Кун хикмати

“Қалбингда яхши ният бўлса, ҳаётингда нурли йўл пайдо бўлади. Ҳар бир кун — тавба учун имконият, ҳар бир нафас — яхшиликка чақириқдир.”

@Ashabuz

Қуйидагилар қўшнилик бурчлари жумласига киради:

1. Қўшни билан учрашганда салом билан сўз бошламоқ;
2. Гаплашганда гапни чўзмаслик;
3. Кўп савол бермаслик;
4. Касал бўлганда кўргани бориш;
5. Бошига мусибат тушганда таъзиясида қатнашиш, унга нисбатан бирга сабрли бўлиш;
6. Севинчли онларида қутлаш унинг севинчи билан севиниш;
7. Хатоларини кўрмасликка олиш;
8. Уйини жосусларча кузатмаслик;
9. Деворига бир нарсалар қўйиб ёки осиб ғашини келтирмаслик;
10. Унга тегишли жойдан сув олмаслик;
11. Уйининг олдига ахлат ва супиринди тўкмаслик;
12. Ўтиш йўлларини торайтирмаслик;
13. Бирон баҳона билан уйига қарамаслик;
14. Қулоққа чалинган оилавий сирларини ёймаслик;
15. Керагида шаънига ёмон сўз айтаётганларнинг гапини бўлиш;
16. Ўзи йўқлигида уйини қўриқлаш;
17. Унга қарши айтилган сўзларга қулоқ солмаслик;
18. Маҳрамига оид хусусларда кўз юммоқ;
19. Хизматчисига қарамаслик;
20. Боласига ширин сўзлар айтиш;
21. Диний ва дунёвий масалаларда билмаганларини билдириш...

@Ashabuz

Жуда чиройли шеър.

