Azatlıq Radiosı | Азатлык Радиосы
2.53K subscribers
11.7K photos
1.16K videos
8 files
17.2K links
Татарча хәбәрләр, яңалыклар. Татар-башкорт дөньясы. Ничек бар – шулай.

Русия хакимияте Азатлык Радиосын "теләнмәгән оешма" дип тамгалады. Безгә бу адреска яза аласыз: @azatliqradio. Редакция анонимлыкны гарантияли.
Download Telegram
Язучылар Казанның Опера һәм балет театры янында урнашкан Тукай һәйкәленә чәчәкләр салды

Һәйкәл янына алтмышлап кеше жыелган иде дип хәбәр итә "Татар-информ".

Быел биредә Шигырь бәйрәме булмаячак. Аны Камал театрының яңа бинасы янында уздырачаклар.

«Быел Шигырь бәйрәме яңа урында булса да, без бу урынны ташламыйбыз», – дигән Татарстан Язучылар берлеге рәисе Ркаил Зәйдулла һәм Тукай шигырен укыган.

Шулай ук шагыйрьләр Мөхәммәт Мирза, Рүзәл Мөхәммәтшин, Фәнил Гыйләҗев, Наил Касыймов үз шигырьләрен укыган.

Фото: Татарстан Язучылар берлеге
👍8😢2🔥1
Ватиканда Рим папасы Франциск белән хушлашу тантанасы уза

Ватикан хәбәр иткәнчә, Изге Петр мәйданына һәм якындагы урамнарга якынча 200 000 кеше җыелган.

Хушлашу тантанасына 50дән артык ил җитәкчесе килгән, шул исәптән Украина президенты Владимир Зеленский, АКШ президенты Дональд Трамп, Франция президенты Эммануэль Макрон, Италия премьер-министры Джорджа Мелони, Европа Комиссиясе рәисе Урсула фон дер Ляен һәм башка дөнья лидерлары.

Җеназа литургиясен кардинал Джованни Баттиста Ре – кардиналлар коллегиясе деканы – алып бара.

Франциск – соңгы йөз елда Ватиканнан читтә җирләнәчәк беренче Рим папасы булачак. Ул Римдагы Санта-Мария-Маджоре базиликасында җирләнергә теләгән.
😢2🥱2❤1🔥1
Бүген татар шагыйре Габдулла Тукай тууына – 139 ел

Өч ел элек Азатлык Радиосы Тукай, ул яшәгән чор һәм аның иҗаты турында кызыклы интерактив уен әзерләгән иде. Аны искә төшереп, үзегезне тикшерергә чакырабыз!

👉 https://www.azatliq.org/a/31814692.html
(уен уйнар өчен VPN кирәк булырга мөмкин)
🔥10
✈️ Татарстанның «ЮВТ Аэро» һава ширкәте Bombardier CRJ-200ER очкычына бөек татар шагыйре Габдулла Тукай исемен биргән.

Бу хакта ширкәтнең рәсми сәхифәсендә хәбәр ителә.

🛫 50 юлчыга исәпләнгән Bombardier CRJ-200ER очкычын «ЮВТ Аэро» 2012 елдан бирле куллана. RussianPlanes.net мәгълүматларына караганда, әлеге очкычның беренче очышы 2003 елда булган.

📍 Бу очкычта Самар, Сарански, Тубыл, Түбән Новгород, Яңа Уренгой һәм башка шәһәрләргә очарга мөмкин.
🔥8👍6🤔1
Казанның Кабан күле буенда Шигърият бәйрәме тәмамланды.

Татарстан Язучылар берлеге рәисе Ркаил Зәйдуллин бәйрәмгә яшьләрнең дә күпләп килүен телгә алды, бәлки бу Камал театрының яңа бинасында узган "Печән базары" һәм Шигырь бәйрәменнән соң башланачак "Мин татарча сөйләшәм" чаралары белән бәйледер диде.

Чынлап та, театрга "Печән базарына" керергә зур тыгын барлыкка килде.

Әлеге вакытта Кабан күле буенда "Мин татарча сөйләшәм" чарасы башланды. Аны трансляциясе биредә бара.
🔥4👍3