قصيده للحسين عليه السلام يوم العاشر 
طاح الحسين ييمه
=======


طاح الحسين ييمه طاح الحسين

وهلت العين ييمه وهلت العين

جثة ابنچ علثرة
بلسيوف مطبره

طاح الحسين ييمه
طاح الحسين

=======

خيل اميه بلحوافر ظلع ابنچ رضته

طاح من الفرس ينزف والسيوف اتلگته

ماكفاهم ذبح اخونه انوب راسه رفعته

رفعو الراس ابرمح
وزاد بگليبي الجرح

طاح الحسين ييمه طاح الحسين

πππππππ

حشموها الخيل كلها وداست اعلى ظلاعه

والكفيل اعلى الشريعه بصفه طاح اذراعه

يمه وطفوف المنايا نترس من دم گاعه

الگاع رووها دمه
حظري يمه فاطمه

طاح الحسين ييمه طاح الحسين

πππππππ

جثته ابحر السيوف اعلى الرمال موذره

والنبال ابضهر جسمه بلمأت امسطره

وانه بسياط ومأسي وبلحزان موزره

مره اطفي بلخيم
مره اصيحن علزلم 

طاح الحسين ييمه طاح الحسين

πππππππ

يمه من يوم المصيبه ودمع عيني مايجف

شگد شفت ظيم ومصايب بس مصابه مختلف

يمه من ذبحو حسيني درت عيني للنجف

صحت احظر ياعلي
شلون تقبل ننولي

طاح الحسين ييمه طاح الحسين

πππππππ

حضري وياي المصيبه وهلي ادموعچ دمه

ساعديني علرزيه حضري يمه فاطمه

ابنچ اعلى الثره مرمي والعيون مسلهمه

عاونيني علمصاب
ابنچ بذاري التراب

طاح الحسين ييمه طاح الحسين

=======
خادمة ال البيت الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد 👇
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد 👇
https://t.me/ahzan2018

قصيده ثقيله للسبي والمسير الى الشام
=======


على الراحو ذبايح گلبي ذايب

عفتهم بلطفوف اعلى الترايب

لا كافل ولا حسين
علغبره مطاعين

غريبه لااهل لاكو گرايب

عفتهم بلطفوف على الترايب

=======

شفت اشگد محن وشكثر الآلآم
برض الغاضريه

محد گاملي من صحت صوتين
وين اهل الحميه

صفو كلهم ذبح برمال الطفوف
ماردو اليه

ماسمعو صرختي
ولا وني ودمعتي

ولتمت على راسي المصايب
عفنهم بلطفوف على الترايب

🛡️🛡️🛡️

خذوني اميسره للشام الاجناب
من غصبن عليه

وروس اهل الكرم منصوبه جدام
راووني المنيه

كلشي ماشفت من عمري الفات
بس حسره واذيه

بس الهظم شفناه
الوالي ظيعيناه

وين اهلي اليحلون الطلايب
عفتهم بلطفوف اعلى الترايب

🛡️🛡️🛡️

بشام ابشماته تعاين الناس
لدمع امخدراته

ويصيحون وينه اليوم الحسين  والكافل خواته

كتلتني العيون الچنهم اسهام وعيون الشماته

راووني  المنيه
صفيت الخارجيه

واكثر ظيمنه من الخرايب
عفتهم بلطفوف على الترايب

🛡️🛡️🛡️

وين اليلحگ الطفله رقيه
ماضل والي ليها

من ظيم اليسر وحبال عدوان
مجروحات اديها

مارحموها يتمها شبعت احزان
من سافر وليها

گعدوها بخرابه
گضت وتصيح بابا

طفله وشافت اهموم وعجايب
عفتهم بلطفوف على الترايب

=======
خادمة ال البيت الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد 👇
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد 👇
https://t.me/ahzan2018

