Давид Мойес илк мавсуми тугашига 4 тур қолганда истеъфога чиқарилганди. Ўшанда «Эвертон»дан 0:2 ютқазилган ва жамоа математик жиҳатдан ҳам ЕЧЛга йўлланма олиш имкониятидан маҳрум бўлганди. Сал олдин чорак финалда «Бавария»дан 1:3 ютқазилган. Умуман ўша мавсум жамоа мухлислари учун шок эди.

Ҳозир «МЮ»ни хавфли зонадан 1 очко ажратиб турибди. Ҳозир «Сандерленд» ютса, очколар бўйича 18-ўрин билан тенг бўлади. Уч кун олдин ЕЧЛда «Комо»дан 1:4 ютқазилган. Одатий, кўп бор тушилган ҳолат.

Расмда мухлислар «Стандартлар» деб баннер кўтаришган. Ўша стандартлар ўртасидаги фарқни ёздим, клуб 13 йилга қаерга етиб келгани.

@aslanov_futbol

Барибир Эл Класико Винисиус билан қизиқ бўлардида :)

@aslanov_futbol

Икки жамоа ҳам бир-биридан қўрқаётгандек.

Иккиси ҳам ютишни истайди, лекин дурангга қарши эмасди.

@aslanov_futbol

Бугун 2025/26 мавсуми учун «Олтин тўп» топ топшириш маросими бўлиб ўтади.

Номзодлар имкониятларини яна бир бор чамалаб олишнинг айни вақти.

@aslanov_futbol

https://daryo.uz/uz/2026/09/15/oltin-top-uchun-kim-favorit-yamal-mbappe-yoki-messi/

Менимча, сўнгги икки мағлубиятда асосий масъул - Флик.

Очиқ-вертикал футболда дунёнинг энг кучли жамоаси - «Реал» ва «ПСЖ». Таркибдаги, ҳужум чизиғидаги ижрочилар шуни тақозо қилади.

Энрике ҳам, Моуриньо ҳам «Барселона»ни шундай услубда курашга тортишди ва ҳар икки ўйинда ҳам жамоа шу тузоққа тушгандек.

Мураббийнинг асосий вазифаси футболчилар камида ўз даражасида ўйнашини таъминлаш. Кеча «Реал»да Беллингҳэм, Тчуамени, Гулер, Кукуреля топ ўйин кўрсатишди. «Барселона»да эса Ямалнинг ҳам, Фермин, ҳатто Рафинянинг ҳам ўз даражасидан пастроқ ўйнаганини кўрдик.

Шунингдек, ўйин қовушмасаям, ҳужумда урғу Ямал томонга қаратилаверди. Испания терма жамоаси каби, бундай ҳолатларда чап қанотга эътибор қаратиш ҳам мумкин эди.

Икки мағлубият Чемпионлар Лигасидаям, Ла Лигадаям «Барселона» позициясига жиддий таъсир кўрсатмаслиги мумкин, аммо руҳий ва ўзига ишонч нуқтаи назаридан салбий ҳолат - кейинги топ ўйинларда зарар келтириши мумкин.

@aslanov_futbol

"Манчестер Юнайтед"нинг кузги истеъфоларида қизиқ бир ўхшашлик кузатилар экан.

Мойес ва ван Гал мавсум охирида бўшатилган, Моуриньо (2018), Сулшер (2021), тен Хаг (2024) ва Каррик (2026) ҳолатларидаги ўхшашлик - ҳар сафар "МЮ" кузда жуда ёмон формада бўлганида ёзги йиғинлар идеал даражада ўтмаган экан. Яъни, ё Европа ёки жаҳон чемпионати бўлиб, етакчи футболчилар мавсумолди тайёргарликларда тўлиқ қатнаша олишмаган, уларнинг ёмонроқ спорт формаси эса бевосита натижаларга тахсир кўрсатган. Фақат Аморим 2025 йил ёзида тўлиқ йиғинлар ўтказди, аммо унинг истеъфоси натижалар билан боғлиқ бўлмаганини яхши биласиз, асосан раҳбарият билан келишмовчиликлар сабаб бўлганди.

Албатта, бундай ҳолатга деярли барча топ-жамоалар ҳам тушади, ундай муаммо йўқ. Шу ерда асосий муаммо ўртага чиқади - таркиб етарлича шакллантирилмагани туфайли, жамоа доим айрим футболчиларнинг спорт формасига боғланиб қолган ва уларнинг йўқлиги доим натижаларга кескин таъсир кўрсатган.

@aslanov_futbol

Мен шу ерда Кейнга овоз бердим.

Тўғриси, қайси жиҳатдан ўтган мавсумда Мбаппе устунроқ эканини тополмадим.

Жаҳон чемпионатида ҳар иккиси ҳам ёмон ўйнамади. Иккиси ҳам яримфиналда ютқазди. Мбаппе кўпроқ гол урди, ҳа, лекин Франция услуби, ҳужумкорлиги бунга имкон берди.

Клуб миқёсда эса Кейн индивидуал жиҳатдан космик натижа кўрсатди, Германия чемпиони бўлиб, Чемпионлар Лигаси яримфиналигача борди.

