Бухорода нима гап?

Биз ҳеч қачон фақат танқид қилишни мақсад қилмаганмиз.

Ҳақиқий ва асосли фикр ва холис жамоатчилик назоратининг бош принципи оддий: борини — бор, йўғини — йўқ деб айтиш!
Камчиликни кўрганда «бонг» урганимиздек, яхшилик ва фидойиликни кўрганда ҳам уни эътироф этиш — бурчимиз.

Бугун айнан ана шундай, қалбга илиқлик бағишлайдиган ва одамийлик шарафланадиган бир воқеа содир бўлди.
Қоқ чўлнинг ўртасида бир юртдошимизнинг автомашинаси бузилиб қолди. Жойида тузатишнинг умуман иложи йўқ, атрофда эса на бир устахона ва на бир ёрдам қўлини чўзувчилардан бор...

Чўл ўртасидаги чорасизликни тасаввур қилаверинг...

Айнан шу оғир дамда, атрофдан ўтиб кетаётган ЙҲХХ ходими инсоннинг мушкулига мададкор бўлди.
Бухоро вилояти ИИБ ЙҲХБ 4-сафарбарлик гуруҳи инспектори, сафдор Хамраев Асрор фуқаронинг аҳволини кўриб бепарво ўтиб кетмади.
У фуқаронинг автомашинасини шатакка (буксирга) олиб, яқиндаги устахонагача етказиб қўйди ва қўлидан келганича анча ёрдам ҳам берди.

Бу шунчаки «хизмат вазифаси» эмас. Бу — виждон, масъулият ва одамийлик намунасидир!

Бу каби фидоийларни жамлаб халқ хизматидан чарчамаётган Бухоро вилояти ИИБ ЙҲХБ раҳбари Анвар Раҳматовичга ва шахсан инспектор Асрор Хамраевга чин дилдан ўз миннатдорчилигимизни билдирамиз!

Форма кийган, аммо юрагида инсонийлик туйғуси жўш уриб турган мана шундай ходимларимиз бор экан, халқнинг ички ишлар тизимига бўлган ишончи мустаҳкамланаверади.

Эл-юрт хизматида асло чарчаманглар! Оилангиз ва яқинларингиз бахтига доимо соғ-саломат бўлинглар!

🛡 @UDDU_channel

Қамчиқ довонида айни вақтдаги ҳолат.

🛡 @UDDU_channel

Бухоро вилоят ва Бухоро шаҳар ҳокимлари гоҳ-гоҳида шу ерлардан ўтиб туришса шу каби муаммолар бўлмасмиди...

Катта ҳудуд, парковка ва бир йўлдан иккинчи йўлга чиқадиган қатнов қисми-йўл ҳақида гап кетади.

Ушбу жой гоҳида очиқ ва гоҳида ёпиқ. Нега деган савол очиқ ва жавоби ҳали йўқ. Шу ерда бўлган шахснинг айтишича ҳокимиятнинг топшириқи экан.

Наҳотки ушбу йўлни ҳам сотиб юборишган бўлса? Бу каби йўллар сотилаверса эрта индин шаҳарда юролмай қоламиз ёки шаҳарда юриш пуллик бўлиб қолади.

Тадбиркорга тегишли деган маълумот ҳам участка нозиридан келди... Кадастрини ёки ижара шартномасини кўрган бўлсами???

Ҳолатга аниқлик киритиш мақсадида ҳокимлик масъуллари муносабат билдиришса мақсадга мувофиқ бўларди...

Янам бир масала бор, катта парковка ёпиқ ва бўм-бўш турган бир пайтда, уни ёнидаги йўлларда икки қаторлаб мошиналар парковка қилганлиги (иложи ҳам бошқа йўқ) сабаб сунъий тирбандликлар пайдо бўлмоқда.

🛡 @UDDU_channel

Эрталаб билдирилган эътирозимизни давом этамиз.

Milliy geoaxborot portali да мавжуд бўлган маълумотлар юзасидан ушбу ҳудуд-йўл-парковка давлатга тегишли.

