sababli ta’lim olish huquqidan mahrum etilishi — insonning vijdon erkinligi, diniy e’tiqodi va sha’niga tajovuzdir.

Ey Ozarbayjon hukmdorlari! Sizlar maktab eshiklarini hijobli qizlar yuziga yopishingiz mumkin, ammo ularning qalbidagi iymon eshigini yopa olmaysiz! Sizlar sinfxonalardan hijobni quvib chiqarishingiz mumkin, ammo musulmon xalqning e’tiqodini qalblaridan sug‘urib tashlay olmaysiz!

Qaysi adolat mezoniga ko‘ra, bir o‘quvchi boshidagi ro‘mol sababli ilm olishdan mahrum qilinadi? Ilm olish uchun hijobini yechishi shart bo‘lgan qizga ta’lim berayotgan tizim aslida nimani himoya qilmoqda: ilmnimi yoki majburlashnimi?

Dunyoga inson huquqlari haqida gapiradiganlar, endi o‘z mamlakatingizdagi musulmon qizlarning huquqlariga ham qarang! Diniy erkinlik faqat ayrimlar uchun amal qiladigan imtiyoz emas. U har bir insonning haqqidir.

Biz bu cheklovlarni qoralaymiz va Ozarbayjon hukumatidan hijobga qarshi siyosatni to‘xtatishni, o‘quvchi qizlarning ta’lim olish huquqini tiklashni hamda musulmonlarning diniy e’tiqodiga hurmat bilan munosabatda bo‘lishni talab qilamiz.

Unutmang: hokimiyatning kuchi insonlarning e’tiqodini sindirish bilan emas, ularning huquqlarini himoya qilish bilan namoyon bo‘ladi.

Hijob — iffat va e’tiqod ramzi!
Ilm olish — har bir bolaning haqqi!
Diniy erkinlik — insonning ajralmas huquqi!

Ozarbayjon musulmon qizlari yolg‘iz emas. Zulmga qarshi haqli talablarimizni ovoz chiqarib aytamiz: HIJOBGA TAQIQ BEKOR QILINSIN!

✍ Sirotul mustaqim kanalining «hijobga qarshi qonun»ga e'tirozli bayonoti

✅ http://telegram.me/ahlibayt313

🌺 Otasining ziynati Hazrati Zaynab (salomullohi alayho)ning tavallud kunlari va Hamshiralar kuni muborak bo‘lsin! 💐💐💐💐

❇️ http://telegram.me/ahlibayt313

❇️ Hazrati Zaynabning (salomullohi alayho) tavalludlariga bag‘ishlangan lavha

Bismillahir Rohmanir Rohim

🌟 Hazrati Zaynab Kubro (salomullohi alayho) — Payg‘ambarimiz Muhammad Mustafo (sallallohu alayhi va olihi vasallam)ning nabiralari, Hazrati Ali (salomullohi alayh) va Hazrati Fotima (salomullohi alayho)ning uchinchi farzandlari, birinchi qizlari va Islom olamining ulkan shaxsiyatlaridan biri hisoblanadilar. U kishi 5-Jumodiyul avval, 5 yoki 6-hijriy yilda (Hudaybiya sulhidan so‘ng va Imom Husayn ibn Ali (alayhissalom) tavalludlaridan ikki yil o‘tgach) Madina shahrining “Bani Hoshim” mahallasida dunyoga keldilar.

💫 Hazrati Zaynabning (salomullohi alayho) ism va laqablari

Turli rivoyatlarga ko‘ra, Payg‘ambar Akram (sallallohu alayhi va olihi vasallam) Hazrati Fotimaning (salomullohi alayho) qizlari uchun “Zaynab” ismini tanladilar. Bu nom Jabroil (alayhissalom) vositaliklarida Alloh taolo tomonidan Payg‘ambar (sallallohu alayhi va olihi vasallam)ga yetkazilgan edi.

🌺 “Zaynab” ismi lug‘atda go‘zal manzarali va xushbo‘y daraxt ma’nosini anglatadi yoki “زین اب” (ota faxri) degan ma’noga ega. U kishining kunyalarі “Ummul Hasan” va “Ummul Kulsum” edi.

🪷 Hazrati Zaynab (salomullohi alayho) uchun ko‘plab laqablar rivoyat qilingan, masalan: “Aqilayi Bani Hoshim”, “Olimayi g‘ayri muallima”, “Orifa”, “Muassiqа”, “Fozila”, “Komila”, “Obidayi Oli Ali”, “Ma’sumayi sug‘ro”, “Aminatulloh”, “Noibatuz Zahro”, “Noibatul Husayn”, “Aqilatun-niso”, “Sharikat ush-shuhado”, “Balig‘a”, “Fasiha” va “Sharikatul Husayn”.

