🗓 Safar oyining taqvimi

⚫️ 1-safar (16-iyul) — Karbalo asirlarining Shom shahriga kirib kelgan kunlari.

⚫️ 1-safar (16-iyul) — Seffiyn jangi boshlangan kuni. (37 h.q.)

🟢 3-safar (18-iyul) — ba'zi rivoyatlarga asosan hazrati Imom Muhammad Boqir (alayhissalom)ning tavallud kunlari.

⚫️ 5-safar (20-iyul) — Imom Husayn (alayhissalom)ning uch yoshli qizlari hazrati Ruqayya (salomullohi alayho)ning shahodat kunlari.

⚫️ 7-safar (22-iyul) — ba'zi rivoyatlarga asosan Imom Hasan Mujtabo (alayhissalom)ning shahodat kunlari.

⚫️ 9-safar (24-iyul) — Ammor ibn Yosir (rizvonullohi taolo alayh)ning shahodat kunlari.

⚫️ 20-safar (4-avgust) — Arbain. Imom Husayn (alayhissalom)ning shahodatlarining qirqinchi kuni. Jobir ibn Abdulloh Ansoriy (rizvonullohi taolo alayh)ning Karbaloga kirib kelishlari.

⚫️ 28-safar (12-avgust) — Sarvari koinot Payg'ambarimiz Muhammad Mustafo (sallallohu alayhi va olihi vasallam) va suyukli nabiralari Imom Hasan Mujtabo (alayhissalom)ning shahodat kunlari.

⚫️ Safar oyining oxirgi kuni (13-avgust) — G'aribi Xuroson Imom Rizo (alayhissalom)ning shahodat kunlari.

🏴 Kanalimizga a'zo bo'ling ⤵️
✅http://telegram.me/ahlibayt313

7-safar Imom Hasan Mujtabo (alayhissalom)ning shahid bo‘lishlari va muborak jasadlarining o‘qqa tutilishi

Ushbu kunda, hijriy 50-yilda, Imom Hasan Mujtabo (alayhissalom) 47 yoshlarida Madina shahrida shahid bo‘ldilar. Ammo Shia ulamolari orasida mashhur bo‘lgan qarashga ko‘ra, u zotning shahodatlari 28-Safar kuniga to‘g‘ri keladi.

Rasululloh (sallallohu alayhi va olihi vasallam) Imom Hasan Mujtabo (alayhissalom) haqida marhamat qilganlar:

«Kim Hasan (alayhissalom) uchun yig‘lasa, ko‘zlar hech narsani ko‘ra olmaydigan Qiyomat kunida uning ko‘zi ko‘r bo‘lmaydi. Kim u zotning musibatidan g‘amgin bo‘lsa, qalblar g‘amga botadigan kunda uning qalbi g‘amgin bo‘lmaydi. Kim u zotni Baqi` qabristonidagi qabrlarini ziyorat qilsa, oyoqlar sirot ko‘prig‘ida toyadigan kunda uning qadami sobit bo‘ladi.»

✅ Imom Hasan Mujtabo (alayhissalom)ning ayrim fazilatlari

U zot saxovat va karamda barchaga mashhur edilar. Hatto muborak umrlarida uch marta butun mol-mulklarini, hatto oyoq kiyimlarigacha Alloh yo‘lida ehson qilganlar.

Shuningdek, u zotning sabr-toqati va hilm-fazilati hammani hayratga solgan.

Marvon la’natullohi alayh, Imomga nisbatan kuchli adovat va nafratiga qaramay, Imom Hasan Mujtabo (alayhissalom)ning tobutlari o‘qqa tutilganidan keyin kelib, tobutni yelkasiga oldi.

Imom Husayn (alayhissalom) undan so‘radilar:

— «Kechagina unga nisbatan nafrat va g‘azabda eding, bugun esa uning tobutini ko‘taryapsan?»

Mal'un javob berdi:

«Men shunday bir zotga ozor berdimki, uning hilmi tog‘lar bilan teng edi.»


🏴 Imom Hasan (alayhissalom)ning shahodatlari

Imom Hasan (alayhissalom) bilan Muoviya la‘natullohi alayh o‘rtalaridagi sulhdan so‘ng, u zot Madinaga qaytdilar va u yerda o‘n yil yashadilar.

