Bugun Abdukarim Mirzayev bilan bir piyola choy ustida shunday samimiy va teran suhbat qurdik. Hayot, ma'naviyat, bugungi jamiyat va ta'lim haqida uzoq gaplashdik.
Suhbat davomida bitta muhim insayt qalbimga juda qattiq oʻrnashdi...
Sharq falsafasida, xususan Forobiyda bir tushuncha bor. Haqiqiy Baxt-saodatga erishish uchun inson ma'lum bir zanjirni bosib oʻtishi kerak:
📍 Mantiq va Dalil ➔ Aql ➔ Me'yor ➔ Odat ➔ Xulq ➔ va yakunda BAXT.
Bugun oʻylab qoldim: biz ta'limda ham, hayotda ham eng asosiy halqani — Mantiqan va teran fikrlashni ushlab tolmayapmiz. Yoshlarimizga tayyor ma'lumotni beramiz, lekin fikrlashni, har bir narsada me'yorni topishni va buni odatga aylantirishni oʻrgatmaymiz. Natijada esa jamiyatda "bilimli", lekin "baxtsiz" insonlar koʻpayib ketyapti.
Abdukarim aka bilan suhbatda yana bir bor amin boʻldimki, asl ta'lim — bu shunchaki diplom yoki ma'lumotlar toʻplami emas. Asl ta'lim — bu insonning fe'l-atvorini va fikrini toʻgʻrilaydigan, uni baxtga yetaklaydigan jarayon.
Rasmga qarasam, suhbatning samimiyati va harorati barq urib turibdi. Shunday insonlar koʻpayaversin.
Sizningcha, bugungi ta'lim va hayotimizda ushbu zanjirning qaysi halqasi uzilib qolayotgandek?

live da ko’rishga ulgurmaganlar uchun 😉

Yoshlarimiz va oʻsmirlarga bitta samimiy tavsiyam bor! 🎧📚
Yaqinda Mutolaa ilovasida Vey Syuinning «Garvard metodi» nomli audiokitobini eshitishni boshladim. Toʻgʻrisi, undagi fikrlar va yondashuv menga juda maʼqul keldi.
Ayniqsa, “Vaqtni boshqarish shaxsiy rivojlanishga xizmat qiladi” degan qismi har bir yosh inson oʻylab koʻrishi kerak boʻlgan mavzu. Dunyoning eng kuchli universitetlarida liderlar qanday intizom va fikrlash bilan tarbiyalanishini juda sodda va tushunarli tushuntirib bergan.
Agarda boʻsh vaqtingizni unumli oʻtkazishni, oʻz ustingizda ishlashni va kelajak uchun mustahkam poydevor qoʻyishni xohlasangiz — bu kitobni albatta eshitib koʻring.

"Bugun bizdan xafa bo‘lishar, lekin ertaga rahmat aytishadi..."

Ta’limda bitta qat’iy qoidam bor: sifat masalasida yon berilmaydi va vijdon sotilmaydi.

Ba’zan Davlat yakuniy imtihondan (GOS) o‘tolmay, diplom ololmagan talabalarim mendan xafa bo‘lishadi. Hozir ularning ko‘ziga qattiqqol va "yomon" ko‘rinayotgandirman...
Lekin bu talabchanlik ortida birgina maqsad bor — ularni izlanishga va haqiqiy bilim olishga majbur qilish.

20 yillik tajribamda ko‘rdimki, yuzaki baho emas, balki qiyinchilik bilan egallangan bilim butun umrga asqotadi.
Bugun ranjigan shogirdlarim ertaga hayotda o‘z o‘rnini topgach, sohasining mutaxassisi bo‘lgach: "Yaxshiyamki, o‘shanda qattiq turishgan ekan," deb albatta rahmat aytishadi.

Ustozning vazifasi — talabaga vaqtincha yoqish emas, uni kelajakka tayyorlashdir.

Bilimsizlikka ko‘z yummaylik va hech qachon kasbiy vijdonimizga qarshi bormaylik.

Суд ҳақида ҳамма гапириши мумкин. Аммо уни ичидан билганлар ва илмий нуқтаи назардан ўрганганлар нима дейди?
Барчаси “Yakubov's” подкастининг 2-сонида

"Суд ҳақида айтилмаган гаплар — назариётчи ва амалиётчи талқинида"

Тизерни кўринг. Асосий суҳбат эса — ундан ҳам қизиқ.

Подкастни тўлиқ YouTube’да томоша қилинг

📢 YAQIN SOATLARDA YANGI VAZIR TAYINLANADI

3-oktabr kuni Prezident farmoni bilan Maktabgacha va maktab ta'limi vazirligi hamda Oliy ta'lim, fan va innovatsiyalar vazirligi negizida yagona Ta'lim va ilm-fan vazirligi tashkil etildi.

Yaqin soatlarda yangi vazirlikka rahbar tayinlanishi kutilmoqda. Endi bog'chadan universitetgacha butun ta'lim tizimi va ilm-fan bitta vazirlik qo'lida bo'ladi.

Rasmiy e'lonni birinchilardan bo'lib shu kanalda yetkazamiz. Kuzatib boring!

Kasb tanlashdagi eng ko'p uchraydigan xato

Yaqinda bir shogirdim bilan gaplashdim. Yurisprudensiyani bitirib, MIDda ishlamoqchi. "Nega aynan MID?" desam, "Sayohatni yaxshi ko'raman" deydi.

Sayohatni yaxshi ko'rgan odam faqat MIDni tanlashi shartmi?

MIDda ishlaydigan odam ochiq bo'lishi, odamlar bilan tez til topishishi, tillarni oson o'rganishi, diplomat va muloyim bo'lishi kerak. Shogirdimning kuchli tomonlari esa boshqa: diqqatli, tezkor, ma'lumotni sir saqlay oladi. Bu sifatlar bilan u boshqa sohada ancha kuchli bo'ladi. Topgan daromadi va imkoniyati bilan esa yiliga 3-4 marta bemalol sayohat ham qila oladi.

Muammo shundaki, tanlangan kasb har doim ham insonning kuchli tomoniga mos kelmaydi. Kuchli tomonini aniqlashga esa ko'pchilik qiynaladi, yoshlar ham, kattalar ham.

Natijada ko'pchiligimiz o'zimiz xohlamagan ishda yuramiz: rangimiz chiqmaydi, ijod qila olmaymiz, so'nib qolamiz. Na o'zimizga, na ish beruvchiga samara bo'ladi.

Kasb tanlashdan oldin o'zingizni taning: kuchli tomoningiz nima, nimani kuchaytirish kerak, qayerda zaifsiz?

Siz kasbingizni kuchli tomoningizga qarab tanlaganmisiz?

▶️ To'liq video: https://youtu.be/-Q1DSBCYsGs