Azatlıq Radiosı | Азатлык Радиосы
2.52K subscribers
11.7K photos
1.16K videos
8 files
17.2K links
Татарча хәбәрләр, яңалыклар. Татар-башкорт дөньясы. Ничек бар – шулай.

Русия хакимияте Азатлык Радиосын "теләнмәгән оешма" дип тамгалады. Безгә бу адреска яза аласыз: @azatliqradio. Редакция анонимлыкны гарантияли.
Download Telegram
Америкада яшәүче Ренат Хәйруллин Украинадагы сугышның беренче көненнән үк аңа каршы чараларга чыга.

Азатлыкка ул Нью-Йоркта татарча сөйләшү клубын оештырулары, чит илдә татарлыкка күбрәк тартылуы һәм кайбер татар сәяси активистларның карашлары белән риза булмавын сөйләде. Зур интервьюны укымаган булсагыз, сезгә җиңел булсын дип "карточка"лар ясадык.
👍7🤮2👎1🔥1🙏1
Уфа белән Казан арасында юлчылар поездын киләсе елда ук җибәрә башларга вәгъдә итәләр

Бу хакта Башкорт төбәгенең Куйбышев тимер юлы җитәкчесе Дмитрий Новиков әйтте, дип җиткерә РБК.

"Бу поезд белән хәзердән үк кызыксыну бар. Бу — өметле проект. Аны 2025-2026 елларда тормышка ашырырбыз, дип уйлыйм", дигән ул.

▪️2022 елда Уфа белән Казан арасында поезд җибәрергә ниятләүләре билгеле булган иде. Ике шәһәр арасын поездда 15 сәгать эчендә үтеп булачак, киләчәктә 12 сәгатькә калдыру максаты куела, дип җиткерелде.

▪️2017 елда Казанда узган "Төркиләр алтыны" форумында Россотрудничество вәкиле Сергей Маленко "Казан белән Уфа арасында тиз йөрешле тимер юл төзергә ярамый, чөнки ике сепаратизм үзәген берләштерү куркыныч" дип белдергән иде.

👉Тулырак безнең сайтта укыгыз, ачылмаса, монда басыгыз.

#Татарстан
#Башкортстан
@azatliqradiosi
✍6🤡2❤1😁1
Башкортстанның Мәчетле районында Украинадагы сугышны сәбәп итеп Сабан туен үткәрмәскә булганнар

Моны "махсус хәрби операция" (Украинага каршы сугышны хакимиятләр шулай дип йөртә) барган чакта бәйрәм чараларыннан баш тартырга кирәк дип санаучы кешеләрнең фикерләрен исәпкә алып эшлиләр. Сабантуйны солдатлар сугыштан кайтканнан соң уздырачаклар. Бу хакта Мәчетле районы матбугат хезмәтенә сылтама белән "Пруфы" җиткерә.

Ә 12 июньдә — Русия көнендә Мәчетледәге үзәк мәйданда язгы кыр эшләрендә үзләрен күрсәткән иң яхшы хезмәткәрләрне котлаячаклар. Шулай ук патриотик концерт үткәрәчәкләр.

▪️Былтыр Башкортстанның Белорет районы башлыгы Андрей Иванюта татар һәм башкортларның язгы кыр эшләре беткәннән соң үткәрә торган милли бәйрәме – Сабантуйны сугышка бәйләп, "патриотик бәйрәм" дип атады.

👉Тулырак безнең сайтта укыгыз, ачылмаса, монда басыгыз.

#Башкортстан
@azatliqradiosi
🤡11🤬5🤣3👍2🔥1
Татар активисты Рәфис Кашаповка "теләнмәгән" оешма эшчәнлегендә катнашуда гаепләп штраф салганнар

Чаллы шәһәр мәхкәмәсе Татар иҗтимагый үзәгенең Чаллы бүлегенең элекке җитәкчесе Рәфис Кашаповны "теләнмәгән" оешма эшчәнлегендә катнашуда гаепле дип тапкан һәм аңа 15 мең сум штраф салган. Бу хакта Chelny-biz хәбәр итә.

Күптән түгел аңа һәм бертуганы Нәфис Кашаповка "теләнмәгән" оешма эшчәнлегендә катнашу турында беркетмәләр төзелүе (Административ хокук бозулар кодексының 20.33нче маддәсе) хәбәр ителгән иде. Сәбәбе әйтелмәде.

