تراميسو الليمون
اولا بسكوت ليدي فنقر
صلصه التغميس كالأتي
كوب ونص ماي دافي
عصير ٣ليمونات
قشر ليمونة
وكوب وربع سكر

ع النار مجرد ما يذوب السكر نسكر النار

نغمس البسكوت بالصلصه ونصفه كأول طبقه بالبايركس

صلصه الماسكربوني
علبتين جبنه ماسكربوني
علبه كريمة حامضه(اختياري واضافه مني)
كوب ونص كريمه ثقيله بارد(كريمة حلويات حفق)
بشر ليمونتين
نخلط المكونات ونخفقهم عدل
كريمه ثم الجبن ثم الكريمه الحامضة

بحمام مائي
٤لي ٥بيضات وسط
كوب وربع سكر
فانيليا
عصير ليمونتين
وبشر الليمون
نخلطهم لما يصير الخليط فومي وبعدها نسكر عليه

نضيفه بالتدريج مع خلطه الجبن اللذي ذكرتها
نخلطهم خفيف لما تتمازج المكونات
ونسوي طبقات بسكوت وكريمه وبسكوت وهكذا
نخليه يوم كامل بالبراد
ونزينها بشرايح الليمون
ونعناع وبلو بيري

صحه وعافيه

ما ييطلبه المتابعوون..

الدجاج مقطع شرايح طوليه
متبل فيه معجون ثوم وزنجبيل وبهارات(زنجبيل ثوم بصل وفلفل ابيض كلهم بودر وملعقه وسط )
وشوي نشا الذره

نقليهم بزيت السمسم
ونحط عليهم
الخضار بشرايح طوليه(جزر ملفوف بصل كوسا)

نضيف الصويا نوعين خفيفه ومعتدله
نقلب المكونات ونضيف بهارات نفس بهار تتبيله الدجاج
بعدها
والبصل الاخضر شرايح طوليه يعطي طعم خوراااافي للنودلز
نضيف الشعريه رقم ١
ونقلبهم ونزيد الصويا لو حابين
وبعدها ٥لي ٧دقايق
نخليهم على نار عاليه وبعدها نسكر ونستمتع بصحه وعافيه

مرحبا واعتذر عن التأخير
علبة مشروم بني
نحمسها مع فلفل اسود وملح
لي يطلع كل الماي

بعدها
نضيف بصل بودر وشوي ثوم بودر
ونضيف نص قالب زبده او زيت زيتون حسب الرغبه
ملعقتين طحين مليانه
و٣ ملاعق طعام صويا صوص الحاليه

نحمس الخليط وبس تتمازج المكونات نضيف كوب ونص لي كوبين ماي حار مذوبين فيه ماجي لحم مكعبين
او ماي سلق اللحم

نخلي الصوص يطبخ ويثقل وبعدها
نسكر النار
لذيذ لذيذ لذيذ

ممكن اضافه اعشاب او روز ماري او ريحان حسب الرغبه

ممكن استخدام ماي سلق الدجاج او اللحم او خضار عادي
ممكن استخدام مشروم ابيض وليس البني

تستخدم الصلصه مع البطاط المهروس
او الستيكات او اللحم المقطع او الدجاج ستيك

الفاهيتا السريعة
صدور دجاج فيليه
التتبيله(عصير ليمون _ ثوم مهروس _ملح وفلفل اسود_ بابريكا مطحونة بهارات فاهيتا بكل الجمعيات مو شرط ماركة معينة
بمقلاه مضلعه حاره ( نحط صدور الدجاح ونقلبهم ونستخدم سبري الزبده او زيت زيتون)

بعدها نحط فلفل بارد وبصل ابيض فقط
وعليهم جبن شيدر ونخليه يذوب بس
يتقدم مع خبز التورتيلا والساور كريم وصلصه الجواكمولي💚💕

صحة وعافيه يارب

اسهل وابسط فاهيتا تسونها

من اروع التغميسات اللي اسويها بين وقت وقت
احبها وموجوده طريقتها من قبل فرش ومكوناتها سهله

