Azatlıq Radiosı | Азатлык Радиосы
2.53K subscribers
11.7K photos
1.16K videos
8 files
17.2K links
Татарча хәбәрләр, яңалыклар. Татар-башкорт дөньясы. Ничек бар – шулай.

Русия хакимияте Азатлык Радиосын "теләнмәгән оешма" дип тамгалады. Безгә бу адреска яза аласыз: @azatliqradio. Редакция анонимлыкны гарантияли.
Download Telegram
This media is not supported in your browser
VIEW IN TELEGRAM
Ә ул арада Казанда Г.Камал театрының яңа бинасын ачу тантанасы башланырга тора.

Яңа бина турында без видео да ясаган идек. Аны 👉монда карый аласыз.

#Татарстан

@azatliqradiosi
❤4🤷‍♂1😁1🥴1
АКШ башкаласы Вашингтон Доналд Трампның президент вазифасына керешү тантанасына әзерләнә.

Чара Казан вакыты белән кичке сәгать сигездә үтәчәк. Трамп беренче көннән үк ашыгыч рәвештә эшкә керешәчәгенә сүз бирде. "Илдәге һәр четерекле вазгыятьне хәл итү өчен зур тизлек һәм көч белән эш итәчәкмен", диде ул.

Тулырак 👉Азатлык Радиосы сайтында укыгыз.

@azatliqradiosi
👍1👎1
Татарстан президенты Рөстәм Миңнехановның иртәнге сәламләү постына бүген төрле фикерләр килде.

Кемдер дрон һөҗүме турында кисәтүләр вакытында килеп җитми, нишләргә белмибез, балаларны мәктәпкә, бакчага илтергәме, юкмы дип аптырап торабыз дип яза. Ә кемдер киресенчә коткы таратмаска, паникага бирелмәскә өнди, Татарстан хакимиятләре барысын да әйбәт эшли дип түрәләрне яклый.

Иң кызыклы фикерләрне шушы постка җыеп бирдек.

Ә сез ничек уйлыйсыз? Миңнеханов дрон һөҗүмнәре турында төгәлрәк мәгълүмат биреп барырга тиешме?

#Татарстан

@azatliqradiosi
🎉4👍2🔥1🌭1👻1
Azatlıq Radiosı | Азатлык Радиосы
Татарстан президенты Рөстәм Миңнехановның иртәнге сәламләү постына бүген төрле фикерләр килде. Кемдер дрон һөҗүме турында кисәтүләр вакытында килеп җитми, нишләргә белмибез, балаларны мәктәпкә, бакчага илтергәме, юкмы дип аптырап торабыз дип яза. Ә кемдер…
Казанда яшәүчеләр шәһәр хакимиятенең Telegram-каналында да мэрия пилотсыз очкычлар һөҗүме турында вакытында кисәтмәде дип зарлана.

Кешеләр дроннарны сәгать ярым, ике сәгать алданрак күреп алуларын, мэриянең исә соңарып хәбәр бирүен яза.

Тулырак 👉Азатлык Радиосы сайтында укыгыз.

#Татарстан

@azatliqradiosi
🕊2💯2👻1
📍Апас районының Югары Ындырчы авылында төрмәдә утырып чыккан элекке тоткыннар һәм Русиянең Украинага каршы сугышында катнашучылар өчен ресоциализация үзәге ачарга җыеналар.

Моңа каршы петиция имзалау башланган.

— Элеккеге тоткыннар белән бергә талаулар, көчләүләр һәм урлаулар башланыр дип куркабыз. Шулай ук төрмәләрдә зур проблем саналган туберкулез таралу куркынычы бар, — диелгән мөрәҗәгатьтә.

Апас районы башлыгы Айрат Җиһаншин халыкка мөрәҗәгать белән чыккан. Ул бу үзәк турында сөйләшүләрнең "күбесе имеш-мимешләргә һәм дөрес булмаган мәгълүматка нигезләнгән" дип язган. Район башлыгы 21 гыйнварда авылда халык җыены булачагы турында игълан иткән.

"Интертат" язуынча, бу үзәкне "Ярдәм" хәйрия фонды рәисе Илдар Баязитов ачарга җыена. Анда төрмәдә утырган элекке тоткыннар һәм Украина сугышында катнашкан Русия хәрбиләре ресоциализация үтәчәк дигән. Хәзер янәшәдә "Яратель" оешмасы зур кошчылык фабрикасы төзи. Үзәктә яшәүчеләр шунда эшләячәк. Ул алардан куркыныч янамаячак, җитди контроль булачак дип ышандырган. Үзәккә каршы чыгучыларны Илдар Баязитов "Путинның канунына каршы чыга" дип гаепләгән.

Югары Ындырчы авыл җирлеге башлыгы Фирдүс Гафиятуллин үзәк ачылышына халыкның каршы булуын раслаган.

Ресоциализация үзәген Ындырчы авылының балалар бакчасын ябып ачмакчы булалар.

@azatliqradiosi
👎3😢2❤1😡1
Израил 90 фәләстин тоткынын азат итте. Бу Израил белән ХӘМӘС фәләстин радикаль төркеме (АКШ һәм Европа берлегендә террорчы оешма дип табылган) арасында төзелгән Газзә сызыгында атышны вакытлыча туктату турындагы килешү кысаларында башкарылды.

Азат итәр алдыннан Израилнең иминлек көчләре һәм Кызыл Хач вәкилләре һәр тоткынның шәхесен тикшергән, алар медицина тикшеренүе үткән.

