❇️ Hazrati Fotimai Zahro salomullohi alayhoning uylariga hujum qilinishi

🤝 Odamlarni xalifaga bay’at qilishga chaqirib, ularni xalifaga bay’at-qasamyod qildirgach, Soniy bir guruh kishilar bilan Sarvari olamning nuri diydalari Hazrati Fotima (salomullohi alayho)ning uylari tomon yo‘l olishdi. Ularning orasida As’id ibn Huzayr va Salamat ibn Aslam ham bor edi. Ular Hazrati Ali (alayhissalom) va u zotning uylarida to‘planib olgan Bani Hoshimga xitob qilib:

«Chiqinglar va xalifaga bay’at-qasamyod qilinglar», deyishdi.

📍Lekin ular xalifaga bay’at qilishdan bo‘yin tovlashdi. Shunda Zubayr ibn Avvom qilich bilan chiqdi. Soniy: «Bu kishini ushlanglar», dedi. Salamat ibn Aslam unga hujum qilib, qilichni uning qo‘lidan oldi va uni devorga urdi.

👳🏻‍♂️ Ahli sunniy olimi Mas’udiy o‘zining «Murujuz-Zahab» nomli kitobida Bani Hoshimning xalifaga bay’at-qasamyod qilishlari borasida shunday deydi:

📝 Hazrati Fotima (salomullohi alayho) dunyodan ko‘z yumganlariga qadar Bani Hoshimdan hech kim Abu Bakrga bay’at qilmadi.

👳🏻‍♂️ Ahli sunniyning buyuk allomalaridan biri Ibn Abil Hadid o‘zining «Sharhu Nahjil Balog‘a» nomli kitobida Hazrati Fotima (salomullohi alayho)ning uyiga hujum qilib kelganliklari xususida shunday rivoyat qilgan:

📝 Soniy, Ansor va bir oz muhojirlardan tashkil topgan guruh bilan Hazrati Fotima (salomullohi alayho)ning uyiga kelib, shunday dedi:

«Jonim Uning qo‘lida bo‘lgan Zotga qasamki, xalifaga bay’at-qasamyod qilish uchun uydan chiqingiz yoki men uyni yoqib yuboraman».

🛡 Zubayr qilichini qinidan chiqarib, ularning qarshisida turdi. Ziyod ibn Labid Ansoriy bilan bir kishi Zubayrning bo‘ynini mahkam tutib, qisishdi. Shunda qilich Zubayrning qo‘lidan tushdi va Umar u qilichni toshga urib sindirdi. So‘ngra ularni uydan chiqarish maqsadida bo‘yinlaridan ushlab tortib chiqarishdi va xalifaga bay’at qilishlari uchun hurmatsizlarcha, ularni qattiq itarib haydagan holda olib borishdi.

— Xalifa dedi: «Ey Soniy, Xolid ibn Valid qayerda? U bilan birga borib, Ali va Zubayrni menga olib kelinglar».

🔸 Soniy va Xolid ibn Valid Hazrati Ali (alayhissalom)ning uylariga borishdi. Soniy uyga kirdi va Xolid esa tashqarida eshikning yonida to‘xtab turdi. Soniy Zubayrga dedi:

— «Bu qilich nima?»

Zubayr dedi:

— «Hazrati Ali (alayhissalom)ga bay’at qilish uchun tayyorlab qo‘yganman».

Uyda ko‘p kishilar bor edi. Shu jumladan, Miqdod ibn Asvad (roziyallohu anhu) va barcha Bani Hoshim uyga to‘planishgan edi. Shunda Soniy Zubayrning qilichini tortib oldi va uni uydagi toshga urib sindirdi. Keyin esa Zubayrning qo‘lidan tutib, uydan itarib chiqardi va Xolidga:

— «Buni ushlab turgin», — dedi.

Xolid uni tashqarida saqlab turdi. Holbuki, uyning tashqarisida Xolid bilan birga ko‘p kishilar bor edi. Xalifa ularni Soniy va Xolidga ko‘makchi bo‘lsinlar deb yuborgan edi.

