Bir narsani test qilib koʻrmoqchiman👇

2020–2023-yillar davomida juda ham koʻp ishlar edim. Yilda 12 oy, ertalabdan kechgacha faqat ishlardim.

Chunki u paytlar jamoamiz va hech qanday tizimimiz yoʻq edi, deyarli hamma ishlarni oʻzim qilishimga toʻgʻri kelgan. Bundan tashqari, tajribam va bilimim nisbatan kamroq edi, shuning uchun vazifalarni bajarishga koʻproq vaqtim ketardi.

Lekin oxirgi 2 yildan beri ish rejimim biroz oʻzgardi.

Yilda 2-3 marta sprint koʻrinishida taxminan 2 oydan fokus bilan ishlayapman. Umumiy hisobda maksimum 6 oy ketadi. Qolgan vaqtlar asosan kelajakdagi rejalar haqida oʻylash, yangi produkt va strategiya ishlab chiqish bilan oʻtadi.

Hozir yana bir sprint boshlamoqchiman. Va shu Telegram kanalimda nimalar ustida ishlayotganimni koʻrsatib bormoqchiman.

Bunga asosiy 2 ta sabab bor:

1. Shu paytgacha koʻpchilik oldida nimadir qilishga vaʼda bersam, uni bajarishim menga osonroq boʻlgan. Chunki inson oʻzida yanada kuchliroq masʼuliyat his qiladi.

2. Ishlarimni va hayotimni "document" qilib borish. Bir necha yildan keyin orqaga qaytib, nimalar qilganim va qanday jarayonlardan oʻtganimni koʻrishim uchun.

Xullas, endi sizlar bilan nimalar qilayotganimni boʻlishib boraman.

Ishonchim komil, koʻp insayt va xulosalar olasizlar.

25 yoshimgacha qilgan eng muhim qarorlarim.

Insonni kim bo'lishi va kelajakda qanday natijalarga erishishida - uning o'tmishda qilgan qarorlarini ta'siri katta bo'ladi.

Bir necha kun oldin o'tirib o'z hayotimni tahlil qildim.

25 yoshimgacha bo'lgan yo'lda aynan qanday to'g'ri va noto'g'ri qarorlar qilganim haqida o'yladim.

O'ylab ko'rsam, hayotimni qaysidir ma'noda o'zgarishiga sabab bo'lgan 7 eng asosiy qilgan qarorlarim bor ekan.

Aynan shu 7 qaror haqida Youtube kanalimda video tayyorladik

Havola:👉 https://youtu.be/8hXpBiblMAY?si=4FGzAnU9LpshMCJi

Shu havola orqali kirib ko'rishingiz mumkin.

Umid qilamanki, foydali bo'ladi.

Bu eksperimentni boshlaymiz.

Orada bizda tayyorgarlik bosqichlari bo'ldi. Shuning uchun boshlamadim.

Lekin endi sekin boshlasak bo'ladi.

Hozirgi kunda asosiy ishlaydigan va fokus beradigan 4 ta proyektim bor.

1. Supermiya kompaniyamizdagi zapusklar
2. Davronbek Turdiev akademiyasi - oylik obuna formatidagi yangi produktimiz
3. O'zimni individual mentorlik o'quvchilarim. Ya'ni o'zimning produktlarim.
4. Oxirgisi hozircha sir. U 5-10 yillik proyekt.

Shuning uchun asosan birinchi 3 ta proyektlardagi maqsadlarimizni va jarayonlarni ko'rsatib boraman.

Hozir hamma proyektlar aktiv ya'ni jarayonlar allaqachon boshlangan. Ertaga har birini qisqacha tushuntiraman.

O'sha 2023 va 2024-yillardagi reality showlarni sog'indim. Hozircha reality qila olmayman-ku, 😅 lekin sizlarga qisqacha ko'rsatib boraman.

Qiziq bo'lsa, 🔥 qoldiring.

Ko‘pchilik zapusk deganda bir nechta reklama, bitta landing page va sotuvni tushunadi.

Aslida esa katta natijaning orqasida ko‘rinmaydigan juda katta tizim turadi.

