Qizlar o‘rtasida U-17 yosh toifasidagi O‘zbekiston chempionati Vodiy mintaqaviy bosqichining 13-turi doirasida o‘tkazilgan “Andijanka U-17” — “Xo‘jaobod U-17” uchrashuvida O‘zbekiston U-14 qizlar terma jamoasi bosh murabbiyi Saida Galimova tomonidan seleksiya ishlari olib borildi.

Seleksiya jarayonining asosiy maqsadi musobaqada ishtirok etayotgan 14 yoshgacha bo‘lgan iste’dodli futbolchi qizlarni aniqlash, ularning salohiyatini baholash hamda munosib nomzodlarni O‘zbekiston U-14 qizlar terma jamoasiga jalb etishdan iborat.

Bunday kuzatuv va seleksiya ishlari yosh futbolchi qizlarning iqtidorini yuzaga chiqarish, ularning mahoratini rivojlantirish hamda milliy terma jamoalar uchun munosib nomzodlarni tayyorlashda muhim ahamiyat kasb etadi.

Andijon viloyati futbol assotsiatsiyasi tomonidan Sport maktablari ligasi doirasida o‘tkazilgan Respublika chempionati hamda kubok musobaqalari yakunlari tahlil qilindi va murabbiylar bilan ochiq muloqot o’tkazildi

Yig‘ilish davomida musobaqalarda qayd etilgan natijalar atroflicha tahlil qilinib, viloyatda faoliyat yuritayotgan futbol murabbiylarning faoliyati, mavjud muammolar va ularning yechimlari yuzasidan fikr almashildi.

Ochiq muloqot tarzida o‘tgan uchrashuvda murabbiylarning taklif va mulohazalari tinglanib, sport maktablarida mashg‘ulotlar sifatini oshirish, iqtidorli yosh futbolchilarni aniqlash hamda ularning mahoratini yanada rivojlantirish masalalariga alohida e’tibor qaratildi.

Yig‘ilish yakunida murabbiylarni har tomonlama qo‘llab-quvvatlash, musobaqalarga tayyorgarlik tizimini takomillashtirish va viloyatda bolalar-o‘smirlar futbolini yanada rivojlantirish bo‘yicha ustuvor vazifalar belgilab olindi.