So‘ng mal'un Muoviya Ja'da binti Ash'as la‘natullohi alayho orqali Imomni zaharlatdi. Zaharning ta'siri qirq kun davom etdi.

Shahodatlari yaqinlashganda, Imom Hasan (alayhissalom) Imom Husayn (alayhissalom)ni hamda Amirul mo‘minin Hazrat Ali (alayhissalom)ning boshqa farzandlarini huzurlariga chaqirdilar.

U zot imomat omonatlari, Rasululloh (sallallohu alayhi va olih) va Amirul mo‘minin (alayhissalom)ning kitoblari hamda muborak qurollarini Imom Husayn (alayhissalom)ga topshirdilar.

Shuningdek, Amirul mo‘minin (alayhissalom)ning vasiyatlariga muvofiq Ahlibayt va shialariga shunday vasiyat qildilar:

«Mendan keyingi imom — birodarim Husayn (alayhissalom)dir. Uning amrlariga itoat qiling va unga qarshi chiqishdan saqlaning.»

So‘ng dedilar:

«Sizlarni Allohga topshiraman. U sizlar ustidagi mening xalifamdir.»

Keyin muborak ko‘zlarini yumdilar, qo‘l va oyoqlarini uzatdilar va:

«لا إله إلا الله» La ilaha illalloh

«Allohdan o‘zga iloh yo‘q»degan holda bu foniy dunyodan rihlat qildilar.

Hazratning uylaridan faryod va yig‘i ovozlari ko‘tarildi. Madina shahri Rasululloh (sallallohu alayhi va olih) vafot etgan kundagidek motamga botdi.

Birodarlari, farzandlari va shialari marsiya va motam bilan yig‘ladilar.

Imom Husayn (alayhissalom) ko‘z yosh to‘kkan holda akalarining muborak jasadlarini g‘usl qildilar, xushbo‘ylantirib, hanut qilib, kafanladilar.

So‘ng u mazlum zotga janoza namozini o‘qidilar va Rasululloh (sallallohu alayhi va olih) bilan so‘nggi ahdni yangilash uchun muborak jasadni Ravzai Mutahharaga olib bordilar. O‘sha mashhur va alamli voqealar aynan shu yerda yuz berdi.

Keyin muborak jasad Baqi' qabristoniga olib kelindi.

Imom Husayn (alayhissalom) o‘zlari qabr ichiga tushib, akalarini dafn qildilar.

Qabrdan chiqayotganlarida ko‘z yosh to‘kib ushbu marsiyani o‘qidilar:

> «أأدهن رأسي أم أطيب محاسني
ورأسك معفور وأنت سليب؟»

«Qanday qilib boshimga moy surtay yoki sochimni bezatay, holbuki sizning muborak boshiz tuproqqa belangan, o‘zingiz esa mazlum holda yotibsiz ?»

«بكائي طويل والدموع غزيرة
وأنت بعيد والمزار قريب»

«Yig‘im uzoq davom etadi, ko‘z yoshlarim esa mo‘l bo‘ladi. Siz mendan uzoqdasiz, ammo qabringiz juda yaqin.»

📚Manbalar:

Tuvzihul maqosid: 6-sah.
Amoliy Saduq: 177-sah.
Bihorul-anvor: 44-jild, 145-sah.
Moniqibu oli Abi Tolib alayhimussalom

🏴 Kanalimizga a’zo bo‘ling ⤵️
✅ http://telegram.me/ahlibayt313

❇️ Mirzoyi Qummiy

Mirzoyi Qummiyning buyuk fazilatlaridan biri shuki, u boshqa sadoqatli va haqiqiy shia ulamolari kabi o‘z zamonasining zolim sultoni bilan yaqinlashish va unga qo‘shilishdan qat'iy tiyilar edi. Sulton unga qanchalik hurmat va ixlos ko‘rsatsa, u shunchalik beparvo bo‘lib, undan yanada uzoqlashardi.

Qojorlar sulolasining qudratli podshohi Fath Ali Shoh uni ziyorat qilish va uchrashish uchun poytaxtdan Qumga kelardi. Ammo Mirzo saroyga borishdan yoki hukumat bilan aloqa o‘rnatishdan qat'iyan bosh tortardi. Chunki u bunday ishni o‘z dini va oxiratiga xavfli deb bilardi.