@Ashabuz

🌿 Нима учун Аллоҳ таъоло бир оятни бир суранинг ўзида 31 маротаба такрорлаган?
​Бу шунчаки такрорланиш эмас.
​﴿ فَبِأَيِّ آلَاءِ رَبِّكُمَا تُكَذِّبَانِ ﴾
(«Бас, Раббингизнинг қайси неъматларини ёлғонга чиқарасизлар?»)
[Ар-Раҳмон]
​🔸 Ушбу оят «Ар-Раҳмон» сурасида 31 маротаба такрорланган. Буни шеърий такрорланиш деб ўйлайсизми? Аслида бу — руҳни даволаш учун мўлжалланган илоҳий шифо баённомасидир (протоколидир).
​━━━━━━━━━━━━━━
​🔹 Биринчидан, «Аълооʼ» (آلاء) нима ва нима учун хитоб иккилик шаклида (мусанно)?
​«Аълоoʼ» — бу неъматлардир. «Раббингиз» деганда инсонлар ва жинлар биргаликда назарда тутилади. Чунки бу сура икки оламга — инсонлар ва жинларга (соқалайга) бирдек хитоб қиладиган ягона сурадир.
​Аллоҳ сиз иккингизга ўз неъматларини санаб беради ва ҳар сафар сўрайди:
​﴿ فَبِأَيِّ آلَاءِ رَبِّكُمَا تُكَذِّبَانِ ﴾
(«Бас, Раббингизнинг қайси неъматларини ёлғонга чиқарасизлар?»)
​━━━━━━━━━━━━━━
​🔹 Иккинчидан, нима учун айнан 31 маротаба?
​Чунки сурада ҳар бир такрордан олдин тилга олинган батафсил неъматлар сони айнан 31 тадир:
​🌱 Инсоннинг яратилиши
📖 Қуръоннинг ўргатилиши
☀️ Қуёш ва ойнинг аниқ ҳисоб билан ҳаракатланиши
🌿 Ўтлар ва дарахтларнинг сажда қилиши
⚖️ Осмоннинг кўтарилиши ва мезоннинг ўрнатилиши
🌍 Ернинг жонзотлар учун тўшаб қўйилиши
🌴 Хурмолар, донлар ва райҳонлар
🔥 Жинларнинг олов тутунидан яратилиши
... ва ҳоказо.
​Ҳар сафар сизга бир неъматни эслатиб, сўнг сизни тўхтатиб сўрайди:
​﴿ فَبِأَيِّ آلَاءِ رَبِّكُمَا تُكَذِّبَانِ ﴾
​Гўёки У сизга шундай демоқда:
«Бу ерга имзо чекинг, ушбу неъматни инкор қила оласизми?»
​━━━━━━━━━━━━━━
​🔹 Учинчидан, бу такрордаги руҳий (психологик) сир нимада?
​🧠 Инсон мияси кўникишга дастурланган: у неъматларни бир неча соат ичида унутади ва фақат ўзида йўқ нарсаларга эътибор қаратади.
​Депрессияни даволашнинг замонавий усулларидан бири «миннатдорчилик терапияси» (шукроналик билан даволаш) деб аталади. Унда кайфиятни ўзгартириш учун 21 кун давомида ҳар куни 3 тадан неъматни санаш тавсия этилади.
​«Ар-Раҳмон» сураси эса бу терапияни сизга 1400 йил олдин тақдим этган. У сизни беш дақиқа ичида 31 та неъматни санашга мажбур қилади ва 31 маротаба сўрайди:
«Нимани инкор қила оласан?»
​Шунда доимо:
❌ «Менинг ҳеч вақоим йўқ» — деб бир айланада айланиб юрган мия ноилож тўхтайди ва жавоб излай бошлайди. Оқибатда атрофидаги ҳар бир нарса бебаҳо неъмат эканини англаб этади.
​━━━━━━━━━━━━━━
​🌸 Шу сабабли Набий ﷺ бу сурани «Қуръоннинг келини» деб атар эдилар.
​Чунки келинга озор ва таҳдид билан танбеҳ берилмайди, балки унга гўзаллик билан муомала қилинади. Сура сизга Аллоҳнинг гўзаллигини эслатади, ҳатто шикоят қилишга ҳам уялиб қоласиз.
​━━━━━━━━━━━━━━
​🤍 Агар қалбингиз сиқилаётган бўлса, уни ўқинг.
​Сурани тугатганингизда кўксингиз кенгайиб, таскин топасиз. Муаммоларингиз тугагани учун эмас, балки Раббингизнинг неъматлари ташвишларингиздан анча кўп эканини эслаганингиз учун.
​﴿ فَبِأَيِّ آلَاءِ رَبِّكُمَا تُكَذِّبَانِ ﴾
​Эй Раббимиз, Сенинг ҳеч бир неъматингни ёлғонга чиқармаймиз, Сега ҳамдлар бўлсин! 🤲
Мақолани ўқиб бўлсангиз Роббингизга хамду-сано ёзинг

@Ashabuz

ГУНОҲНИНГ ТАЪСИРИ
-------
Абдуллоҳ ибн Масъуд розияллоҳу анҳу айтганлар: “Мен кишининг ўрганган илмини унутишини ўзи қилган гуноҳ туфайли деб биламан”.

Имом Абу Ҳанифанинг масалани ечиш учун истиғфор айтиши ёки намоз ўқиши

Мулло Али Қорийнинг “Табақотул ҳанафийя” китобида қуйидагилар келтирилган: “Имом Абу Ҳанифа роҳимаҳуллоҳга бирор масала чигал бўлиб қолса асҳобларига: “Бу фақат ўзим содир қилган гуноҳ учундир”, дер ва истиғфор айтар эди. Туриб намоз ўқиши ҳам мумкин эди. Шунда унга масала ечилар ва: “Менинг тавбам қабул қилинганини умид қилдим”, дер эди. Бу Фузайл ибн Иёзга етиб борганида қаттиқ йиғлади ва шундай деди: “Бу гуноҳи камлиги учун. Аммо ундан бошқаси бунга эътибор бермайди”.