قصيده للحسين عليه السلام
ليلة العاشر من محرم
========


غطيته ابعباتي من رحت ليه 

خافنها الشمس باچر تأذيه

باچر يبقه مطروح
واحنه عنه انروح

لاعندي دوه واگعد اداويه
خافنها الشمس باچر تأذيه

========

غطيته بعباتي اودعيته

ويمه بلحزن دمعي جريته

كتله شلون خويه وعاتبيته

وشلون الحنين يعوف بيته

فك عينه  عليه
گتله شلون بيه

من ادموع عيني گمت اساگيه
خافنها الشمس باچر تأذيه

⌚⌚⌚

غطيته وصحت خويه الله وياك

يحز بلروح يابو سكينه فرگاك

لاهو سفر واگعد عمري وتناك

بعد هيهات ماصح خويه ملگاك

عليك دموم يحسين
اجري دمعت العين

بعد وين الحنين الراح الاگيه
خافنها الشمس باچر تأذيه

⌚⌚⌚

لو طلعت شمس باچر علينه

شنهي البصر گلي ياولينه

ياخذنه الشمر ويشد ادينه

للشام ويجر ياخويه بينه

يساره نروح للشام
وراسك يبره جدام

راسك عذباني من اصد ليه
خافنها الشمس باچر تأذيه

⌚⌚⌚

باچر ريت لاهل ياصباحه

عنك ياخذوني للمناحه

بعدك خويه ابد ماشوف راحه

يضل گلبي يصب دم وجراحه

خزّن جرح گلبي
بعد ماشوف دربي

چانت شوفتك گلبي تسلّيه
خافنها الشمس باچر تأذيه

⌚⌚⌚

صبي دموم ليهم ياعيوني

باچر فرگه ويه  الدللوني

باچر لليسر من ياخذوني

جدامك يخويه يضربوني

يخويه شلون ترضون
اروح اويليكرهون

يلاويني الدهر خويه ولاويه
خافنها الشمس باچر تأذيه

========
خادمة ال البيت الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد 👇
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد 👇
https://t.me/ahzan2018

🚩 اعلان تسجیل دورة الخطابة الحسينية 🚩

📩 للتسجيل والتواصل مع الأخت أم مهدي:
@mahdawyaat_alhawa
📞 +9647749621441

اللهم صل على محمد وال محمد

وما توفيقي الا من الله واهل البيت(( ع))
شكراً لله
اصدار جديد 🔥


*ديوان عزاء فاطمه (( ع))*
الجزء الثاني

خاص بامولاتي السيد الزهراء(( ع)) وام البنين (( ع))

يحتوي على قصائد ثقيله وخفيفه والفزاعي
والهوسات
والنعي اطوار مختلفه

العلويه ام اياد
https://t.me/joinchat/-h0l4_B6FIg2ZjYy

يطلب من مطبعة دار الامير النجف الاشرف
https://t.me/gqwe123qwr

‏تابع قناة قناة أحزان وافراح العترة الطاهرة / الحجية أم علي البصرة في واتساب: https://whatsapp.com/channel/0029VbCkooHFi8xWrat60i25

تابعو قناتي علواتساب 👆

ابوذيات للحسين عليه السلام
=======


عيني البچي والون ماتملها

يريت الروح نصبو ماتم الها

الفرح مايوم روحي ماتم الها

گضتها احزان والآلآم ورزيه

..........😭

ولايه ولايه طرينه ومدينه

اضل عمري ولااوفي ومدينه

اشرلي اخويه ومد  ادينه

يگلي العطش شب نيران بيه

..........😭

بني ميه بچتلنه  الها دينه

ولاچن دين جدي  الها دينه

مدّ ينه النوايب  الها ادينه

وشكينه همومنه لرب البريه

.........😭

دمعي بردني يبن امي مشيته

هذا الكاتبه ربي ومشيته

درب المامشاه احد مشيته

وطريت الدروب الماهي ليه


=======
خادمة ال البيت الحجيه ام علي

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد 👇
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد 👇
https://t.me/ahzan2018