أفكادو ٤ حبات 🥑🥑🥑🥑
طماط 🍅 مفروم حبة ١
بصل ابيض حبه 🧅
كزبرة مفرومة 🍀
ملح وفلفل أسود وبصل بودر وثوم بودر

نهرس المكونات
ونقدمة بصحة وعافية

✌🏼😍😍😍😍🧅🍅🥑🍀🌮

صدور الدجاج بصلصة المشروم
اولا صدور دجاج فيليه مخليه من العظم
نتبلها(بابريكا ثوم مهروس_فلفل أسود_ملح_خل/ او عصير ليمون)
نشويها ٧لي٨دقايق على الشوايه
او ممكن بالإيرفراير
نحطها في بايركس

صلصه المشروم
كوب مشروم بني
ثوم مهروس
كيس شوربه فطر(اي ماركة تحبونها)
كوب ماي
كوب كريمة
وقليل من صلصه الصويا المعتدله
نحمس المكونات ونضيف السوائل
ونطبخها لما يثقل الخليط

نصبها على صدور الدجاج
صحه والف عافية

ادمامي بالصلصة
سلقت الادمامي ٥دقايق
وبعدها
استخدمت المايونير الياباني
وصلصه الثوم 💕😍

واستمتعو بالطعم

مسا الخير
بصل مفروم مع جرر حبتين
مع ملعقه وسط مهروس الثوم والزنجبيل
ورق غار وهيل
الدجاج صدور مخليه من العظم
مقطعه مكعبات
بهارات كبسة_كمون_ماجي دجاج او بديل الماجي_بهار دجاج
ملح وفلفل اسود
نحمس المكونات ونضيف
ملعقين صلصه الصويا المعتدله
وملعقه معجون فلفل بارد و نص كوب طماط مهروس
ونحمس المكونات عدل
ونضيف ماي ونخلي الدجاج يطبخ مع الخلطه
بعدها نضيف العيش
استخدمت عيش الكوزي الذهبي
متوفر بمحل الأمانه @alamanahco
يحتاج تنقيع ساعه ونص لي ساعتين
عموما نضيف العيش
ونقلب ونوازن الملح والماي
وبعدها نتركه اول شي نار عاليه
بعدها نخفف ونحط التنكه تحت الجدر
ونخليه يستوي يمكن ياخذ ٢٥دقيقه او اقل
ونقدمه بكل حب
صحه وعافية يارب

طلب خاص من محمد ولدي
محشي الكوسى والفلفل البارد

اداه تحفير المحاشي على طول احط لكم ياه لما احفر خضار او فواكة
عموماً
حشوة المحاشي( عيش صن وايت بصل مفروم طماط مفروم_بقدونس مفروم وشبنت مجفف وكذلك نعناع مجفف
مكعبين ماجي خضار وبهارات سبعه وفلفل ابيض
لحم مفروم علبه او حسب كميه الحشوه
معجون طماط ودبس الرمان وقليل من التمر الهندي

نحمس الحشوة على النار بزيت زيتون
وبس تبرز نحشي الخضار
ونصف حلقات بطاط وبصل ونصف الخضار
ونزيد عليهم صلصه الثوم ودبس وشوي زيت
اضافه مني ولكن غير ملزمين

الصلصه عباره عن(ثوم مهروس مكعبين ماجي خضار او مكعبين ماجي طماط
زيت زيتون_دبس رمان ملعقه صغيره سكر
وشوي تمر هندي ونزيدهم طماط معصور وماي

ونسوي صلصه كثيفه
او نخففها بماي اكثر حسب الرغبة
ونصبها ع الخضار لي ثلاث ارباع تقريبا
ونخلي الجدر ساعه ونص لي ساعه
تستوي وتصير روعه ولذيذه

