🏴 Imom Hasan Askariy (alayhissalom)ning shahodat kunlari 🏴

▪️ Ismlari: Hasan

▪️ Laqablari: Askariy, Zakiy, Siroj, Xolis, Somit

▪️ Kunyalar: Abu Muhammad

▪️ Otalarі: Ali al-Hodiy (alayhissalom)

▪️ Onalari: Hudaysa (salomullohi alayho)

▪️ Umr: 28 yosh

▪️ Imomat muddati: 6 yil

▪️ Farzandlari: Muhammad al-Mahdiy (ajjalallohu taolo farajahush sharif)

▪️ Umr yo‘ldoshlari: Narjis (Meliko) (salomullohi alayho)

▪️ Tug‘ilish tarixlari va yeri: 232-hijriy yil 8- yoki 10-Rabi us-Soniyda Madina shahrida juma kunida dunyoga kelganlar.

▪️ O‘lim tarixlari va yeri: 260-hijriy yil 8-Rabi ul-Avval 28 yoshda Abbosiy xalifa Mu‘tamid (la’natulloh) tomonidan zaharlanib shahodatga yetishdilar. Qabrlari Iroq Jumhuriyatining Somirro shahrida.

🏴 Kanalimizga a’zo bo‘ling ⤵️
✅ http://telegram.me/ahlibayt313

8-rabi‘ul-avval Imom Hasan Askariy (alayhissalom)ning shahodatlari

Imom Hasan Askariy (alayhissalom) 260-hijriy yilda, 28 yoshlarida Abbosiylar xalifasi Mu‘tamid(alayhi la‘nat)ning qo‘li bilan shahid bo‘lganlar. (1)

Boshqa bir rivoyatda shahodat sanalari 13-Muharram deb keltirilgan. (2) Mu‘tamid Abbosiylarga u zotga nisbatan qattiqqo‘l bo‘lishni buyurgan edi. Mu‘tazz va Muhtadiy bir necha bor Imom Askariy (alayhissalom)ni qamoqqa tashlaganlar. (3)

U zot 22 yoshda bo‘lganlarida Imom Hodiy (alayhissalom) shahid bo‘lganlar, u zotning imomatlik muddati esa olti yil davom etgan. Imom Hasan Askariy (alayhissalom) shahodat topganlaridan bir kun oldin, kechasi Madina aholisiga ko‘plab maktublar yozgan edilar.

Shahodat topgan kunlarining tongidagi namoz vaqtida, Imom Mahdiy (alayhissalom) u zotga tahorat oldirib, bir qaynatma ichimlik berganlaridan so‘ng, Imom Askariy (alayhissalom) shahodat topdilar. (4)

Somirro aholisi bu xabardan xabar topganlarida, barcha bozorlar yopildi va odamlar u zotning xonadonlari atrofiga to‘plandilar.

Vazirlar, xalifaning tarafdorlari, Bani Hoshim va alaviylar uyning ichida edilar. Somirro shahrining har tomonidan faryod va yig‘i ovozlari eshitilar, go‘yo qiyomat qo‘zg‘algandek edi. (5)

Imom Zamon (alayhissalom) u zotni g‘usl qildirdilar. So‘ng kafanlab, muborak jasadlarini namoz o‘qish uchun olib chiqdilar.

Hazratning barodarlari Ja’far oldinga chiqib, muborak paykarga namoz o‘qimoqchi bo‘ldi. U takbir aytmoqchi bo‘lgan paytda, Imom Zamon (alayhissalom) bir bola qiyofasida — bug‘doyrang, sochlari jingalak, tishlari oppoq, go‘yo oy parchasi kabi — hujradan chiqib keldilar. U zot Ja’farning ridolaridan tortib, uni o‘sha joydan chetlashtirdilar va otalarii Imom Askariy (alayhissalom)ning paykarlariga o‘zlari namoz o‘qidilar. Shundan so‘ng u zotni otalari, Hazrati Imom Hadiy (alayhissalom)ning qabrlari yoniga dafn qildilar. (6)

Ja’far bu voqeani Mu‘tamidga aytib berdi. Shundan keyin hamma joyni u zotni izlab chiqdilar, ammo u zotdan hech qanday iz topa olmadilar.