نعي للحسين وال البيت عليهم السلام
============


صحت بحزن وبعالي الصوت

شتريد من اعزازي ياموت

طشيتنه وطشرت البيوت

............😭

گلبي انخمش من مشه التابوت

يتابوت الخشب وشكثر مبخوت

شايل جسد للضيج  منعوت

...........😭

يمه گضينا العمر بللاه والاه

تره وماضل عزيز ومادفناه

جم  والي  ونشمي  فگدناه

............😭

ابفد گبر كون توسد وياه

ويه  الحنين  الضيعيناه

والبي محنه وين نلگاه

...........😭

تراهو عزيز شلون ننساه

ماينحمل ياناس فرگاه

دوّرت  وجهك  مالگيناه

..........😭

اشبع يگلبي ظيم وحزان

وبچي على النامو بتربان

راحو من ايدي  شلون وليان

...........😭

مردو گليبي ابدور شبان

ضيعهم من ايدي الزمان

يگلبي اشرب مرار اشكال ولوان

...........😭

حرمه وغريبه وبين عدوان

بلايه ولي ضلت النسوان

خايب يگلبي الدهر خوان

........😭

عليكم لصب الدمع همال

وصفگ بديه ايمين وشمال

وهليلن على راسي الرمال

.............😭


ردت  يخويه  وماردت  مال

روحتك ماچانت على البال


عگبك يوالي اتبهذل الحال

.............😭

وينك  يشيال  الاحمال

ردك تشيل الحمل لو مال

وتعيني لو بيه الوكت عال


==========
خادمة ال البيت الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد 👇
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد 👇
https://t.me/ahzan2018

نعي للحسين  للخوان واليان
========

امسه المسه وعنت عليه

ياگعدتك ذيچ المسيه

ضليت اون وافرك بديه

ما احمل الفرگه شلون بيه
..........😭

گالو لخو للضيچ مريود

وبوكت عازه يكون موجود

چا ليش خويه الدار مسدود

گلبي على الوليان ممرود

.........😭

دارت العين لباب بيتك

بحرگة اگليبي عاتبيتك

صبن دمع عيني ونعيتك

ترد للنزل ياخوي ريتك

.........😭

ياچلمة الخويه شحلاها

للموت گلبي ماسلاها

ذاكرها  اخونه لو نساها

اختك تره ضلت وياها

..........😭

حن الگلب ويريد الاطياب

واشبحت عيني لعتبة الباب

مرو علينه اهنا يغياب

هلبت الي ايردون الاحباب

..........😭

شبحت عيوني واذكرتهم

ومن حزن گلبي عاتبتهم

شنهي السبب شمرو اختهم

چنهم نسوها مدللتهم

..........😭

عشرة اهلنه اليوم كفت

ياچلمه الياخوي فلت

اختكم تره بلظيم ضلت

بلايه ولي للدار  ردت

........😭

بهداي بيه ياهوه الهاب

كلساع ياخذ گلبي الباب

حسبالي لو هب دشت احباب

سل الگلب فرگة الغياب

........😭

حگه يون الگلب حگه

چا مثل اهلنه وين يلگه

وياهم بعيده تره الملگه

بغيابهم تكتل الفرگه

........😭


محلاتها العشره ويهلنه

طيبين من چانو وچنه

طيبت گلبهم ماكو منه

ليش الوكت طشر شملنه

========
خادمة ال البيت الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد 👇
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد 👇
https://t.me/ahzan2018

