Педагог ва ўқувчилар бир ўқув йилида камида бир маротаба психологик диагностикадан ўтказилади❗️

“Узлуксиз таълим тизимида психологик хизмат соҳасини илмий асосда ривожлантириш чора-тадбирлари тўғрисида”ги Президент қарори (ПҚ–379-сон, 19.10.2026 й.) қабул қилинди.

🔰 Қарорга кўра, барча таълим ташкилотларининг педагог (тарбиячи) ва ўқувчилари (тарбияланувчилари, талабалари) бир ўқув йилида камида бир маротаба мақсадли психологик диагностикадан ўтказилади.

Бунда ушбу тизим:
🔹 биринчи босқичда — 2026/2027 ўқув йилидан бошлаб мактабгача ва умумий ўрта таълим ташкилотларида;

🔹 иккинчи босқичда — 2027/2028 ўқув йилидан бошлаб ўрта махсус, касбий ва олий таълим ташкилотларида жорий этилади.


💰 Каскадли малака ошириш курсига ўқитувчи сифатида жалб этилган психологларга бу даврда асосий иш жойидаги лавозим маошига нисбатан 20 фоиз миқдорида устама тўланади.

🏅 Ўқув йили давомида психологик барқарорликни таъминлашда юқори кўрсаткичларга эришган 150 нафар ментор психолог меҳнатга ҳақ тўлашнинг энг кам миқдорининг 20 баробари миқдорида бир марталик моддий рағбатлантирилади.

🎓 Таълим ташкилотлари психологик хизмат ходимлари беш йилда камида бир маротаба малакасини ошириши шарт этиб белгиланади.

🏛 Низомий Ганжавий номидаги Ўзбекистон миллий педагогика университетининг Психология ўқув-илмий маркази негизида Психология илмий-тадқиқот институти ташкил этилади ва Таълим ва илм-фан вазирлиги бўйсунувига ўтказилади. Институтда 2027 йил 1 январдан бошлаб Рақамли психология ва сунъий интеллект, Таълим психологияси ва психологик хизмат, Психологик саломатлик ва профилактика лабораториялари фаолияти йўлга қўйилади.

📍@akademik_burchak 🛋

Qulay klaviatura terilmasi izlaganlar uchun

Oʻzgarishli alifbodagi ş, ç, ö, ğ harflarini qanday teramiz degan savollar koʻp berilgan edi. Aslida bu – juda tez hal qilsa boʻladigan muammo. Kanalimiz obunachisi oʻzgarishli lotin alifbosiga moʻljallangan maxsus terilma ishlab chiqib, kiritish.uz saytiga joylabdi.

Terilma ochiq manbali (open source) ekan, kodidan foydalanmoqchi boʻlganlar bemalol GitHubʼdan yuklab olishlari ham mumkin.

Yaxshi tomoni, terilma turli operatsion tizimlar uchun ishlab chiqilgan. Undan Android telefonda ham, makbukda ham, Windows yoki Linuxʼda ishlaydigan qurilmalarda ham foydalana olasiz.

👉 Yuklab olish: https://kiritish.uz

📍@akademik_burchak 🛋

Kuniga 137 ta ajrim. Bu mavzuni kim tadqiq qiladi?

O‘zbekistonda 2026-yilning birinchi yarmida 24,8 mingta ajrim qayd etilgan. Kuniga o‘rtacha 137 ta.
Bu raqam ortida insonlar, bolalar, buzilgan rejalar va murakkab hayotiy vaziyatlar bor.

Bu — ilmiy tadqiqot talab qiladigan ijtimoiy muammo.

Psixologlar, sotsiologlar, iqtisodchilar, pedagoglar, ijtimoiy ish yo‘nalishidagi tadqiqotchilar — mavzu izlayotgan bo‘lsangiz, shu masalaga ham e’tibor qarating.

Oilalar nega ajrashyapti? Qaysi omillar birgalikda ta’sir qilyapti? Qanday yordam oilaviy nizolarni kamaytirishi mumkin?
“Yoshlar sabrsiz bo‘lib ketgan”, degan gap ilmiy javob bo‘la olmaydi. Buni dalil bilan tekshirish kerak.

Magistrlik yoki doktorlik tadqiqoti uchun aniq savollar bor:
— Uy-joy muammosi va qarzdorlik yosh oilalardagi nizolar bilan qanday bog‘liq?
— Mehnat migratsiyasi er-xotin munosabatlariga qanday ta’sir qilmoqda?
— Qarindoshlarning aralashuvi qachon yordam, qachon nizoga sabab bo‘lmoqda?
— Ota-onaning ajrashishi jarayonida bolalarga maktab va psixolog qanday yordam bera oladi?
— Oilaviy maslahat xizmatlarining qaysi usullari amalda natija bermoqda?

