Аят
“Жерді (бейне бір жуас малдай) сендерге көнбіс етіп бағындырып қойған да бір Өзі. Ендеше, оның төсінде емін-еркін жүріп-тұрыңдар һәм Алланың өздеріңе нәсіп еткен ризығынан жеңдер, игіліктеріңе жаратыңдар. Алайда, естеріңде болсын, ақыр соңында бәрің де Оның алдына барасыңдар”. (Мүлік сүресі, 15)

Хадис
“Игі іске себепші болған адам оны жасағандай сауапқа кенеледі”. (Тирмизи)

Дұға
“Басыма келген жаманшылақтан Өзіңе сыйынамын уа, Жаратушы Ием! Мені құлдарыңа теріс үлгі болып қалудан сақта”. (Мутарриф ибн Абдулла)

Мақал
“Арғымақ аттың құйрығы - әрі жібек, әрі қыл, Қас жақсының белгісі - әрі мырза, әрі құл.”

Аят
“«(Осы күнге дейін) істеген күнәларың үшін Раббыларыңнан кешірім тілеңдер, содан кейін күнәларыңа өкінген бойда Оған жан-тәндеріңмен бет бұрыңдар. Расында, Раббым (әсіресе, Өзіне жан-тәнімен ниет қойып, бет бұрған құлдарына) өте мейірімді, оларға деген махаббаты шексіз», – деді”. ("Һуд" сүресі, 90)

Хадис
“Алла тағаланың ұнатпаған ісін жасап қойсаң, артынша оны жоятын бір жақсылық жасап жібер”. (Муснәд)

Дұға
“Мінсіздігіңді айтып Сені ұлықтаймыз. Мен өзіме кесір қылдым, кешіріміңді тілеймін” (Әнбия сүресі, 87-аят).

Мақал
“Қателік – қателік емес, оны түзетпеу қателік”.

Аят
“Кеудедегі жанды алып, өлтіретін де, жан бітіріп, өмір сыйлайтын да – Өзі (Алла тағала)”. (Нәжім сүресі, 44)

Хадис
“Кісінің пешенесіне жазылған нәрсе міндетті түрде орындалады”. (Кутуби-Ситтә)

Дұға
“Уа, Аллам! Адамның күнде басына келетін барлық жағдайлары Сенің қалауың және жаратуыңмен болады. Сондықтан қалауларымызды Өз қалауыңа сәйкес қыл”.

Мақал
“Қырық жыл қырғын болса да ажалды өледі”.

Аят
“Алла жолында өлтірілгендерді өлі демеңдер. Керісінше, олар тірі, бірақ, сендер оны сезбейсіңдер”. (Бақара сүресі, 154)

Хадис
“Шәһиттер Алла тағаланың құзырында көрген сый-құрметтен кейін дүниеге қайта қайтуды және он қайтара өлтіріліп, шәһид болуды қалайды”. (Муслим)

Дұға
“Уа, Раббым! Өмірімнің соңын қайырлы қыл, ісімнің соңын да қайырлы қыл һәм Өзіңмен қауышуды нәсіп ет”.

Мақал
“Жақсының аты өлмейді, ғалымның хаты өлмейді”.

Аят
“(Уа, Мұхаммед!): Біз сені күллі әлемге (күллі жаратылысқа) теңдесі жоқ рақым ретінде ғана жібердік”. (Әнбие сүресі, 107)

Хадис
“Сендердің қайсыбірің мені өзінен де, әкесінен де, баласынан да және бүкіл адамдардан артық жақсы көрмейінше шынайы иман келтірген болып саналмайды”. (Бұхари)

Дұға
“Уа, Жаратқан Ием, Сен мәңгі тірісің, ал мен болсам өлімін. Өліге тіріден басқа кім мейірім көрсете алады? Сен шексізсің, ал мен шектеулімін. Шектеуліге шексізден басқа кім мейірім көрсете алады”. (әзірет Әли (р.а))

Мақал
“Мейірімділік жүректен, Мейірімсіздік білектен”.

