تُحفة! أول مرة أقرأ لبول أوستر وغالبًا هيبقى من كُتابي المفضلين الفترة الجاية، دي الرواية اللي مش عارف كام اللي تثبتلي إني بشكل شخصي بحب القصص اللي بطلها عيل صغير، لسه مخلصتهاش لكن إلى الآن أرشحها بقلب جامد خصوصًا لمحبين الواقعية السحرية.

رجعنا..

معملش حاجة تستحق الذكر

غير إنه واقف لسه على رجليه..

-مصطفى إبراهيم

استكمالًا للكتب اللي أنا متخاذل في قراءتها، عايز أقول إني بحب الرواية دي جدا وشديد الإعجاب بيها، بدأتها من سنة تقريبا ولسه مكملتهاش لحد دلوقتي عشان أرشحها، ولكنها حلوة جدا و الإيقاع فيها رائع جدا لدرجة إنك ممكن تخلصها في وقت قليل ومتحسش إنك قرأت ٤٠٠ صفحة.

لسه واقف عند نصها ومخلصتهاش، بس مكنتش عايز التخاذل اللي أنا فيه يمنعني من إني أرشحها ليكم.

Still searching 🧐

في العادي مبحبش أعيد قراءة رواية مرة تانية، ولكن الرواية دي بقالها فترة بتيجي في بالي رغم إني مخلصها من مدة، ولكن كل ما أفكر في الحبكة بتاعتها والمدخل اللي بدأنا بيه الأحداث بحس إني عايز أقرأها تاني لإني متأكد إني هكتشف جانب آخر فلسفي مكنتش واخد بالي منه في القراءة الأولى.

على كل حال حبيت أرشحها ليكم لإنها بتتبع أسلوب في الحكي بحبه جدًا وبحب أستخدمه بشكل شخصي لما باجي أكتب قصة.

"معرفتك أنَّ لديك كتابًا جيدًا تقرؤه قبل المنام من ألذ المتع الحسيَّة".

🖊️ فلاديمير نابوكوف

أي حد يسأل عليا أنا بدور مع الضابط ستريس على الشخص اللي وصَّل دورونتين وراجع🚶‍♂

الرواية أهي لو حد حابب يقرأ معايا.

يمكن ألاقي عدد حلو قرأها وأعمل ال Book Club اللي بقالي سبع سنين بقول هعمله.

"إني غريبٌ تَـعال يَـا سكني
فليس لي في زحامهم أحدُ.")

أنا قرأت لشكسبير ماكبث وهاملت ويوليوس قيصر، واستمعت جدًا بالتلاتة وطبعًا لازم هكمل بقية أعماله.

ولكن من بين التلات مسرحيات اللي قرأتهم، ممكن تكون ماكبث هي أكتر واحدة معلقة معايا وقادر أتواصل معاها بشكل كامل.

فيه مشاهد مبقدرش أنساها ولا بنسى أثرها عليا أول ما قرأتها لأول مرة.

برشحها جدا للقراءة وعندي كلام كتير أقوله عليها ولكن مش حابب أحرقها للي مقرأهاش.

مبدهاش..

يتم أخذ خطوات جادة والإعلان عن التفاصيل قريب..

أنا عملت book club 😃
https://t.me/bookclubb7

"نادي الحصة الفاضية"

هنقرأ إيه؟

- كل حاجة، كتب، روايات، كوميكس، مانغا، منيو كرم الشام..

- هنتجمع في رووم مكونة من عشرة لخمستاشر شخص كحد أقصى، كله هيشارك وكله هيتكلم.

- مدة قراءة كل كتاب هتترواح ما بين عشرين يوم لشهر

- خلال الفترة دي هنحدد theme أو vibe معين له علاقة بالجنرا اللي بنقرأها.

- هنقرأ مقالات، ونسمع بودكاستس لو احتاجنا.

- هنعمل ميمز، هنكتب ريفيوز، وكلها هتتنشر بأسماء أصحابها.

- الهدف من النادي هو تغطية كل ما يخص الكتاب سواء عن الچنرا بتاعته أو المؤلف، يعني مش هنقف عند الكتاب اللي قرأناه وبس.

- من وقت للتاني هنستضيف "Special guest" سواء كان كاتب أو قارئ يشاركنا السيشن.

- فكرة ال club قايمة في حد ذاتها على التفاعل والمشاركة، ودا سبب اللي مخليني حاطط ليميت لعدد المشاركين في السيشن الواحدة، لإني عايز كله يشارك ويتكلم.

غير كدة، الكل مرحب في النادي🥰

لم أجد شيئاً أثمن من الطمأنينة، لذلك فهو الشيء الوحيد الذي أتمناه لكل شخصٍ أحبّه.

#بيسوا
#مكتبجي 👤📚

‏ما كان لك سيأتيك رغم ضعفك .. وما ليس لك لن تناله بقوتك.

- علي بن أبي طالب.

‏يعيش الإنسان وهو كاتم بقلبه ثلاثة أرباع خيباته وحزنه ويأسه وبؤسه ومأساته… وينفجر إذا وقعت قهوته من يده.

- أحمد خالد توفيق.

الكتب الجديدة اللي مستنيها تنزل من ساعة المعرض جاية تنزل بعد ما اشتراكي خلص🥸