الدجاج النظيف واللذيذ من @aldeirakw
خذيت الدياي قطعت الديايه الواحد٤أجزاء
حطيت عليها كمون كزبره دارسين وكركم
بعدها
بصلة كاملة مكعبات وحبتين فلفل بارد مكعبات ملون
ثوم وحبتين لومي
ومكعبين ماجي(ممكن استخدم ماجي طبيعي او بديل الماجي)
نحمس الخلطة عدل وملعقة من معجون الكبسة من ام اف ومعجون الكركم بالثوم😍😍😍
ونضيف الدجاج المتبل وممكن زيادة بهارات حسب الرغبه
نضيف البطاط مقدار حبتين مكعبات
وربع كوب كزبرة مفرومه حسب الرغبه
نحمس الخليط عدل ونضيف ماي ويطبخ الدجاج٤٠دقيقه
وبعدها
نضيف العيش المنقوع
ونملحه عدل
ونخليه يستوي على راحته
سامحوني ما صورت وانا انچب
بس الطبق طلع لذيذ وايد
والف عافية عليكم

مرحبا السموحة على التقصير وانتظروني بوصفات جميلة

بشاميل السعادة
اولاً صلصه البشاميل الاعتياديه
كل ملعقة طعام طحين =كوب حليب سائل
والبهارات(ماجي تركي /بصل بودر/ثوم بودر/جوز الطيب >اختياري)
نص قالب زبده
نحمسهم وبعدها نضيف الحليب وربع كوب جبن موزريلا
لما تثقل الصلصة نخليها على جنب
حمسه اللحم المفروم
بصل مفروم معجون ثوم بالكركم
طماط مفروم وعلبه معجون طماط
والبهارات(بهار لحم/دارسين/ملح)
نحمسهم عدل ونضيف ربع كوب ماي سلق المعكرونة

نخلط حمسه اللحم المفروم مع المعكرونة
ونصفه بالبايركس
نزيد الموزيلا فوق المعكرونة

وبعدها صلصه البشاميل
ونرش بقسماط وريحان مجفف اختياري
تدخل الفرن عشان تتحمر
وصحه والف عافية

سلام عليكم ولا اسرع ولا اسهل
قطع الدجاج الفرش
اتبلها في بابريكا ملح بهار الفاهيتا
ثوم مهروس او بودر وشوي خل
اشويها بالزبده
واضيف بصل ابيض وشرايح فلفل بارد
واقلبها ٨لي١٠ دقايق
واقدمها مع عيش اصفر
سلقت العيش بطريقه عاديه
مع بديل الماجي وشوي خل
او ممكن توست او خبز
تقدرون تسونها حق وجبات
وتقدمونها مع سلطه
صحه والف عافية

طاووق السعادة

وفي الإعادة افاده مع تغييرات بسيطة
اول نقطع صدور الدجاج مكعبات صغيره جدا
نضيف البهارات(بابريكا \ملح/ بديل الماجي او ماجي تركي
بابريكا.. فلفل اسود
ثوم مهروس/معجون الكركم من @mfstorekw
معجون الفلفل البارد
وروب ملكي ممكن عادي
والسوايل>>زيت زيتون+ عصير ليمون
ونقلب ونخلط المكونات
نخليهم بالتتبيله ساعتين او طول اليوم
بعدها
تنقيع الاعواد الخشبيه بماي بارد عشان لا تحترق
وبعدها
نشك الدجاج مع طماط صغير وفلفل بارد وبصل
نشويهم بالإيرفراير الحرارة١٩٣ على وظيفه الشووي
وبعدها تقدرون تحمصونهم
او تحمرونهم
صحه والف عافيه
لا تنسون الصلصات والحركات
#chiken #kuwait #cook #cooking

حشوة الورق عنب
كوبين ونص عيش صن وايت مغسول فقط
بصل كوب
بقدونس مفروم كوب او اقل
مكعبين ماجي خضار او بديل الماجي العضوي
البهارات(بهارات السبعه وفلفل اسود وبابريكا نعناع مجفف
معجون طماط ٣ملاعق كبيرة
معجون تمر هندي استخدمت ام اف ٤ملاعق
دبس رمان ربع كوب
نخلط المكونات ع النار
ونسكر بس تتمازج المكونات
وبعدها

الصلصة
ماي ورق العنب اللي بالعلبه
مع مكعب ماجي خضار
مع دبس الرمان ومعجون التمر الهندي المهروس
انا ضفت ملعقه سكر
نخلطهم ونزيد ماي واللي يحب ليمون
عصير

سويته رزيتو
وضفت ورق عنب مقطع او مفروم
وكل شوي ازيد الصلصه واحرك
لما تستوي
افضل نتيجه لطبخ الرزيتو
او الحشوة جذي انا معتمدتها
اضيف واحرك وارداعيد يبيلها طوله بال بس عجيبه
حطيت روب وصنوبر مقلي
وخبز محمص
الصراحه شي لذيذ وعيالي يحبونه اكثر من ورق العنب
اصلا اسهل بعد

صحة والف عافية

محاشي السعادة
نحفر الخضار ونجهزها
انا سويت كوسا فلفل بارد باذنجان
ممكن بطاط جزر ملفوف طماط حسب اللي تبونة

الحشوه
زيت زيتون +زبده
بصل مفروم+كزبره مفرومه+بقدونس قليل ورشه شبنت
ثوم مهروس
لحم مفروم
بهار اللحم+بهارات السبعه _مكعبين ماجي لحم
دبس الرمان ومعجون طماط
بالنسبه لي احمس الخلطه بدون سلق العيش
واخر شي اضيف العيش صن وايت
واقلبه مع المكونات واسكر عليه يبرد

الحين الصلصه
ثوم مهروس مكعبين ماجي مرقه الطماط+بهارالدقوس او المحاشي
مهروس طماط او صلصه الطماط من ام اف
معجون الطماط
ونزيده ماي وزيت زيتون قليل

نحشي الخضار ونخلي مسافه شوي عشان
تستوي ويتمدد العيش داخل
بجدر الضغط شرايح بطاط وزيت زيتون ودبس الرمان ونصف المحاشي
والصلصه ونحط صحن ضاغط
ونستخدم خاصيه الضغط ٢٥ دقيقه

بعد ما يصفر الجهاز نخليه المحاشي ترتاح ساعه
ويفضل ثاني يوم🥹😍
وبعدها ناكل بصحة وعافية