So‘ngra Soniy uyga kirib, Hazrati Ali (alayhissalom)ga shunday dedi:

— «O‘rningizdan turib, xalifaga bay’at qiling».

Soniy bir oz qarab turdi. So‘ngra Hazrati Ali (alayhissalom)ning qo‘llarini tortib:

— «O‘rningizdan turing», — dedi.

Hazrati Ali (alayhissalom) o‘rinlaridan turishdan bosh tortdilar. Soniy esa u zotga tashlanib, Zubayrni uydan itarib chiqarganidek, u zotni ham itarib chiqardi.

So‘ngra Xolid u ikkalalarini tashqarida saqlab turdi va Soniy Hazrati Ali (alayhissalom) va Zubayrni hamda u zotning uyida bo‘lgan barcha kishilarni hurmatsizlarcha orqadan itarib, quvib olib borardi. Xalq esa to‘plangan holda tomosha qilardi. Madina ko‘chalari odamlarga liq to‘lib-toshgan edi.

Hazrati Fotima (salomullohi alayho) Soniy Hazrati Ali (alayhissalom)ga qilgan hurmatsizligini ko‘rib, faryod etib yig‘lardilar va u zot bilan birga Hoshimiy va boshqa ayollar to‘planishgan edi.

💠 Hazrati Fotima (salomullohi alayho) uylarining masjid tomoniga ochilgan eshigidan chiqib:

«Ey Abo Bakr, qanday ham tez Rasululloh (s. a.o.v.)ning xonadonlariga qarshi makru hiyla qildilaring. Alloh bilan uchrashgunimcha Soniy bilan so‘zlashmayman», — deb faryod qildilar.

📚 Ahli sunniyning tarixchi olimi Ibn Qutaybah o‘zining «Al-Imomatu vas-Siyosah» nomli kitobida Hazrati Ali (alayhissalom)ni xalifaga bay’at qilishga majbur etganliklari borasida shunday deydi:

🔰 Hazrati Ali (alayhissalom)ni xalifaga bay’at qilish uchun olib kelganlarida, u zot shunday derdilar:

«Men Allohning bandasi va Uning Rasulining birodariman».

Hazrati Ali (alayhissalom)ga qarab: «Xalifaga bay’at qiling», deyishdi.

💠 Shunda Hazrati Ali (alayhissalom) ularga dedilar:

«Men xalifalikka sizlardan ko‘ra haqliroqman, men sizlarga emas, balki sizlar menga bay’at-qasamyod qilishingiz lozim. Sizlar xalifalik mansabini Ansor toifasidan olib, Payg‘ambar (sallallohu alayhi va olihi vasallam)ga yaqin kishilar ekaningizni ularga qarshi hujjat va dalil qilib keltirdingiz. Holbuki, xalifalikni biz Ahli Baytdan nohaq tortib oldingiz. Sizlar Ansor guruhiga: “Muhammad (sallallohu alayhi va olihi vasallam) bizdan bo‘lgani uchun, biz xalifalikka haqliroqmiz”, demagandingizmi? Shunda ular xalifalik amalini sizlarga berib, rahbarlikni sizlarga topshirishdi. Sizlar Ansor guruhiga keltirgan dalillaringizni men ham aynan o‘sha dalillarni sizlarga keltiraman. Biz Rasululloh (sallallohu alayhi va olihi vasallam)ga hayot va mamot chog‘larida sizlardan ko‘ra haqliroqmiz. Agar Allohdan qo‘rqib, Unga iymon keltirgan bo‘lsangiz, bizga nisbatan insofli bo‘lingiz, aks holda bilib turib, zulmga qo‘l urgan bo‘lasiz».

Soniy Hazrati Ali (alayhissalom)ga: «Bay’at qilmaguningizcha sizni qo‘yib yubormaymiz», dedi.