Ҳофиз Ибн Ҳажар Асқалонийнинг “Таҳзибут таҳзиб” китобида Вакиъ ибн Жарроҳ таржимаи ҳолида келтирилган: “Одамлар мажбуран ёдлар, у табиий ёд олар эди. Али Ибн Хашрам айтади: “Вакиъга қарадим ва қўлида бирор китобни кўрмадим. У ёдлар эди. Шунда ҳифзнинг давоси ҳақида сўрадим. ‘Туноҳларни тарк қилиш. Мен у кабисини ҳифз учун синаб кўрмаганман”, деди”.

Имом Шофеъий розияллоҳу анҳу ушбу сўзларни айтган: “(Устозим) Вакиъга хотирам ёмонлигидан шикоят қилдим. Уни мени гуноҳларни тарк қилишга йўллади ва илм нур экани, Аллоҳнинг нури осий кишини ҳидоят қилмаслигини айтди”.

Ибн Аббос розияллоҳу анҳумонинг сўзи: савобда нур ва гуноҳца зулмат бор

Муаллиф роҳимаҳуллоҳ бу ерда гуноҳлар таъсирига ишора қилган. Улуғ саҳоба Абдуллоҳ ибн Аббос розияллоҳу анҳумо савоб ва гуноҳларнинг инсон зоҳири ва ботинига таъсирини таққослаган. У зот айтганлар: “Савобнинг қалбда нури, юзда зийнати, баданда қуввати, ризқда кенгчилиги ва халқнинг қалбида муҳаббати бор. Гуноҳ-нинг қалбда зулмати, юзда шармандалиги, баданда заифлиги, ризқни камайтириши ва халқ қалбида ёмон кўриши бор”.

Матн:

Билгинки, кундузи ёруғлигидан кўр одамни кут-қармаганидек илм нури билан фақат тақво аҳли нур олади. Ўликка дори фойда бермагани каби шикоят аҳлига одоб фойда бермайди. Кучли ёмғир тошни ўстирмагани каби ҳикмат дунёга муҳаббат куйган киши қалбига фойда бермайди.

Имом Ибн Жавзийнинг гуноҳдан огоҳлантириши

У зот роҳимаҳуллоҳ айтади: “Маъсиятлардан ҳазир бўл, эҳтиёт бўл. Чунки улар ёмон оқибатларга олиб боради. Гуноҳлардан, хусусан, хилватлардаги гуноҳлардан қаттиқ эҳтиёт бўл. Чунки Аллоҳ таолога қарши чиқиш банданинг У Зот субҳанаҳу ва таоло кўзидан туширади (яъни, Аллоҳ назар солмай қўяди).

Гуноҳлар лаззатига фақат доимий ғафлатда юрадиган эришади. Мўмин уйғоқ (ҳушёр) бўлади, улардан лаззатланмайди. Чунки уни татиб кўриш олдида унинг гуноҳлигини билиб туради, унинг уқубатидан огоҳ қилиб туради. Агар маърифати кучли бўлса, илм кўзи билан ман қилувчига (Аллоҳга) яқинликни кўради. Уни ушлаган ҳолида яшаши безовталикка учрайди. Агар унга нафсу ҳаво мастлиги ғолиб келса, қалб ушбу муроқабаларга тоқат қила олмайдиган бўлади. Табиат (инсон табиати) унинг истагида бир лаҳза бўлса, бас. Сўнг у доимий хорлик, тўхтовсиз надомат ва кетма-кет йиғи, қилганига афсус-надомат бўлади. Агар у афвга аниқ ишонса, Унинг олдида итоб (танбеҳ)дан эҳтиёт бўлиш туради.

Гуноҳларга суф-э! Унинг таъсирлари қандай ҳам ёмон? Хабарлари қандай даҳшатли? Шаҳватга ғафлат қуввати миқдорига қараб етилади”.

Устоз Сибоий: “Гуноҳида қаттиқ туриб олган гуноҳкор ҳайвондир”, деган

Мустафо Сибоий айтади: “Агар нафсинг маъ-сиятни истаса, унга Аллоҳни эслат. Агар қайтмаса, кишиларнинг ахлоқини эслат. Шунда ҳам қайтмаса, одамлар уни билиб қолса (нима бўлади, деган) шармандаликни эслат. Агар шунда ҳам қайтмаса, билгинки, ўша вақтда сен ҳайвонга айланиб бўлибсан!”. Эй қалб ва кўзларни ўзгартирувчи Зот, қалбларимизни динингда собит қил.