Imom Hasan Askariy (alayhissalom) shahodat topgan 260-hijriy yilda, buyuk muhaddis, Janob Fazl ibn Shozon Nishopuriy ham vafot etdilar. U zotning 180 ta asari bo‘lgan. Imom Askariy (alayhissalom) u zot uchun uch marta Xudoyi mutaoldan rahmat tilaganlar. (7)

📚 Manbalar:

1. Al-Kofiy, 1-jild, 503-bet va boshqalar.
2. Tahzib al-maqol, 3-jild, 532-bet va boshqalar.
3. Al-Kofiy, 1-jild, 513-bet va boshqalar.
4. Kamolud-din, 473-bet va boshqalar.
5. Al-Kofiy, 1-jild, 505-bet va boshqalar.
6. Kamolud-din, 475-bet va boshqalar.
7. Ixtiyor ma‘rifat ar-rijol, 2-jild, 817–821-betlar.

🏴 Kanalimizga a’zo bo‘ling ⤵️
✅ http://telegram.me/ahlibayt313

🍂 Imom Hasan Askariy (alayhissalom) marhamat qiladilar:

«Agar barcha gunohlar bir uyga jam qilinsa, o‘sha uyning kaliti yolg‘onchilikdir.»

🏴 Kanalimizga a’zo bo‘ling ⤵️
✅ http://telegram.me/ahlibayt313

🔵 Abu Hoshim Ja’fariy qamoqxonadan Imom Hasan Askariy (alayhissalom)ga maktub yozdi:

«Ey Hazrat! Bu qamoq juda tor, bu kishanlar juda og‘ir...»

Hazrat unga xabar yubordilar:

«Zuhr namozini uyingda o‘qiysan...» (ya‘ni ozod bo‘lasan)

Shundan so‘ng u ozod qilindi. Abu Hoshim uyiga borib, namozini o‘qidi va ichida:

«Koshki Hazratga: “Ahvolimiz ham yaxshi emas, ishlash o‘rniga doimo qamoqda o‘tiribmiz”, deb aytishga jur’atim yetganida edi», deb o‘yladi.

Shu payt uyining eshigi taqilladi. Ular uchun anchagina miqdorda pul olib kelishgan edi. Pulning ichida bir maktub ham bor edi.

Hazrat maktubda shunday yozgan edilar:
«Biror ehtiyojing bo‘lsa, bizdan tortinma, uyalma va o‘zingni noqulay his qilma. Bizning vazifamiz shudir.

نَحْنُ كَهْفٌ لِمَنِ الْتَجَأَ إِلَيْنَا

“Biz bizga panoh izlab kelgan har bir kishi uchun g‘or — panohgohmiz.”

Ya’ni, kim bizga panoh izlab murojaat qilsa, biz uning panohgohimiz.

🏴 Kanalimizga a’zo bo‘ling ⤵️
✅ http://telegram.me/ahlibayt313

📆 Rabi‘ul avval oyining taqvimi

🔵 1-rabi‘ul avval (14-avgust) – Payg‘ambarimiz Muhammad Mustafo sallallohu alayhi va olih Makka shahridan Madina shahriga hijrat qilgan kunlari.

⚫️ 5-rabi‘ul avval (18-avgust) – Imom Husayn alayhissalomning qizlari Sakina xotun salomullohi alayhoning vafot etgan kunlari.

⚫️ 8-rabi‘ul avval (21-avgust) – Imom Hasan Askariy alayhissalomning shahodat kunlari va og‘o Imom Zamon ajjalallohu taolo farajahu sharifning imomatliklari boshlangan kun.

🟢 10-rabi‘ul avval (23-avgust) – Payg‘ambarimiz Muhammad Mustafo sallallohu alayhi va olih va Hazrati Xadija salomullohi alayhoning izdivoj qilgan kunlari.

🟢 12-rabi‘ul avval (25-avgust) – «Vahdat ayyomi»ning boshlanishi.

🟢 17-rabi‘ul avval (30-avgust) – Payg‘ambarimiz Muhammad Mustafo s. a.o.v va Imom Ja’far Sodiq alayhissalomning tavallud kunlari.

⚫️ 26-rabi‘ul avval (8-sentabr) – Imom Hasan Mujtabo alayhissalomning Muoviya la’natullohi alayh bilan sulh qilgan kunlari.

🌺 Kanalimizga a’zo bo‘ling ⤵️
✅ http://telegram.me/ahlibayt313

💢 Yangi tug‘ilgan chaqaloq uchun odob va mustahab amallar 👶🌸

1️⃣ Chaqaloqni g‘usl qildirish
Ba’zi marja’lar chaqaloq g‘uslidan maqsad — tug‘ilganidan keyin uni yuvish ekanini aytganlar. Albatta, bu ish chaqaloqqa zarar yetkazmasligi sharti bilan amalga oshiriladi.