▪️Узган атнада Татарстанда татар активистларында тентүләр булды. Ул чакта бертуган Кашаповларның хатыннарына да тентү белән полиция хезмәткәрләре килгән иде. Телефоннарын, компьютерларын һәм хатыннарның үзләрен алып киттеләр.

👉Тулырак безнең сайтта укыгыз, ачылмаса, монда басыгыз.

#Татарстан
@azatliqradiosi
🤬10😁1
Азатлык Радиосы Украинадагы сугышта һәлак булган Татарстан һәм Башкортстаннан кимендә 3988 кешене ачыклый алды

Безнең хисапка күрә, Путин режимы башлаган сугышта бүгенге көнгә Татарстаннан кимендә 1860 кешенең, Башкортстаннан кимендә 2128 кешенең үлгәне расланган.

23 май көнне генә кимендә 3882 кеше дип хәбәр иткән идек. Соңгы 7 көндә исемлеккә ике республикадан да 53әр кеше, барлыгы 106 кеше өстәлде.

Саннар зуррак та була ала, хакимиятләр үлүчеләр турында тулы мәгълүматны чыгармый.

Бүген 30 май, сугышның 827нче көне.

#сугышта_үлүчеләр

#Татарстан
#Башкортстан
@azatliqradiosi
🔥4👍1😢1💔1
⚡️Татарстанда Казан һәм Бигеш халыкара һава аланнары ябылган.

Кайбер оешмаларда эвакуация үткәрелә. Ул хакта Татарстан президентының матбугат хезмәте хәбәр итә.

Казанга һәм Түбән Камага очучы очкычларны исә Самар һава аланына борып җибәрәләр. Сәбәбе — дрон яки пилотсыз очкычның һөҗүм итә алуы.

#Татарстан

@azatliqradiosi
🎉4🤣3
Azatlıq Radiosı | Азатлык Радиосы
⚡️Татарстанда Казан һәм Бигеш халыкара һава аланнары ябылган. Кайбер оешмаларда эвакуация үткәрелә. Ул хакта Татарстан президентының матбугат хезмәте хәбәр итә. Казанга һәм Түбән Камага очучы очкычларны исә Самар һава аланына борып җибәрәләр. Сәбәбе —…
❗️Казан белән Бигеш һава аланнары янә эшли башлады, барлык чикләүләр дә бетерелгән.

Исегезгә төшерәбез: моңарчы дрон һөҗүмнәре Татарстанда инде 4 тапкыр булды: 2 һәм 17 апрельдә, 15 һәм 23 майда.

Русия Украинага каршы сугышын 2022 елның 24 февралендә башлады. Бүген — шушы сугышның 828нче көне.

#Татарстан

@azatliqradiosi
Azatlıq Radiosı | Азатлык Радиосы
❗️Казан белән Бигеш һава аланнары янә эшли башлады, барлык чикләүләр дә бетерелгән. Исегезгә төшерәбез: моңарчы дрон һөҗүмнәре Татарстанда инде 4 тапкыр булды: 2 һәм 17 апрельдә, 15 һәм 23 майда. Русия Украинага каршы сугышын 2022 елның 24 февралендә башлады.…
This media is not supported in your browser
VIEW IN TELEGRAM
Әтнә районында яшәүчеләр пилотсыз очкычның калдыкларына тап булган.

Ул хакта "Mash-иптәш" Telegram-каналы хәбәр итә. Дронны "Оргсинтез" өстендә бәреп төшергәннәр диләр. Әлеге оешма хезкәткәрләрен дә, боралак (вертолёт) заводын да эвакуацияләгәннәр.

#Татарстан

@azatliqradiosi
😁5🔥1😱1
Русиянең башка төбәкләрендә дә бүген төнлә дроннар бәреп төшерелде.

Краснодар төбәгендә корабларга һөҗүм итүче 5 ракетны һәм 29 пилотсыз очкычны бәреп төшергәннәр. Воронеж, Белгород, Тамбов өлкәләрендә дә берешәр дрон юк ителгән. Ул хакта Русиянең саклану министрлыгы хәбәр итә.

Ә Русия гаскәре исә төнлә Харьковтагы торак йортка аткан. Нәтиҗәдә 4 кеше һәлак булган, 25 кеше яраланган. Ул хакта Харьков шәһәре хакимияте хәбәр итә.

@azatliqradiosi
🤣7🤯2🔥1