Молик ибн Динор Ҳасан Басрийдан: “Олим дунёга муҳаббат қўйса, унинг уқубати нима?” деб сўради. “Қалбнинг ўлиши. Агар у дунёга муҳаббат қўйиб, уни Охират амали билан талаб қилса, ўша онда ундан илм баракалари кетади ва унинг расми қолади”, деб жавоб берди.

Матн:

Ким нафсу ҳавосига ўрганиб крлса, одоби камаяди. Ким илми далолат қилган нарсага қарши чиқса, нодонлиги кўпаяди. Кимга ўзининг давоси фойда бермаса, бошқани қандай қилиб даволайди?

Билгинки, одамларнинг руҳи баданлардир. Уларнинг энг ғами камлари дунёда зоҳид бўлганлардир.

Ҳорис Муҳосибийнинг

"Рисолатул мустаршидийн" китобидан

@Ashabuz

Ассалому алайкум варахматуллохи ва баракатух.

Бугун 28- Сентябр хафтанинг ДУШАНБА тонги муборак бўлсин!

Соғ-саломат уйғотган Роббимизга беҳисоб ҳамду санолар бўлсин!

Янги бошланган ҳафта барчамиз учун хайрли бўлсин.

Ишларингизга омад, хонадонларингизга барака, қалбингизга хотиржамлик ёр бўлсин.

Аллоҳ таоло бугунги кунимизни файзли ва баракали қилсин!

Яқинларингизга ҳам улашиб, тонгини янада гўзал қилинг!

@Ashabuz

#намозвақтлари 28-Сетнябрь куни ўқиладиган Намоз вақтлари

Тонг : 04:58
Қуёш: 06:11
Пешин: 12:19
Аср: 16:24
Шом: 18:15
Хуфтон: 19:26
(Тошкент вақти билан)

Намоз ракатлари :

Бомдод - 2 ракат суннат, 2 ракат фарз

Пешин - 4 ракат суннат, 4 ракат фарз, 2 ракат суннат.

Аср - 4 ракат фарз

Шом - 3 ракат фарз, 2 ракат суннат

Хуфтон - 4 ракат фарз, 2 ракат суннат

Витр - 3 ракат вожиб.

@Ashabuz

Кун хикмати

Ўзининг аҳволидан ғофил кимсагина бировларнинг айбларини қидириб яшайди.

Авн ибн Абдуллоҳ роҳимаҳуллоҳ

@Ashabuz

Энг зур баракали бизнес .

@Ashabuz

Саловат айтиш хосиятлари

Муъмин киши Пайгамбар соллаллоху алайхи васалламга саловат айтса, Аллох таолонинг амрига буйсунган булади
Саловат айтиш барака,рахмат келтиради.
Саловат йуллаган банда хаққига фаришталар истиғфор айтади
Банданинг бир саловатига Аллох таоло унта саловат айтади
Бир марта саловат айтган банданинг мартабаси ун пағона кутарилади.
Саловат айтган банданинг дцоси қабул бўлади
Росулуллох соллаллоху алайхи васаллам шафоатларига мушарраф булади
Саловат айтган бандани гунохи кечирилади
Куп саловат айтган бандани ғам андухлари арийди
Қиёмат куни Набий соллаллоху алайхи васалламга яқин булади
Ихлос билан саловат айтган банда садақа қилиш савобини олади
Куп саловат айтган бандага улимидан олдин жаннат башорати берилади
Қиёмат куни дахшатларидан саломат булади
Саловат мажлис каффоратидир
Саловат фақирлткни кетқизади
Саловат инсондан бахилликни аритади

Аллохумма солли ва саллим ва баарик алайҳ

@Ashabuz

Шом намозидан кейин Хуфтонгача жуда фазилатли вакт хисобланади. Тухфаи Расул Солатулаввабийн намози хакида.