2️⃣ Azon va iqomat
Chaqaloq tug‘ilgan kunning o‘zida yoki kindigi ajralishidan oldin, uning o‘ng qulog‘iga azon, chap qulog‘iga iqomat aytish mustahabdir.

3️⃣ Tahnik
Chaqaloqning tanglayini (kom) Hazrati Imom Husayn (alayhissalom)ning turbatlari bilan ko'tarish mustahabdir.

4️⃣ Yaxshi ism tanlash
Chaqaloqqa chiroyli va yaxshi ism qo‘yish mustahabdir. Bu vazifa uning otasining zimmasidadir.

5️⃣ Valima
Chaqaloq tug‘ilgani munosabati bilan ziyofat berish mustahabdir.

6️⃣ Aqiqa
Chaqaloq uchun aqiqa qilish mustahabdir. (7-kun)

7️⃣ Yettinchi kun amallari
Tug‘ilganining yettinchi kunida chaqaloqning sochini olish, olingan sochning og‘irligicha oltin yoki kumushni sadaqa qilish mustahabdir. Agar chaqaloq o‘g‘il bo‘lsa, xatna qilish ham mustahabdir.

💠 Tushib qolgan homilani g‘usl va kafan qilish hukmi

💬 Savol:
Tushib qolgan homilani g‘usl va kafan qilish borasida qanday vazifa bor ?

✅ Javob:
Agar homila to‘rt oylikdan keyin tushgan bo‘lsa, unga odatdagidek g‘usl, hanut va kafan qilinib, dafn etiladi. Agar to‘rt oylikdan oldin tushgan bo‘lsa, unga g‘usl qilish vojib emas. Uni biror matoga o‘rab, dafn qilinadi.

Har ikki holatda ham mayyit namozi vojib emas.

📚Shahid Imom Xomanaiy rizvonullohi taolo alayh fatvolariga muvofiq.

🌺 Kanalimizga a’zo bo‘ling ⤵️
✅ http://telegram.me/ahlibayt313

🔻 General Qo'oni: Falastin orzusi tirik va o‘zgarmasdir

Islom inqilobi qo‘riqchilar korpusi Quds kuchlari qo‘mondoni:

🇵🇸 Falastin — dengizdan daryogacha — g‘oyasi har qachongidan ham tirik va amalga oshishi mumkin bo‘lgan haqiqatdir.

🏴‍☠ Yahudiylarning noqonuniy aholi punktlarini kengaytirishi va jinoyatlari bosib olingan hududlardagi chuqur harbiy, xavfsizlik, siyosiy va ijtimoiy inqiroz hamda boshi berk ko‘chadan qochishga qaratilgan urinishdir. Bu esa ularning 7-oktabrdan buyon boshdan kechirayotgan strategik mag‘lubiyatlarini yashira olmaydi.

🇵🇸 Falastin — tirik va o‘zgarmas orzudir. Bu orzu, Allohning yordami bilan, haqning g‘alabasi ro‘yobga chiqqunga qadar o‘z mustahkamligini saqlab qoladi.

🇮🇷 Kanalimizga a’zo bo‘ling ⤵️
✅ http://telegram.me/ahlibayt313

🇵🇸 G‘azo — tarixdagi eng hujjatlarga boy genotsid

🏴‍☠ Birlashgan Millatlar Tashkilotining Inson huquqlari bo‘yicha Oliy komissari tomonidan eng ko‘p inkor etilgan genotsid.

🇵🇸 Kanalimizga a’zo bo‘ling ⤵️
✅ http://telegram.me/ahlibayt313

Hayot juda g‘alati...

Hech narsasiz kelasan, hamma narsa uchun kurashasan va oxir-oqibat hamma narsani tark etib, hech narsasiz ketasan…

🌺 Kanalimizga a’zo bo‘ling ⤵️
✅ http://telegram.me/ahlibayt313

🇮🇷🇮🇶 Hazrat Oyatulloh al-uzmo Sayyid Ali Husayniy Sistoniy (hafizahulloh)ning qamariy hisobda 99 yoshga to‘lganlari munosabati bilan ushbu buyuk marja’mizning eng so‘nggi suratlari e’lon qilindi.

🌺 Kanalimizga a’zo bo‘ling ⤵️
✅ http://telegram.me/ahlibayt313

🇮🇷 🎥 Eron davlat televideniyesida shov-shuvli video: Barron Trampga suiqasd qilish rejasi!

