Ақыт Үлімжіұлының жазған Пайғамбарымыздың(с.ғ.с) өмірге келуі мен есеюі жөніндегі қиссасын тыңдап өтіңіздер

Ібіліс пен оның әскерлері(шәйтандар) адам баласының тамырындағы қанмен бірге жүретіндей жақын екені хадистерде айтылады. Ол адамзатты мыңдаған жылдар бойы бақылап, зерттеп келеді. Сондықтан адамның қай тұста әлсіз екенін жақсы біледі: біреуді ашу арқылы жеңеді, біреуді құмарлық арқылы азғырады, енді біреуді мақтаншақтықпен күнаға жығып береді.

Шайтан әркімге бірдей жолмен келмейді. Әр адамның мінезіне, нәпсісінің бейім тұсына қарай амал жасайды. Сол себепті адам баласы әрдайым сергек болып, жүрегін қорғап, ойын бақылап, Раббысына жақын болуға тырысуы керек.

Сахабалармен бірге отырып, Пайғамбарымыздан ﷺ уахи түскен сәттерді өз аузынан тыңдаудан асқан қандай ләззат бар?

Намазды әлі бастамаған жан үшін ұзақ уағыз тыңдаудан гөрі, сол уақытты бөліп, әрқайсысы 5–6 минуттық парыз намаздарын оқу әлдеқайда берекелі.

Өйткені исламда білім ол амал үшін. Амалсыз білім жүректі бәрібір өзгертпейді, ал аз болса да тұрақты амал адамның рухын тірілтеді. Сәжде арқылы адамның жүрегі Раббысына жақын болады.

Таң қаламын… Қазіргі кезде әлеуметтік желіде біреудің өмірін талқандау, айыбын қазбалап, жұрт алдында масқаралау тым жеңіл нәрсеге айналып барады. Фейк парақша ашып, біреудің суретін рұқсатсыз жариялап, астына лас сөздер жазу бұл нағыз арсыздық.

Мұндай әрекеттің үш үлкен зардабы бар:

1) Алланың алдында жауап бар.
Сіз экранның арғы жағында отырып “ешкім көрмейді” деп ойлауыңыз мүмкін. Бірақ Жаратушы бәрін көріп, бәрін біледі. Біреудің намысына тию, ғайбат айту, жала жабу ең ауыр күнә және қияметте ең ауыр сұралатын істердің бірі. Адамның абыройы ол өте қасиетті нәрсе.

2) Заң алдында әр әрекеттің өз жауабы бар.
“Із қалдырмаймын” деу – бүгінгі замандағы ең үлкен қателіктің бірі. Себебі технология дамыған дәуірде ешнәрсе із-түссіз жоғалмайды. Әр басқан қадам, әр жазылған пікір, әр ашылған парақша – бәрі тіркеліп, серверде сақталып отырады.

Қазіргі киберполицияның мүмкіндігі өте кең. Кез келген фейк аккаунттың артында кім тұрғанын анықтау – олар үшін сән. Қанша жерден аккаунтыңызды өшіріп, “бәрін тазаладым” деп ойласаңыз да, қалдырған ізіңіз серверлерде сақталып қалады. IP мекенжайы, құрылғы деректері, тіркелу іздері – бәрі сізді көрсетіп тұратын үнсіз дәлелдер.

3) Адам алдындағы ұят пен өмір заңы.
Біреудің айыбын ашып, оны қорлаған адамға ертең өзіне міндетті түрде айналып келеді. Өмір ол алма-кезек. Сен біреуді масқараласаң – бұл тек оған емес, өз тағдырыңа жасалған қиянат.

Сондықтан абай болайық. Әлеуметтік желіде әр сөзімізді таразылап, біреудің құпиясын ашудан, намысына тиюден сақтанайық.