Агар жаҳон чемпионлигига ўта аҳамият берилса, Ямал ютиб кетишини тушунса бўлади, гарчи, мен қўшилмасам-да, лекин нега Мбаппе Кейндан кўп овоз олишини тушунишим қийин.

@aslanov_futbol

Ҳарри Кейн - «Олтин тўп» соҳиби.

Кеча ҳам айтганимдек, у соврин учун энг лойиқ футболчи эди. Нафақат статистик натижалари, балки футболга қўшган ҳиссаси учун. Шу маънодаким, ҳеч бир ҳужумчи унгача бу услубда ўйнамаган эди. Моуриньо ёки Компани уни бундай ўйнашга ўргатмаган ҳам менимча, Кейннинг ўзи мана шунақа ўйнаб ҳам самарали тактика қуриш мумкинлигини намойиш қилганки, кейин мураббийлар бундан фойдаланишди. Шу томондан уни Бекҳэм, Бускетс, Нойер каби футболчилар қаторига қўшиш мумкин.

Кейн 25 йил ўтиб Оуэндан кейин бу совринни ютган илк инглиз, Мюллердан 45 йил ўтиб «Олтин тўп» ютган илк «Бавария» футболчиси бўлди.

@aslanov_futbol

Жозе Моуриньонинг "Барселона" устидан ғалабадан кейинги матбуот анжумани ўта узоқ давом этди, айтишларича, 40 дақиқагача борган. Моуриньо жуда кўп гапирган, айниқса, тактик томонларга батафсил тўхталган, ҳар бир қарорини журналистларга тушунтиришга уринган.

Бу билан Жозе Моуриньо мақтанган, деб ўйлайсизми? Ахир сўнгги йилларда "Бенфика", "Фенербахче", "Рома"ларда ишлаб келган мураббий учун бундай катта ғалаба ростан ҳам мақтанишга асосдир?

Лекин бу Жозе, уни яхши билсангиз, матбуот анжуманлари у учун кураш қуролларидан бири, буни ҳам ишлатмаса, у Жозе эмас. Матбуот анжуманини у шунчаки мақтаниш учун исроф қилмайди, тўғрими?

Менимча, "Барселона"ни ожиз қолдирган ҳар бир нуқтага алоҳида тўхталар экан, у Ла Лигадаги бошқа жамоаларга сингал жўнатмоқда. Ахир шу пайтгача юз фоизлик натижа кўрсатиб келаётган "Барселона"ни биргина Эл Класикода ютиб совринсиз қолдириб бўлмаслигини Жозе яхши тушунади. Ана, мен шунақа қилиб ютдим, сизлар ҳам шу жиҳатларга эътибор берсангиз, сизларда ҳам имконият бўлади, демоқчи. Масалан, икки ҳафтадан кейин ўз майдонида "Барселона"ни қабул қиладиган Симеонега.

@aslanov_futbol

2013 йилда "Тоттенҳэм" Гарет Бэйлни "Реал"га 100 миллионга сотиб, пулига бир эмас, бир нечта футболчи сотиб олади. Эриксен, Ламела, Шадли, Кирикеш, Паулиньо, Капу каби футболчилар жамоага ўша ёзда келишган. Шунингдек, ҳужумга Ла Лига тўпурарларидан бири, "Валенсия" футболчиси Роберто Солдадо олиб келинганди.

Клуб тарбияланувчиси Харри Кейн эса у пайтларда "Норвич", "Лестер" каби клубларда ижарама ижара юрар, "Тоттенҳэм" унга баъзи кубок ўйинларида ва ёзги ўртоқлик ўйинларида имконият берарди. Айнан Солдадонинг АПЛ даги муваффақиятсизлиги (52 ўйинда 7 гол) Кейнга "Тоттенҳэм"да имконият эшикларини очганди.

Кейн 19 ёшида ҳам "Норвич" захирасида ўтирган, яъни бошқа "Олтин тўп" эгалари каби ёшлигидан жавоҳирдек қаралмаганди. Ким билади, ўшанда "Тоттенҳэм" Солдадони эмас, балким яхшироқ ўйнаш эҳтимоли бўлган бошқа ҳужумчини сотиб олганида, биз Кейн ни ҳозиргидек танимас, "Олтин тўп" умуман футболчининг тушига ҳам кирмас эди балким.

Муваффақият бир ажойиб ҳолат, унга олиб борадиган йўллар ҳар хил, бир-бирига ўхшамайди.

@aslanov_futbol

Шу темада яна бир мисол.

«Манчестер Юнайтед» Майкл Каррикка яна имкон беришга қарор қилибди. «Борнмут»га қарши ўйинда мухлисларнинг Каррикни олқишлаши ҳам бунга сабаб бўлган. Мухлислар қўллаяпти, биз ҳам қўллайлик, дейишган.

Қизиғи, аслида мухлислар Каррикни олқишлашганига сабаб, унинг шу ўйиндан кейин истеъфога чиқарилишига тўлиқ ишонишгани туфайли. Хайрлашув сифатида.

Яъни, истеъфо сабабли олқишлашди, олқиш сабабли истеъфо рўй бермади.

Сабаб ва оқибат парадокси. :)

@aslanov_futbol