Ўзбошимчалик билан ҳудудни ёпиш МЖтКнинг 147-моддаси асосида баённома тузиш ва жарима солиш тўғрисидаги қарор чиқаришга асос бўлади.

🛡 @UDDU_channel

⚡️❗️ В Узбекистане мошенники создали копию приложения для переводов — даже если показали чек, ни за что не верьте

Мошенники используют поддельное приложение, которое имитирует перевод денег и выдаёт фальшивый чек. Клиент показывает «оплату» и забирает товар, хотя деньги на самом деле не поступили.

Даже если вам показали чек — не верьте. Ждите пополнения у себя на счёте и только после этого отдавайте товар.

Распространите сообщение

🛡 @UDDU_channel

«Карвон» бозорида ёнғин...

Оғир синов...
2026 йил 3 октябрь куни соат 21:49 да Бухородаги «Карвон» кийим-кечак бозорида йирик ёнғин содир бўлди. Хайриятки, жабрланганлар ва қурбонлар йўқ.

Аммо йиллар давомида топган сармояси ва молидан бир кечада айрилган юзлаб тадбиркорларимиз жуда оғир аҳволда қолди.

🤲Аллоҳ азият чеккан барча юртдошларимизга сабр ва мушкулларига енгиллик берсин!



🛡 @UDDU_channel

Кеча содир бўлган ёнғин масаласи бўйича бугун эрталаб Бухоро вилояти ҳокими тадбиркорлар билан учрашиб муаммо ва ёрдам масаласи бўйича муҳокама қилди.

🛡@UDDU_channel

#No_comment...

У ерда бозор ёнди, бу ерда дарахтлар кетяпти...

Яна нималар бўлмоқда ёки бўлади?


🛡 @UDDU_channel

Ўзбекистонни дунёга таниттириш ўрнига, MrBeast «қочиб» кетишга мажбур бўлди

👉Бу ташриф Туризм қўмитаси ва Маданият ва санъатни ривожлантириш жамғармаси (ACDF) томонидан мамлакатни дунёга тарғиб қилиш мақсадида ташкиллаштирилган эди манимча.

Аммо кутилган ижобий пиар ўрнига, ташкилотчиликдаги хаотик жараён ва савиясизлик юз кўрсатди. Қора пиар ҳам пиар буяғини олсак... Лекин бари-бир чиройли иш бўлмади!

Дунёнинг энг машҳур ютубери Джимми Дональдсон (MrBeast) Тошкент ва Самарқандда минглаб одамларнинг «қамали»да қолди. Машинасини 1000 дан ортиқ одам таъқиб қилгани ва жамоат тартибини сақлаш ходимларисиз ҳаракатланиш имконсиз бўлганлиги сабабли, у вазият оғирлашаётганини айтиб, мамлакатни муддатидан олдин тарк этишга мажбур бўлди.

Бухорода эса одамлар уни соатлаб бекор кутиб, сарсон бўлишди.
Бу ҳолат Туризм қўмитаси ва ACDF каби йирик ташкилотларнинг оммавий тадбирларни режалаштириш, хавфсизликни таъминлаш ва оломон билан ишлаш борасида қанчалар нопрофессионаллигини кўрсатиб қўйди. Дунё даражасидаги блогерни таклиф қилиб, унда хавфсизлик ва маданиятимиз ҳақида фақат салбий таассурот қолдирдик.

Мамлакатни тарғиб қилиш тугул, ўзимизни дунё олдида яна бир бор ноқулай аҳволга солиб қўймадикми? 😔

🛡 @UDDU_channel

Йўллардаги ҳаққоний хавфни кўрмоқчи бўлсанг, кечқурун халқаро аҳамиятдаги йўлларга чиқиб, нотўғри ва лед лампалари ўрнатган мошиналарга назар сол.😔

Ўшанда йўлларимизда юриш қанчалик хавфли ва қанчалик расво эканлигини ҳис этасан.

