محاشي السعادة
نحفر الخضار ونجهزها
انا سويت كوسا فلفل بارد باذنجان
ممكن بطاط جزر ملفوف طماط حسب اللي تبونة

الحشوه
زيت زيتون +زبده
بصل مفروم+كزبره مفرومه+بقدونس قليل ورشه شبنت
ثوم مهروس
لحم مفروم
بهار اللحم+بهارات السبعه _مكعبين ماجي لحم
دبس الرمان ومعجون طماط
بالنسبه لي احمس الخلطه بدون سلق العيش
واخر شي اضيف العيش صن وايت
واقلبه مع المكونات واسكر عليه يبرد

الحين الصلصه
ثوم مهروس مكعبين ماجي مرقه الطماط+بهارالدقوس او المحاشي
مهروس طماط او صلصه الطماط من ام اف
معجون الطماط
ونزيده ماي وزيت زيتون قليل

نحشي الخضار ونخلي مسافه شوي عشان
تستوي ويتمدد العيش داخل
بجدر الضغط شرايح بطاط وزيت زيتون ودبس الرمان ونصف المحاشي
والصلصه ونحط صحن ضاغط
ونستخدم خاصيه الضغط ٢٥ دقيقه

بعد ما يصفر الجهاز نخليه المحاشي ترتاح ساعه
ويفضل ثاني يوم🥹😍
وبعدها ناكل بصحة وعافية

كيكة جوز الهند

كيكتي اللذيذه والسريعه
علبه بيتي كروكر فانيليا
٣بيضات+ثلث كوب زيت+كوب حليب عادي او حليب جوز هند
نكهة جوز الهند من ويتروز سيتي سنتر(مو ضروري بس الذ)
نص كوب جوز هند
نخلط المكونات السائله بعدها خليط الكيك
بعدها جوزز الهند المبشور والنكهه
وبعدها
نرش القالب بالسبري
ونصب الخليط وتدخل الفرن
بالرف الوسط
والحرارة ١٦٠ لمدة ٣٥ دقيقه
الصلصه حليب نستله محلى
وكرامل اي ماركة تحبونها
ترشون جوز هند للتزين
وكرز احمر او توت عادي
صحة والف عافية
#كيك_السعادة

برياني دجاج السعادة
اولا العيش المستخدم مزه ينقع ساعه ونص
الدجاج استخدمت دجاجتين
وزنهم ٩٠٠غرام
قطعتهم ارباع وشلت الجلد عنهم
والتببيله كالأتي،،
بهار برياني_بابريكا
معجون ثوم

معجون كمون
معجون كركم
نص جيس خلطه برياني من سوهانا
وايضا معجون البرياني ملعقتين كبار مليانه
علبه روب
علبه معجون طماط
نعناع مفروم ربع كوب وبقدونس ربع كوب
بصل مفروم نص كوب او اقل
بصل مقلي تقريبا ربع كوب او اكثر
نخلط كل المكونات عدل
ونضيف مكعبات البطاط
ونزيد الخلطة ملح

بجدر الضغط
بصل مفروم وبهارات برياني حب وسمنه
نضيف الدجاج والبطاط
ونضغط الخلطه ١٥دقيقه لي ٢٠ دقيقه
ونسلق العيش اللي منقعينه
بعد ما نخلص
نيب الجدر
ونحط دهن بالقاع
وطبقه عيش ونرش الالوان البودر او منقوع الزعفران
وشوي نعناع وبقدونس وخليط الدجاج
ونسوي طبقات
اخر شي بصل مقلي وزبده
نخليه ١٥دقيقه او لما يتسكر عدل العيش
نقدمة بصحة وعافيه

العيش المكسيكي العجيب
نص كوب بصل مفروم
فلفل بارد ملون
ذرة
بابريكا مطحونة__بهار ماجيك دجاج_بهار فاجيتا او مكعب ماجي
ملح منكهه من ماجيك
صلصه مكسيكية اي ماركة تفضلونها
لقيت جدامي هذي وحطيت

بالفيديد موضحه الطريقة
نخلط المكونات ونضيف العيش ونزيده ماي نفس مستوى الفيديو ما حسبت الصراحه الاكواب
العيش صن وايت وما يحتاج تنقيع

تتبيله الدجاج
عصير ليمون
بابريكا مطحونه _ ملح وفلفل اسود
زيت زيتون
بهار ماجيك للفاهيتا
تتبل الدجاج وتوضع بالإيرفراير
٦لي ٨دقايق على وظيفه الشووول الغرل

ترشون عليه بقدونس او كزبره وشرايح ليمون

انا اعشق المطبخ المكسيكي
وعادتن احب اطباقه وعيالي نفس الشي
صحه وعافية

فطاير السعادة

للتنويه الزيت مقداره ربع كوب مو ثلث

كوسا باللبن
اولا الكوسا نحفرها
ونحشيها كالأتي
بصل مفروم ومعاه ثوم مهروس
واللحم المفروم__ مع مكعبين ماجي لحم
مع بهارات السبع وبصل بودر بعد ضفت
نحمسهم عدل عدل ونضيف الصنوبر ونخلطها ونخليها على جنب
نحشي كوسا ونسكرها
ونحطها بالإيرفراير على وظيفه التحميص
ونحط شوي زبده او زيت لورباك
وتحت بالسله نص كوب ماي
ونخليها على الوقت اللي الوظيفه تعطينا ياه

ونسوي صلصه اللبن
علبه روب حامض المراعي علبه كبيره كامله
و٣ لي ٤علب لين حامض اي ماركة تبونها
٣ملاعق مليانه نشا
بيضه وحده كامله
ملح
وحطيت ثوم بودر قليل
بعدها
نخلط المكونات عدل
ونخلي الصلصه تثقل واذا تحبون تخففونها حطو ماي

نسقط الكوسى في الصلصه
ونسوي الطشه عباره عن
زبده وكزبره مفرومه
وصنوبر على النار بس يذبلون
نحطها كأخر طبقه ع الكوسا