Shu sababli, uchrashuvlarning birida Fath Ali Shoh undan qizini Mirzoning o‘g‘liga turmushga berishga ruxsat so‘rab, shu orqali o‘z oilasi bilan Mirzo o‘rtasida qarindoshlik rishtalarini o‘rnatmoqchi bo‘lganida, Mirzo bu taklifdan qattiq ranjidi va xavotirga tushdi hamda uni rad etdi. Uchrashuv natijasiz yakunlandi.

Biroq Mirzo podshohning keyinchalik bu masalada qattiq turib olishi va uni majburlashi mumkinligidan qo‘rqdi. Shunda u qo‘lini duo uchun ko‘tarib:

«Ey Alloh! Agar shahzoda mening o‘g‘limga turmushga chiqishi taqdir qilingan bo‘lsa, unda o‘g‘limning jonini olgin», — deb iltijo qildi.

Eslatib o‘tish kerakki, Mirzoning faqat bitta o‘g‘li bor edi. Shunga qaramay, u bu nikohni qabul qilishni shu qadar og‘ir deb bildiki, go‘yo Misr ayollarining vasvasalari qarshisida turgan Hazrat Yusuf (alayhissalom)ning:

«Parvardigorim! Meni chorlayotgan narsadan ko‘ra zindon menga sevimliroqdir», degan so‘zlarini o‘z holiga tatbiq etdi. Go‘yo u shunday der edi:

«Ey Alloh! Yagona yosh o‘g‘limning vafoti, barcha og‘irligiga qaramay, bu nikohni qabul qilishdan men uchun afzalroqdir.»

Ko‘p o‘tmay, uning yosh o‘g‘li suvga cho‘kib vafot etdi.

Bu voqeadan ma'lum bo‘ladiki, Mirzo Alloh taolo huzurida shunday yuksak maqomga ega ediki, uning duolari mustajob bo‘lar edi.

🏴 Kanalimizga a’zo bo‘ling ⤵️
✅ http://telegram.me/ahlibayt313

❇️ Imom Muhammad Boqir (alayhissalom) marhamat qiladilar:

لَوْ يَعْلَمُ النَّاسُ مَا فِي زِيَارَةِ قَبْرِ الْحُسَيْنِ عَلَيْهِ السَّلَامُ مِنَ الْفَضْلِ، لَمَاتُوا شَوْقًا


Agar odamlar Imom Husayn (alayhissalom) qabrini ziyorat qilishda qanday ulkan fazilatlar borligini bilganlarida, unga bo‘lgan shavq va sog‘inchdan jon bergan bo‘lardilar.

🏴 Kanalimizga a’zo bo‘ling ⤵️
✅ http://telegram.me/ahlibayt313

🔴 Oyatulloh al-Uzmo Javodiy Omuliy:

🔵 Hech o‘ylaganmidik, bir kun kelib dunyoning ikki qudratli davlatini tiz cho‘ktiradigan darajaga yetamizmi deb? Bu mo‘jiza emasmi? Agar mo‘jiza bo‘lmasa, unda nima?

🔵 Bir zamonlar Oyatulloh Burujerdiy hatto isroilga qarshi va Misr xalqini qo‘llab-quvvatlash uchun bir duo majlisini ham o‘tkaza olmas edilar.

Qarang, qayerdan qayerga yetib keldik!

🇮🇷Salom bo‘lsin Xumayniyga
🏴‍☠O'lim bo‘lsin Pahlaviyga

🏴 Kanalimizga a’zo bo‘ling ⤵️
✅ http://telegram.me/ahlibayt313

🔴 Doruz-Zikr ravoqi ziyoratchilar uchun o‘z bag‘rini ochdi

Shahid Rahbarimiz Imom Xomanaiy rizvonullohi taolo alayh maqbaralari joylashgan Doruz-Zikr ravoqi Imom Rizo (alayhissalom)ning mutahhar haramlarida oshiq va ziyoratchilar uchun o‘z bag‘rini ochdi.

