COP17-ի շրջանակում Ամազոնի և Ան­դե­րի բնիկ ժո­ղո­վուր­դ­­նե­րի նախ­նի­նե­րից ժա­ռան­գած ա­վան­դույթ­նե­րը՝ կակաո­յի ծի­սա­կան ա­րա­րո­ղութ­յան և ­Պա­չա­մա­մա­յին՝ Մայր Երկ­րին նվիր­ված խորհրդան­շա­կան ծե­սը` Քաղաքային Կենսաբազմազանության գոտում:

Գոտու մասին ավելի մանրամասն կպատմենք շուտով:

COP17-ի շրջանակում Տեղական բնապահպանական նախաձեռնությունների միջազգային խորհրդի Գլխավոր Քարտուղարի հրավերով մասնակցեցի «Մոլորակի խնամակալությունը գործողության մեջ. տեղական լուծումներ Ռիոյի կոնվենցիաների համար՝ փոխակերպող առաջնորդության միջոցով» միջոցառմանը։

Դավթաշեն վարչական շրջանում

Սարյան փողոցի այս հատվածը հանրային հանգստի վայր լինելու փոխարեն տարիներ շարունակ զբաղեցնում էր անվադողերի վերանորոգման կետը։ Այսօր դրա տեղում «Ecostation» փոքրիկ այգին է՝ հանգստանալու, շփվելու և Հայաստանի բնության բազմազանությանը ծանոթանալու համար։

COP17-ի շրջանակում հանդիպել եմ աշխարհի տարբեր երկրներից ժամանած քաղաքապետերին, նահանգապետերին և քաղաքական այլ ներկայացուցիչներին:

Մեր քաղաքները տարբեր են, բայց շատ խնդիրներ՝ ընդհանուր։ Այս հանդիպումը հնարավորություն է փորձի փոխանակման և համատեղ լուծումների մշակման միջոցով առաջ շարժվելու դեպի ավելի կանաչ ու կայուն քաղաքներ։

Ներկայացրել եմ Երևանի փորձը՝ Հրազդանի կիրճին բնության հատուկ պահպանվող համայնքային լանդշաֆտի կարգավիճակ շնորհելուց մինչև փողոցային լուսավորության անցումն էներգաարդյունավետ ԼԵԴ համակարգի։

Երևանի 2750-ամյակի այգում ներկայացվում են բնության պահպանությանը, կանաչ ենթակառուցվածքների զարգացմանը, կենսաբազմազանության պահպանմանն ու կայուն քաղաքային զարգացմանն ուղղված Երևանի նախաձեռնություններն ու ծրագրերը։

Այստեղ կարող եք ծանոթանալ նաև «Դալմայի այգիներ»-ի մեր հայեցակարգին և GIS տարածատեղեկատվական հարթակներին։

▫️Առաջիկա օրերին բաց մի՛ թողեք հետաքրքիր քննարկումները, աշխատարանները, կինոդիտումներն ու համերգները։

COP17-ի շրջանակում տեղի ունեցավ ապակենտրոնացված կառավարման մարմինների և քաղաքների 9-րդ համաժողովը` տարբեր երկրներից ժամանած քաղաքապետերի, նահանգապետերի և քաղաքական այլ ներկայացուցիչների մասնակցությամբ:

Գագաթնաժողովի ավարտին Կալի քաղաքից Երևանին փոխանցվեց հաջորդ հյուրընկալողի խորհրդանշական էստաֆետը։

Ի դեպ, Երևանի քաղաքապետարանը միացավ «CitiesWithNature» գլոբալ հարթակին:

Հյուրընկալել եմ COP17-ի շրջանակում Երևան ժամանած մեր գործընկերներին Կարմիր կամրջում։