@Ashabuz

#намозвақтлари 29-Сетнябрь куни ўқиладиган Намоз вақтлари

Тонг : 04:59
Қуёш: 06:12
Пешин: 12:18
Аср: 16:23
Шом: 18:14
Хуфтон: 19:24
(Тошкент вақти билан)

Намоз ракатлари :

Бомдод - 2 ракат суннат, 2 ракат фарз

Пешин - 4 ракат суннат, 4 ракат фарз, 2 ракат суннат.

Аср - 4 ракат фарз

Шом - 3 ракат фарз, 2 ракат суннат

Хуфтон - 4 ракат фарз, 2 ракат суннат

Витр - 3 ракат вожиб.

@Ashabuz

НАБАВИЙ_ТАРБИЯ

Аллоҳнинг ердаги гувоҳлари.

Ажойиб давра бўлган эди-да ўшанда. Нега ажойиб бўлмасин?! Ахир, улар орасида  Расулуллоҳ алайҳиссалом ҳам бор эдилар-ку! Саҳобалар у зотнинг юзларига боқиб тўйишмасди . Қандай буюк насиба!

Шу пайт уларнинг олдидан тобут кўтарган одамлар ўтиб қолди . Саҳобалар маййитни мақташди. Эхтимол, у вафоли дўст, суюкли ёр, яхши фарзанд, ажойиб қўшни, урушганларни яраштирувчи, мискинкинларга садақа қилувчи, бошқаларнинг хатосини кечирувчи, қалби масжидга боғланган киши... деб мақташгандир.

Расулуллоҳ алайҳиссалом : «Вожиб бўлди»! деб қўйдилар.

Сўнгра бошқа тобутни кўтариб ўтишди. Одамлар маййитни ёмон сўзлар билан қоралашди.

У зот яна : «Вожиб бўлди», дедилар. Саҳобалар сўрашди: «Нима вожиб бўлди, Аллоҳнинг Расули ?» Шунда  Расулуллоҳ алайҳиссалом  дедилар: «Сизлар кимни мақтаган бўлсанглар, унга жаннат вожиб бўлди. Сизлар кимни ёмон деган бўлсанглар, унга дўзах вожиб бўлди. Сизлар Аллоҳнинг ердаги гувоҳларисиз»( Имом Муслим ривояти)

Ҳали, куни келиб, барчамиз елкаларда кўтариламиз. Ҳар бир жон ўлим таъмини тортади. Ҳаммамиз хадемай тобутга тушамиз.

Тобутга тушганимизда  Аллоҳнинг ердаги гувоҳлари биз ҳақимизда нима дейишини хеч ўйлаб кўрганмизми?

Бугун биз муомала қилаётган ҳар бир киши ё бизнинг фойдамизга ёки бизнинг зараримизга гувохдир. Инсонларга аралашар эканмиз, шу нарсани ёдимизда тутишимиз лозим.

Нимани унутсак унутайлик, аммо «вожиб бўлди» ни эмас!"

Биз вафот этсак, ота-онамиз нимам дейишади? «Роббим! Бу ўғлим бизга кўп хизматлар қилди. Ажойиб фарзанд эди! дейишадими ёки «Унинг бизга оқ бўлганини ўзинг биласан!» дейишадими?!

Биз вафот этсак, хотинимиз нима дейди? «Роббим! у жуда яхши эр эди» дейдими? Ёки ундан мени ҳаққимни  олиб бер!» деб ёқамиздан оладими?

Фарзандларимиз нима дейишади? «Эй Роббимиз у жуда яхши адолатли, бизни тенг кўрадиган ота эди! дейишадими, ёки Эй Аллоҳ ! У бизга зулм этди, биримизни бошқамиздан устун билди, омонатни  зое қилди, яхши тарбия бермади!» дейишадими?

Қўшниларимизчи, улар нима дейишади экан? «Роббим уни ўзингга қўшни қил. Чунки у энг яхши қўшни эди!» дейишадими, ёки «Ўзингга шукр. бу бандангдан қутилдик! » дейишадими?