26.07.2026

🇮🇷 Kanalimizga a’zo bo‘ling ⤵️
✅ http://telegram.me/ahlibayt313

🏴 28-Safar — Payg‘ambarimiz Muhammad Mustafo (s.a.o.v) va Imom Hasan Mujtabo (a.s.)ning shahodat kunlari 🏴

Bugun — Safar oyining 28-kuni (12.08.2026). Bu kun Rasululloh (s.a.o.v)ning shahodatlari va vahiy eshiklarining yopilgan kunidir. U zotning shahodatlari Ahlibayt (a.s.) boshiga kelgan ulkan musibatlarning boshlanishiga sabab bo‘ldi.

🥀 Shuningdek, Rasululloh (s.a.o.v)ning suyukli nabiralari, Hazrati Ali (a.s.) va Fotimai Zahro (s.a.) farzandlari Imom Hasan Mujtabo (a.s.)ning shahodat kunlaridir.

🏴 Ushbu og‘ir musibat munosabati bilan avvalo Hazrati Baqiyyatullohil A’zam Imom Mahdiy (ajjalallohu taolo farajahu sharif) og‘omizga va barcha Ahlibayt (a.s.) oshiq­lariga ta’ziya izhor qilamiz.

🖤 Assalomu alayka ya Rasulalloh...

🖤 Assalomu alayka ya Hasan ibn Ali...

🖤 Assalomu alaykum ya Ahlalbayti Rasulilloh...

🏴 Kanalimizga a’zo bo‘ling ⤵️
✅ http://telegram.me/ahlibayt313

🏴 Payg‘ambarimiz (sallallohu alayhi va olihi vasallam)ning shahodatlari munosabati bilan Madina motam libosiga burkanmaydi

Payg‘ambar Akram (sallallohu alayhi va olihi vasallam)ning shahodatlari munosabati bilan bir vaqtda Masjidun-Nabaviy dunyoning turli mamlakatlaridan kelgan ziyoratchilar bilan gavjum. Ammo Madinada ommaviy motam marosimlari, marsiya va navha o‘qish hamda haramning qora rangga burkanishi kuzatilmaydi.

🤲 Allohim, Saud oilasi va vahobiylikni o‘zing nobud qilgin.

🏴 Kanalimizga a’zo bo‘ling ⤵️
✅ http://telegram.me/ahlibayt313

💠 Vafot yoki shahodat? Ishonchli manbalar asosida tarixiy voqeani o‘rganish

🚩 Rasululloh (sallallohu alayhi va olihi vasallam)ning shahodat topganlari ishonchli shia va sunniy manbalarida ta’kidlangan. Quyida ushbu masalaga oid ayrim hujjat va dalillar keltiriladi:

◽️ Shayx Mufid (r.a.): Rasululloh (sallallohu alayhi va olihi vasallam) 28-Safar kuni zaharlangan holda dunyodan o‘tganlar.

◽️ Shayx Tusiy (r.a.): Rasululloh (sallallohu alayhi va olihi vasallam) hijratning 10-yili, 28-Safar dushanba kuni, zaharlangan holda dunyodan o‘tganlar.

◽️ Shayx Tabarsiy (r.a.) ham Payg‘ambar (sallallohu alayhi va olihi vasallam)ning shahid bo‘lganlarini ochiq ta’kidlagan.

◽️ Ibn Fattol Nishopuriy (r.a.): U ham Rasululloh (sallallohu alayhi va olihi vasallam)ning 28-Safar kuni, 63 yoshlarida vafot etganlarini zikr qilib, u zotning zaharlanganlarini qayd etgan.

◽️ Alloma Hilliy (r.a.) ham Rasululloh (sallallohu alayhi va olihi vasallam)ning dunyodan o‘tishlariga sabab zaharlanish bo‘lganini aytgan va shahodat sanasini 28-Safar deb ko‘rsatgan.

📌 Shuningdek, Muhammad ibn Ali Ardabiliy va Alloma Majlisiy (r.a.) kabi ulamolar ham ushbu qarashni tasdiqlaganlar. Ahl as-Sunna manbalaridan Hokim Nishopuriy, San’oniy, Zuhriy, Musnadi Ahmad, Suyutiy va Sahih Buxoriyda ham Rasululloh (sallallohu alayhi va olihi vasallam)ning zaharlanganlariga dalolat qiluvchi rivoyatlar keltirilgan.

🏴 Kanalimizga a’zo bo‘ling ⤵️
✅ http://telegram.me/ahlibayt313

🏴 Imom Ali ibn Muso ar-Rizo (alayhissalom) shahodat kunlari 🏴

▪️ Ismlari: Ali

▪️ Laqablari: Rizo, Olimu Oli Muhammad (a), G‘aribul-g‘urabo...