AFP агентлыгы язуынча, Бейтуниядәге Офер хәрби төрмәсеннән ерак булмаган урынга кешеләр җыелган, алар азат ителгән тоткыннар утыра торган автобусларны алкышлап каршы алган. Израил 69 хатын-кызны, 12 ир-атны, сигез үсмерне һәм бер балигъ булмаган кызны иреккә чыгарган.

Тулырак 👉Азатлык сәхифәсендә укыгыз.

@azatliqradiosi
👍7❤1👏1🥴1
Azatlıq Radiosı | Азатлык Радиосы
❗️Якшәмбе көнне АКШта TikTok эшләүдән туктады. Кушымтаны ачканда мондый язу чыга: “Гафу итегез, хәзер TikTokны куллану мөмкин түгел. АКШта TikTokны тыю кануны үз көченә керде, һәм сез аны куллана алмыйсыз. Трамп бу мәсьәләне чишү өчен презилент вазифасына…
Америкада TikTok-ка нәрсә яный? Социаль челтәрне чикләү турында төп сораулар

Кичә АКШта популяр TikTok социаль челтәре эшләүдән туктап торды.

Америкада аңа чикләүләр кертелергә тиеш.

АКШның берничә сәгатьтән үз вазифасына керешәчәк яңа президенты Дональд Трамп социаль челтәрне тыю турында канунны кичектерәчәген белдерде. Шулай да гаять популяр булып киткән видеоплатформаның киләчәге күп сораулар тудыра.

Дөньяның иң популяр видеохезмәтләрнең берсен нигә чиклиләр?

Азат Европа/Азатлык радиосының журналисты, China In Eurasia брифингы авторы Рейд Стэндиш фикеренчә, TikTok’ны тыю — АКШ һәм Кытай арасындагы технологик лидерлык өчен көрәшнең бер билгесе.

Социаль челтәрнең тыелачагы билгеле булгач АКШның берничә эре эшкуары аны сатып алу тәкъдиме белән чыкты.

Бу шартларда TikTok әлегә томаланмыйча, Русиядә ачыла торган платформа булып кала. Әлеге хәл Русиянең Кытайга якынаю омтылышы бәйле була ала.

Тулырак 👉Азатлык сәхифәсендә укыгыз.

@azatliqradiosi
❤2👍1
Татарстанда мәдәният өлкәсендә социологик тиешеренү үткәрелгән.

Аның нәтиҗәләрен бүген Татарстан фәннәр академиясе президенты Рифкать Миңнеханов Казанда узган Мәдәният министрлыгының еллык киңәшмәсендә җиткерде.

Тикшеренү күрсәткәнчә, Татарстанда иҗат әһелләре арасында классикларның әсәрләрендәге милли темага кызыксынуы кимегән. Шулай ук халык сәнгатенә игътибар азайган.

Миңнеханов фикеренчә, милли тарихны бозу һәм мәдәнияттә экспериментлар ясау күзәтелә.

— Еш кына иҗат иреге һәм яңа агым кертү лозунгы астында чамасыз эксперименталь формалар куллану бар. Мондый алым милли мәдәнияткә нык зыян китерә. Беркемнең дә шиге калырга тиеш түгел, кешелекнең алдынгы техник, технологик үсеше нигезендә рухи мәдәни кыйммәтләр ята. Шуңа күрә без бүгенге мәсьәләләрне вакытында хәл итү өстенлекле әһәмияткә ия, — диде ул.

Аныңча, академия "Көнбатыш агрессиясе"нә каршы торачак һәм "рухи нигезне" алга сөрәчәк.

Соңгы елларда Татарстанда эксперименталь тамашалар ешайды. Мәсәлән, "Әлиф" иҗат берләшмәсе яңа алымнар кулланып спектакльләр куя. Туфан Имаметдинов җитәкчелегендәге төркем "Әллүки", "Әлиф", "Шамаил" исемле тамашалар әзерләү белән танылган. Актер һәм биюче Нурбәк Батулла "Әлиф" спектаклендәге роле өчен Русия күләмендәге "Алтын битлек" премиясенә лаек булды.

@azatliqradiosi
👍1🤡1
📍Русия Думасы рәисе Вячеслав Володин икенче укылышка җирле үзидарәне оештыру турындагы канун өлгесенә төзәтмә әзерләргә кушкан.

Бу төзәтмәләргә ярашлы, җирле үзидарәләрне үзгәртеп, аны бер дәрәҗәле системга әйләндерү-әйләндермәүне төбәкләргә үзләренә хәл итеп бетерү хокукы биреләчәк. Баштарак канун өлгесе бу үзгәрешләрне бөтен ил буйлап барлык төбәкләрдә дә кертүне күз уңында тота иде.

Моңа кадәр муниципаль реформаны Татарстан президенты Рөстәм Миңнеханов берничә тапкыр тәнкыйтьләп чыкты. Җирле үзидарәләрне үзгәртеп, аны ике дәрәҗәле системнан бер дәрәҗәле системга күчерүнең бернинди начарлыгы да юк, әмма Татарстанда бу ярамый торган эш, дигән иде ул былтыр 19 декабрьдә.

Тулырак👉 Азатлык Радиосы сәхифәсендә укыгыз.

@azatliqradiosi
🤔3❤1👍1
Вашингтонда АКШның 47нче президенты Дональд Трампның вазифага керешү тантанасы башлана.

Күпсанлы кунаклар арасында – Американың элекке президентлары. Фотода Билл Клинтон, Джордж Буш, Барак Обама.

Инаугурациягә кайбер чит ил башлыклары: Аргентина президенты Һавьер Милей һәм Италия премьер-министры Джорджа Мелони чакырылды. Чарада Кытай башлыгы урынбасары Хань Чжэн да катнаша.
👍3👎1🕊1