Намазды әлі бастамаған жан үшін ұзақ уағыз тыңдаудан гөрі, сол уақытты бөліп, әрқайсысы 5–6 минуттық парыз намаздарын оқу әлдеқайда берекелі.

Өйткені исламда білім ол амал үшін. Амалсыз білім жүректі бәрібір өзгертпейді, ал аз болса да тұрақты амал адамның рухын тірілтеді. Сәжде арқылы адамның жүрегі Раббысына жақын болады.

Таң қаламын… Қазіргі кезде әлеуметтік желіде біреудің өмірін талқандау, айыбын қазбалап, жұрт алдында масқаралау тым жеңіл нәрсеге айналып барады. Фейк парақша ашып, біреудің суретін рұқсатсыз жариялап, астына лас сөздер жазу бұл нағыз арсыздық.

Мұндай әрекеттің үш үлкен зардабы бар:

1) Алланың алдында жауап бар.
Сіз экранның арғы жағында отырып “ешкім көрмейді” деп ойлауыңыз мүмкін. Бірақ Жаратушы бәрін көріп, бәрін біледі. Біреудің намысына тию, ғайбат айту, жала жабу ең ауыр күнә және қияметте ең ауыр сұралатын істердің бірі. Адамның абыройы ол өте қасиетті нәрсе.

2) Заң алдында әр әрекеттің өз жауабы бар.
“Із қалдырмаймын” деу – бүгінгі замандағы ең үлкен қателіктің бірі. Себебі технология дамыған дәуірде ешнәрсе із-түссіз жоғалмайды. Әр басқан қадам, әр жазылған пікір, әр ашылған парақша – бәрі тіркеліп, серверде сақталып отырады.

Қазіргі киберполицияның мүмкіндігі өте кең. Кез келген фейк аккаунттың артында кім тұрғанын анықтау – олар үшін сән. Қанша жерден аккаунтыңызды өшіріп, “бәрін тазаладым” деп ойласаңыз да, қалдырған ізіңіз серверлерде сақталып қалады. IP мекенжайы, құрылғы деректері, тіркелу іздері – бәрі сізді көрсетіп тұратын үнсіз дәлелдер.

3) Адам алдындағы ұят пен өмір заңы.
Біреудің айыбын ашып, оны қорлаған адамға ертең өзіне міндетті түрде айналып келеді. Өмір ол алма-кезек. Сен біреуді масқараласаң – бұл тек оған емес, өз тағдырыңа жасалған қиянат.

Сондықтан абай болайық. Әлеуметтік желіде әр сөзімізді таразылап, біреудің құпиясын ашудан, намысына тиюден сақтанайық.

Сондықтан да ғалымдар: “Мұсылманның абыройы оның қанынан да қымбат” деген терең мағыналы сөзді айтқан.

Алладан қорықпағаннан қорық. Өйткені Жаратушысынан ұялмаған пенде, сенің ақыңды жеуден де, көңіліңді тілуден де тайынбайды.

“Уа, иман келтіргендер! Алладан қорқыңдар және егер шынымен сенген болсаңдар, өсімнен (рибадан) қалған нәрсені алмаңдар. Егер олай істемесеңдер (өсім алуды тоқтатпасаңдар), онда Алла тарапынан және Оның Елшісі тарапынан болатын соғысты біліңдер (күтіңдер)...»

Бақара сүресі, 278-279 аяттар!

Бұл аятта өсіммен айналысушы адам тікелей Жаратушыға қарсы шыққан болып саналады. Басқа ешбір күнә үшін (тіпті арақ немесе зина үшін де) мұндай “соғыс жариялау”тдеген қатаң ескерту келмеген.

Депозитке салынған ақшадан түсетін пайыз ол өсім (риба), ал өсім - харам нәрсе.
Сол сияқты, кредит алып, үстеме пайызбен қайтару да - сол харам өсімнің бір түрі.

Жоғарыдағы аят, хадистің бәрі сол жайлы

Өмірің берекесіз болып, құлшылығыңда иманның дәмі сезілмей жүрсе ең алдымен өз табысыңа қара. Өсім жеп, өсім беріп жүрген жоқсың ба? Себебі харам араласқан ризық жүректі қарайтып, берекені кетіреді.