▪️ Kunyalar: Abul Hasan

▪️ Otalari: Musoyi Kozim (a)

▪️ Onalari: Najma xotun (s.a)

▪️ Umrlari: 55 yosh

▪️ Imomat muddatlari: 20 yil

▪️ Farzandlari: Muhammad Javod (a)

▪️ Umr yo‘ldoshlari: Sabikah (s.a)

▪️ Tug‘ilish tarixi va yeri: 148-hijriy yil 11-Zulqa’da, Madina shahrida payshanba kuni dunyoga kelganlar.

▪️ Shahodat tarixi va yeri: 203-hijriy yil Safar oyining oxirida, seshanba kuni Imomni Abbosiy xalifa Ma’mun (la’natulloh) Tus (hozirgi Mashhad) shahrida zaharlab, shahodatga yetkazadi. Qabrlari Eron Islom Jumhuriyatining Mashhad shahrida.

🏴 Kanalimizga a’zo bo‘ling ⤵️
✅ http://telegram.me/ahlibayt313

🎥 Muharram va Safar oylaridagi qora motam liboslari Karbaloda yig‘ishtirildi.

🏴 Kanalimizga a’zo bo‘ling ⤵️
✅ http://telegram.me/ahlibayt313

❇️ Hazrati Fotimai Zahro salomullohi alayhoning uylariga hujum qilinishi

🤝 Odamlarni xalifaga bay’at qilishga chaqirib, ularni xalifaga bay’at-qasamyod qildirgach, Soniy bir guruh kishilar bilan Sarvari olamning nuri diydalari Hazrati Fotima (salomullohi alayho)ning uylari tomon yo‘l olishdi. Ularning orasida As’id ibn Huzayr va Salamat ibn Aslam ham bor edi. Ular Hazrati Ali (alayhissalom) va u zotning uylarida to‘planib olgan Bani Hoshimga xitob qilib:

«Chiqinglar va xalifaga bay’at-qasamyod qilinglar», deyishdi.

📍Lekin ular xalifaga bay’at qilishdan bo‘yin tovlashdi. Shunda Zubayr ibn Avvom qilich bilan chiqdi. Soniy: «Bu kishini ushlanglar», dedi. Salamat ibn Aslam unga hujum qilib, qilichni uning qo‘lidan oldi va uni devorga urdi.

👳🏻‍♂️ Ahli sunniy olimi Mas’udiy o‘zining «Murujuz-Zahab» nomli kitobida Bani Hoshimning xalifaga bay’at-qasamyod qilishlari borasida shunday deydi:

📝 Hazrati Fotima (salomullohi alayho) dunyodan ko‘z yumganlariga qadar Bani Hoshimdan hech kim Abu Bakrga bay’at qilmadi.

👳🏻‍♂️ Ahli sunniyning buyuk allomalaridan biri Ibn Abil Hadid o‘zining «Sharhu Nahjil Balog‘a» nomli kitobida Hazrati Fotima (salomullohi alayho)ning uyiga hujum qilib kelganliklari xususida shunday rivoyat qilgan:

📝 Soniy, Ansor va bir oz muhojirlardan tashkil topgan guruh bilan Hazrati Fotima (salomullohi alayho)ning uyiga kelib, shunday dedi:

«Jonim Uning qo‘lida bo‘lgan Zotga qasamki, xalifaga bay’at-qasamyod qilish uchun uydan chiqingiz yoki men uyni yoqib yuboraman».

🛡 Zubayr qilichini qinidan chiqarib, ularning qarshisida turdi. Ziyod ibn Labid Ansoriy bilan bir kishi Zubayrning bo‘ynini mahkam tutib, qisishdi. Shunda qilich Zubayrning qo‘lidan tushdi va Umar u qilichni toshga urib sindirdi. So‘ngra ularni uydan chiqarish maqsadida bo‘yinlaridan ushlab tortib chiqarishdi va xalifaga bay’at qilishlari uchun hurmatsizlarcha, ularni qattiq itarib haydagan holda olib borishdi.

— Xalifa dedi: «Ey Soniy, Xolid ibn Valid qayerda? U bilan birga borib, Ali va Zubayrni menga olib kelinglar».

