#Juma Muborak!

Jumaning xayri va barokati sizga bo'lsin!

Allohumma solli a'la sayyidina Muhammad

@alamiy_uz

— Nega she'r yozmay qo'yding?
– deydi do'stim.
— Nega yozay? – deyman men.

— Axir, sen shoirsan!
To tirik ekansan,
yozishing kerak,
faqat yozishing!

— To tirik ekanman,
– deyman men,
– yashashim kerak edi,
faqat yashashim!..

Axir, eplolmaganim uchun
bu ishni she'r yozdim!..
Axir, she'r –
men yashay olmagan hayot,
yashay olmay,
ichimga yutgan achchiq
hayotdir, do'stim!..

#Ulugʻbek Hamdam

@alamiy_uz

Qachonki hamma
narsa ustingizda yig'ilib,
bundan so'ng hech
narsaga chiday
olmaydigan nuqtaga
yetgan paytingizda,
taslim bo'lishdan
ehtiyot bo'ling.

Chunki aynan shu nuqtada
taqdiringiz butunlay o'zgaradi.

#Jaloliddin Rumiy

@alamiy_uz

Assalamu alaykum, do'stim!

Hadis kitoblaridagi mana bu so'zlarni o'qiganimda qalbim ezilib ketadi:

Bir sahoba boshqasidan so'raydi:
— Qayerdan kelyapsan?
— Rasulullohning oldidan.
— Qayerga yo'l olding?
— Rasulullohning oldiga.
Shunchalik oddiy, shunchalik go'zal…
Rasulullohning oldidan Rasulullohning oldiga!

Koshki men ham u zotning oldlariga borib:
"Yo Rasululloh, qalbim azob chekmoqda", desam.
Ular esa muborak qo'llari bilan ko'ksimni silab, menga sabr tilasalar…

Koshki menga: "Umidsizlanma, bu kunlar ham o'tib ketadi!" desalar.
Koshki muborak qo'llarini qalbimga qo'yib:
"Ey qalb, sobit bo'l!" desalar...
Axir, avval bir sahobaga shunday deganlarida, uning qalbi sobit turgan-ku!

Xurmo tanasiga rahmi kelganidek, menga ham rahmi kelib,
Bag'riga bossa edi...
O'shanda dunyodagi barcha narsa menga omonlik bo'lib tuyilardi!

Koshki sevganim bilan nizoga borganda,
U zotning huzurlariga borib, yarashtirib qo'yishlarini so'rasam.
Qalbimdagi yoriqlarni davolasalar…
Mug'is nomidan Buraydaga vositachi bo'lganidek,
Menga ham vositachi bo'lib, unga:
"Balki qaytarsan" desalar.

Qarzlarning og'irligi bosib, Rasulullohga shikoyat qilib borsam-u,
Ular Jobirning qarzi uchun Yahudiyga uzr aytganlari kabi,
Mening ham holimga bir qarashlarini so'rasalar edi...

Koshki kasal bo'lganimda,
Sa'd ibn Abu Vaqqosni yo'qlaganlari kabi,
Meni ham yo'qlab, dalda bersalar…

Koshki xafa bo'lganimda,
Qushchasi o'lib qolgan bolakayni yupatganlari kabi,
Meni ham yupatsalar…

Har qiyinchilikka tushganimda,
Yosir oilasining oldidan o'tib:
"Sabr qiling, ey Yosir oilasi, borar joyingiz Jannat!"— deganlaridek,
Menga ham tasalli bersalar edi…

O'shanda dunyoning barcha tashvishlari, barcha og'riqlari men uchun arzimas bo'lib qolardi...

Ya Rasululloh, sizni juda ham sog'indim!

@alamiy_uz

— Nega odatdagidek ularga tanbeh bermayapsan?
— Oldin ular bilan qolishni istaganim uchun ham tanbeh berardim.
Ammo bu gal o'zimni tiydim va ketishni istadim...
Agar ketishni istasam eshikni jimgina qulflaymanda, ketaman.
Kishi alangalanib yongandan so'ng sovuq kul bo'ladi!

Do'stim, tanbeh bu - jarohatni tozalashdir,
Jarohatni tozalamay turib tikib bo'lmasdi.
Lekin bu gal ish boshqacha,
Hamma jarohatni ham davolab bo'lmas ekan.
Ba'zan doktorlar qolgan tana sog'lom qolsin deb, kasal a'zoni kesib tashlashadi.
Men qilayotgan ish ham aynan shudir, menda qolganlarni yig'ib olamanda, yo'lda davom etaman!

