(2-qism)

✍️Bayram tantanalari avvalida ichki ishlar organlarida uzoq yillar davomida fidokorona xizmat qilib, el-yurt tinchligi va osoyishtaligini ta’minlashga munosib hissa qo‘shgan bir guruh xodimlar tantanali ravishda nafaqaga kuzatildi. Ularga ko‘p yillik samarali mehnati, kasbiga sadoqati va xizmat burchiga mas’uliyat bilan yondashgani uchun minnatdorlik bildirilib, kelgusi hayot yo‘llarida sihat-salomatlik, xotirjamlik va oilaviy baxt tilandi.

Tadbir davomida Andijon shahar 1-son Madaniyat markazining xonanda va sozandalari tomonidan ijro etilgan dilrabo kuy-qo‘shiqlar bayramga o‘zgacha fayz bag‘ishladi. Milliy ohanglar va samimiy taronalar ishtirokchilarga ko‘tarinki kayfiyat ulashib, tantananing unutilmas lahzalarini yanada yorqin qildi.

Zero, Vatan tinchligi va xalq osoyishtaligi yo‘lida xizmat qilish — katta mas’uliyat va yuksak sharaf. Bu yo‘lda fidoyilik ko‘rsatgan xodimlarni e’zozlash, ularning ko‘p yillik mehnatini qadrlash hamda yosh avlodga ibrat qilib ko‘rsatish muhim ahamiyatga ega.

Andijon shahar hokimligi matbuot xizmati
YouTube|Telegram|Instagram|Facebook|web|Threads

(3-qism)

✍️Tadbirning yakuniy qismi madaniy-ma’rifiy dastur bilan davom etdi.

Andijon shahar 1-son Madaniyat markazi xonanda va sozandalari tomonidan ijro etilgan kuy-qo‘shiqlar bayram ishtirokchilariga ko‘tarinki kayfiyat ulashib, tantanaga yanada fayz bag‘ishladi.

Ichki ishlar organlari xodimlari, ularning oila-a’zolari hamda tadbir mehmonlari musiqiy chiqishlardan bahramand bo‘lib, kuy-qo‘shiqlar sadolari ostida davraga tushdilar.

Samimiy muhitda o‘tgan bayram tadbiri soha xodimlarining mashaqqatli va mas’uliyatli mehnatiga hurmat-ehtirom ko‘rsatish, ularning xizmatlarini munosib qadrlash hamda jamoada o‘zaro hamjihatlik va birdamlikni mustahkamlashga xizmat qildi.

Andijon shahar hokimligi matbuot xizmati
YouTube|Telegram|Instagram|Facebook|web|Threads

ANDIJON SHAHARDA “ZULFIYA” NOMIDAGI DAVLAT MUKOFOTI UCHUN SARALASHNING SHAHAR BOSQICHI YAKUNLANDI

✍️Kuni kecha, 37-umumiy o‘rta taʼlim maktabida “Zulfiya” nomidagi davlat mukofotiga nomzodlarni saralash bo‘yicha shahar bosqichi o‘z yakuniga yetdi.

Saralashda bilim va iste’dodi, ijodiy salohiyati, tashabbuskorligi hamda erishgan yutuqlari bilan tengdoshlariga namuna bo‘layotgan iqtidorli qizlar ishtirok etib, o‘z imkoniyat va qobiliyatlarini namoyon etdilar.

✨ Saralash jarayonida nomzodlarning bilim va salohiyati, ijodiy ishlari, erishgan natijalari, shuningdek, jamoat ishlaridagi faolligi va tashabbuskorligiga alohida e’tibor qaratildi.

Yakuniy natijalarga ko‘ra, belgilangan yo‘nalishlar bo‘yicha g‘oliblar aniqlanib, faxriy yorliq hamda esdalik sovg‘alari tantanali ravishda topshirildi.

Andijon shahar hokimligi matbuot xizmati
YouTube|Telegram|Instagram|Facebook|web|Threads