🔸 Soniy va Xolid ibn Valid Hazrati Ali (alayhissalom)ning uylariga borishdi. Soniy uyga kirdi va Xolid esa tashqarida eshikning yonida to‘xtab turdi. Soniy Zubayrga dedi:

— «Bu qilich nima?»

Zubayr dedi:

— «Hazrati Ali (alayhissalom)ga bay’at qilish uchun tayyorlab qo‘yganman».

Uyda ko‘p kishilar bor edi. Shu jumladan, Miqdod ibn Asvad (roziyallohu anhu) va barcha Bani Hoshim uyga to‘planishgan edi. Shunda Soniy Zubayrning qilichini tortib oldi va uni uydagi toshga urib sindirdi. Keyin esa Zubayrning qo‘lidan tutib, uydan itarib chiqardi va Xolidga:

— «Buni ushlab turgin», — dedi.

Xolid uni tashqarida saqlab turdi. Holbuki, uyning tashqarisida Xolid bilan birga ko‘p kishilar bor edi. Xalifa ularni Soniy va Xolidga ko‘makchi bo‘lsinlar deb yuborgan edi.

So‘ngra Soniy uyga kirib, Hazrati Ali (alayhissalom)ga shunday dedi:

— «O‘rningizdan turib, xalifaga bay’at qiling».

Soniy bir oz qarab turdi. So‘ngra Hazrati Ali (alayhissalom)ning qo‘llarini tortib:

— «O‘rningizdan turing», — dedi.

Hazrati Ali (alayhissalom) o‘rinlaridan turishdan bosh tortdilar. Soniy esa u zotga tashlanib, Zubayrni uydan itarib chiqarganidek, u zotni ham itarib chiqardi.

So‘ngra Xolid u ikkalalarini tashqarida saqlab turdi va Soniy Hazrati Ali (alayhissalom) va Zubayrni hamda u zotning uyida bo‘lgan barcha kishilarni hurmatsizlarcha orqadan itarib, quvib olib borardi. Xalq esa to‘plangan holda tomosha qilardi. Madina ko‘chalari odamlarga liq to‘lib-toshgan edi.

Hazrati Fotima (salomullohi alayho) Soniy Hazrati Ali (alayhissalom)ga qilgan hurmatsizligini ko‘rib, faryod etib yig‘lardilar va u zot bilan birga Hoshimiy va boshqa ayollar to‘planishgan edi.

💠 Hazrati Fotima (salomullohi alayho) uylarining masjid tomoniga ochilgan eshigidan chiqib:

«Ey Abo Bakr, qanday ham tez Rasululloh (s. a.o.v.)ning xonadonlariga qarshi makru hiyla qildilaring. Alloh bilan uchrashgunimcha Soniy bilan so‘zlashmayman», — deb faryod qildilar.

📚 Ahli sunniyning tarixchi olimi Ibn Qutaybah o‘zining «Al-Imomatu vas-Siyosah» nomli kitobida Hazrati Ali (alayhissalom)ni xalifaga bay’at qilishga majbur etganliklari borasida shunday deydi:

🔰 Hazrati Ali (alayhissalom)ni xalifaga bay’at qilish uchun olib kelganlarida, u zot shunday derdilar:

«Men Allohning bandasi va Uning Rasulining birodariman».

Hazrati Ali (alayhissalom)ga qarab: «Xalifaga bay’at qiling», deyishdi.

💠 Shunda Hazrati Ali (alayhissalom) ularga dedilar:

«Men xalifalikka sizlardan ko‘ra haqliroqman, men sizlarga emas, balki sizlar menga bay’at-qasamyod qilishingiz lozim. Sizlar xalifalik mansabini Ansor toifasidan olib, Payg‘ambar (sallallohu alayhi va olihi vasallam)ga yaqin kishilar ekaningizni ularga qarshi hujjat va dalil qilib keltirdingiz. Holbuki, xalifalikni biz Ahli Baytdan nohaq tortib oldingiz. Sizlar Ansor guruhiga: “Muhammad (sallallohu alayhi va olihi vasallam) bizdan bo‘lgani uchun, biz xalifalikka haqliroqmiz”, demagandingizmi? Shunda ular xalifalik amalini sizlarga berib, rahbarlikni sizlarga topshirishdi. Sizlar Ansor guruhiga keltirgan dalillaringizni men ham aynan o‘sha dalillarni sizlarga keltiraman. Biz Rasululloh (sallallohu alayhi va olihi vasallam)ga hayot va mamot chog‘larida sizlardan ko‘ra haqliroqmiz. Agar Allohdan qo‘rqib, Unga iymon keltirgan bo‘lsangiz, bizga nisbatan insofli bo‘lingiz, aks holda bilib turib, zulmga qo‘l urgan bo‘lasiz».