وصحة والف عافية عليكم

#كوسا_محشي #لذيذ #الكويتيات #طبخ

الطبق روعه

اعتذر ان الوصفه ما كانت نازلة

طريقة البرغل التركي
اولا
كوبين ونص برغل تركي خشن
منقوع بمل ومغسل ومصفى
بعدها
كوب بصل مكعبات صغيره
كوب طماط مكعبات صغيرة
كوب فلفل بارد ملون مكعبات صغيره
ملعقه ثوم مهروس
بهارات(بهار فجيتا او ماجي تركي
بهار تركي او عثماني تلقونه عند شاهين افندي
فلفل اسود
بابريكا
نحمس المكونات بالزبده
نضيف البرغل المنقوع والمصفى
نضيف علبه معجون طماط
ومعجون فلفل بارد او معجون فلفل حار عادي ملعقه كبيره
نخلط المكونات
نزيد الماي فوق مستوى البرغل
نخليه يتشرب المروق
على نار هاديه
ونقدمه مع اي طبق مشويات او دجاج او سمك سيباس او ينوكل خالي مع روب

لذيذ جدا واااايد احبه

مع ان ما صورته بس لعيون اللي طلبته
ما تخليته شلون سهل وسريع

اولا ملفوف بنفسجي نقصه شرايح ضعيفه
وبعدها نرشه بالملح ونحطه بمصفاه وننطر الملح ينزل منه بعد ما نفركه باليد
وبعدها
في برطمان نظيف
نحط شرايح الملفوف
ونضيف
كوب خل وكوبين ماي وملح الليمون قليل
المهم ان نضغط الملفوف ونغمره بالخل والماي وملح الليمون
نسكر عليه ٣ لي ٤ ايام
وتأكلونه بصحه وعافيه

وممكن نفس الطريقه للبصل الاحمر يطلع فنتااااااااستك
روعه مع الاطباق التركيه

والف عافيه عليكم

برياني لحم
اولا بجدر الضغط او الجدر العادي
بصل مفروم كوبين مكعبات صغيره
(حبوب خردل +كمون
هيل ودارسين وورق كاري
حلبه مجففه
كل مكون شوي تحطون او حسب الرغبه
بهارات برياني(بهار لحم كاري بابريكا ملح فلفل اسود)

نحمس البهارات والبصل والثوم والزنجبيل بالزبده
او السمنه الذ وايد
لما تذبل المكونات >>>

تضيف خلطه اللحم
اللي تتكون من
لحم قطع مع عظم
او دجاج حسب الرغبة>>>مبهرين في نفس البهارات اللي ذكرتها
⬇️⬇️⬇️⬇️⬇️⬇️⬇️

مع نص علبه حليب جوزز هند مكثف
مع علبه معجون طماط
معجون وزنجبيل
وملعقتين اكل معجون فلفل بارد(اضافه مني)
٤ ملاعق معجون برياني (اساسي __ mk)
وشوي كزبره مفرومه
و٤حبات بطاط مكعبات كبيرة
واي خضرة انتو تحبونها(جزر بازليا_وغيرها من الخضار على راحتكم انا ضفت البطاط فقط
نضيف هذي الخلطة
لي حمسه البصل والبهارات اللي ذكرتها اول شي
وبعدها
نضغطها ٥٥دقيقه بجدر الضغط
اذا بجدر عادي ساعتين يستوي اللحم
بعدها
سلق العيش
بالطريقه الاعتياديه
وبعدها نسوي طبقة عيش
وزعفران ولون العيش ونعناع
وطبقه الخلطة
وهكذا
اخر شي زبده ورشه كزبره مفرومه ومنقوع الزعفران واللون بودر برتغالي واصفر او درجه لون المانجو
نخليه ١٥دقيقه
وبعدها نغرفه بكل حب
ونقدم معاه الصلصات والرايتا وكل شي

المكونات كالأتي
كيلو لحمه رأس العصفور
بصل حبتين مفروم
طماط علبه مع الصلصه (الرجل الاخضر)
(بديله طماط بدون قشر مع صلصته
ملعقه كبيره معجون الفلفل البارد
ثوم مهروس ملعقه وسط
فلفل بارد مكعبات حبه واحد
بهارات(بابريكا بهار حمساات من اطيب
ملح_كركم)
دبس رمان ربع كوب
بقدونس للتزين
لوز مقشر مقلي

نحمس المكونات بصل فلفل بارد والبهارات ونضيف اللحمه وعليهم صلصه الطماط والمعجون
نحمس ونقلب المكونات لي تتسبك
نضيف ربع كوب ماي
واخر شي دبس الرمان
والبقدونس واللوز
صحة والف عافية