نعي للحسين عليه السلام الأخو
=======

ياناس الاخو هيبه شحلاته

حنين  ويمر  بخواته

ينشد علينه الطيبه ذاته

فدوه ونذر كلنه الحياته

معدل  ويلحلوه  صفاته

..........😭

بيه الطبايع كلها حلوات

لو  هيج  جابن  لمهات

يعيزن يجيبن مثله هيهات

حنين  ينشد  علبنات

كلهن  فداياك  الخوات

..........😭

يموت گلبي من اذكره

وبروحي تحط سبعين عبره

گلبي يخويه شلون اصبره

وبكل كتر بلدار ذكره

عينيني  يايمه  يزهره

..........😭

معدل يبو حلو السوالف

غيرك يخويه مانوالف

حنين يلكلك عواطف

صبّح گليبي اليوم خايف

وريجي يخويه عليك ناشف

..........😭

عونه الگعد وياك عونه

خويه يبو روح الحنونه

چن شوفتك شوفت ابونه

راحو يحيف  الدللونه

رحلو  ابعيد  وايسونه

..........😭

فگدك فطرلي الگلب نصين

وضيع تعبنه وذيچ السنين

يروحي بعد بيمن تلوذين

ضليت بس اصفگ بليدين

انطي الوجه ياخوي ليوين

.........😭

بگلبي وگود وشابه النار

شگول  لو يلفون خطار

ينشدون وين الضيغمي صار

وينك شگول الفكر محتار

ماضل بعد للگلب نغار

=======
خادمة ال البيت الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد 👇
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد 👇
https://t.me/ahzan2018

نعي للخوان
========

بسچن يلعيون
راح اتعمن بسچن يلعيون

لامايردون
سكنو گبر لامايردون

والحيل مرهون
علحملو والحيل مرهون

.........😭

خلصت الخوه
من يومهم خلصت الخوه

بنار انتچوه
بفراگهم نار انتچوه

ياخويه گوه
فرنه الدهر ياخويه گوه

............😭

بحلگه شحلاها
چلمة هله بحلگه شحلاها

مافارگاها
طول العمر مافارگاها

اوياه خذاها
من حمل اوياه خذاها

........😭

ايگلي حياچ
لو شافني ايگلي حياچ

كلنه فداياچ
عمت الولد كلنه فدياچ

للموت وياچ
لاخر نفس للموت وياچ

...........😭

من غير وليان
شنهي المره من غير وليان

كان ماكان
يتمرجل عليها كان ماكان

تاخذ الريگان
من خوفها تاخذ الريكان

...........😭

وعليكم اتحوم
ليليه روحي عليكم اتحوم

والحيل مهدوم
من يومكم والحيل مهدوم

ماتقبل النوم
ومساهره وماتقبل النوم

..........😭

بلمغربيه
واشبع بچي بلمغربيه

ويعن عليه
طيفك يجيني ايعن عليه

وبكل زويه
وبكل ركن وبكل زويه

.........😭

يلهدموها
روحي بفگدهم هدموها

چنهم نسوها
من حملو چنهم نسوها

حچايه وحچوها
خوتهم احچايه وحچوها

.........😭

مافارگيناه
يدري الأخو مافارگيناه

نمشي انتعناه
كل مانحن نمشي انتعناه

ياريت وياه
يگضي العمر ياريت وياه

..........😭

يالبة الروح
عليك الوسف يالبة الروح

بس سهمي النوح
من الوكت بس سهمي النوح

چن طير مذبوح
روحي اصبحت چن طير مذبوح


========
خادمة ال البيت الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد 👇
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد 👇
https://t.me/ahzan2018

نعي للوليان
مهداة للحسين  عليه السلام
========


بيمن تزمطين
مامش ولي بيمن تزمطين

كلهم مرحلين
راحو هلچ كلهم مرحلين

چاوين تلگين
مثل المشو چاوين تلگين

يلدربك منين
يالحملت يلدربك منين

............😭

ياثلث ونات
انه باليل اونن ثلث ونات

والعدل والمات
مل من ونيني العدل والمات

ياطيب الذات
عليك الوسف ياطيب الذات

يجرن الدمعات
من يومهم يجرن الدمعات

..........😭

يالنزليته
عليك الحسن يالنزليته

ماناشديته
عنده حچي ماناشديته

شنهي وصيته
ماخبرك شنهي وصيته

ضلن ابيته
بناته تره ضلت ابيته

............😭

ينباگ بوگه
كون العمر ينباگ بوگه

عمرين فوگه
او بيدي احط عمرين فوگه

وضعني يسوگه
ولو حملت ضعني يسوگه

مايفل شوگه
طول العمر مايفل شوگه

عميه على الوليان عيني


========
خادمة ال البيت  الحجيه ام علي
وخادمة الحسين ام شهد

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد 👇
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد 👇
https://t.me/ahzan2018

