Бір күні ұстазымның үйіне барып әңгіме барысында әр түрлі зияндықтар, аурулар, жын немесе сиқырдың зияндары жайлы тақырып қозғалды. Сол кезде ұстазым менің үйіме бұлардың ешқайсысы кірмейді өйткені мен үйімнің кіре берістегі есігіне:

حَيٌّ صَمَدٌ بَاقٍ وَلَهُ كَنَفٌ وَاقٍ

Мағынасы:
Ол тірі, мұқтаж емес, мәңгі.
Оның қорғаушы панасы бар

Деген жазуды қойып қойғанмын саған да кеңес беремін әр түрлі жамандықтан аман боласың деді.
Содан бері үйімнің кіре беріс есігінде осы жазу тұр.

Ұйықтағанда бастырылу, немесе соған ұқсас барлық құбылыстар бірден жоғалды.
Аллаға шүкір. Ұстазы бар, ұстазынан үнемі кеңес алатын адам жеңіске жетеді деген сөзді де ұстазымнан естіп едім. Әр кеңес сұраған істерімде өкінген емеспін.

Әдетте бір-бірімізге айтылатын ең жақсы дұға – «Алла разы болсын» деген сөз.
Алла разы болса, қалғаны маңызды емес, оған жететін не бар…

Жасанды интеллект дәуірінде кітап жазушылар күрт көбейіп кетті. Бұрын бір кітап жазу үшін жылдар бойы ізденіп, толғанып, түзетіп, тер төгетін еді. Ал қазір бір-екі сөйлем жазсаң болды — жүздеген бет өзінен-өзі туа қалады. Кітап көп, шынайысы аз. Енді әркім өз жүрегінің үні емес, жасанды интеллекттің көмегімен жазылған туындысын қолына ұстап, қалемгер атанады. Бара-бара оқырман таңдау алдында “қайсысын адам жазды, қайсысын робот?” деп ойланатын шығар. Бара-бара ЖИ әдебиеттің бытшытын шығарары сөзсіз!!!

Сосын қазір кітап емес, жарнамасы көбейді. Жақын болашақта жасанды интеллекттен “Мынаны сен жаздың ба?” деп сұрап барып оқитын заман келеді ғой, бәлкім….

Пайғамбарымыз ﷺ айтты:
«Қара зереде(тмин) барлық дертке шипа бар, тек өлімнен басқа.»

Имам әс-Суюти “Пайғамбар медицинасы” кітабында:
«Қара зере(тмин) – Пайғамбарымыз ﷺ ұсынған ең ұлы шипалы өсімдік. Оның қасиеті әрі тәнге, әрі жанға шипа. Дене дертін де, рухани сырқатты да емдеуде аса пайдалы.» деген.

Сұрақ қойылды:
— Дүние деген не?
Жауап берді:
— Алладан басқа нәрсеге
алаңдатқан әрбір нәрсе —
сол дүние..!

💖 У тебя новое анонимное сообщение!

менде бір сұрақ бар, кейде ойыма келеді, Неге Алла адамды тозақта сонша қатты отқа шыжғыртып қинайды. Бұл жауыздық емес пе? Біз Ұлы деп сипаттап жүрген Алла неге олай деген ой келеді, Алла кешірсін

↩️ Свайпни для ответа.

Қазір жауап жазатын боламын!

Егер сіз Аллаға қарсы шыққан өтеееее күнәхар жан болсаңыз, әрине, ешқандай жазаға тартылмай, тыныштықпен топыраққа айналғанды қалайсыз. Бірақ Алла еш нәрсені ұмытпайды. Барлық сөздеріңіз бен іс-әрекеттеріңіз амал дәптеріңізге жазылып жатыр. Ертең сол амал дәптеріңізді көргенде, сіз тіпті ақталудың да қажеті жоқ екенін түсінесіз. Сондай-ақ өзіңізге тиесілі азапты көпсінбейсіз. Өйткені сол кезде барлығы анықталып, сізге бәрі түсінікті болады. Азап — артық та емес, кем де емес, тура өз еңбегіңіздің нәтижесі екенін түсінесіз.

«Алла жауыз» деген ой келеді дейсіз бе? Алла сізге қазір ескертіп отыр: «Қой деймін, тозақтың бары рас, оның азабы қатты әрі мәңгілік» деп бірнеше рет ескертеді. Енді осыдан кейін Ол өз уәдесін орындап, жоғары айтқанымдағыдай адамдарға тиісті жазасын берсе, ол қатігездік пе? Әлде өздерінің ісі үшін жауап беріп, тиісті жазаны алу әділдік пе? Қалай болғанда да, Алла оларға артық азап бермейді. Қанша азапқа лайық болса, сонша ғана алады. Әділдік — осы.

1. Алланы танимыз, бірақ әміріне бойсұнбаймыз.
2. Құран оқимыз, бірақ үкімін амалға асырмаймыз.
3. Шайтан – ашық дұшпан дейміз, бірақ соңынан еріп жүрміз.
4. Алдаудың зиянын білеміз, бірақ сақтанбаймыз.
5. Басқаның айыбын көреміз, бірақ өзімізге үңілмейміз.
6. Пайғамбар үмбетіміз дейміз, бірақ сүннетінен алыстадық.
7. Алланың сансыз нығметін пайдаланамыз, бірақ шүкірін ұмыттық.
8. Жәннат – ақиқат дейміз, бірақ соған жетуге талпынбаймыз.
9. Өлім – хақ дейміз, бірақ оған дайын емеспіз.
10. Өлікті қабірге қоямыз, бірақ ғибрат алмаймыз.