COP17-ի շրջանակում մասնակցել եմ «Քաղաքային կառավարումը բնության և կլիմայի ոլորտում․ ֆինանսական բաղադրիչի քննարկումը՝ Կալիի և Երևանի փորձի համատեքստում» զրույցին՝ Կոլումբիայի Կալի քաղաքի քաղաքային խորհրդի նախագահ Դանիելա Պլասա Սալդառիագայի հետ։

Ամբողջությամբ արդիականացվել է Կիևյան փողոցի և կամրջի արտաքին լուսավորության ցանցը:

Կառուցվել է շուրջ 3000 մետր ստորգետնյա խրամուղի․ վերգետնյա մալուխային անցկացվել է ստորգետնյա խրամուղիներով։

Կիևյան փողոցում տեղադրվել է 61 նոր հենասյուն՝ եվրոպական արտադրության էներգախնայող, խելացի ԼԵԴ լուսատուներով, իսկ կամրջին՝ 78 ԼԵԴ լուսատու։

Մեծ անակնկալ՝ Երևանի փոքրիկ ֆուտբոլասերներին։

Շուտով հայտարարելու ենք մի մրցույթ, որը կարող է դառնալ ձեր ֆուտբոլային մեծ երազանքի սկիզբը։

Կգուշակե՞ք՝ ինչ ենք պատրաստել։

Սպասում ենք ձեր տարբերակներին մեկնաբանություններում։

🔷 ԻՄ ԲԱԿԻՑ՝ ՄԵԾ ՖՈՒՏԲՈԼ

Մենք նոր մրցույթ ենք սկսում մեր բակերի ֆուտբոլասեր երեխաների համար։

Մրցում են բակերը։ Իսկ մրցանակը՝ «Յուվենտուս» ակադեմիայում մարզվելու հնարավորություն։

🔷 Ի՞նչ պետք է անեք։

🔹 Եթե ձեր բակում մենք նոր ֆուտբոլի դաշտ ենք կառուցել, ապա հավաքվե՛ք ձեր բակի թիմով ու պատմե՛ք ձեր պատմությունը։

🔹 Նկարահանե՛ք մինչև 60 վայրկյան տևողությամբ ուղղահայաց տեսանյութ ձեր ֆուտբոլի դաշտում։

Ցո՛ւյց տվեք ձեր թիմը, ձեր խաղը, ձեր բակի ֆուտբոլային առօրյան։

Պատմե՛ք՝ ինչպիսին էր ձեր բակը նախկինում, ինչ է փոխվել նոր դաշտի կառուցումից հետո, ու ինչու եք հենց դուք արժանի դուրս գալու մեծ խաղադաշտ։

🔷 Ինչպե՞ս մասնակցել։

🔹 Տեղադրե՛ք տեսանյութը ձեր Instagram-ի, Facebook-ի կամ TikTok-ի էջում՝ հրապարակային (public) կարգավորմամբ։

🔹 Գրառման մեջ նշե՛ք Երևանի քաղաքապետարանի պաշտոնական էջը և ավելացրե՛ք #ԻմԲակիցՄեծՖուտբոլ հեշթեգը։

🔹 Տարածե՛ք տեսանյութը, հավաքե՛ք ձեր բակի ընկերներին, հարևաններին ու երկրպագուներին։ Թող բոլորը տեսնեն ու աջակցեն ձեր թիմին՝ հավանումներով, մեկնաբանություններով ու տարածումներով։

🔷 Իսկ հետո՞։

🔹 Ներկայացված տեսանյութերից կընտրենք բակերի 4 լավագույն պատմությունները՝ հաշվի առնելով տեսանյութերի բովանդակությունը, ստեղծագործական մոտեցումը և հանրության արձագանքը։

🔹 Այդ 4 բակերի երեխաների համար կկազմակերպենք ֆուտբոլային հանդիպումներ։

🔷 Եվ արդեն ֆուտբոլի դաշտում, խաղի ընթացքում, մասնագետները կընտրեն 4 լավագույն պատանի ֆուտբոլիստներին, որոնք հնարավորություն կստանան մարզվելու Երևանում նորաբաց «Յուվենտուս» ֆուտբոլային ակադեմիայում՝ Երևանի քաղաքապետարանի ամբողջական ֆինանսավորմամբ։

