Baxmal tumanida za’faron terim mavsumi boshlandi. Noyob mahsulotni yetishtirish va qayta ishlash nafaqat hududning eksport salohiyatini oshirish, balki mahalliy aholi bandligini ta’minlash va qo‘shimcha daromad manbalarini yaratishda ham muhim ahamiyat kasb etmoqda.

Ayni kunlarda “BMB Holding” tarkibidagi “BMB Opera Zafferano” va “BMB Shifo” korxonalarida terim ishlari qizg‘in pallaga kirgan. Tongdanoq za’faron gullarini ehtiyotkorlik bilan terayotgan ishchilar hosilni saralash va qayta ishlashga tayyorlash bilan shug‘ullanmoqda. Bu jarayon katta sabr, mahorat va aniqlikni talab etadi.

Za’faronning asosiy qimmati gul ichidagi uchta nozik qizil ipakchada mujassam. Ularni guldan ajratib olish, saralash va sifatini saqlash muhim jarayonlardan hisoblanadi. Bir guldan juda kam miqdorda mahsulot olinishi esa bu ish qanchalik mashaqqatli ekanini ko‘rsatadi.

Terimdan so‘ng za’faron belgilangan texnologik talablar asosida quritiladi, sifati tekshiriladi va maxsus idishlarga qadoqlanadi. Mahsulotni xalqaro talablarga muvofiq tayyorlash uning ichki va tashqi bozorlardagi raqobatbardoshligini oshirishga xizmat qiladi.

Mavsum mahalliy aholi uchun ham qo‘shimcha imkoniyatlar yaratmoqda. Terim va qayta ishlash ishlariga jalb etilgan ishchilar mavsumiy daromad olish imkoniga ega bo‘lmoqda. Bu esa qishloq joylarda bandlikni kengaytirish va aholi farovonligini oshirishga hissa qo‘shadi.

Baxmalda za’faron yetishtirishni rivojlantirish qishloq xo‘jaligi mahsulotlarini qayta ishlash, eksportbop mahsulotlar turini ko‘paytirish va hududning iqtisodiy salohiyatini mustahkamlashda muhim o‘rin tutadi.

Eng muhimi, za’faronning daladan tayyor mahsulotgacha bo‘lgan har bir bosqichida sifat va mas’uliyatga alohida e’tibor qaratilishi uning milliy brend sifatidagi nufuzini oshirishga xizmat qiladi.

Milliy statistika qo‘mitasi ma’lumotlariga ko‘ra, 2026-yilning yanvar–avgust oylarida Jizzax viloyatida ko‘chmas mulk bilan bog‘liq xizmatlar hajmi 356,3 mlrd so‘mni tashkil etdi.

Mazkur ko‘rsatkich ko‘chmas mulk bozoridagi xizmatlar faolligi va ushbu yo‘nalishdagi iqtisodiy jarayonlarni aks ettiradi.

Ko‘chmas mulk bilan bog‘liq xizmatlar tarkibiga uy-joy va noturar binolarni ijaraga berish, ko‘chmas mulkni sotish va sotib olishda vositachilik qilish hamda boshqa tegishli xizmatlar kiradi.

Respublika bo‘yicha esa 2026-yilning yanvar–avgust oylarida ko‘chmas mulk bilan bog‘liq xizmatlar hajmi 22,3 trln so‘mga yetdi. Bu o‘tgan yilning mos davriga nisbatan 13,8 foizga ko‘pdir.

Jizzax viloyatida mazkur sohani rivojlantirish, ko‘chmas mulk bozorida xizmatlar sifatini oshirish va aholi hamda tadbirkorlik subyektlari uchun qulay shart-sharoitlar yaratish hududiy iqtisodiy faollikni qo‘llab-quvvatlashda muhim ahamiyat kasb etadi.

Arnasoy tumanida kuz-qiş mavsumini betalofat ötkaziş, aholi va boşqa iste’molçilarni uzluksiz elektr energiyasi bilan ta’minlaş maqsadida elektr tarmoqlarini modernizatsiya qiliş işlari olib borilmoqda.

Xususan, tuman elektr ta’minoti korxonasi tomonidan 35/10 kV kuçlanişli 14-sonli "Oltin vodiy” podstansiyasida quvvatni oşiriş işlari amalga oşirilmoqda. Buning doirasida yuklama ostida işlayotgan 4 000 KVA quvvatli transformator örniga 6 300 KVA quvvatli yangi transformator örnatilmoqda.

Mazkur modernizatsiya natijasida podstansiyaning elektr energiyasini taqsimlaş imkoniyati kengayib, iste’mol ortişi kuzatiladigan davrda tarmoqqa tuşadigan ortiqça yuklamalarning oldini oliş imkoniyati oşadi.

Işlarni amalga oşiriş munosabati bilan Ğoliblar va Ğafur Ğulom mahallalarida elektr energiyasi ta’minoti vaqtinça töxtatildi.

Uşbu çora-tadbirlar, avvalo, kuz-qiş mavsumida elektr ta’minoti barqarorligini mustahkamlaş, tarmoqlardagi ehtimoliy nosozliklar xavfini kamaytiriş va aholiga sifatli xizmat körsatişga qaratilgan.

Elektr tarmoqlarini öz vaqtida modernizatsiya qiliş va mavjud quvvatlarni oşiriş mavsumiy yuklamalarni barqaror boşqariş hamda iste’molçilarning elektr energiyasiga bölgan ehtiyojini işonçli ta’minlaşda muhim ahamiyat kasb etadi.