Ҳамкасбларимизчи?! «Аллоҳим! унга рахм қил. У яхши инсон эди. Бизга насихат қиларди, ёрдам берарди, сиримизни сақларди!»  дейишадими, ёки «Аллоҳ! Ўзинг биласан, у ишониб бўлмайдиган чақимчи, чидаб бўлмайдиган дилозор инсон эди!»  дейишадими?!

Йиқилганида қўлидан тутганингиз ҳар бир инсон сизга гувоҳлик беради. Йиғлаганида кўз ёшларини артганингиз ҳар бир инсон сизнинг фойдангизга гувоҳлик беради. Пулингиз чўғидан аввал табассумингиз тафтини туйган хар бир фақир сизни ёқлаб гувоҳлик беради. Сиз ёрдам берган мискин, тўйдирганингиз оч, йўл кўрсатганингиз гумрох, ёрдам берганингиз мазлум-хамма хаммаси сиз учун гувохлик беради.

Яҳши гувоҳларингизни кўпайтиринглар. Эртага тобутга тушадиганлар бугун нафас олмоқда !...

@Ashabuz

Сиз хам онангиз пиширган иссик нонларни ва кулчаларни мана шундай куринишда еганмисиз?

@Ashabuz

Абдуллоҳ ибн Масъуд розияллоҳу анҳудан ривоят қилинади:
Мен Набий соллаллоҳу алайҳи ва салламдан:
«Ё Расулуллоҳ, қайси амал Аллоҳга энг суюмли?» деб сўрадим. У зот: «Вақтида ўқилган намоз» дедилар. «Кейин қайси?» дедим. «Ота-онага яхшилик қилиш» дедилар. «Кейин қайси?» дедим. «Аллоҳ йўлида жиҳод қилиш» дедилар.

Муттафақун алайх

Изоҳ: “Ўз вақтида ўқилган намоз” дан мустаҳаб вақтида ўқилган намоз назарда тутилган.

“Ота-онага яхшилик қилиш” дан бобо-момоларга ҳам яхшилик қилиш ирода этилган. Уларга яхшилик қилиш – уларнинг шариатга хилоф бўлмаган буйруғига итоат қилишдир. Чунки Аллоҳга маъсият бўладиган ўринда бирор шахсга итоат қилинмайди.

Зоҳиран, асли жиҳод вақтида ўқилган намоз ва ота-онага яхшилик қилишдан муқаддам қўйилиши керак. Чунки ундаги машаққат катта, унда ҳам моли, ҳам жонини фидо қилиш бор. Лекин жиҳод муайян вақтлик вазифадир. Намоз ва ота-онага яхшилик қилиш доимий вазифадир. Бу икки амал машаққатига сабр қилиш даражаси жанг майдонлари ва душманлар қаршисидаги қийинчиликлар сабридан паст бўлса-да, лекин йиллар бўйи намоз ўқиб, ота-онага яхшилик қилишда бардавом бўлиш уларнинг машаққатини жиҳод машаққатидан юқори қилиб, уларнинг даражасини жиҳодни даражасида юксалтириб юборади.

🍁🍁🍁🍁🍁🍁🍁🍁🍁

Амр ибн Мурра Жуҳаний розийаллоҳу анҳу дедилар:
«Бир киши Пайғамбар соллаллоҳу алайҳи васаллам ҳузурларига келиб: «Ё Расулуллоҳ, Аллоҳдан ўзга илоҳ йўқ ва сиз шубҳасиз, Аллоҳнинг элчисидирсиз, деб гувоҳлик бердим, беш вақт намозни ўқидим, молимнинг закотини бердим ва рамазонда рўза тутдим. Менга нима (қандай мукофот) берилади?» деб сўраган эди, Пайғамбар соллаллоҳу алайҳи васаллам: «Ким мана шу ҳолатда вафот этса, қиёмат кунида пайғамбарлар, сиддиқлар ва шаҳидлар билан мана шундай бирга бўлади», деб икки бармоғини тикладилар ва: «Модомики, ота-онасинига оқ бўлмас экан», деб қўшиб қўйдилар».