💠 Hazrati Ali (alayhissalom) uning ushbu so‘ziga javoban shunday dedilar:

«Shunday bir sutni sog‘ginki, uning bir qismi seniki bo‘lsin! Bugun buning xalifalik mansabini mustahkam qilginki, ertaga uni senga qaytarib bergay».

💠 So‘ngra Hazrati Ali (alayhissalom) shunday dedilar:

❗️«Ey Soniy, Allohga qasamki, sening so‘zingni qabul etmay, xalifaga bay’at qilmagayman».

💢 Xalifa Hazrati Ali (alayhissalom)ga dedi: «Agar bay’at qilmasangiz, sizni majbur qilmaymiz».

💥 Abu Ubayda Hazrati Ali (alayhissalom)ga dedi: «Ey amakim o‘g‘li, Siz yoshsiz va u ikkisi [Shayxayn] esa qavmingizning keksa kishilaridir. Siz ular kabi tajribali va ishbilarmon emassiz. Bu sizga qaraganda xalifalik amalini boshqarishda kuchliroq bo‘lib, bu ishni yaxshi boshqara oladi. Shu bois, xalifalik mansabini unga topshiring. Zeroki, agar siz tirik qolib, uzoq umr ko‘rsangiz, xalifalik mansabi uchun yaralgansiz va xalifalik mansabini qo‘lga kiritishda hammadan ko‘ra haqliroqsiz. Va shuningdek, siz Payg‘ambar (sallallohu alayhi va olihi vasallam)ning kuyovlari bo‘lish kabi maqom-manzilatga ega bo‘lganingiz sababli hammadan ustun va afzalsiz».

💠 Hazrati Ali (alayhissalom) dedilar:

«Ey muhojirlar guruhi, Allohni yodga olingiz! Allohni yodga olingiz! Muhammad (sallallohu alayhi va olihi vasallam)ning xalifalik va vorisligini u zotning uyidan olib chiqib, o‘z uylaringizga o‘rnatib qo‘ymangiz! U zotning xonadoni ahlini insonlar orasidagi maqomidan va haq-huquqlaridan chetlashtirmangiz! Ey muhojirlar guruhi, Allohga qasamki, biz barcha insonlardan ko‘ra xalifalikka eng loyiq va haqli kishilarmiz. Zeroki, biz Rasulullohning xonadoni ahlimiz. Modomiki, Allohning Kitobini anglab o‘qiydigan, Allohning dinini tushunib yetgan, Rasulullohning sunnatlaridan ogoh bo‘lgan, xalqning ishini boshqara oluvchi bilimdon kishi, insonlarni yomon ishlardan qaytaruvchi va xalq o‘rtasida baytulmolni teng taqsimlovchi shaxs bizning oramizda bor ekan, biz sizlarga qaraganda xalifalikka eng haqli va loyiq kishilarmiz. Allohga qasamki, xalifalik va rahnamolik bizning oramizdadir, uni bizdan olib bo‘lmas. Shunday ekan, nafsоniy hoyu-havasga ergashmangiz, oqibat Allohning yo‘lidan ozasiz va haq yo‘ldan haddan ortiq uzoqlashursiz».

🔹 Bashir ibn Sa’d Ansoriy ushbu so‘zlarni eshitgandan so‘ng, shunday dedi:

«Ey Ali, agar Ansor guruhi ushbu so‘zlaringizni Xalifaga bay’at qilishdan oldin eshitishganida edi, hatto ikki kishi ham sizga qarshi chiqmagan bo‘lar edi».