⚠️ Eron davlat televideniyesi misli ko‘rilmagan tarzda Trampning o‘g‘li Barron Trampning harakatlanish yo‘nalishlari haqidagi maxfiy ma’lumotlar hamda uning aniq joylashuvlari va o‘q otish masofasida bo‘lgan nuqtalarni e’lon qildi.

🇮🇷 Kanalimizga a’zo bo‘ling ⤵️
✅ http://telegram.me/ahlibayt313

Bayaza manzili

Bayza manzili — Imom Husayn (alayhissalom) karvonlarining Makkadan Kufaga tomon qilgan harakati yo‘lidagi manzillardan biri bo‘lgan. Bu manzil Bani Yarbu‘ qabilasi hududi tarkibida, Uzayb va Voqisa o‘rtasida joylashgan bo‘lib, u yerda suv qudug‘i ham bo‘lgan.

Imom Husayn (alayhissalom) aynan shu manzilda xutba qilganlar:

«Ey insonlar! Albatta, Allohning Rasuli sallallohu alayhi va olihi vasallam shunday marhamat qilganlar:

“Kimki Allohning haromlarini halol sanaydigan, Allohning ahdini buzadigan, Alloh Rasulining sunnatiga xilof ish tutadigan, Allohning bandalari orasida gunoh va tajovuz bilan ish yuritadigan zolim hukmdorni ko‘rsa-yu, unga qarshi amali yoki so‘zi bilan hech qanday o‘zgarish qilmasa, uni o‘sha zolimning kiradigan joyiga (ya’ni, o‘sha zolim bilan bir xil joy va azobga) kiritish Alloh zimmasidagi haqqidir.”

🇮🇷 Kanalimizga a’zo bo‘ling ⤵️
✅ http://telegram.me/ahlibayt313

❇️ Rahmat elchisining muborak tavalludlari va vahdat haftasi

☀️ Payg‘ambarimiz sarvari olam hazrat Muhammad Mustafo (sallallohu alayhi va olihi vassallam)ning tavallud kunlari ayyomlarida qaror topganmiz. Rusululloh Muhammad Mustafo (sallallohu alayhi va olihi va sallam)ning tavallud kunlari haqida ikkita rivoyat mavjuddir.

🌺 Sunniy mazhabidagilarning e’tiqodlari bo‘yicha, Islom Payg‘ambari 12-rabi‘ul avval oyi, Ommul-fil yilida, milodiy yilining 570-yilida tavallud topganlar. Shia mazhabidagi musulmonlarning e’tiqodicha, hazrat Muhammad (sallallohu alayhi va olihi vassallam) o‘sha yilning 17-rabi‘ul-avval oyida dunyoga kelganlar. Payg‘ambarning tavallud kunlaridagi bir haftalik tafovut Eron Islom Jumhuriyatiga asos solgan Islom olamining buyuk rahbari Imom Xumayniy (rahmatullohi alayh) hazratlari takliflari bilan «Vahdat haftasi», ya’ni «musulmonlarning birdamlik va hamjihatlik haftasi» deb nomlandi.

Bir necha asrlardan buyon, Islom jamiyati va Islom ummatiga jiddiy zarar yetkazib kelayotgan tahdid — bu islomiy firqa va mazhablar o‘rtasidagi ayrim ixtiloflar va Islom dini dushmanlari tomonidan ushbu ixtiloflarning yanada kuchaytirilishi edi. Shuni ta’kidlash lozimki, islomiy mazhablar o‘rtasidagi ixtiloflardan ko‘ra, ularning o‘rtasidagi mushtarak va turdosh jihatlar ko‘proqdir. Eron Islom Jumhuriyatining asoschisi Imom Xumayniy (rahmatulloh ialayh) hazratlari ushbu tahdidlarni yaxshi tushunib yetgandilar va shuning uchun ham, Islom hokimiyatini qurish chog‘idanoq, musulmonlarni birdamlik va hamjihatlikka chaqirib, har qanday ixtiloflarga yakun yasashni talab qildilar. «Vahdat haftasi» deb nom qo‘yish ham musulmonlar o‘rtasida mavjud bo‘lgan ixtiloflarga qaramay, ular ba’zi tarixiy va fiqhiy ta’limotlarda hamjihat hisoblanadilar. Ushbu hafta e’lon qilganidan ko‘p muddatlar o‘tmoqda va bugun Islom dunyosi o‘tgan yillarga qaraganda, yanada jiddiy tarzda tahdidlarga qarshi kurashish uchun vahdat, ittifoq va uyushqoqlikka ko‘proq ehtiyoj sezmoqda. Islom dini dushmanlarining uyushtirgan fitna-nayranglari o‘tgan yillarga ko‘ra, murakkablashgan va ushbu murakkablik Islom jamiyatidan yanada jiddiyroq hushyorlikni talab etadi. G‘arb davlatlari tomonidan uyushtirilgan bunday fitna-hiylalardan biri — bu Islom diniga qarshi qaratilgan badbinlik yaratish usulidir.