Аҳмад ва Табароний ривояти

Изоҳ: Бу ҳадис ота-онага оқ бўлиш солиҳ амалларнинг савобини ҳабата қилишига, солиҳ амалнинг қабул бўлиши ота-онага яхшилик қилишга боғлиқ эканига далолат қилади. Бу эса мусулмон Аллоҳ таолони рози қилиш масаласидан сўнг энг му ҳим масала ота-онани рози қилиш деб билиши лозим лигини билдиради.

Ибн Аббос розияллоҳу анҳумо айтганлар: «Уч оят уч нарсага боғлиқ бўлиб тушган. Уларнинг бири шеригисиз қабул қилинмайди.

Биринчиси:
«Эй мўминлар, Аллоҳга итоат этингиз ва Пайғамбарга итоат этингиз!» (Муҳаммад сураси, 33-оят).
Кимки Аллоҳга итоат этса-ю, Расулуллоҳ соллаллоҳу алайҳи васалламга итоат этмаса, бу қабул қилинмайди.

Иккинчиси:
«Намозни адо қилинглар ва закотни беринглар!» (Бақара сураси, 43-оят).
Кимки намоз ўқиса-ю, закот бермаса, қабул қилинмайди.

Учинчиси:
«Сен Менга ва ота-онангга шукр қил!» (Луқмон сураси, 14-оят).
Кимки Аллоҳга шукр қилса-ю, ота-онасига шукр қилмаса, қабул қилинмайди».

🍁🍁🍁🍁🍁🍁🍁🍁

Расулуллоҳ ﷺ дедилар:
“Учта дуо қабул бўлади. Уларда шак йўқ: Мазлумнинг дуоси, мусофирнинг дуоси, отанинг фарзандининг зиддига дуоси”.

Абу Довуд ва Термизий ривояти (Абу Ҳурайра розияллоҳу анҳудан)
Имом Бухорийнинг “Ал-адаб ал-муфрад” китобида келган ривоятда:
“Ота онанинг фарзандининг зиддига қилган дуоси”,
дейилган.

Изоҳ: Фарзанд олдидаги энг катта ҳақ бу ота онанинг ҳаққидир. Шунга кўра, фарзанд бу ҳақларни адо қилиш ҳаракатида бўлиши лозим. Улар ҳаётлик вақтида уларни ғанимат билиб, хизматларини қилиб дуоларини олишга интилиш керак бўлади. Фарзанд ота онасининг хизмати билан жаннатга кириши мумкин бўлгани каби, уларни норози қилиш билан буни акси бўлиши ҳам мумкин.

Барчамиз ота-онамизнинг бизга қилган яхшиликларини эсдан чиқармайлик. Хусусан гўдаклик ва болалик чоғимизда бизга кўрсатган меҳрибонликларини зинҳор унутмайлик. Биз ёш ва заиф бўлган пайтимизда улар бизга парвона бўлишди. Касал ва ожиз пайтимизда улар бизга меҳр кўрсатишди. Буни ҳечқачон эсдан чиқармаслик керак. Энди биз ҳам уларга шундай парвона бўлайлик. Бор меҳримиз билан уларга хизмат қилайлик. Аллоҳ барчамизга ота онамизни рози қилиб, уларнинг дуоларига сазовор бўлишимизни насиб айласин.

@Ashabuz

Ассалому алайкум ва раҳматуллоҳи ва баракотуҳ!

☀️ Хайрли тонг! 🌸

Умримизнинг яна бир гўзал саҳифасини о очиб берган Раббимизга ҳамдлар бўлсин, Алҳамдулиллаҳ!
Бугунги кунингиз хайрли ниятлар, ҳалол ризқ ва қалб хотиржамлигига тўла бўлсин.

Кун ҳикмати:
«Амалларнинг гўзаллиги ниятнинг софлигига боғлиқдир. Ниятингизни гўзал қилинг, шунда ҳаётингиз ҳам гўзаллашади».

Тилимизни тўғри сўзга, қалбимизни самимиятга ошно қилайлик!

✨ Кунингиз файзли ва баракали ўтсин!

┄┅অঠই ইঠঅ┅┄

@Ashabuz