O‘RIKLI KO‘CHASI AHOLISI UCHUN YANA BIR MUHIM QULAYLIK

Arnasoy tumani Bobur mahallasidagi O‘rikli ko‘chasi aholisini uzoq yillardan buyon qiynab kelayotgan muammolardan biri — tuman markaziga borishdagi noqulaylik edi.

O‘rikli ko‘chasi tuman markazidan 2 kilometr uzoqlikda joylashgan bo‘lib, aholi markazga borish uchun D-062 avtomobil yo‘lini kesib o‘tib, yo‘lning narigi tomonidagi piyodalar yo‘lakchasidan foydalanishiga to‘g‘ri kelar edi.

Aholi uchun xavfsiz va qulay harakatlanish sharoitini yaratish maqsadida piyodalar yo‘lakchasini avtomobil yo‘lining aholi xonadonlari joylashgan tomoniga ko‘chirish choralari ko‘rilmoqda. Ayni paytda yangi piyodalar yo‘lakchasini barpo etish ishlari boshlangan.

Yangi yo‘lakcha, ayniqsa, maktabga qatnaydigan o‘quvchilar hamda farzandlarini bog‘chaga olib boradigan onalar uchun yo‘lni xavfsiz va qulay kesib o‘tish imkonini yaratadi.

Shu bilan birga, eski piyodalar yo‘lakchasi joylashgan qismni asfaltlashtirish va avtomobil yo‘lini kengaytirish ko‘zda tutilmoqda.

Qurilish ishlarini oktyabr oyi yakuniga qadar yakunlab, yangi piyodalar yo‘lakchasini foydalanishga topshirish rejalashtirilgan.

🌐 Ijtimoiy tarmoqdagi rasmiy sahifalarimiz⭕️
💬Veb-sayt🚀Telegram📷Instagram🔵Facebook🎬You tube

Arnasoy tumani hokimi “Turizm fidoyisi” ko‘krak nishoni bilan taqdirlandi

Arnasoy tumani hokimi Odil Musanov turizm sohasini rivojlantirishga qo‘shgan hissasi uchun “Turizm fidoyisi” ko‘krak nishoni bilan taqdirlandi.

O‘zbekiston Respublikasi Turizm qo‘mitasi raisining tegishli buyrug‘iga asosan, mazkur mukofot tuman hokimiga turizm yo‘nalishidagi sa’y-harakatlari va hududning sayyohlik salohiyatini oshirishga qo‘shgan hissasi uchun topshirildi.

Aytish joizki, bir necha yil avval ijtimoiy-iqtisodiy ko‘rsatkichlari bilan murakkab hududlardan biri bo‘lgan Arnasoy bugungi kunda nafaqat turizm, balki tadbirkorlik, qishloq xo‘jaligi, infratuzilma va boshqa yo‘nalishlarda ham jadal rivojlanayotgan tumanlardan biriga aylanmoqda.

Ayniqsa, Aydar–Arnasoy ko‘llari hududida turizm salohiyatidan samarali foydalanish bo‘yicha keng ko‘lamli ishlar amalga oshirilmoqda. Bugungi kunda “Aydarko'l Resort” faoliyati orqali tumanga yiliga qariyb 400 ming nafar turist tashrifi ta’minlanmoqda.

Shuningdek, hududda aeroport qurilishi, temiryo‘l tarmog‘ini barpo etish ishlari olib borilmoqda. Baxtli mahallasidagi Navro‘z qo‘rg‘onida “Turizm qishlog‘i” loyihasi doirasida ham qurilish ishlari davom etmoqda.

Mazkur e’tirof Arnasoyda turizmni rivojlantirish, yangi sayyohlik yo‘nalishlarini tashkil etish va hududning turistik imkoniyatlarini kengaytirish borasidagi ishlarning munosib bahosi bo‘ldi.

🌐 Ijtimoiy tarmoqdagi rasmiy sahifalarimiz⭕️
💬Veb-sayt🚀Telegram📷Instagram🔵Facebook🎬You tube

“KAMBAG‘ALLIKDAN FAROVONLIK SARI”: OILALAR MUAMMOSI VA IMKONIYATLARI O‘RGANILDI

O‘zbekiston Respublikasi Prezidentining 2024-yil 23-sentabrdagi “Kambag‘allikni qisqartirish va aholi turmush farovonligini oshirish borasidagi chora-tadbirlarni yangi bosqichga olib chiqish to‘g‘risida”gi PF-143-son Farmoni hamda “Kambag‘allikdan farovonlik sari” dasturi doirasida Arnasoy tumanida amaliy ishlar davom etmoqda.

Arnasoy tumani hokimi Odil Musanov boshchiligida Bobur mahallasiga biriktirilgan “mahalla yettiligi” a’zolari va mas’ullar bilan birgalikda ijtimoiy reyestrda turuvchi oilalarning xonadonlariga borilib, ularning ijtimoiy-iqtisodiy holati qaytadan o‘rganildi.

O‘rganish davomida oilalarning qiziqishlari, mavjud imkoniyatlari va qo‘shimcha daromad olish istaklari bilan yaqindan tanishildi.

Har bir oila bilan individual suhbat o‘tkazilib, ularning imkoniyatlaridan kelib chiqib, qo‘shimcha daromad manbalarini yaratish, bandligini ta’minlash va oilaviy farovonligini oshirish bo‘yicha hokim tomonidan tegishli tavsiya va takliflar berildi.

Bunday o‘rganishlarning asosiy maqsadi — oilalarning mavjud muammolarini aniqlash bilan birga, ularning o‘z imkoniyatlaridan samarali foydalanishi va barqaror daromad manbaiga ega bo‘lishiga ko‘maklashishdan iborat.

🌐 Ijtimoiy tarmoqdagi rasmiy sahifalarimiz⭕️
💬Veb-sayt🚀Telegram📷Instagram🔵Facebook🎬You tube

1-oktyabr — O‘qituvchi va murabbiylar kuni munosabati bilan bayram tadbiri o‘tkazildi

Arnasoy tumanida 1-oktyabr — O‘qituvchi va murabbiylar kuni munosabati bilan bayram tadbiri tashkil etildi.

Tadbirda tuman hokimligi vakillari, ta’lim sohasi xodimlari, faxriy ustozlar hamda faol o‘qituvchilar ishtirok etdi. Bayram tadbirida ustoz va murabbiylarning jamiyat hayotidagi o‘rni, yosh avlodni barkamol etib tarbiyalashdagi fidokorona mehnati alohida e’tirof etildi.

Tadbir davomida ta’lim tizimida samarali faoliyat yuritib kelayotgan bir guruh ustoz va murabbiylarga tashakkurnoma hamda esdalik sovg‘alari topshirildi.

Bayram tadbiri kuy-qo‘shiqlar, sahna ko‘rinishlari va badiiy chiqishlarga ulanib, ko‘tarinki kayfiyatda o‘tdi.

🌐 Ijtimoiy tarmoqdagi rasmiy sahifalarimiz⭕️
💬Veb-sayt🚀Telegram📷Instagram🔵Facebook🎬You tube