🏴 Kanalimizga a’zo bo‘ling⤵️
✅ http://telegram.me/ahlibayt313

روى اَنها عليهاالسلام ما زالَت بَعد اَبيها صلي الله عليه و آله معصبة الرأْس ناحلة الجسم منهدة الركن باكية العين محترقه القلب يُغشى عليها ساعة بَعدَ ساعَة

​​Hazrati Fotima (salomullohi alayho) Rasululloh (sallallohu alayhi va olih)dan keyin doimo boshlarini qattiq og‘riq tufayli bog‘lab yurardilar. Jasadlari ozib, nihollashib ketgan, butun vujudlari dard va iztirobdan bukilib qolgan, ko‘zlari tinmay yosh to‘kkan, qalblari esa hijron va g‘amdan kuyib-yonar edi. U zot soat sayin holsizlanib, hushlaridan ketib qolardilar.

❇️ Hazrati Fotima (a)ning yoshligida shahodat topishlariga sabab bo‘lgan narsalar — otalari shahodatlaridan keyin u zotga yetkazilgan jismoniy jarohatlar va zulmlar, uylariga bostirib kirilishi, eshiklarining yoqib yuborilishi, farzandlarining tushib qolishi bilan bir qatorda, ruhiy bosimlar, otalarining ayrilig‘i va Muvlo Ali (a)ning mazlumligi tufayli qalblarini ezgan g‘am-qayg‘ular ham u zotni holdan toydirib, oxir-oqibat shahodatlariga sabab bo‘ldi.

✅ http://telegram.me/ahlibayt313

Cəddə gecə babamı alqan içində gördüm
Cismin salıblar başsız, meydan içində gördüm

🇮🇶 Iroqlik turkmanlarning azodorlik majlisi.

🏴 Kanalimizga a’zo bo‘ling ⤵️
✅ http://telegram.me/ahlibayt313

🇮🇷 Siz ko'rib turgan, devorlari yomg'ir natijasida loyqalangan, kichik va oddiy uy bu dunyo musulmonlarining Rahbari Shahid Imom Xomanaiy (rizvonullohi taolo alayh)ga tegishli edi.

Rahbarlik bu xalqning puli bilan emas balki xalqning g‘ami bilan yashashdir.

🏴 Kanalimizga a’zo bo‘ling ⤵️
✅ http://telegram.me/ahlibayt313

❇️ Imom Hasan Askariy (alayhissalom) marhamat qiladilar :

«Yaxshilarning yaxshilarga bo‘lgan muhabbati — yaxshilar uchun savobdir. Fojirlarning yaxshilarga bo‘lgan muhabbati — yaxshilar uchun fazilatdir. Fojirlarning yaxshilarga bo‘lgan adovati — yaxshilar uchun ziynatdir. Yaxshilarning fojirlarga bo‘lgan adovati esa — fojirlar uchun xorlikdir.»

🏴 Kanalimizga a’zo bo‘ling ⤵️
✅ http://telegram.me/ahlibayt313

Yo Imom Zamon (a) bu g'amda siz bizga ravzaxon bo'ling 😭

🏴Каналимизга аъзо бўлинг⤵️
✅ http://telegram.me/ahlibayt313

🏴 Imom Hasan Askariy (alayhissalom)ning shahodat kunlari 🏴

▪️ Ismlari: Hasan

▪️ Laqablari: Askariy, Zakiy, Siroj, Xolis, Somit

▪️ Kunyalar: Abu Muhammad

▪️ Otalarі: Ali al-Hodiy (alayhissalom)

▪️ Onalari: Hudaysa (salomullohi alayho)

▪️ Umr: 28 yosh

▪️ Imomat muddati: 6 yil

▪️ Farzandlari: Muhammad al-Mahdiy (ajjalallohu taolo farajahush sharif)

▪️ Umr yo‘ldoshlari: Narjis (Meliko) (salomullohi alayho)

▪️ Tug‘ilish tarixlari va yeri: 232-hijriy yil 8- yoki 10-Rabi us-Soniyda Madina shahrida juma kunida dunyoga kelganlar.

▪️ O‘lim tarixlari va yeri: 260-hijriy yil 8-Rabi ul-Avval 28 yoshda Abbosiy xalifa Mu‘tamid (la’natulloh) tomonidan zaharlanib shahodatga yetishdilar. Qabrlari Iroq Jumhuriyatining Somirro shahrida.