Faqat so‘rovnoma tarqatib, foiz chiqarish bilan cheklanmaylik. Oilalar bilan suhbatlashaylik, turli holatlarni taqqoslaylik, vaqt davomida kuzataylik. Taklif qilayotgan yordam usulimizni sinab, natijasini baholaylik.
Albatta, maqsad har qanday nikohni har qanday narxda saqlash emas. Zo‘ravonlik mavjud vaziyatlarda inson xavfsizligi va bolalar manfaatlari ustuvor bo‘lishi kerak.

Mavzu izlayotgan tadqiqotchilar, ajrim masalasini jiddiy o‘rganing. Bizga uning sabablarini tushuntiradigan, oldini olish mumkin bo‘lgan holatlarni aniqlaydigan va oilalarga amaliy yordam beradigan ilmiy ishlar kerak.

Manba: Milliy statistika qo‘mitasi.

📌 @ILM_NUR_2020

Ilmiy unvon olish uchun qanday hujjatlar kerak? - Batafsil

Dotsent qanday kompetensiyalarga ega boʻlishi kerak - Batafsil

Ilmiy ish qilayotgan xodimlarga oʻrtacha ish haqi va lavozimi saqlangan holda qancha muddatga ijodiy taʼtil beriladi? Batafsil

Ijtimoiy-gumanitar fan sohasida ilmiy unvona talabgorlar maxsus imtihon topshiradilar - Batafsil

Dissertatsiya mavzusini tanlash eng muhim jarayon - Batafsil

📍@akademik_burchak da bo‘ling 🛋

🎓 Til sertifikati sabab himoyasi qolgan magistrantlar uchun muhim xabar

Taqdim etilgan bayonning 4-bandiga ko‘ra, 2023-yil 14-fevraldagi 13-son bayon asosida istisno tariqasida magistraturaga qabul qilingan talabalar PF–81-son Farmonda belgilangan darajadagi til sertifikatiga ega bo‘lsa, magistrlik dissertatsiyasini himoya qilishiga ruxsat beriladi.

Talab etiladigan darajalar:

🔹 C1 — filologiya yo‘nalishlari;

🔹 B2 — gumanitar, biologik va turdosh fanlar, matematika va statistika, biznes va boshqaruv, huquq, xizmat ko‘rsatish, ijtimoiy va xulq-atvorga mansub fanlar, jurnalistika va axborot, axborot-kommunikatsiya texnologiyalari;

🔹 B1 — boshqa ta’lim sohalari hamda madaniyat va sport mutaxassisliklari.

Sertifikatning amal qilish muddati tugamagan bo‘lishi va u rasman tan olingan sertifikatlar ro‘yxatiga kirishi shart.

Demak, yuqoridagi tartibda qabul qilingan, mutaxassisligi uchun

B1 darajasi belgilangan magistrantlar B1 sertifikati bilan ham himoyaga qo‘yilishi mumkin.

Sertifikat talabi bekor qilinmagan.

Tegishli sertifikatni taqdim etgan magistrantlarning himoyasini belgilangan tartibda tashkil etish OTM rahbarlariga topshirilgan.

🎓 @Magistr_Hub

🎓 ILMIY XIZMATLAR — PROFESSIONAL YONDASHUV

📚 ILMIY MAQOLALAR
▪️ Ilmiy maqolalarni tayyorlash va tahrirlash
▪️ OAK jurnallarida nashr etish bo‘yicha ko‘mak
▪️ IMRAD talablari asosida rasmiylashtirish

📑 ILMIY TEZISLAR
▪️ Respublika va xalqaro konferensiyalar uchun tezislar tayyorlash
▪️ Konferensiya to‘plamlarida nashr etish bo‘yicha ko‘mak


✅ Sifat • Aniqlik • Mas’uliyat

📩 Murojaat uchun: @uzbek_scientist

ILMIY FAOLIYATINGIZDA ISHONCHLI HAMKOR!

