Жұмыс істейтін әйелдер әлеуметтік жәрдемақыдан қағылмайды

Құрылтай депутаты Ләззат Қожахмет 2027 жылдың 1 қаңтарынан бастап күшіне енетін әлеуметтік жәрдемақы саясатының ережелерін түсіндірді.

✅Жұмыс істеп жүріп, босанған әйелдерге алаңдауға негіз жоқ. Оларға бала 1,5 жасқа толғанша декреттік төлем бұрынғыдай беріледі. Табыс деңгейі (отбасының ауқатты немесе мұқтаж екені) ескерілмейді.

✅Жұмыс істемейтін әйелдерге жаңа ереже қолданылады. Төлем тек отбасы мұқтаж деп танылған жағдайда ғана беріледі. Егер отбасы көмекке мұқтаж болмаса, әйел адам жұмысқа жарамды болып тұрса, денсаулығында кінәрат болмаса, яғни оның өмір сүруіне отбасында жеткілікті табысы бар деген сөз, дейді депутат. Айтуынша, мұндай жағдайда «А» және «Б» санатына кіретін әйелдер бұл төлемді ала алмайды. Бүгінгі таңда «A» және «B» санатына кіретін 30 мыңнан аса әйел декреттік төлем алып отыр.

Бізге жазылыңыз -> t.me/atamekenbusiness_qaz

Еңбек министрлігі А және В санатына қандай отбасылар кіретінін түсіндірді

🟣А және В санаттарына әл-ауқаты жоғары және ауқатты отбасылар кіреді. Бұл санаттарды анықтаған кезде бірнеше көрсеткіш бірге қаралады: отбасының қаржылық жағдайы, бірнеше жылжымайтын мүліктің, қымбат көліктің, жеке бизнесі және жер учаскелерінің болуы.

🔴Отбасының әр мүшесіне шаққандағы табыс деңгейі күнкөріс минимумының 7 еселенген мөлшерінен басталуы ескеріледі. Сонымен қатар бір адамға шаққанда ауданы 120 шартты шаршы метрден басталатын бірнеше тұрғын үйдің болуы, люкс санатындағы көліктер, коммерциялық жылжымайтын мүлік, ірі, орта және шағын бизнес, сондай-ақ көлемді жер учаскелері сияқты көрсеткіштер есепке алынады.

❗️Жеке пәтердің, көліктің немесе басқа да мүліктің болуы өздігінен отбасын ауқатты деп тануға негіз болмайды. Отбасының түпкілікті санаты барлық мәліметті жиынтық түрде бағалау арқылы анықталады.

✅Азаматтар өздері және отбасы туралы мәліметтерді электрондық үкімет сервистері арқылы тексере алады. Егер ақпараттан қате анықталса, оны тиісті уәкілетті мемлекеттік органдар жаңартуы тиіс.

Айта кететіні, 2027 жылдың 1 қаңтарынан бастап жекелеген мемлекеттік жәрдемақыларды тағайындау кезінде мұқтаждық қағидаты негізге алынады. 

Бізге жазылыңыз -> t.me/atamekenbusiness_qaz

🇰🇿🇦🇿Қасым-Жомарт Тоқаев Ильхам Әлиевпен кездесті

🔴Кездесу барысында мемлекеттер басшылары өңірдегі бірегей жоба – Транскаспий талшықты-оптикалық байланыс желісін іске қосудың маңызына тоқталды. Теңіз табанымен жүргізілген желі екі елдің цифрлық байланысын күшейтіп, Еуропа мен Азия арасында тағы бір цифрлық дәліздің пайда болуына ықпал етеді. Осылайша, тұтас өңір тың мүмкіндіктерге қол жеткізеді.

🗣Президенттер сауда-экономикалық қарым-қатынастың қарқыны артып келе жатқанын мәлімдеп, өзара тауар айналымын 1 миллиард долларға жеткізуге ниетті екенін растады.

⏺Бұдан бөлек, Қазақстанның энергия ресурстарын Әзербайжан арқылы тасымалдау ауқымын ұлғайту, сондай-ақ өнеркәсіп, энергетика, көлік, логистика және ауыл шаруашылығы салаларында бірлескен жобаларды жүзеге асыру мәселелерін талқылады.

Бізге жазылыңыз -> t.me/atamekenbusiness_qaz

Атырауда жаңа жабдықтар балалар реанимациясының мүмкіндіктерін кеңейтті

Атыраудағы екі медициналық мекеме жаңа туған нәрестелер мен балаларға шұғыл көмек көрсетуге арналған тоғыз заманауи медициналық жабдық алды. Облыстық балалар ауруханасына екі SV600 өкпені жасанды желдету аппараты және бес пациент мониторы, ал Атырау қалалық перзентханасына SV800 өкпені жасанды желдету аппараты мен анестезиологиялық-тыныс алу аппараты табысталды.

Жабдықтар AYALA қайырымдылық қоры "Теңізшевройл" ЖШС-нің қолдауымен жүзеге асырып жатқан "Өмір сыйлайық" жобасы аясында берілді. Жоба Қазақстанда нәрестелер өлімін және туа біткен мүгедектік деңгейін төмендету жөніндегі мемлекеттік міндеттерді қолдау мақсатында мемлекеттік перинаталдық орталықтарды, перзентханалар мен балалар ауруханаларын заманауи медициналық техникамен жабдықтауға бағытталған.

🔗Толығырақ осы жерден оқи аласыздар.

Бізге жазылыңыз -> t.me/atamekenbusiness_qaz

💰 Қазақстанда басшылардың орташа жалақысы 1,1 млн теңгеге жетті

Қазақстанда 300 мың теңгеден жоғары жалақы алатын қызметкерлердің үлесі артты. Ұлттық статистика бюросының жыл сайынғы зерттеуіне сәйкес, 2026 жылы мұндай азаматтардың үлесі 58,4%-ға жеткен. Бір жыл бұрын бұл көрсеткіш 53,7% болған. Ал 100 мың теңгеге дейін жалақы алатындардың үлесі 3,3%-дан 2,3%-ға, 100–300 мың теңге аралығында табыс табатындардың үлесі 43%-дан 39,3%-ға төмендеді. Зерттеу сәуір айында жүргізіліп, ұйымдар мен кәсіпорындарда жұмыс істейтін 3 миллионнан астам адамды қамтыды.

Ең жоғары орташа айлық жалақы ұйым басшыларына тиесілі – 1,1 млн теңге. Инженерлердің орташа жалақысы 702 мың теңге, еңбек қауіпсіздігі инженерлерінікі 645 мың теңге, инженер-технологтардыкі 617 мың теңге, энергетик-инженерлердікі 615 мың теңге болды. Дәрігерлер орта есеппен 491,4 мың теңге, фармацевтер 347,7 мың теңге, фельдшерлер 313,6 мың теңге, медбикелер 264,6 мың теңге алады.

Басқа мамандықтар бойынша орташа айлық жалақы бухгалтерлерде 398,6 мың теңге, жүргізушілерде 328,1 мың теңге, аспаздарда 192,6 мың теңге, күзетшілерде 174,2 мың теңге болды. Жалпы, жалақының номиналды өсімі барлық тоғыз ірі кәсіптік топта тіркелген. Ең жоғары өсім өнеркәсіп, құрылыс және көлік салаларындағы жұмысшыларда – 13,1%, ал өндірістік жабдық операторлары, құрастырушылар мен жүргізушілерде 10,4% болды.

✈️ t.me/atamekenbusiness_silkway