Hislarni rioya qilishga qarshi emasman, ammo bu mening hislarim evaziga bo'lmasligi kerak!
Ko'ngil olishga ham qarshiligim yo'q, lekin uning to'lovi qalbim sinishi bo'lmasligi kerak!

Do'stim,
Menda 360 ta suyak, 1 ta qalb bor,
Suyaklarim qolib, qalbimni sindirishdi!
Barcha suyaklarimni sindirib, qalbimni qoldirishganda edi, ularni sevishda davom etaverardim..!

Assalamu alaykum do'stim!

@alamiy_uz

#Juma Muborak!

Jumaning xayri va barokati sizga bo'lsin!

Allohumma solli a'la sayyidina Muhammad

@alamiy_uz

​​#Tabassum

— Doktor, erim bilmasdan trimol ichib qo'yibdi, nima qilay?

— Tezda uning boshini og'riting, dori bekor ketmasin!))

@alamiy_uz

Mendan nima qilay deb so'ragan musulmonga:

Qur'onga o'zingni ur,
sunnatni uy,
taqvoni hamroh,
namozni esa me'roj qil.
Qalbingni fasoddan,
tilingni yolg'ondan,
me'dangni haromdan saqla,
halol ye.
Ayolni xor,
hamsuhbatingni past ko'rma.
Kishilar ko'nglini og'ritma.
Mazlumga do'st,
zolimga yov,
haqqingga esa rozi bo'l.

#Ihsan Shenojak

@alamiy_uz

#bugungikunimizda

Kitob

Toki qo'limizda kitob borligidan uyalib yurarkanmiz,
To kitob varaqlab o'tirgan joyimizdan to'rttasi turib ketaverar ekan,
To "kino"larda kitob ko'tarib yurganlarni "botanik", "loh" sifatida ko'rsatib, kulinarkan,
To kitob do'konlarida kitobdan bexabarlar sotuvchilik qilarkan,
To oligarxlar "alloma" sanalar ekan,
To xo'jako'rsinga kitobxonlik "targ'ibot"lari olib borilar ekan,
To bolasiga "kitob o'qi" deb buyurgan ota-ona o'zi soatlab telefonga termulib o'tirar ekan,
To kitob sovg'a qilsang, "pul topolmadingmi?" deb qarashar ekan,
To "shuncha o'qib nima topding?" degan savol mutolaaga qo'yilgan eng og'ir baho bo'lib yurar ekan,
To kitob javonlari mehmonga ko'z-ko'z qilinadigan "interyer"ga, kitoblar esa metrlab olinadigan bezakka aylanar ekan,
To muallif kitobini o'z cho'ntagidan chiqarib, o'zi ko'tarib tarqatib yurar ekan,
To o'qituvchining maoshi kitob narxidan ham ko'rinmay qolar ekan,
To "o'qimasdan ham boy bo'lish mumkin" degan gap hikmat o'rnida takrorlanar ekan,
To "uzun yozma, hech kim o'qimaydi" degan maslahat odat tusiga kirar ekan...

Bizning ahvolimiz o'nglanmaydi!

Ular hazilkash edilar.

Ma'ruzani lutfdan bo'lgan
ishda taqdim qilishar edi.

Umar ibn Xattob
roziyallohu anhu
bir kuni bir
odamni shoshilib,
ruku va sajdalarni
risoladagidek
qilmayotganini
ko'rib qoldilar.

U kishi namozni tugatganida:
"Ey Robbim,
meni hurlarga uylantirgin",
deb duo qildi.

Shunda Umar al-Foruq
roziyallohu anhu unga:

"Mahrni kamaytirib,
sovchilikni ko'paytirib yubording",
deb kulgan ekanlar. 😅

#Tonggi suhbatlar

@alamiy_uz

Tabassuming yodimda hamon,
Yodimdadir xandon ko'zlaring.
Kulgularing eslayman, bu on
Unutilgan yolg'on so'zlaring.

Atirgulning bargiday qizil,
Alvon edi tabassuming ham –
Ey ko'zlari xandon urgan qiz,
Nahot sendan qoldi faqat g'am?!

Men bilaman, eng so'nggi palla
Jonsiz qolib, sirg'alsa qo'lim,
Sening…sening tabassuming-la
Ko'zlarimga boqadi o'lim.

#Xurshid Davron

@alamiy_uz

#Juma Muborak!

Jumaning xayri va barokati sizga bo'lsin!

Allohumma solli a'la sayyidina Muhammad

@alamiy_uz

Gohida odam o'zini
bilmaslikka ham solib
turishi kerak.

Qadimgi arablar:
"O'zini kerakli paytda
jinnilikka sola oladigan
kishi qabila sayyididir"
deyishgan.

#Tungi suhbatlar

@alamiy_uz