𝐖𝐞 𝐧𝐞𝐯𝐞𝐫 𝐤𝐧𝐨𝐰 𝐭𝐡𝐞 𝐯𝐚𝐥𝐮𝐞 𝐨𝐟 𝐚 𝐦𝐨𝐦𝐞𝐧𝐭 𝐮𝐧𝐭𝐢𝐥 𝐢𝐭 𝐛𝐞𝐜𝐨𝐦𝐞𝐬 𝐚 𝐦𝐞𝐦𝐨𝐫𝐲...

بِصفتنا بَشر، بعتقد أنه مِن الطَبيعي ما نحكي بالأماكن غير المُريحة.

ما نشارك فيها ولا نحكي فيها كثير، سِواء الموضوع بيتعلق بأشياء بنحبها أو لا، أشياء جديدة علينا، حافظينها، عندنا خبرة كبيرة فيها أو لا، مهما كان الموضوع ما بنحكي، لأنه نحن مو حاسين بالراحة، بالأمان، بالسَلام أو حَتى بالتَقبُّل.

بعتقد أنه الإنسان طول عمره ببحث عن المَشاعر الحلوة بِشكل أو بِآخر، مرة بلاقي الأشياء يلي ببحث عنها ومرات كثير... كثير لِلغاية لا.

هيك بعتقد أنا🤷🏻‍♂️

مرات بتحس الشطرنج حلوة
مرات بتحس الشطرنج مملة ومقتة بالمرة
الشطرنج هي هي
ما تغيرت اللعبة عبر التاريخ إلا مرة ومو تغيير جَذري لا، بَس صمموا الشطرنج العشوائي وكانت هي فِكرة بوبي فيشر

المُهِم، الشطرنج بتضل شطرنج، بَس نحن مرات بنشوفها حلوة ومرات لا، مرات بنحس حالنا شاطرين في شغلة معينة شطارة خارقة وبنقدر نحرق الدنيا، ومرات بتحس أنه مالك نفس ولا رغبة أنك تمشي فيها خطوة، وهَذا الأمر طبيعي للغاية لأنه كلنا بالأخير إلنا حَد مِن الشَغف والرَغبة.

بَس السؤال يلي ممكن يخطر ببالك؛ كيف في ناس بتكون خارقة في هَذا المجال؟!

القصة مو قصة موهِبة وبَس، ما فينا ننكر أنه الموهِبة مُهِمة، يعني مثلاً عندك ميسي في كُرة القَدم، المُتنبي، قيس بن المُلوَّح وكارلس ماجنسن أفضل لاعب شطرنج في العالم وصاحب أعلى تقييم في التاريخ البَشري.

هدول الناس يلي ذكرتهن ما كانوا بَس مواهِب لا، كانوا عِبارة عن مواهِب وإستمرارية وتعلُّم مُستَمِر، يَعني عندك ميسي مَثلاً وخصوصاً على الصَعيد الدولي مِن 2006 وصولاً إلى 2020 ما حَصل على ولا بطولة دولية، اللاعب الأعظم والأهم والأكثر حسماً لأي مُباراة في برشلونة كان في الأرجنتين غير قادِر على حمل المُنتَخب لوحده خصوصاً مَع الضَغط الجماهيري العالي، بس بَعد 2021 ميسي قدر يجيب 5 بطولات دولية مع الأرجنتين، 2 كوبا، 2 فينالسيما وكأس عالم.

المُتنَبي رُغم أنه شاعِر إلا أنه بحث وبحبش وضل ينكوش في معاجِم اللُغة العَربية حَتى قَدر يلاقي كَلِمات بتزبط مع وزن شِعره، طَبيعي ما وُلِدَ ومخزن عنده في عَقلِه كَلِمات اللُغة كلها.

الإستمرارية، السَعي، التعلُّم المُستَمِر مَع إنتِقاء الأساليب والمصادِر الصَح يلي ممكن تتعلم منها قادر يوصلك لأماكِن بَعيدة لِلغاية، لِلغاية والله🤷🏻‍♂️

إنعدام الرغبة بخلينا ساكتين، بخلينا أشخاص هادية، ما عندها ردات فِعل أو حتى توقعات عالية كثير، وإذا صار شيء فوق المتوقع بكل بساطة ما بخلينا ننفعل.