نعي كرناوي مع مجرد للحسين ع
===========


رديت وحدي لدار الاحباب
عمتني الدار من اگبلت ليها

ظلمه ومتربه بلايه وليان
بس التراب ايذّري بيها

ترهب بلايه اخواني لحنان
راح الولي ومارد عليها

شلون طبتي وخاليه الدار
احلف بعد مااا اطب ليها

شلي بعد راحو الاعزاز
ماريد دار المنته بيها

..............😭

نعي مجرد👇

ياهيبتي  وياسور  دنياي

خيمه وتچيه وكوسر افياي

ردك حرز  يابيتي وحماي

.............😭

ردتك الي خيمه وتچيه

ولو جار وكتي اتحن عليه

سدرة وفه وفيّها اليه

...............😭

سدرة محنه وضلها بلبيت

بفيها تلمنه وبيها گعديت

من فرگتك ياخوي سليت

=========
خادمة ال البيت الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد 👇
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد 👇
https://t.me/ahzan2018

نعي كرناوي

===========

بسك يادهر چمدوب خوان
عليه يازمان شكثر شايل

امسح دمعتي بأطراف الاردان
وما بيّن الحال شلون مايل

يگلولي جَلد تحسدني الناس
مايدرون دمعي بسكته سايل

بصف الحايط امشي اخذ الريگان
وهم يحچون ويگلولي عايل

يتبختر عليه ياهو الچان
صاحب جاه صار الچان نادل

مايدرون هاي الدنيه الوان
بنادم  بلگبر  تاليته  نازل

لتغرك  الدنيه  البيها  تعبان
عيشتنه اصبحت تحصيل حاصل


===========

قناة الحجيه ام علي البصره احزان العترة الطاهرة
قناة خادمة ال البيت الحجيه ام علي البصره
لانجيز حذف اسم الحجيه ام علي  من قصائدها غير مبرء للذمه
https://t.me/ahzan2018د

مقتل مختصر للإمام الحسين عليه السلام
======
انا لله وانا اليه راجعون
ولاحول ولاقوة الا بالله العلي العظيم
وسيعلم الذين ظلمو ال محمد اي منقلب ينقلبون والعاقبة للمتقين