#patent #intellektualmulk #ilm #phd #dsc

‼️Mazkur havolalar orqali o‘zingizga kerakli patent ma’lumotlarini topishingiz mumkin

1. Espacenet (Yevropa patent idorasi)
https://www.epo.org/searching-for-patents/technical/espacenet.html#tab1

2. WIPO (Jahon intellektual mulk tashkiloti)
https://patentscope.wipo.int/search/en/search.jsf

3. USPTO (AQSh Patent va savdo belgilari idorasi)
https://www.uspto.gov/patents

4. Patent lens portali
https://www.lens.org/lens/

5. SciFinder (faqat kimyoga oid patentlar)
https://www.cas.org/cas-data/cas-patents

6. Scopus - tegishli kalit so'zlar bo'yicha hujjatni qidirish; qidiruv natijalari ro'yxatida siz hujjat natijalaridan patent natijalariga o'tishingiz mumkin.
https://www.scopus.com/home.uri

7. Google patentlari
https://www.google.com/?tbm=pts

8. Patent tahlili
https://www.google.com/?tbm=pts

Ps: Ushbu postni maksimal darajada do‘stlaringizga hamda ilmiy doiralarga ulashing va kanalga taklif qiling

📍@akademik_burchak da bo‘ling🛋

‼️ОДАМНИ ИШ ЭМАС, БАЪЗАН ИШДАГИ МУҲИТ ЧАРЧАТАДИ

Ҳаётда шундай одамлар борки, улар билан ўн дақиқа суҳбатлашсангиз ҳам, бир кунлик кучингиз кетгандек бўлади. Улар муаммога ечим топишдан кўра айбдор излашга, йўл кўрсатишдан кўра камчилик топишга мойил бўлади.

Айниқса, бундай муносабат раҳбар томонидан бўлса, унинг таъсири бутун жамоада сезилади.
Менимча, раҳбарликнинг энг муҳим жиҳатларидан бири — одамларни фақат ишлатиш эмас, уларда ишлашга бўлган иштиёқни ҳам сақлаб қолишдир.
Албатта, раҳбар талабчан бўлиши керак. Хатони кўрсатиши, натижа сўраши, интизом талаб қилиши табиий. Лекин талабчанлик билан доимий руҳий босим ўртасида катта фарқ бор.

Яхши раҳбар танқид қилганда ходим нимани тузатиш кераклигини тушунади. Носоғлом бошқарув муҳитида эса ходим хатосини тузатишдан кўра, навбатдаги танбеҳдан қандай қочиш ҳақида ўйлай бошлайди.

Энг ёмони, бундай муҳитда одам аста-секин ташаббус кўрсатмай қўяди. Аввалига янги ғоялар билан чиқади, кейин фикрини эҳтиёткорлик билан билдиради, охир-оқибат эса фақат айтилган ишни бажариш билан чекланади.
Яна бир қизиқ ҳолат бор. Айрим жамоаларда ишни яхши бажарадиган ходимга тобора кўпроқ вазифа юкланади. Чунки раҳбар унинг уддалашини билади. Камроқ ишлайдиганлар эса нисбатан тинч юради.

Натижада масъулиятли бўлиш рағбат эмас, қўшимча юкка айланади.
Бу эса вақт ўтиб энг фаол ходимнинг ҳам иштиёқини сўндириши мумкин.
Аслида раҳбарнинг вазифаси ҳаммани хурсанд қилиш эмас. У адолатли талаб қўйиши, вазифаларни оқилона тақсимлаши ва натижани баҳолай олиши керак.
Ходим ҳам ҳар қандай танқидни шахсий муносабат сифатида қабул қилмаслиги, ўз масъулиятини англаши зарур. Соғлом иш муҳити ҳар икки томоннинг масъулияти билан шаклланади.

Лекин раҳбарнинг таъсир доираси кенгроқ. Унинг бир оғиз гапи одамга ишонч бериши ҳам, йиллар давомида шаклланган иштиёқини сўндириши ҳам мумкин.
Шу ўринда бир савол туғилади: раҳбарнинг самарадорлигини фақат бажарилган топшириқлар билан ўлчаш тўғрими?
У раҳбарлик қилган даврда қанча ходим ўсди? Кимнингдир қобилияти очилдими? Жамоада янги ғоялар пайдо бўлдими? Одамлар мустақил фикрлашга ва ташаббус кўрсатишга интиладими?

Менимча, булар ҳам бошқарув самарадорлигининг муҳим кўрсаткичлари бўлиши керак.

Чунки одамни ҳар доим ишнинг кўплиги чарчатмайди. Баъзан уни қадрланмаган меҳнат, адолатсиз тақсимланган вазифалар, тушунтирилмаган талаблар ва доимий босим чарчатади.
Энг хавфлиси — ташкилот яхши ходимини йўқотишидан анча олдин унинг ишлашга бўлган иштиёқини йўқотиши мумкин.