لما تنعدم الرغبة بطفي الإنسان وهو مفكر نفسه أنه صار أحسن، أنه هو هلق حر، ما بكبل نفسه بالأحلام غير المنطقية وغير الواقعية أبداً... أو يمكن هو فعلاً هيك...

ما بعرف للصراحة، بَس بالحالتين؛ هو انطفى.

اليوم مع إرتِفاع سعر البانزين والمازوت يلي صاير في بِلادنا العَجيبة وبما أنّي شاب خطوت أول خطوة في العِشرينات وعم أحاول أكون نَفسي وحياتي وأشتغل، مَجبور إني شهرياً أدفع ما يُقارِب 400-600 ألف بَس للمواصلات.

لو صَفنا صَفنة صغيرة هيك وتذكرنا شو قال حاكم مصرف سوريا المَركِزي في 19\4\2026:

- نستهدف رفع إنتاج النفط تدريجياً إلى 800 ألف برميل يومياً.

- نعمل على إعادة تأهيل آبار النفط لتحقيق الاكتفاء الذاتي.

بالإضافة إلى ذَلِك؛ بدء أعمال إعادة تأهيل خط أنابيب نقل النفط الذي يربط حقول الرميلان في الحسكة بمصفاة النفط في حمص وهَذا الحكي مَتى صار؟!
صَحيح صار في 13\4\2026

يَعني مِن ما يُقارِب 5 أشهُر حكينا هَذا الحَكي تَمام؟!

فجأة! بفيق اليوم، بقرر أروح أركب سَرفيس فَبَكتشف أنه صاير دبل! بقول أمري ل الله بنمشيها، وبعد ما بشغل السيجارة تبعت صفناتك حزن يا ليل وبفكر شقد رح يصفي معي باقي (مصروف شخصي ها مو عشان أأسس حالي لسى) بكتشف أنه... ولا قلك؟! سيدي صب شاي صب وهات قداحة من عندك بالمرة لأنه قداحتي انسرقت...

فكرة أنك تعترض على يلي قاعد بصير هَذا حَقك، مافي إنسان ممكن يقلك لا تَمام؟! تَمام.

بَس برأيك قَطع الطُرقات كان حَل؟! الطُرقات يلي تسكرت بين الدير ودِمشق، حَلب ودِمشق، أو حَتى مُطالبتك بإقالة الوَزير حالياً هي أمر لا ينفع بالعَكس بزيد الضَغط على الدَولة.

كم عَدد المصافي في سوريا؟! مصافيتين فَقط! بانياس وحُمص والأولى حالياً متوقفة بِسَبب الصيانة الإجبارية، هي ما توقفت بَس لولا الصيانة كان وقفت عالآخر، لهون حكينا طَبيعي ومفهوم؟! أتمنى ذَلِك

بتشتغل يومياً مصفاية حُمص 30 ألف بَرميل وما حول هَذا الرَقم، وطبعاً نحن عندنا آبار كثير بَس بِسبب أنها المضخة الوحيدة الشغالة حالياً يلي بتصفي النَفط وإلا ما فينا نستفيد من النِفط ونطالع المازوت والغاز والبانزين وغيرهن تَمام؟!

طَيب حاجتنا نحن بِشَكل يومي شقَد؟! 300 ألف بَرميل يا عَزيزي

طَيب يا أنَس أنت البارحة كنت معترض ضد موضوع رفع أسعار المحروقات بدك هلق تغير رأيك؟!

لا أكيد، لساتني عَند رأيي ولساتني لهلق ما بعرف كيف بدي أأمن حالي اصلاً لأقدر أروح عالشغل بَس لَما بدي أجي أعمل إحتجاج ما بخرب الدنيا، مارح أحرق دواليب أو أطلع بدي أحرق حالي أو أسكر حَتى باب البناية مو طريق بين محافظة ومحافظة لأنه هيك أمر مارح يضر حدا أكثر من الشَعب.


بالأخير مو طالع بإيدنا شيء غير الصَبر، ونشد حيلنا كلنا عَشان نكون مكان الناس الي شايفين قَراراتها غير سَليمة، مو هيك الصَح؟!

نموت كي يحيا الوَطن؟!
يحيا لِمَن؟!
مِن بَعدِنا يَبقى التُرابُ والعَفن
نَحنُ الوَطن.

إله السَماء دَعني... دَعني أأتي إلى سماءِك البَعيدة.