يقولُ هلالُ بنُ نافعٍ: كنتُ واقفاً نحوَ الحسينِ وهوَ يجودُ بنفسِهِ، وقد اشدت به الجراح بين ضربة سيف وطعنة رمح حتى لم يبقى في جسمه مكان الا وفيه جرح بليغ
فواللهِ ما رأيتُ قتيلاً قطُّ مضمَّخاً بدمِهِ أحسنَ وجهاً ولا أنورَ ولقدْ شَغلَنِي نورُ وجهِهِ عن الفِكرةِ في قتلِهِ
ولمّا اشتدَّ الحالُ بلحسين عليه السلام رفعَ طرفَهُ إلى السماءِ وقالَ: اللهُمَّ أنت متعالي المكانِ عظيمُ الجبروتِ شديدُ المِحالِ  غنيٌّ عَنِ الخلائقِ عريضُ الكِبْرياءِ قادرٌ علَى مَا تشاءُ قريبُ الرحمةِ صادقُ الوعدِ  سابغُ النّعمةِ حَسنُ البلاءِ قريبٌ إذا دُعِيتَ مُحيطٌ بما خَلَقْتَ قابِلُ التوبةِ لمن تابَ إليك
قادرٌ على ما أردتَ تُدرِكُ ما طَلَبتَ، شكورٌ إذا شُكِرتَ ذكورٌ إذا ذُكِرتَ أدعوكَ مُحتَاجاً وأرغبُ إليك فَقيراً وأفزَعُ إليك خائِفاً وأبكي مَكروباً وأستعينُ بك ضعيفاً وأتوكّل عليك كافياً
اللهُمَّ احكُمْ بَينَنَا وبينَهم فإنَّهم غرُّونَا وخَذَلُونَا وقتلونا
ونحنُ عِترةُ نبيِّكَ ووُلدِ حبيبِكَ محمّدٍ صل الله عليه واله وسلم الذي اصطفيتَه بالرسالةِ وائتمنتَهُ على الوحيِ
فاجعَل اللهم لنَا من أمرِنا فرَجاً ومخرجاً يا أَرحم الراحمينَ
صَبراً على قضائِك لا الع سواك ياربِّ العالمين
ومازال الحسين يجود بنفسه ويدعو الله والدماء تنزف من جراحاته من كل مكان
ثم أقبَلَ فرسُ الحسينِ عليه السلام يدورُ حولَهُ ويلطِّخُ ناصيَتَهُ بدمِهِ ويشَمُّهُ ويصهَلُ صهيلاً عالياً ثم أقبلَ الفرس نحوَ المخيّمِ بذلكَ الصهيلِ والعويل
فلمَّا نظرْنَ النساءُ إلى الجوادِ مخزيّاً وسرجُهُ عليهِ ملويّاً
برزْنَ منَ الخدورِ على الخدودِ لاطمَاااتٍ... وبالعويلِ داعياااتٍ وبعدَ العزِّ مسلبات وإلى مصرعِ الحسينِ مبادراااتٍ
فواحدةٌ تحنُوْ عليهِ تضمُّهُ    وأُخرى عليهِ بالرداءِ تظلّلُ
وأُخرى بفيضِِ النحرِ تصبغُ وجهَهَا وأُخرى تُفدّيهِ وأُخرى تقبّلُ 
وأُخرى على خوفٍ تلوذُ بجنبِهِ وأُخرى لِمَا قَدْ نالَهَا ليسَ تعقِلُ
وخرجَتْ زينبُ عليها السلام ومِنْ خلفِها النساءُ والأرامِلُ واليتامَى مِنَ الفِسطاطِ إلى أرضِ المعركةِ، وهيَ تنادِي!
وامحمَّداهُ... واعليّاهُ....
واحسناه.... واجعفراهُ.... واحمزتاهُ... هذا حسينٌ بالعراءِ ملطخاً بلدماء صريعُ كربلاءِ، ليْتَ السماءُ أَطبقَتْ على الأرضِ ثم اقبلت زينبُ عليها السلام نحوَ مصرع اخيها الحسينِ عليه السلام
وقدْ دنَا منهُ عُمَرُ بنُ سعدٍ
والحسينُ يجودُ بنفسِهِ فصاحَتْ
ياعُمَرُ وَيحَكَ
أيُقتَلُ أبو عبدِ اللهِ وأنتَ تنظرُ إليهِ؟ فصرَفَ بوجهِهِ عنْها ودموعُهُ تسيلُ على وجهِهِ ولحيتِهِ
فعندَ ذلكَ صاحَتْ زينبُ بالقومِ
وَيحكُمْ أَمَا فيكُمْ مسلمٌ..
فلمْ يُجبْهَا أحدٌ
ثمَّ صاحَ ابنُ سعدٍ انزلُوا إليهِ فأريحُوهُ
فنزَلَ إليهِ شمرُ بنُ ذي الجوشنِ لعنه الله
فضربَهُ برجلِهِ.....
وأَلقاهُ على وجهِهِ..... رحم الله من نادى واحسيناه....
فرمقَهُ الحسينُ ببصرِهِ وقالَ لهُ أتقتُلَنِي أَوَلا تعلمُ مَنْ أنَا !
فقالَ الشمرُ بل أعرِفُك حقَّ المعرفةِ
أمُّكَ فاطمةُ الزهراءُ
وأبوكَ عليُّ المرتضَى
وجدُّكَ محمَّدُ المصطفَى
وخصمُكَ العليُّ الأَعلَى
وأقتلُكَ ولا أبالي
فضربَهُ بالسيفِ
اثنتَي عشرةِ ضربةٍ.....
ثم قلبه على وجهه......
وحزَّ رأسَهُ الشريفَ.....
اي وإماماهُ......
اي واسيّداهُ.....
اي واذبيحاه....
رحم الله من نادى
واحسيناه......
واشهيداه.....
وامظلوماه....
واغريباه.......

======
نعي زريجي
طور جابه ومدده
=======

تربع علصر والراس حزاه

مثل الطير فرت روحه خلاه

من كل كتر تنزف گامت ادماه

وزينب بلخيم وتنادي ويلاه

وعياله تصيح الله وكبر

................