🏴 Kanalimizga a’zo bo‘ling ⤵️
✅ http://telegram.me/ahlibayt313

8-rabi‘ul-avval Imom Hasan Askariy (alayhissalom)ning shahodatlari

Imom Hasan Askariy (alayhissalom) 260-hijriy yilda, 28 yoshlarida Abbosiylar xalifasi Mu‘tamid(alayhi la‘nat)ning qo‘li bilan shahid bo‘lganlar. (1)

Boshqa bir rivoyatda shahodat sanalari 13-Muharram deb keltirilgan. (2) Mu‘tamid Abbosiylarga u zotga nisbatan qattiqqo‘l bo‘lishni buyurgan edi. Mu‘tazz va Muhtadiy bir necha bor Imom Askariy (alayhissalom)ni qamoqqa tashlaganlar. (3)

U zot 22 yoshda bo‘lganlarida Imom Hodiy (alayhissalom) shahid bo‘lganlar, u zotning imomatlik muddati esa olti yil davom etgan. Imom Hasan Askariy (alayhissalom) shahodat topganlaridan bir kun oldin, kechasi Madina aholisiga ko‘plab maktublar yozgan edilar.

Shahodat topgan kunlarining tongidagi namoz vaqtida, Imom Mahdiy (alayhissalom) u zotga tahorat oldirib, bir qaynatma ichimlik berganlaridan so‘ng, Imom Askariy (alayhissalom) shahodat topdilar. (4)

Somirro aholisi bu xabardan xabar topganlarida, barcha bozorlar yopildi va odamlar u zotning xonadonlari atrofiga to‘plandilar.

Vazirlar, xalifaning tarafdorlari, Bani Hoshim va alaviylar uyning ichida edilar. Somirro shahrining har tomonidan faryod va yig‘i ovozlari eshitilar, go‘yo qiyomat qo‘zg‘algandek edi. (5)

Imom Zamon (alayhissalom) u zotni g‘usl qildirdilar. So‘ng kafanlab, muborak jasadlarini namoz o‘qish uchun olib chiqdilar.

Hazratning barodarlari Ja’far oldinga chiqib, muborak paykarga namoz o‘qimoqchi bo‘ldi. U takbir aytmoqchi bo‘lgan paytda, Imom Zamon (alayhissalom) bir bola qiyofasida — bug‘doyrang, sochlari jingalak, tishlari oppoq, go‘yo oy parchasi kabi — hujradan chiqib keldilar. U zot Ja’farning ridolaridan tortib, uni o‘sha joydan chetlashtirdilar va otalarii Imom Askariy (alayhissalom)ning paykarlariga o‘zlari namoz o‘qidilar. Shundan so‘ng u zotni otalari, Hazrati Imom Hadiy (alayhissalom)ning qabrlari yoniga dafn qildilar. (6)

Ja’far bu voqeani Mu‘tamidga aytib berdi. Shundan keyin hamma joyni u zotni izlab chiqdilar, ammo u zotdan hech qanday iz topa olmadilar.

Imom Hasan Askariy (alayhissalom) shahodat topgan 260-hijriy yilda, buyuk muhaddis, Janob Fazl ibn Shozon Nishopuriy ham vafot etdilar. U zotning 180 ta asari bo‘lgan. Imom Askariy (alayhissalom) u zot uchun uch marta Xudoyi mutaoldan rahmat tilaganlar. (7)

📚 Manbalar:

1. Al-Kofiy, 1-jild, 503-bet va boshqalar.
2. Tahzib al-maqol, 3-jild, 532-bet va boshqalar.
3. Al-Kofiy, 1-jild, 513-bet va boshqalar.
4. Kamolud-din, 473-bet va boshqalar.
5. Al-Kofiy, 1-jild, 505-bet va boshqalar.
6. Kamolud-din, 475-bet va boshqalar.
7. Ixtiyor ma‘rifat ar-rijol, 2-jild, 817–821-betlar.