🔷 Տեսանյութերի հրապարակման վերջնաժամկետը՝ Նոյեմբերի 29

Մեկնարկել է «Գթության խոհանոց» ծրագրի 33-րդ շրջանը։

Ավելի քան երեք տասնամյակ այս նախաձեռնությունը Երևանի հարյուրավոր բնակիչների կողքին է՝ ամենօրյա տաք սննդով, տնային այցելություններով ու դժվար պահին անհրաժեշտ օգնությամբ։

Գերհարդ Մայեռի հիմնադրած գործն այսօր շարունակում է «Հուսո տուն» բարեգործական կենտրոնը՝ տնօրեն Մովսես Պողոսյանի և իր թիմի ջանքերով։
Նրանք հոգ են տանում միայնակ տարեցների մասին, աջակցում ընտանիքներին ու երեխաների համար ստեղծում սովորելու և զարգանալու հնարավորություններ։

Մովսես Պողոսյանին՝ շուրջ 30 տարվա նվիրված աշխատանքի համար, պարգևատրեցի «Էրեբունի-Երևան 2800» մեդալով։

Արաբկիրում

Վեդիում մասնակցեցի քաղաքի օրվան նվիրված միջոցառումներին:

Երևանի նվերը` Վեդիին

Ազատության պողոտան և Հաղթանակի զբոսայգու գլխավոր մուտքը նոր լուսավորություն ու բարեկարգ տեսք են ստացել։

Պողոտայի՝ զբոսայգու գլխավոր մուտքից մինչև Բաբայան փողոց հատվածում ապամոնտաժել ենք հին հենասյուները, մալուխային ցանցն անցկացրել ստորգետնյա խրամուղիներով և տեղադրել 22 նոր ցինկապատ հենասյուն ու 37 էներգախնայող LED լուսատու։

Վերանորոգել ենք զբոսայգու գլխավոր մուտքի կամարն ու հարակից պատերը, որոնք առաջին անգամ են ստացել գեղարվեստական լուսավորություն։ Նոր լուսավորություն են ստացել նաև ստորգետնյա անցումը, կանգառասրահն ու Հեղափոխության 50-ամյակին նվիրված հուշարձանը։

Հանդիպել եմ մեր երիտասարդական կառույցի անդամների հետ:

Քննարկել ենք նրանց գաղափարներն ու առաջարկները Երևանի մասին։

Երեխաների և քաղաքի բնակիչների համար սպորտով զբաղվելու ավելի լավ պայմաններ ենք ստեղծում Երևանի տարբեր հատվածներում։

Խրիմյան Հայրիկի անվան թիվ 10 և Ալեքսանդր Պուշկինի անվան թիվ 8 դպրոցներում հիմնանորոգել ենք մարզադահլիճները։

Ջոն Կիրակոսյանի անվան թիվ 20 դպրոցում վերակառուցել ենք բակի մարզահրապարակը, որտեղ այժմ հնարավոր է ֆուտբոլ, բասկետբոլ և վոլեյբոլ խաղալ։

3,5 հա նոր կանաչ տարածք Երևանում:

Մալաթիա-Սեբաստիա վարչական շրջանի՝ Հայրենական պատերազմի հաղթանակի 40-ամյակին նվիրված զբոսայգում երևանցիների հետ միասին տնկեցինք շուրջ 400 ծառ, ավելի քան 1000 թուփ և 3000 վարդ։ Զբոսայգու տարածքում անցկացվել է նաև ոռոգման համակարգ։

2022-2025 թվականներին Երևանում ստեղծել ենք շուրջ 60 հա կանաչ տարածք, տնկել՝ 25.000 ծառ և 250.000 թուփ։