Xayrli kun onajonlar! 🥰

Kecha instagram sahifamiz havolasi bilan bo’lishganimizda ko’pchilik ular instagram sahifasidan foydalanishmasligini aytishgan edi.

Xo’sh, instagram sahifasida bo’lishadigan ma’lumotlarimizni shu yerda ham bo’lishib turaylikmi? 🤔

Bugungi mavzuyimiz, juda-juda nozik va muhim mavzu - bolalarda jinsiy savodxonlikni oshirish. 📚

“Yosh bolaga bu nega kerak?!” deb jahl qilishga shoshmang. Bu mavzu siz o’ylaganingizdan ancha dolzarb va muhim. ☝️

Siz reaksiyalaringizni ayamang, biz bilimimizni ayamaymiz. 🫶

Keling, bir boshidan boshlaymiz. ☕️

Bolaga jinsiy ta’lim berishda qilinishi mumkin bo’lgan eng birinchi va eng katta xato - bolaga jinsiy a’zolarni o’z nomi bilan emas, balki turli to’qima nomlar bilan o’rgatishdir! ❌

“gulcha” “qurolcha” “nosvoy” “boltacha” “pechenka” va hokazo deb jinsiy organlarni o’rgatish bolani keyinchalik juda katta xavfga qo’yishi mumkin. 🚫

Siz jinsiy a’zolarni yana qanday so’zlar bilan aytilgani guvohi bo’lgansiz? Izohlarda yozib qoldiring. 👇

“Amakim mening pechenkalarimga
tegib, ularni yeyapti!” - Amerikada sodir bo’lgan daxshatli voqea haqida. 💔

Bir kuni qizaloq bog’cha opasining oldiga kelib, “Amakim mening pechenyelarimga tegadi, ularni yeydi, bu menga yoqmaydi!” deydi.‼️

Shunda bog’cha opa qizaloqqa:
“Qizg’onchiqlik yaxshi emas! Sen amaking bilan pechenyelaringni
bo’lishishing kerak” deb dakki beradi. 🤨

Bir necha oydan so’ng, qizaloqning onasi bog’chaga kelib, “Qizimning pechenyesiga mayda qizil toshmalar toshibdi. Biroz havotir olyapman” deydi. 👀

Gap nimada ekanligini tushungan bog’cha opa daxshatga tushadi va bor gapni qizning onasiga aytib beradi. 🔔

Aniqlanishicha, qizaloq bir necha oy davomida amakisi tomonidan tegajonlik va jinsiy tajovuz ko’rib kelgan. 🚫

Bu haqida bog’cha opasiga aytib bergan, ammo, afsuski, bog’cha opasi tushunmagan… 😣

@anglanganonalik

Farzandlarimizga har bir jinsiy a’zoni o’z nomi bilan o’rgatishimiz juda muhim. Turli xil “bulbulcha” “gulcha” kabi to’qimalar bolaga faqat zarar keltiradi. 🚫

Qo’lni tayoqcha, boshni koptokcha deb o’rgatmaganimiz kabi, jinsiy a’zolarni ham o’z nomi bilan o’rgatishimiz kerak. ‼️

O’g’il bolada - penis yoki olat.
Qiz bolada esa - vagina yoki vulva va ko’krak. Bo’ldi. 🤷‍♀️

Bu so’zlar faqatgina bizga uyatli yoki qo’rqinchli ko’rinadi. Bolalar uchun esa oddiy so’z kabidir holos.

Agar shunda ham “yo’q, bu so’zlarni hech qachon ishlata olmayman” desangiz unda oddiygina qilib “avrat” deb o’rgating, lekin hech qanaqa “pechenka” emas, iltimos.

Jinsiy a’zolar haqida suhbatlashish yoki ularning nomini bolalardan qancha berkitishga harakat qilinsa, ular ham ota-onalariga ushbu mavzudagi muammolari haqida gapirishga qo’rqishni boshlashadi. 🆘

Yodingizda tuting, bolalarimizni iloji boricha xavfdan asrash bizning burchimizdir. 💗

@anglanganonalik

Avrat va mahramiyat haqida so’z borar ekan, yana bir o’ta muhim mavzu - ichkiyim qoidasi, yoki inglizchasiga PANTS haqida aytib o’tmasak bo’lmaydi. 🩲

Ushbu qoida haqida eshitganmisiz? 🤔

Statistikaga binoan:

1. Taxminan har beshinchi bola turli shakllarda jinsiy zo'ravonlik va zo'ravonlik qurboni bo'ladi. 💔

2. 90% hollarda jinsiy zo'ravonlikdan omon qolgan bolalar o'z xavfsizligini buzgan odamlarni shaxsan tanishadi. 💔

3. Zo'ravonlikka uchragan har uchinchi bola bu haqda hech qachon gapirmaydi. 💔

@anglanganonalik

Xayrli kun onanonlar. 🌷

Bugun juda yaxshi kayfiyat bilan ekranlaringizga chiqmoqchi edik… 😔

Ammo…

Ammo kunimiz mana shunday yangilik bilan boshlandi… 💔

Yaxshi yangilik - bu kishi qo’lga olinibdi. Ammo qizning psixikasiga nima bo’ldi… 💔

Jisniy ta’lim mavzusini juda ayni vaqtida ko’targanimizga yana bir bor ishonch xosil qildik. 👀

Bugun sizga ushbu mavzuning ikkinchi eng muhim qismini - PANTS qoidasini tushuntirib beramiz.