🥀 Hazrati Zaynab (salomullohi alayho) ko‘plab musibat va qiyinchiliklar tufayli “Ummul-Masoib” (musibatlar onasi) deb ham ataladi. U kishining hayotlarida og‘ir va achchiq voqealar yuz bergan, jumladan: jaddilari Payg‘ambar (sallallohu alayhi va olihi vasallam)ning shahodatlari, mehribon onalarining dushman zarbalaridan keyin olgan jarohatlari va shahid bo‘lishlari, otalari Amirul mo‘minin (alayhissalom)ning shahid bo‘lishlari, birodarlari Imom Hasan Mujtaba (alayhissalom)ning shahid bo‘lishlari, Karbalo voqeasi hamda Kufa va Shomga asirlikka olinishi.

✅ http://telegram.me/ahlibayt313

💠 Hazrati Zaynab (salomullohi alayho)ning oilalari.

Hazrati Zaynab (salomullohi alayho) o‘z amug‘illari Abdulloh ibn Ja’farga turmushga chiqqanlar. Ayrim tarixchilarga ko‘ra, bu nikoh 17-hijriy yilda sodir bo‘lgan.

💠 Hazrati Zaynab (salomullohi alayho)ning farzandlari

Manbalarga ko‘ra, Hazrati Zaynab (salomullohi alayho) va Abdulloh ibn Ja’farning to‘rt o‘g‘llari — Ali, Aun, Abbos, Muhammad va bir qizlari — Kulsum bo‘lgan.

📍 Aun va Muhammad Oshuro kuni Karbaloda shahid bo‘lishgan.

✅ http://telegram.me/ahlibayt313

♦️ Falastin qarshilik harakati yetakchisi Yahyo Sinvorning shahodatining ikkinchi yilligi.

Yahyo Sinvor:

🔹 29-oktabrda dunyoga keldi.

🔹 18-oktabrda qamoqdan ozod qilindi.

🔹 7-oktabrda «Aqso to‘foni» operatsiyasini amalga oshirdi.

🔹 16-oktabrda jang maydonida shahid bo‘ldi.

🚩 Ey oktabrning porloq yulduzi, sen hech qachon so‘nmaysan!

✅ http://telegram.me/ahlibayt313

📹 isroil armiyasi kvadrokopteri tomonidan tasvirga olingan shahid qo‘mondon Yahyo Sinvorning hayoti va kurashining so‘nggi lahzalari.

✅ http://telegram.me/ahlibayt313

❇️ Imom Shahid Xomanaiy:

Hazrati Zaynab Kubro (salomullohi alayho)ning qahramonligi — Ashuro qahramonligining to‘ldiruvchisidir. Balki, bir ma’noda, Bibi Zaynab Kubro (salomullohi alayho) yaratgan qahramonlik Ashuro qahramonligini qayta tiriltirgan va uni saqlab qolgan.

Hazrati Zaynab Kubro (salomullohi alayho)ning buyukligini tarixdagi boshqa ulkan voqealar bilan taqqoslab baholab bo‘lmaydi. Uni aynan Ashuro voqeasining o‘zi bilan taqqoslash kerak. Insof bilan aytganda, bu ikki buyuk hodisa bir-biriga tengdir.

Bu ulug‘vor inson, Islomning, balki butun bashariyatning buyuk ayoli og‘ir musibatlar tog‘i qarshisida ham o‘z qomatini tik va mag‘rur tutishga muvaffaq bo‘ldi...

U dushmanlar bilan yuzma-yuz kelganda ham, musibatlar va achchiq hodisalarga duch kelganda ham, yuksak va mag‘rur tog‘ cho‘qqisidek mustahkam turdi.

U ibrat bo‘ldi, namuna bo‘ldi, peshvo bo‘ldi, yo‘l boshlovchi bo‘ldi.

✅ http://telegram.me/ahlibayt313

Bismillahir Rohmanir Rohiym

⚫️ 10-jumodiyul-avval — Jamal jangi kunidir.

⚔ Jamal jangi 36-hijriy yilda Iroqning Basra shahri yaqinida yuz bergan. Jangga sabab Talha bin Ubaydulloh, Zubayr bin Avvom va Oyisha binti Abu Bakr o‘ldirilgan xalifa Usmon ibn Affon qasosini olmoqlik bahonasida haq xalifa Imom Ali ibn Abu Tolib (a)ga qarshi qo‘shin to‘plab, Basra shahrini qo‘lga olib, Hazrati Amirul mo‘minin Ali (alayhissalom)ning u shahardagi namoyandasini shahardan chiqargan hollari bo‘lgan.

Jangning «Jamal» deb nomlanishiga sabab esa Hazrati Ali (a)ga qarshi chiqqan qo‘shinning ma’naviy boshlig‘i Oyishaning tuya (arab tilida tuya «jamal» deyiladi) ustida qo‘shinga boshchilik qilgani bo‘lgan. Bu jang Islom tarixida chuqur iz qoldirgan janglardan biri bo‘lib qoldi.

Bunga bir necha sabablar bor:

📌 Talha, Zubayr va Oyisha boshchiligida boshlangan bu jang Islom tarixida yuz bergan ilk doxiliy (ichki) jangdir.