Аят
“Алла жерді сендер үшін кеңінен жайылған төсеніш етті. Жер бетінде (таулар мен алқаптар арасында) даңғыл жолдармен емін-еркін жүріп-тұрарсыңдар деп, (жерді кең-байтақ етіп жаратты)”. (Нух сүресі, 19-20)

Хадис
“Дүние – мүміннің зынданы, ал кәпірдің жәннаты”. (Муслим)

Дұға
“Уа, Жаратушы Жаппар Ием! Тұрмысымызды жақсартып, ондағы күнә-қателіктерімізді кешіргейсің. Сен барлықл нәрсеге құдіреттісің”.

Мақал
“Жақсылық жер мен көктің арасында, Жамандық қас пен көздің арасында”.

Аят
“Мына Құран да Біз түсірген қасиетті, мүбәрак кітап. Ендеше, (екі дүниеде де) Алланың мейіріміне бөлену үшін оны басшылыққа алыңдар һәм оны жалғанға шығарып, үкімдеріне қайшы келуден барынша сақтаныңдар”. ("Әнғам" сүресі, 155)

Хадис
“Мұсылман қандай жағдайда болмасын жақсылықтың ішінде”. (Рамзу әл-Әхадис)

Дұға
“Уа, Раббым! Біздерді тақуалықтан көздің жасын көл қылатын, кеуделерінде Өзіңе деген махаббат оты лаулаған, нәпсілерін тыя білген құлдарыңның қатарында ете гөр!” (Зуннуни Мысри)

Мақал
“Момынның ісін Құдай оңдайды”.

Аят
“Жалын атқан жаһаннам оты қызған үстіне қызған кезде... Сондай-ақ жәннат (тақуа жандардың кіруі үшін) жақындатылған кезде... Міне, сонда әрбір жан өзі үшін не дайындағанын анық білетін болады”. (Тәкуир сүресі, 12-13-14)

Хадис
“Өтірік жамандыққа апарады. Ал, жамандық болса тозаққа апарады”. (Бұхари)

Дұға
“Уа, Алла тағалам! Күнәларымнан бас тартып, Өзіңе қауышам. Өзіңе тәубе етем. Мен оларға қайта оралмаймын. Алла тағалам,Сенің жәрдемің мен кешірімің менім күнәларыма қарағанда әлдеқайда көп әрі Сенің шексіз мейірімің менім құлшылығыма қарағанда сарқылмас үміт бастауы”. (Тәубе намазының дұғасы)

Мақал
“Өтірік өрге бастырмас”.

Аят
“Әй, адам! Сенің бар күшіңді жұмсап, тырбанауың түптің түбінде Раббыңның құзырында аяқталады. Ақыр соңында Онымен қауышасың”. (Иншиқақ сүресі, 6)

Хадис
“Күллі адам баласы әзірет Адамның (а.с.) ұрпағы. Ал, Адам болса топырақтан жаратылған”. (Әбу Дәуіт)

Дұға
“Уа, кемшіліктерімізді жасырған Ұлы Раббымыз! Саған бас иіп, Сенен ғана жәрдем тілейміз! Жүректерімізді әртүрлі ластықтардан тазалау Сенің ғана қолыңнан келеді. Мен тәубе еттім, күнәларымды кешіргейсің!” (Азиз Махмуд Худайы)

Мақал
“Адам болатын бала алысқа қарайды”.

Аят
“Күллі аспан әлемі мен жерде (Құрандағы ақиқаттарға айғақ болатын) қаншама дәлелдер бар! Алайда, олар сол дәлелдердің ортасында жүрсе де, бейқамдық танытып, олардан сырт айналуда (яғни, оларға зер салып қарамауда, мүлдем мән бермеуде)”. (Юсуф, 105)

Хадис
“Күнәларыңды азайт, сонда ғана өлім саған жеңіл болады”. (Байһаки)

Дұға
“Уа, Алла тағалам! Дүние-мүлік пен бала-шағаның ешқайсысы пайда бермейтін, тек таза жүректі жан құтылатын күні Өзіңнен есен-амандық тілеймін. Иман етпегендер «әттеген-ай, мен де Алла елшісінің жолын ұстансамшы» деп бармақ тістейтін күні Өзіңнен кеңшілік сұраймын”. (әзірет Әли (р.а))

Мақал
“Атың барда кезіп жүріп жер таны, Асың барда беріп жүріп ел таны”.

