أحلم ..ولو ترفض لياليك الأحلام
‏ أحلام ابن آدم مصابيح روحه

كثير الزين يوم أقبل وسلم فرّض حبه ،وقدره ،وأحترامه

روسٍ رفعناها معزه وتقدير
‏و روسٍ نوطيها وناطا عليها

‏"ما أنقرضت الغزلان في نجد من يوم
‏شفتك .. عرفت إن باقي بـ نجد واحد"
‏- مطلق الجبعاء

صباح الضيّ
وأنا كل ما دعت أمي
سعدك الله
وشرح صدرك
تخيلتك معاي ولّي

اترك الهيّن مع صفق الهبوب يعدّي

و حنّيتك من الكلام الموجع الجارح
‏وسكت وانا ما عاش اللي يسكّتني

‏شفت الفجر مع طلعة النور ضاحك
‏قلت الأكيد إنه لمح بسمتك لمّح

‏مدري صباح الخير وإلا صباحك ؟
‏بالحالتين الخير في وجهك السمح

الناس في سطوتك والناس في لينك
‏ماغيرك اللي يخلّي صدورها اشرح

‏إذا ضحكتي ضحك من هُم حوالينك
‏الاّ أنا.. كل مرّه تضحكين اسرح

‏— مشاعل عبدالعزيز

وشلون ما أقول الجمال يحق لي
‏والأرض من ظلي تكحّل عينها

‏"احشميني يا مقابيل الأيام..من علومٍ ما تعّز ولا تشرّف"

ماجيتك يوم إنها ثقال ومعاسير/وشلون أجي يومها خفاف وهواين*

أعاف المطيح إلّا مطيحي على صدرك

مركاضنا يشبـع به الطير والذيب
‏ونروى معاطيش السيـوف الظوامي

واللي نظّم بشفاهك البلور
و الّهمني القمرا من خضابك

و أستخلصك من خايْعٍ ممطور
و أستامن الغيمه على اهدابك

وإن حداك الوقت على الطيحة..لا تطيح إلا على صدري

‏ماني بصوب الكلام الهيّن الهيّن
‏اللي يقولونه : اللي يستحقونه

‏الله عطاني وقار الشايب الديّن
‏اللي مطـاليق عدوانه يحبونه

‏ماسكن غيره خيالي والغلا ماهو لغيره
‏واحدٍ لامن طرا لي جاب طاريه المسرّه

‏والله إني في غرامه لين لحظاتي الأخيره
‏ما أتنزح لين نجم سهيل ينزح من مقرّه