Bizning postlardan so’ng hech bo’lmasa 100 ta ayol “e haa, mana shunday bo’lishi kerak ekanda” desa biz o’z maqsadimizga erishamiz. 💗

PANTS
1- qoida

1. Privates are private - shaxsiy tana a’zolaring shaxsiydir. ⛔️

Bola 2-3 yoshga yetganda unga “ichki kiyim (trusik)” kiyiladigan joyni faqat ma’lum bir kishilar ko’rishi va tegishi mumkin deb o’rgatilishi kerak. ❗️

Masalan:

“qizim/ o’g’lim, ichki kiyim (trusik) kiyadigan joyingni faqat men, buving, bog’cha opang va ba’zi vaqtlarda, men bilan shifokorga borsang, shifokor ko’rishi va tegishi mumkin. Boshqa hech kim, hech qachon tegishi mumkin emas, hop?” ❌

@anglanganonalik

PANTS
2- qoida

2. Always remember your body belongs to you - Doim yodingda tut - sening tanang faqat senga tegishli. 👤

Bolaga bolalikdan uning tanasi faqat unga tegishli ekanini, FAQAT U tanasini tasarruf etishi mumkinligini va boshqa hech kim uning tanasi bilan hech narsa qilishga haqli emasligini uqtirish kerak. ❌

Masalan:

O’g’lim/ Qizim, sening tanang faqat senga tegishli. Hech kim seni uyaltiradigan yoki noqulay his qiladigan narsalarni qilishga haqqi yo’q. Agar kimdir seni ichki kiyiming ostini ko'rishni so'rasa yoki teginishga harakat qilsa, "YO'Q" deb javob ber va sen ishonadigan va gaplashishni yoqtiradigan odamga bu haqida aytib ber, hop? 💗

@anglanganonalik

PANTS
3- qoida

3. No means no - Yo’q - bu yo’q degani. ❌

Bola eng yaqin qarindoshlaridan birini (masalan, bobosini) quchoqlashdan bosh tortishga haqli. Siz bolani xohishiga qarshi tana aloqalariga majburlasangiz, uning o’z chegaralari haqidagi g'oyalarini buzishga sababchi bo’lasiz.

❌ Har qanday “Kattalar o’pmoqchi/ quchoqlamoqchi bo’lganda yo’q deyish mumkin emas” kabi tushunchalar bolaga faqat xavf olib keladi.

Masalan:

“Bolam, agar biror kishi seni quchoqlamoqchi yoki o’pmoqchi bo’lsa, lekin sen buni xohlamasang, yoki o’zingni noqulay his qilsang “Yo’q” deb javob bergin. Agar seni majburlashga yoki ko’ndirishga harakat qilsa, bor ovozing bilan biror kimni chaqirgin, hop?” 💓

@anglanganonalik

Aynan mana shu holatda ham erkak kishi o’zini “yaxshi amaki” qilib ko’rsatgan bo’lishi ehtimoli juda katta. 🤡

“Buncha shirin qizsan, huddi nabiramga o’xshar ekansan, kel bitta o’pay!” kabi gaplar bolada “mehribon odam” “katta odam” tushunchasini uyg’otadi. 👻

Agar o’sha holatdagi bola hayotida “Voy, yo’q dema aka-ku, bitta quchoqlasin” “Yig’lama, xolang bitta o’psin, janjal qilma!” kabi gaplarni eshitib katta bo’lgan bo’lsa, u bolada “yo’q” deya olish tushunchasi va qobiliyati rivojlanmagan bo’ladi. 😔

Bunday bolalar “hamma kattalar meni quchoqlashi/ o’pishi mumkin” degan tushuncha bilan yashaydi, afsus…

Onajonlar, agar farzandingiz oldingizda biror kimning quchoqlash yoki o’pishdan bosh tortsa, birinchi “yo’q” belgisidayoq o’sha odamga “Xohlamayapti, mayli, majburlamaymiz” deng-da, farzandingizga “Agar sen “yo’q” desang hech kim seni o’pishga ham, quchoqlashga ham haqqi yo’q” deb javob bering. 💕

@anglanganonalik