Аят
“Жаратқан білмей ме?! Ол – Латиф (ешкім көре де, сезе де алмайтын нәрселерді көріп, сезе алушы, шексіз ілімімен жүрек түкпірінде жатқан ең құпия сырлардың бәрін білуші), Хабир (бәрінен толық хабардар болушы)”. (Мүлік сүресі, 14)

Хадис
“Сәлем беру сөйлесуден бұрын болады”. (Табарани)

Дұға
“Уа, Алла тағалам! Кемшіліктерімді жасыр әрі мені қауіп-қатерден аман сақта!” (Дұғалар жинағынан).

Мақал
“Сәлем – сөздің анасы”.

Аят
“Әлбетте, сен үшін істің (мәңгілікке ұласып кететін) соңғысы басынан (ал ақирет жұрты дүние тіршілігінен) әлдеқайда қайырлы”.(Духа сүресі, 4)

Хадис
“Нағыз құлшылық – қиыншылыққа сабырмен төзу”. (Байһаки)

Дұға
“Уа, Алла тағалам! Көздер ұйқыға кетті, жұлдыздар жарқырап шықты. Алайда, Сен мәңгі Тірісің, ұйықтамайсың. Маған Өзің тура жол бергейсің”. (Муаз ибн Жәбәл)

Мақал
“Сабыр түбі – сары алтын”.

Аят
“Адам баласы Бізді өлімінен кейін шашылып қалған сүйектерін жинап, қайтадан тірілтпейді деп ойлайды ма?! Әрине, жинағанда қандай, тіпті, Біз оның саусақ іздерін дағы қайтадан қалпына келтіруге құдіреттіміз”. (Қиямет сүресі, 3-4)

Хадис
“Кісі күн батыстан шыққанға дейін тәубе етсе, Алла тағала оның тәубесін қабыл етеді”. (Муслим)

Дұға
“Уа, Раббым! Өзіңнен пана сұраймын. Біздің санамызды зерек ете гөр әрі сол зеректікпен жақсылыққа жетуімізді нәсіп ет!”

Мақал
“Тәубе қылғанға түйе бер”.

Аят
“Уа, иман еткендер! Аллаға шын көңілден тағзым етіңдер және Оған қарсы келіп асы болудан сақтаныңдар! Әркім ертеңгі ақиреті үшін (не істеп, о дүниеге) не жолдағанына көңіл аударсын”. (Хашыр сүресі, 18)

Хадис
“Қайсыбіріңіз намазда тұрғанда, ол мейірімге бөленеді”. (Әбу Дәуіт)

Дұға
“Уа, Раббым! Көзімізге, құлағымызға, жүрегімізге, жұмыстарымызға және бала-шағамызға береке бергейсің. Тәубемізді қабыл еткейсің. Сен тәубелерді қабыл етушісің һәм ерекше мейірмідісің”. (Абдулла ибн Масғуд (р.а.) )

Мақал
“Нені ексең, соны орасың. Еңбегі бардың, өнбегі бар”.

Аят
“Ол сендер үшін жерді төсеніш, көкті күмбез етті. Көктен жаңбыр жаудыру арқылы сендерге ризық етіп жерден алуан түрлі өнім шығарды. Мұның бәрін біле тұра, Аллаға өзгелерді тең көріп, серік етіп қоспаңдар”. (Бақара сүресі, 22)

Хадис
“Анығында әрбірің анасының құрсағында қырық күн жиналады. Тағы бір қырық күнде үйыған қан болады. Сосын тағы бір қырық күнде кесек етке айналады. Содан кейін Алла тағала:ол кісінің ризығын, ажалын, бақытты және бақытсыздығын періштеге жаздырады. Сосын ол періштені төрт істің тағдырымен жібереді...”

