لا ياغناتي كان إن العذر ينجيني
لو إنهْ ما أنجى ربع همام من سالم

فالعذر منك ، ترى ماهوب بيديني
لا يابعد كل من راسل ومن كالم

لكني أصد من صوتك ، لايغريني
رغم إن ودي بصوتك ، والله العالم

خلي المواصل ( رسايل ) ، بينك وبيني
من طلة أول شهر تسعه وانا مسالم

و( ألوه ) من فاهك المعسول ، تغويني
إغواية الضُلم ، للمستقوي الضالم

سُباتي إلي خذا من عمري ، وديني
صحيت عقبه مثل مايصحي الحالم

وتقصيري إلي مضى مني ، يكفيني
خليني أكفّر ذنوبي ، وأنا سالم

والله يالو إن مانيب أردع شياطيني
إن كان عيّدت قبل تعيّد العالم

لكن لا شفنا هلال العيد عانيني
مولِّـم اللكزز ومتحزم ، ووالم ..