Шунинг учун яхши раҳбар фақат ишни бошқарадиган эмас, одамларнинг салоҳиятини оча оладиган раҳбардир.

📍@akademik_burchak 🛋

Qorin dardiga mubtalo bo'lgan o'zbegim.

Millatning ertasi ilmga bo‘lgan ishtahasi bilan belgilanadi.

O‘zbekiston va butun Markaziy Osiyo tarixida ilk bor: Shahlo Turdiqulova Butunjahon fanlar akademiyasi vise-prezidenti etib saylandi

O‘zbekiston Respublikasi Fanlar akademiyasi vise-prezidenti, professor Shahlo Turdiqulova 2027–2028-yillar uchun Butunjahon fanlar akademiyasining (TWAS) Markaziy va Janubiy Osiyo bo‘yicha vise-prezidenti etib saylandi. Sh.Turdikulova akademiyaning butun tarixi davomida uning rahbariyatiga saylangan O‘zbekiston va butun Markaziy Osiyoning ilk vakili bo‘ldi.

Butunjahon fanlar akademiyasi 112 mamlakatning yetakchi tadqiqotchilarini, jumladan, Nobel mukofoti laureatlarini birlashtiradi. Fizika bo‘yicha Nobel mukofoti laureati Abdus Salam tashabbusi bilan 1983-yilda tashkil etilgan TWAS rivojlanayotgan mamlakatlarda ilm-fan taraqqiyotini qo‘llab-quvvatlaydi. Akademiya YuNESKOning dasturiy bo‘linmasi bo‘lib, uning bosh qarorgohi Italiyaning Triest shahrida joylashgan.

Saylov natijalari TWAS a'zolarining ovoz berishi asosida aniqlandi. Shahlo Turdiqulova akademiyaning olti nafar vise-prezidentidan biri sifatida 2027-yil 1-yanvardan o‘z vakolatlarini bajarishga kirishadi. U 2025-yildan Butunjahon fanlar akademiyasi a'zosi hisoblanadi.

TWASning yangi Kengashiga Xitoy Fanlar akademiyasi prezidenti Xou Szyango rahbarlik qiladi. Shahlo Turdiqulova Kengash tarkibida akademiya faoliyatining strategik yo‘nalishlarini belgilash, xalqaro ilmiy hamkorlikni rivojlantirish va tadqiqotchilarni qo‘llab-quvvatlashda ishtirok etadi. Uning saylanishi Markaziy Osiyoga TWASning ilmiy kun tartibini shakllantirishda rahbariyat darajasida bevosita ishtirok etish imkonini beradi.

Ma’lumot o‘rnida: biologiya fanlari doktori Shahlo Turdiqulova — biotexnologiya, biokimyo va inson genetikasi sohalaridagi olim, Ilg‘or texnologiyalar markazi direktori. U doktorlik dissertasiyasini tayyorlash doirasida Los-Anjelesdagi Kaliforniya universitetining (UCLA) membrana biologiyasi laboratoriyasida tadqiqotlar olib borgan. 2025 yilda Oksford universitetining tashkiliy yetakchilik bo‘yicha diplomini — Postgraduate Diploma in Organisational Leadership — olgan.
Uning ilmiy faoliyati Markaziy Osiyo aholisi genetikasini o‘rganish va O‘zbekistonda biotexnologiyalarni rivojlantirish bilan bog‘liq. Uning rahbarligida COVID-19ni aniqlashga mo‘ljallangan ilk mahalliy PZR-test tizimi hamda O‘zbekiston–Xitoy hamkorligidagi ZF-UZ-VAC 2001 vaksinasi ishlab chiqilgan.
TWAS ilmiy tadqiqotlar uchun grantlar ajratadi, ilmiy kadrlar tayyorlashga ko‘maklashadi, tadqiqot markazlari o‘rtasidagi almashinuvlarni qo‘llab-quvvatlaydi va ilmiy diplomatiyani rivojlantiradi.
Shahlo Turdiqulovaning saylanishi O‘zbekiston va Markaziy Osiyoning ilmiy tashabbuslarini ilgari surish, tadqiqot sohasidagi hamkorlikni kengaytirish hamda mintaqa yosh olimlarining xalqaro dasturlarda ishtirokini oshirish uchun qo‘shimcha imkoniyatlar ochadi.

📍@akademik_burchak 🛋