Дұға
“Уа, Раббым! Өзіңнен әр нәрседе ризықтың кәмілін сұраймын. Өзіңнің тарапыңнан разы етілуді әрі разы етілгеннен кейін сол үшін Өзіңе шүкір етуімді нәсіп ет деп Сенен сұраймын. Уа, Жомарттық Иесі! Нәтижесі жақсылық болған әр нәрсенің ауырын емес, жеңілін сұраймын”. (әзірет Әбу Бәкір (р.а))

Мақал
“Құдай деген құр қалмас”.

Аят
“Шын мәнінде, Раббың үнемі сырттарыңнан бақылап бағуда”. (Фәжр сүресі, 14)

Хадис
“Кімде-кім ішкі жан-дүниесін (жүрегін) игі етсе, Алла тағала оның сыртын игі етіп қояды”.

Дұға
“Уа, сырларды білуші Раббым! Дұшпандарыңның дүниеуи істеріне сәттілік бер, достарыңның ақиреттік істеріне сәттілік бер”. (Рабиятул Адауийә)

Мақал
“Құмырсқаның тас басқаны тәңірге аян”.

Аят
“Оқы! Жаратқан Раббыңның атымен (оқы)”. (Алақ сүресі, 1)

Хадис
“Ілім игермеген һәм ілім үйренуге талпынбаған адам бізден емес”. (Дәйләми)

Дұға
“Уа, Алла тағалам! Қорықпайтын жүректен, тоймайтын нәпсіден, пайдасыз білімнен және қабыл болмайтын дұғадан Өзіңе сыйынамын”. (Пайғамбарымыздың (с.а.с) дұғасы)

Мақал
“Білімдінің күні жарық. Білімсіздің күні ғарып”.

Аят
“Ол (Құран), бір әзіл емес”. (Тарық сүресі, 14-аят).

Хадис
“Әлбетте, мен де әзілдесемін. Алайда, тек шындықты айтамын”. (Тирмизи)

Дұға
“Уа, Алла тағалам! Менің әзілдескен сәттерімдегі һәм байсалды кездерімдегі біліп-белмей істеген әрі менде әрдайым болатын күнә-қателіктерімді кешіре гөр!” (Пайғамбарымыздың (с.а.с) дұғасы)

Мақал
“Тәтті өтіріктен ащы шындық артық”.

Аят
“(Аллаға құлшылық етуде, күнә атаулыдан сақтануда һәм бастарыңа ауыртпалық түскенде) сабыр етіп, намаз оқып, (Алладан) медет тілеңдер. Расында, бұл – Алладан шынымен именетін һәм Оған тиісінше тағзым ететін жандардан өзгелерге өте ауыр келеді”. (Бақара сүресі, 45)

Хадис
“Шүкір етілмеген ризық кісіні үлкен қатерге ұрындырады”. (Ибн-и Асакир)

Дұға
“Уа, Раббым! Мен Өзіңнің әлжуаз бір құлыңмын. Сен рақымдылардың рақымдысысың. Бізді Өз игіліктерің мен кеңшілігіңе бөлегейсің уа, аса Жомарт болған Раббымыз!” (Маруфи Кәрхи)

Мақал
“Екіжүзділіктің балын татып жүргеннен, әділдіктің ащы уын ішкен артық” .

Аят
“Керісінше, сендердің иелерің – Алла. Ол – ең жақсы медеткер”. ("Әли Имран" сүресі, 150)

Хадис
“Мүміндердің өзара сүйіспеншілігі мен араларындағы мейірім дененің бір мүшесі ауырғанда қалған мүшелерінің сыздауы секілді”. (Муслим)

Дұға
“Уа, жүректерді жұмсартушы Алла тағалам! Өлім менің жүрегімді жұмсартпай тұрып жүрегімді Өзің жұмсарт”. (Маруф-и Кәрхи)

Мақал
“Жалғыздың жары Құдай”.