إله السماء خُذني... خُذني بَعيداً عَن هَذِه الأرض.

إله السَماء انزِل ورِّ ما فعلته مخلوقات الأرضِ فيها، كيف دمروا المساكِن، وكيف خانوا بَعضهم البَعض، وكيف قَتلوا عصافير السَماء، صَنعوا غيوماً تُمطِرُ ألماً لا سَلام، حَرقوا الأشجار وقَلبي...

إله السَماء، ارِحني واستَجِب...


| أنَس موسى.

أتعرِفين يا ليلى؟! الليلُ الذي كانت تملءُ سماءه عيناكِ، وحين كان يَتسعُ لنا شُرفةً صغيرة تُطلُّ على شارعٍ خاوٍ، أحلامُنا البَعيدة كُلّ البُعد عَن الواقِع، والحَنين...

والليلُ ما زال يأتيني مُنذُ رَحيلِك، يَزحَفُ إلى غُرفتي مِن شقوقِ النافذةِ المُغلقة، يَجلسُ أمامي على الكُرسيِّ الفارغ، يُطالِبُني بأن أُعطيه ما لَدي مِن الحَنين ليملءَ سماءه الفارِغة، أو الأحلام التي كُنا نَتشاركُها وَلَكِن... يا ليلى أخبِريني كيف لي أن أُعطيهِ شيئاً لا أملِكُه؟! كيف لي أن أُعطيهِ حَنيناً لَم يَعُد لي؟! وكيف لي أن أشرَح لَه أن الأحلام التي تشاركنا فيها أصبحت سُمَّاً يتغلغل داخِلي مَع دِمائي؟!

لا شيء لأُعطيه يا ليلى سِوى الأسى والذِكريات، أعطيتُه آلاف الذِكريات والسجائر، أُشعِلُها في العتمةِ فتُضيءُ وَجهي المُتعبَ لِلحظة، ثُمَّ يَخطفُها مِن أصابِعِي، أخذ السجائر دون الذِكريات، يُدخِنُها حارِقاً روحي لا السجائر، يَنفثُ غُبارَها نحوي فَيُصبِحَ شريطاً قَصيراً مِن الذكريات، يتصاعدُ في الهواءِ البارِدِ بين الجُدرانِ الصامِتة، شَريطاً مَع كُلِّ نَفحة، يكفي لَشلع أصابِع روحي التائهة دونك...

يا ليلى... أخبِريني! أخبِريني أيُّ ليلٍ يُمكِنُني النوم فيه دونك، وأنا أتَقلَّبُ على فِراشٍ يَبتَلُّ بكُلِّ ما لا أقول؟! أيُّ شَمسٍ ستكونُ ساطِعةً في حياتي دون عيناكِ، وحين تَتسلَّلُ مِن ذاتِ النافذةِ لِتَجِدَ مَكانَكِ خالياً؟! اخبِريني يا ليلى؛ كيف لي أنّ أحيا مُجدداً دونكِ، والغُرفةُ تَضيقُ بي كُلَّ ليلةٍ أَكثَر، والهواءُ يَثقُلُ حَولِيَ كَأَنَّه يَحمِلُ كُلَّ ما فَقَدتُه؟!

· أنَس موسى.
· كُتِب في: ١٨/٩/٢٠٢٦

وإذا كان هناك شيء غير أخلاقي، سخيف، وأناني،
فذلك هو إحضار كائن واعٍ إلى الوجود.
هذه هي الخطيئة الأساسية.

- ديفيد رجل الكهف.

لا تعودي يا ليلى... لا تعودي، أشرقت شمسُ حياتي ظَلاماً، طارت الأحلامُ بَعيداً، غردت المآسي طَرباً. واليوم عُدتُ إلى ما كُنتُ عَليه فَلا تعودي... لا مكانَ لَكِ في قَلبي بَعد الآن.

| أنَس موسى.
| إلى ليلى.

21 Years: Done✅

كل عام وأنت بخير يعيوني🫂💚🧡🪄

ظلّ يَمُدّ يده إلى الحياة فتسقط في فراغٍ لا ينتهي، من حضنٍ لم يكتمل إلى حُلمٍ لم يُنتظر؛ فكتب ليجعل الورق يداً لا تُخذَل، فَخَذلتهُ الكَلِمات...

تحولوا أشباحاً، من ماتوا دون عناق

- حسين رزاق