Bugun jamoa bilan aynan Akademiya produktimiz uchun shu tizimni deyarli to‘liq qurib chiqdik:

1. Reklama uchun barcha kreativlar tayyor bo‘ldi.

2. Ikki xil VSL video tayyorladik. Qaysi biri yaxshiroq sotishini test qilamiz.
3. Landing page’ning ikkita variantini tayyorladik. Ularni ham A/B test orqali solishtiramiz.
4. Barcha raqamlarni noldan kuzatish va tahlil qilish uchun maxsus dashboard tayyorladik.
5. Landing page, Meta Ads va CRM ma’lumotlarini Adtru.ai orqali bitta tizimga uladik.

Endi har bir kreativ bo‘yicha:

qancha odam reklama orqali kelgani;
qancha odam botni ishga tushirgani;
telefon raqamini qoldirgani;
to‘lovgacha yetib borgani;
xarid qilgani;
qancha daromad olib kelgani;
bitta lid va xarid bizga qanchaga tushganini ko‘rib turamiz.

Oldin Meta Ads’da reklama natijasining faqat bir qismini ko‘rardik. Endi esa odam reklamani bosganidan boshlab, muvaffaqiyatli to‘lov qilgunigacha bo‘lgan butun yo‘lini bitta joyda kuzata olamiz.

6. Target reklama sozlamalari ham tayyorlandi. Kreativlar, sarlavhalar va reklama matnlari joylandi.

Endi navbat reklamalarni ishga tushirib, real natijalarni ko‘rishga 🔥

Muvaffaqiyatsiz o'tgan testlarimiz haqida.

Oxirgi uch kun davomida bir nechta gipotezalarni testdan o'tkazdik.

Lekin hech qaysi biri man kutgandek natijani bermadi.

Bugun to'liq tahlil qildim. Shu paytgacha nima ishladi va nimalar ishlamadi?

Shundan kelib chiqib yangi gipotezani ham test qilishni boshlayman.

Qisqacha, yuqoridagi videolarda tushuntirdim.👆

Agar batafsil va raqamlar bilan ko'rsatilgan razbor qiziq bo'lsa, 🔥 qoldiringlar.

Youtube kanalimda keyingi videoda shuni razbor qilamiz.

Qisqa vaqtda +30,000 obunachi.

MOF - ya'ni iliq auditoriyani ko'paytirish uchun biz ishlatadigan va eng katta natija beradigan platforma bu telegram kanal.

Reels va reklamalar orqali sovuq auditoriyaga chiqamiz. (TOF)

Youtube va telegram kanallarimiz orqali ularni iliq (MOF) auditoriyaga aylantiramiz.

Ular qanchalik ko'p bo'lsa, kelajakda shunchalik ko'p mijozlar bo'ladi.

Bugundan yana sportni boshladim.

O'tgan yili 10 oy davomida to'xtovsiz sport bilan shug'ullangan edim.

Deyarli odatga aylanib ketgan edi. Zalga bormasam o'zimni noqulay his qilishni boshlagan edim.

Lekin qishda yiqilib, yelkam qattiq jarohat oldi. Doktor kamida 3 oy og'ir ko'tarmaslikni aytdi.

Shu bilan doimiy shug'ullanish juda ham qiyin bo'layotgan edi.

Nega bunday bo'layotganini sababini tahlil qilib ko'rdim. Chunki man uchun oldin bunchalik qiyin bo'lmagan edi.

3 ta asosiy sababni topdim.

1. Ofisga yaqin lekin o'zimga yoqmaydigan zalga chiqishga harakat qilayotganim.
2. Ustoz yo'qligi
3. Zalga chiqish uchun aniq belgilangan vaqt yo'qligi.

O'tgan yili xuddi shu 3 narsa manda bo'lgan ekan. Shuning uchun intizom bilan muammo bo'lmagan.

Bugundan yangi zalga chiqishni boshladim. Oldingidek Axad aka bilan yana shug'ullanishni boshladim.

Manimcha bu ancha yaxshiroq natija beradi.

Shunaqa gaplar.

Zo’r zamonda yashayapmiz-a?

Istalgan joyda ishlash mumkin.

Sartaroshga kelgandim.

Oldin shunchaki kutib o’tirar edim yoki reels ko’rardim.

Hozir telefon orqali AI yordamida ishlarimni bajaryapman.

2-3 yil oldin kimdir aytsa, ishonmasdim.

Iman Gadzhi va Russell Brunson hamkorlikda zapusk qilishmoqda.

Bugundan webinar boshlandi.

200.000 ta inson efirda.

1,5M inson ro’yxatdan o’tgan edi.

Taxminan 15% kirish konversiyasi.

Bunday katta traffik uchun bu juda ham zo’r.

Efirni ko’rish