🏴 Kanalimizga a’zo bo‘ling ⤵️
✅ http://telegram.me/ahlibayt313

🍂 Imom Hasan Askariy (alayhissalom) marhamat qiladilar:

«Agar barcha gunohlar bir uyga jam qilinsa, o‘sha uyning kaliti yolg‘onchilikdir.»

🏴 Kanalimizga a’zo bo‘ling ⤵️
✅ http://telegram.me/ahlibayt313

🔵 Abu Hoshim Ja’fariy qamoqxonadan Imom Hasan Askariy (alayhissalom)ga maktub yozdi:

«Ey Hazrat! Bu qamoq juda tor, bu kishanlar juda og‘ir...»

Hazrat unga xabar yubordilar:

«Zuhr namozini uyingda o‘qiysan...» (ya‘ni ozod bo‘lasan)

Shundan so‘ng u ozod qilindi. Abu Hoshim uyiga borib, namozini o‘qidi va ichida:

«Koshki Hazratga: “Ahvolimiz ham yaxshi emas, ishlash o‘rniga doimo qamoqda o‘tiribmiz”, deb aytishga jur’atim yetganida edi», deb o‘yladi.

Shu payt uyining eshigi taqilladi. Ular uchun anchagina miqdorda pul olib kelishgan edi. Pulning ichida bir maktub ham bor edi.

Hazrat maktubda shunday yozgan edilar:
«Biror ehtiyojing bo‘lsa, bizdan tortinma, uyalma va o‘zingni noqulay his qilma. Bizning vazifamiz shudir.

نَحْنُ كَهْفٌ لِمَنِ الْتَجَأَ إِلَيْنَا

“Biz bizga panoh izlab kelgan har bir kishi uchun g‘or — panohgohmiz.”

Ya’ni, kim bizga panoh izlab murojaat qilsa, biz uning panohgohimiz.

🏴 Kanalimizga a’zo bo‘ling ⤵️
✅ http://telegram.me/ahlibayt313

📆 Rabi‘ul avval oyining taqvimi

🔵 1-rabi‘ul avval (14-avgust) – Payg‘ambarimiz Muhammad Mustafo sallallohu alayhi va olih Makka shahridan Madina shahriga hijrat qilgan kunlari.

⚫️ 5-rabi‘ul avval (18-avgust) – Imom Husayn alayhissalomning qizlari Sakina xotun salomullohi alayhoning vafot etgan kunlari.

⚫️ 8-rabi‘ul avval (21-avgust) – Imom Hasan Askariy alayhissalomning shahodat kunlari va og‘o Imom Zamon ajjalallohu taolo farajahu sharifning imomatliklari boshlangan kun.

🟢 10-rabi‘ul avval (23-avgust) – Payg‘ambarimiz Muhammad Mustafo sallallohu alayhi va olih va Hazrati Xadija salomullohi alayhoning izdivoj qilgan kunlari.

🟢 12-rabi‘ul avval (25-avgust) – «Vahdat ayyomi»ning boshlanishi.

🟢 17-rabi‘ul avval (30-avgust) – Payg‘ambarimiz Muhammad Mustafo s. a.o.v va Imom Ja’far Sodiq alayhissalomning tavallud kunlari.

⚫️ 26-rabi‘ul avval (8-sentabr) – Imom Hasan Mujtabo alayhissalomning Muoviya la’natullohi alayh bilan sulh qilgan kunlari.

🌺 Kanalimizga a’zo bo‘ling ⤵️
✅ http://telegram.me/ahlibayt313

💢 Yangi tug‘ilgan chaqaloq uchun odob va mustahab amallar 👶🌸

1️⃣ Chaqaloqni g‘usl qildirish
Ba’zi marja’lar chaqaloq g‘uslidan maqsad — tug‘ilganidan keyin uni yuvish ekanini aytganlar. Albatta, bu ish chaqaloqqa zarar yetkazmasligi sharti bilan amalga oshiriladi.