🔹 Payg‘ambar (sallallohu alayhi va olihi vasallam)dan turli sanadlar bilan naql qilingan hadislarda Hazrati Amirul mu‘minin Ali (alayhissalom)ning «Noqisin» (ahd buzganlar), «Moriqin» (dindan chiqqanlar) va «Qositin» (haq yo‘lidan chiqib, botillikka moyil bo‘lganlar) bilan jang qilishlari bildirilgan.

📚 Alloma Amini, «Al-G‘adir», 1-jild, 337-sahifa.

◾️ Bu hodisa asosan, Jamal jangida Hazrati Amirul mu‘minin Ali (alayhissalom)ga qarshi urush qilganlar Payg‘ambar (sallallohu alayhi va olihi vasallam) taraflaridan «Noqisin» deb nomlanganlari bilan bog‘liqdir.

🔺 Bu jang ko‘plab insonlarning o‘limiga sabab bo‘ldi. Ahli sunna olimlaridan bo‘lgan Ibn Asir o‘lganlar soni o‘n mingga yaqin bo‘lganini bildirgan.

📚 Ibn Asir, «Al-Bidoya van-Nihoya», 10-jild, 473-sahifa.

Ba’zi tarixchilar esa bu jangda Amirul mu‘minin Ali (alayhissalom) qo‘shinlaridan besh ming nafar shahid bo‘lgani, qarshi tarafdan esa o‘n uch ming nafar kishi qatl etilganini bildirganlar.

📚 Mas’udiy, «Muruju-z-zahab», 2-jild, 289-sahifa.

Bu jang natijasida Talha va Zubayr ham o‘ldirilgan.

📍 Jamal jangi Hazrati Ali (alayhissalom)ning g‘alabasi va qarshi tarafning mag‘lubiyati bilan yakunlandi.

📚 Shayx Saduq, «Tavhid», 137-sahifa.

✅ http://telegram.me/ahlibayt313

Madina osmoni dud bilan to‘lib,
Jannatda saslardi Payg‘ambar ey voy
Xadija dilbandi, Zahroyi Athar
Dar-u divor orasida yonardi ey voy

🏴Assalomu alayki yo Fotimatuz Zahro🏴

📅 Fotimiyya ayyomi joriy yilning 24-oktabrdan to 13-noyabr kuniga qadardir.

🔥🥀🔥 Birinchi azodorlik 23-24-25-oktabr kunlari. (75 kunlik rivoyatga ko‘ra)

🔥🥀🔥 Ikkinchi azodorlik 12-13-14-noyabr kunlari. (95 kunlik rivoyatga ko‘ra)

✅ http://telegram.me/ahlibayt313

🏴 Sizsiz ötadigan ilk Fotimiyya ayyomiga yetib keldik...😭

✅ http://telegram.me/ahlibayt313

🇫🇷🏴‍☠ Fransiyadagi norozilik namoyishlarida isroil izlarini yo‘qotib qo‘ymang!

Videoda politsiya do‘konlarga hujum qilib, ularni vayron qilgan ayrim kishilarni qo‘lga olish uchun bostirib kirganini ko‘rasiz. Biroq to‘satdan ularning o‘zlari bilan hamkorlik qilayotgan, fuqarolik kiyimidagi shaxslar ekanini anglab qoladi!

Yoshlar orasiga singib kirib, tartibsizliklar uyushtirayotgan fuqarolik kiyimidagi shaxslar aks etgan ko‘plab tasvirlar tarqaldi.

Tramp tartibsizliklarda muhojirlar va musulmonlarni ayblaganida, bu voqealar ortida isroilning qo‘li borligidan shubhalanish kerak.

🇦🇱Albaniya kabi boshqa mamlakatlarda ham isroilliklar ekani aytilgan va tartibsizliklarni boshqarayotgan shaxslar aks etgan videolar tarqalgan.

🇺🇸🏴‍☠🇪🇺Dunyoni musulmonlar va muhojirlardan qo‘rqitish — isroil va AQShning navbatdagi hujumlari hamda jinoyatlarini oqlash uchun zamin yaratishdir. Ular Yevropani ham o‘z tomonlariga og‘dirmoqchi.

✅ http://telegram.me/ahlibayt313

"Manim onom javon ölub..."

🎙 Marhum Muhammad Boqir Mansuriy

#Ayyomi_Fotimiyya

✅ http://telegram.me/ahlibayt313

Madinadan xabar kelar, ey vo-vaylo,
Hasan Husayn ona deyar, ey vo-vaylo.
Oqshom g‘usli kafan bo‘lib, ey vo-vaylo,
Zahro onam qabrga ketar, ey vo-vaylo.

🏴 Kirib kelgan Fotimiyya azodorlik kunlari bilan avval boshda butun bashariyat najotkori, Hazrat Zahro (salomullohi alayho) qasdlarini oluvchi Imom Zamon (ajjalallohu taolo farajahush sharif) og‘omizga va xonim Zahro (salomullohi alayho)ning barcha oshiqlariga tasliyat izhor qilamiz.

✅ http://telegram.me/ahlibayt313