Шунчаки оддий лампочкасини олиб ташлаб, ўрнига лед лампалар ўрнатган шопирларга дўззаҳнинг қайноққина жойидан жой тайёрлаб қўйилган.

Ўша миясиз шопирларга ўша лампаларни ўрнатаётган усталарга ҳам бу гаплар таълуқли!

ЙҲББси (ресгаи) томонидан ушбу трассаларда республика миққиёсида тадбирлар ўтказилиниб турилса мақсадга мувофиқ бўларди ва йўллардаги ЙТҲлару ўлимлар сони анча камаярди.

Ўйлайманки ушбу мурожаат керакли масъулларгача етиб боради ва йўлларда кечқурунлари хавфсиз юриб бўладиган шароит қилинади.

Лекин бу учун ўша масъулларнинг ўзлари шу каби трассаларга чиқиб шароитни ўз кўзлари билан кўриб ҳис этишлари керак.

🛡 @UDDU_channel

Шунчаки аҳолини огоҳлантирмасдан йўлни ёпиш учун одам қанчалик масъулиятсиз бўлиши керак?

Ахир ушбу йўлдан ўтиб кетаман деб келган одамнинг қайтиб кетиши бу унинг камида сарф-харажати ва вақтининг исроф бўлишини, унга ачинадиган ва ўйлайдиган одам борми?

Ёки ушбу йўл ёпилиши ҳақида эълон берилдими?
Қани? Қаерда? Қачон?...

Маълумот учун ушбу жой Бухоро шахри "Дарвозаи саллахона" кўчаси ёки халқ тилида айтилганда Кадаст йўли.

🛡 @UDDU_channel

#Халқ хизматида 35 йил

Ўзбекистон Республикаси Президентининг «Ички ишлар органлари ходимлари куни муносабати билан бир гуруҳ ходимларни мукофотлаш тўғрисида»ги Фармонига мувофиқ, Бухоро вилояти ИИБ ЙҲХБ бошлиғи — полковник Ахмедов Анвар Рахматович «Шуҳрат» медали билан тақдирланди.

Бу шунчаки мукофот эмас, балки йиллар давомида чекилган заҳматли меҳнат ва фидойиликнинг муносиб эътирофидир. Анвар Рахматович ўз фаолиятини оддий йўл соҳаси ходимлигидан ва оддий инспекторликдан (ГАИ) бошлаган. Соҳанинг пасту баландини ичидан билган ҳақиқий мутахассис сифатида бугунги кунда Бухоро вилоятидаги ЙТҲларнинг олдини олиш бўйича республикада намунали ҳудудга айлантира олди.

Энг муҳими — у айрим масъуллар каби ОАВ ва жамоатчиликдан «тошбақадек» беркинмайди. Ҳар бир мурожаатга адекват ёндашиб, очиқ ва холис мулоқот қила оладиган камдан-кам раҳбарлардан биридир.

35 йиллик ҳалол меҳнат ва эътироф муборак бўлсин! Анвар Рахматовичга мустаҳкам соғлиқ ва эл-юрт хизматидаги шарафли фаолиятида зафарлар тилаймиз!

🛡 @UDDU_channel

Ички ишлар тизимида ишлаш — фақат байрамда табрик олиш эмас, балки ҳар куни минглаб турли феъл-атворли одамлар, хавф-хатар ва улкан масъулият билан юзма-юз келишдир.

Бу касбда форманинг вазни эмас, уни кийган инсоннинг виждони ва адолати ҳаммасини ҳал қилади.

Фуқарога фақат жарима солишни эмас, унинг хавфсизлиги ва мушкулини осон қилишни ўйлайдиган, танқиддан қочмай, очиқ мулоқот қиладиган ходимлар бу тизимнинг ҳақиқий суянчидир.

Бугунги касб байрами билан тинчлик ва тартиб йўлида айнан шундай холислик ҳамда инсонийликни биринчи ўринга қўйиб, ҳалол хизмат қилаётган барча ходимларни табриклаймиз!

Сизга мустаҳкам соғлиқ, сабр ва матонат ёр бўлсин.

🛡 @UDDU_channel