2️⃣ Azon va iqomat
Chaqaloq tug‘ilgan kunning o‘zida yoki kindigi ajralishidan oldin, uning o‘ng qulog‘iga azon, chap qulog‘iga iqomat aytish mustahabdir.

3️⃣ Tahnik
Chaqaloqning tanglayini (kom) Hazrati Imom Husayn (alayhissalom)ning turbatlari bilan ko'tarish mustahabdir.

4️⃣ Yaxshi ism tanlash
Chaqaloqqa chiroyli va yaxshi ism qo‘yish mustahabdir. Bu vazifa uning otasining zimmasidadir.

5️⃣ Valima
Chaqaloq tug‘ilgani munosabati bilan ziyofat berish mustahabdir.

6️⃣ Aqiqa
Chaqaloq uchun aqiqa qilish mustahabdir. (7-kun)

7️⃣ Yettinchi kun amallari
Tug‘ilganining yettinchi kunida chaqaloqning sochini olish, olingan sochning og‘irligicha oltin yoki kumushni sadaqa qilish mustahabdir. Agar chaqaloq o‘g‘il bo‘lsa, xatna qilish ham mustahabdir.

💠 Tushib qolgan homilani g‘usl va kafan qilish hukmi

💬 Savol:
Tushib qolgan homilani g‘usl va kafan qilish borasida qanday vazifa bor ?

✅ Javob:
Agar homila to‘rt oylikdan keyin tushgan bo‘lsa, unga odatdagidek g‘usl, hanut va kafan qilinib, dafn etiladi. Agar to‘rt oylikdan oldin tushgan bo‘lsa, unga g‘usl qilish vojib emas. Uni biror matoga o‘rab, dafn qilinadi.

Har ikki holatda ham mayyit namozi vojib emas.

📚Shahid Imom Xomanaiy rizvonullohi taolo alayh fatvolariga muvofiq.

🌺 Kanalimizga a’zo bo‘ling ⤵️
✅ http://telegram.me/ahlibayt313

🔻 General Qo'oni: Falastin orzusi tirik va o‘zgarmasdir

Islom inqilobi qo‘riqchilar korpusi Quds kuchlari qo‘mondoni:

🇵🇸 Falastin — dengizdan daryogacha — g‘oyasi har qachongidan ham tirik va amalga oshishi mumkin bo‘lgan haqiqatdir.

🏴‍☠ Yahudiylarning noqonuniy aholi punktlarini kengaytirishi va jinoyatlari bosib olingan hududlardagi chuqur harbiy, xavfsizlik, siyosiy va ijtimoiy inqiroz hamda boshi berk ko‘chadan qochishga qaratilgan urinishdir. Bu esa ularning 7-oktabrdan buyon boshdan kechirayotgan strategik mag‘lubiyatlarini yashira olmaydi.

🇵🇸 Falastin — tirik va o‘zgarmas orzudir. Bu orzu, Allohning yordami bilan, haqning g‘alabasi ro‘yobga chiqqunga qadar o‘z mustahkamligini saqlab qoladi.

🇮🇷 Kanalimizga a’zo bo‘ling ⤵️
✅ http://telegram.me/ahlibayt313

🇵🇸 G‘azo — tarixdagi eng hujjatlarga boy genotsid

🏴‍☠ Birlashgan Millatlar Tashkilotining Inson huquqlari bo‘yicha Oliy komissari tomonidan eng ko‘p inkor etilgan genotsid.

🇵🇸 Kanalimizga a’zo bo‘ling ⤵️
✅ http://telegram.me/ahlibayt313

Hayot juda g‘alati...

Hech narsasiz kelasan, hamma narsa uchun kurashasan va oxir-oqibat hamma narsani tark etib, hech narsasiz ketasan…

🌺 Kanalimizga a’zo bo‘ling ⤵️
✅ http://telegram.me/ahlibayt313