Soniy Hazrati Ali (alayhissalom)ga: «Bay’at qilmaguningizcha sizni qo‘yib yubormaymiz», dedi.

💠 Hazrati Ali (alayhissalom) uning ushbu so‘ziga javoban shunday dedilar:

«Shunday bir sutni sog‘ginki, uning bir qismi seniki bo‘lsin! Bugun buning xalifalik mansabini mustahkam qilginki, ertaga uni senga qaytarib bergay».

💠 So‘ngra Hazrati Ali (alayhissalom) shunday dedilar:

❗️«Ey Soniy, Allohga qasamki, sening so‘zingni qabul etmay, xalifaga bay’at qilmagayman».

💢 Xalifa Hazrati Ali (alayhissalom)ga dedi: «Agar bay’at qilmasangiz, sizni majbur qilmaymiz».

💥 Abu Ubayda Hazrati Ali (alayhissalom)ga dedi: «Ey amakim o‘g‘li, Siz yoshsiz va u ikkisi [Shayxayn] esa qavmingizning keksa kishilaridir. Siz ular kabi tajribali va ishbilarmon emassiz. Bu sizga qaraganda xalifalik amalini boshqarishda kuchliroq bo‘lib, bu ishni yaxshi boshqara oladi. Shu bois, xalifalik mansabini unga topshiring. Zeroki, agar siz tirik qolib, uzoq umr ko‘rsangiz, xalifalik mansabi uchun yaralgansiz va xalifalik mansabini qo‘lga kiritishda hammadan ko‘ra haqliroqsiz. Va shuningdek, siz Payg‘ambar (sallallohu alayhi va olihi vasallam)ning kuyovlari bo‘lish kabi maqom-manzilatga ega bo‘lganingiz sababli hammadan ustun va afzalsiz».

💠 Hazrati Ali (alayhissalom) dedilar:

«Ey muhojirlar guruhi, Allohni yodga olingiz! Allohni yodga olingiz! Muhammad (sallallohu alayhi va olihi vasallam)ning xalifalik va vorisligini u zotning uyidan olib chiqib, o‘z uylaringizga o‘rnatib qo‘ymangiz! U zotning xonadoni ahlini insonlar orasidagi maqomidan va haq-huquqlaridan chetlashtirmangiz! Ey muhojirlar guruhi, Allohga qasamki, biz barcha insonlardan ko‘ra xalifalikka eng loyiq va haqli kishilarmiz. Zeroki, biz Rasulullohning xonadoni ahlimiz. Modomiki, Allohning Kitobini anglab o‘qiydigan, Allohning dinini tushunib yetgan, Rasulullohning sunnatlaridan ogoh bo‘lgan, xalqning ishini boshqara oluvchi bilimdon kishi, insonlarni yomon ishlardan qaytaruvchi va xalq o‘rtasida baytulmolni teng taqsimlovchi shaxs bizning oramizda bor ekan, biz sizlarga qaraganda xalifalikka eng haqli va loyiq kishilarmiz. Allohga qasamki, xalifalik va rahnamolik bizning oramizdadir, uni bizdan olib bo‘lmas. Shunday ekan, nafsоniy hoyu-havasga ergashmangiz, oqibat Allohning yo‘lidan ozasiz va haq yo‘ldan haddan ortiq uzoqlashursiz».

🔹 Bashir ibn Sa’d Ansoriy ushbu so‘zlarni eshitgandan so‘ng, shunday dedi:

«Ey Ali, agar Ansor guruhi ushbu so‘zlaringizni Xalifaga bay’at qilishdan oldin eshitishganida edi, hatto ikki kishi ham sizga qarshi chiqmagan bo‘lar edi».

🏴 Kanalimizga a’zo bo‘ling⤵️
✅ http://telegram.me/ahlibayt313