لا تسيّر علي مسيار عابر سبيل
‏وأنت بين الضلوع راعي محل

‏الشعور الي يجيني كل صبح وكل ليله
‏هو يمرّك يا نديم البال ولا ما يمرّك؟

‏لاتقول شلون حالك ، بعد قصتنا الطويله
‏انت مادامك بخير وعافيه ، حالي يسرّك

‏« قبل أعرفك كنت أخاف الحلم و أخاف أتجلّى
‏و من عرفتك صرت أعيش العمر و أرد إعتباره »

‏«أحنّك مثل ما أحن وجهي من المنقود
‏وأعدك ليا عديت .. الأيام وش جابت»

أنا معك حتى ولو ماني معك
قل للوداع ان الغلا ماله وداع

‏فاقد اللي في غيابه ترك لي حاجتين
‏ذكرياته .. والسهر بين لعل وعسى

‏ودّي ادري واقطع الشك بالعلم اليقين
‏هو نسى ماضيه فالحب ولّا ما نسى ؟

‏تعال إن مرّتك نسمة حنين و جاك هدّة حيل

‏"جرحٍ ضماده سنين العمر ما يبرا
‏يبقى ورى ما تشوف الناس متواري

‏أوهامك اللي تضوّي للأمل . . مسرا
‏ما تخفي الواقع المظلم على الساري"

‏«أتحمّل وطأة الحزن و أعيش مسرور
‏و الكلام اللي رتق و الكلام اللي جرح

‏بس مانيب أتحمّل ضبابيّة شعور
‏الشّعور السّادة اللي لا حزن و لا فرح»

ماتمنعني حدود المسافه عن التعبير
انا توني مسولف معك وانت ماتدري

صافحت في كفّي خيال العزيزين
واثره جنون الشوق صافح يديني

‏تصنعت نسيانك وحبيت خشم البال
‏أخاف أرتكب عقب الغلا غلطة الشاطر

‏يكفيني ويكفيك عذري عن الأهمال
‏تركتك لوجه الله ولا أنت فـ الخاطر

‏وشلون جاء لك على هالجفى قوّه
‏وشلون تسلى وتبعد وتنساني

‏لا عزّتك شيمه ولا تعرف مروّه
‏ولا ردتك سلوم جدانك وجداني

‏لكن بعلمك شي وأعيد و أنوّه
‏ما ظنّي بعد هالبيتين تلقاني

‏تبي تذكرني في نهارٍ ما بدا توّه
‏وقتها عاد دوّر من يعوّض مكاني

‏من قلة الحيلة ومن سوء الاوضاع
‏لو تركي الدلة على الصدر فاحت ):

‏«أثر المواصل لا غدى من غير روح
‏مثل المصافح من عقب حب الخشم»

‏ما عاد يهمني حزن الحياة الجاي واللي فات
‏من يذوق الهوى ما عاد ميّز عدله وظلمه

‏أشوف الساعة اللي جابتك هي أبرك الساعات
‏يا حلم اللي لو انه ما يعرفك ما عرف حلمه

‏أنا أكثر واحد أختار السكوت وفضّل الأنصات
‏قبل لا يدري ان الحب كلمه والجفا كلمه

‏حمّلت من جور العنا فوق ما أطيق

‏« عزاي إني رغم شدّة وضوحي ما عشقت إلاكّ
‏لكن اللي سرقني -عن عيونك- شدّة وضوحي »

كحلتها واجد واليوم بعميها
والنفس لا عافت اللّٰه لا يردها

‏لاتسّير علي مسيار عابر سبيل
‏وانت بين الضلوع العوج راعي محل

‏تمطر لغيري من حنانك سحايب
‏ويموت قلبي بين اياديك عطشان