تنادي الحگنه ياداحي البيبان

ابنك منذبح يابويه عطشان

بلدم شيبته معفره وتربان

وچتافي انطبع بلسوط نيشان

وكافل ضعني علشاطي امطبر

..............

كون الاخو يگعد للعيال

وينشد علينه وينشد الحال

راحو اهلنه ولا نفر ضال

سبعين واحد غير الاطفال

گلبي على الراحو تفطر

=======
خادمة ال البيت الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد 👇
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد 👇
https://t.me/ahzan2018

‏صورة من الحجية ام علي / البصرة

https://youtu.be/kPjoE90iYTo?si=pfnQAmG5VLE4l8tt
نزله فاطميه

اداء* ملا عبدالوهاب الحمدان

الشاعره= الحجيه ام علي

شاركنا الاجربالاشتراك في القناه والنشر على حب السيده الزهراء عليها السلام

للقاسم ابن الكاظم عليهم السلام
تقرأ بعدة اطوار
=======

غريب  يموت....

ابن اليحكم الكون

القاسم حيف هذا ابن اليشورون

=======

عاش العمر كله بين عربان

لايمه هله لاعنده اخوان

ديره بعيده ماله بيها عوان

واهله بلغرب عنه ميدورون

🕊️🕊️🕊️

على القاسم ابن الكاظم عزيتنه

نعزي ارواحنه ونعازي سادتنه

من الگلب كون نريد لطمتنه

على الهامات لطمتنه والعيون

🕊️🕊️🕊️

على القاسم اليله الروح مالومه

مات بحسرته ياحيف وهمومه

عاش بغربه  محد يعرف علومه

ليش الساده علموت ايتوازون

🕊️🕊️🕊️

يايوم الغريب المات چتال

يومك سيدي ويعذب الحال

مريود اللطم والدمع همال

على المات وهله وسفه يتانون

🕊️🕊️🕊️

نلطم علصدر ونصيح ويلاه

على الميت ابغربه ومحد وياه

على اهله وخوته تصب عيناه

اهله على الذله ماينامون

🕊️🕊️🕊️

عاش بظيم محد من العزاز

ولحد حضر يوم الموت جناز

تدرون الاهل ياناس عكاز

راد اهله على نعشه يحضرون

=======
خادمة ال البيت الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد 👇
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد 👇
https://t.me/ahzan2018

قصيده للقاسم ابن الكاظم عليهم السلام
========

انه يلتنشد عليه انه ابن المصطفى

القاسم ابن الكاظم انه وجدي هوه المرتضى

========

انه ابن الكاظم انه العذبت روحه السجون

عشت عمري بديره غربه وللاهل تجري العيون

محد بظيمي وعذابي يدري بس رب المنون

عمري بين العرب خلص ساقي للماي انگضه

🫧🫧🫧🫧

محد اليدري بعذابي عشت مجهول النسب

طاردونه ال اميه وهجرونه الياسبب

تمرجلو اهل الرذيله على الساده ياعجب

ملك جدي النبي المرسل وسفه للطاغي صفه

🫧🫧🫧🫧

عشت ساقي الماي اعمل وانه ابن خير العمل

بلا اهل خلّصت عمري بلغرب ضاع الامل

كاتم الاسرار گلبي لحد ماحان الاجل

ويه روح اجدادي راحت روحي صعدت للفضى

🫧🫧🫧🫧

مثل جدي حسين موتي بلغرب ميت غريب

لاهل يمي بغربتي ابد لاعندي حبيب

گلبي ال أمي الحبيبه وخوتي صاير لهيب

دمعي بس هوه الوسيله وگلبي صابر علقضى

🫧🫧🫧🫧

القاسم ابن الكاظم انه وامي الزهره البتول

وطه مبعوث الرساله ذاك هو جدي الرسول

وجدي حيدر علي الخيره صب على الوادم سيول

يلي تذكر هلمصيبه دوم صل علمصطفى


========
خادمة ال البيت الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد 👇
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد 👇
https://t.me/ahzan2018