🇪🇺🇺🇸 G‘arb davlatlari tomonidan Islom diniga qarshi olib borilayotgan targ‘ibotlardan ko‘zlangan maqsad G‘arb o‘lkalarida yashaydigan aholini Islom dinidan qo‘rqitishdir. Bunday targ‘ibotlarda turli ommaviy axborot vositalari, jumladan film, kitob, matbuot va internetdan foydalanib, Islom dini xatari haqida noto‘g‘ri, yanglish va xatarli ma’lumotlar tarqatmoqdalar. Shuningdek, jamoatchilik fikriga Islom dini kengayishi, rivoj topishi natijasida zudlik bilan Yevropa va Amerikani qamrab oladi, deb vahima soladilar. Ular Islom dini dushmanlikni keltirib chiqaradigan va ushbu dinning inson huquqlariga qarshi va zid ekanligi kabi tuhmatlarni tarqatib, G‘arb aholisini Islom dinining rivoj topishi va kengayishidan qo‘rqitishga sa’y-harakat qilishmoqda.

🕋 Ammo ushbu xatti-harakatlarga xilof ravishda haqiqat shundan iboratki, G‘arb o‘lkalarida Islom diniga intilayotganlarning soni oshmoqda. Ular Islom dinini qabul qilganliklarining sababini Islomning yuksak qadriyatlari, rivojlangan va mantiqiy ta’limotlaridir, deb aytishadi.

🏵 Islom dinini qabul qilib, yangi musulmon bo‘lganlarning aksariyati G‘arbning o‘qimishli va ziyoli tabaqalaridan bo‘ladilar.

☀️ Ushbu mubin va oshkor dinga nisbatan zavqlanib, keng miqyosda mutolaa etishlari bois, Islom dinini qabul qilishganlar. Musulmon jamiyatining ko‘payishi bir tomondan va boshqa tomondan esa, G‘arb mamlakatlari aholisining Islomga yuzlanishlari hamda Yevropa o‘lkalarining salbiy tarzda rivoj topishi G‘arb davlatlarining rasmiy mulozimlari uchun jiddiy xavotirlanishlarni vujudga keltirmoqda. Ushbu masala G‘arb davlatlari tomonidan Islom diniga qarshi badbinlik va nafrat jarayonini yanada keskinlashtirishga majbur etmoqda.

🌎 Shimoliy Amerikadagi islomiy tashkilotning ijroiy ishlar raisi Loviya Sofi ushbu jarayonning maqsadi haqida shunday deb izhor etadi:

«Islomga qarshi badbinlik siyosati strategik bir qurol hisoblanadi va Islom dinining kengayishiga va musulmonlarning obro‘-e’tiboriga zarba berish uchun ushbu strategik aslahadan foydalanadilar.»

🌺 Kanalimizga a’zo bo‘ling ⤵️
✅ http://telegram.me/ahlibayt313

🌹 Sarvari koinot, Rahmatun lil-olamin, Ashraful maxluqot, Sayyidul anbiyoi val mursalin hazrati Muhammad Mustafo (sollallohu alayhi va olihi vasallam) va Faqihul-fuqaho, Olimul-ulamo, Shayxul-Aimma, mazhabimiz raisi Imom Ja’far Sodiq (alayhissalom)ning mavlud kunlari munosabati bilan avval boshda butun bashariyat najotkori Valiyyul-Asr Sohibuz-Zamon Hazrati Imom Mahdiy (ajjalallohu taolo farajahu sharif) og‘omizga va barcha Ahlibayt (alayhimussalom) oshiq­lariga tabrik arz qilamiz.

🌺 Kanalimizga a’zo bo‘ling⤵️
✅ http://telegram.me/ahlibayt313

🔹 Habibiy

🎙 Sajjod Muhammadiy

http://telegram.me/ahlibayt313