Казанда укытучыга һәйкәл ачылды

Һәйкәл Укытучы йорты янындагы шул ук исемдәге скверда урнаштырылган, дип хәбәр итә Татарстан президентының  матбугат хезмәте.

Һәйкәл идеясен Татарстанның халык рәссамы, Габдулла Тукай исемендәге Дәүләт премиясе лауреаты Фәрит Вәлиуллин тәкъдим иткән.

Скульптура гранит нигезгә куелган бронздан эшләнгән, укытучы сынының биеклеге — 2,2 метр.

Һәйкәл нигезендә өч баскыч бар. Алар белем бирүнең өч баскычын — башлангыч, төп һәм урта белемне символлаштыра.

Подлужная урамындагы Укытучы йорты 2 сентябрьдә ачылды. Биредә педагоглар һәм мәгариф оешмалары җитәкчеләренең һөнәри үсеше өчен шартлар тудырылган. Бина — мәдәни мирас объекты.
 
Татарстанда укытучылар җитмәү проблемы бар. Бу бигрәк тә Казанда сизелә. Өч ел эчендә яшь мөгаллимнәрнең 32 проценты мәгариф системасыннан киткән дигзн иде элегрәк Татарстан мәгариф министры Илсур Һадиуллин. Кадрдлар китмәсен өчен җитди ярдәм чаралары кирәк диде ул.

Башкортстанда 63 яшьлек ирне "ВКонтакте"дагы сүзләре өчен армияне "дискредитацияләү" маддәсе нигезендә ике тапкыр штрафка тартканнар

Башкортстанның Белорет районара мәхкәмәсе 63 яшьлек Дим Алтынсуринны Русия армиясен "дискредитацияләү" өчен 30 мең сум штраф салган.

Алтынсуринга "ВКонтакте"да язылган тугыз комментарийны гаеп итеп куйганнар. Алар арасында мондый җөмләләр булган:

"Путинга бернинди сөйләшүләр дә кирәк түгел, чөнки ул шунда ук хакимлеген югалтачак; әгәр килешү төзелсә, аңа соңгы чиккә кадәр төрлечә акланырга, сәбәпләр уйлап табарга, ялганларга туры киләчәк. Ул моны бик уңышлы эшли дә. Аның өчен килешү — ахыр башы";

"Андрей, бөтен дөнья Кырымны Украинаныкы дип саный, ул вакытлыча Русия тарафыннан оккупацияләнгән. Ә син башкача уйлыйсыңмы?" һәм башкалар.

Ир мәхкәмә утырышына килмәгән. Әмма моңа кадәр биргән аңлатмасында комментарийларны "Русия хакимиятенең гамәлләренә шәхси мөнәсәбәтен күрсәтү максатыннан" язганын әйткән. Мәхкәмә карарында аның гаебен тулысынча таныганы әйтелә.

🔻Моннан тыш, мәхкәмә сайтындңа Дим Алтынсуринга карата 14 сентябрьдә ачылган тагын бер эш бар. Бу очракта да аны "ВКонтакте"дагы язмалары өчен армияне "дискредитацияләү" турындагы маддә нигезендә гаепле дип тапканнар һәм 30 мең сум штрафка тартканнар.

Аңа түбәндәге комментарийларны язуда гаеп белдерелгән:

"Миңа ул нигә кирәк, безгә беркем дә һөҗүм итмәде һәм итәргә дә җыенмады. Путинның амбицияләре өчен үзең бар да сугыш";

"Минем язмам аналар үз балаларын Путиннан башка беркемгә дә кирәк булмаган сугышка җибәрмәү хакында. Бернинди түләүләр дә балаларны алыштыра алмый. Ул үзенең 26 еллык идарәсе дәвамында бер генә тапкыр да дөресен әйтмәде" һәм башкалар.

Бу эштә Алтынсурин гаебен танымаган. Ул комментарийларны улларының Украинага каршы сугышта катнашуын теләмәгәнгә язганын белдергән.

▪️Украинада сугыш башланып, озак та үтми Русия хакимияте кануннарны кырыслатты. Русиядә сугышка каршы чыгучыларга 15 елга кадәр төрмә җәзасы яный.

▪️Илдә гамәлдә хәрби цензура кертелгән. Ул матбугат чараларына сугышны дәүләт позициясеннән аермалы рәвештә яктыртуны чикли.

Тулырак 👉 монда укыгыз

Мәскәү һәм Мәскәү өлкәсенә дроннар һөҗүме нәтиҗәсендә ике кеше һәлак булган, тагын ким дигәндә 20 кеше яраланган

Бу хакта Мәскәү өлкәсе губернаторы Андрей Воробьев хәбәр итте.

Раменское шәһәр бүлгесенең Софьино авылында дрон өч катлы йортка эләгеп анда 44 яшьлек хатын-кыз үлгән. Яраланучылар арасында өч бала да бар.

Орехово-Зуево шәһәр бүлгесендә дрон һөҗүменнән соң шәхси йорт янган, нәтиҗәдә өлкән яшьтәге ир-ат үлгән.

Раменский районында 21 катлы күпфатирлы йотның түбәсе янган. Якынча 400 кеше эвакуацияләнгән. 20ләп машинага зыян килгән.

ASTRAның OSINT-анализына күрә, һөҗүмнәр Мәскәү нефть эшкәртү ширкәтенә һәм Мәскәү өлкәсендәге Дзержинскида ТЭЦ-22гә ясалган. Мәскәү мэры Сергей Собянин нефть эшкәртү ширкәте җирлегендә бер корылмага зыян килүен раслады, ләкин кайсы ширкәт булуын ачыкламады.

Әлеге нефть эшкәртү ширкәте Мәскәү ягулык базарының 40 процентын тәэмин итә.

@azatliqradiosi

Казанда сайлау бүлгеләре янында автозаклар йөрүе турында хәбәр ителә

Сайлау бүлгеләре янында автозаклар йөрүе турында Татарстан сәясәтчесе Дмитрий Румянцев үзенең Телеграм-каналында язды.

Шулай ук ул сайлау бүлгеләренең берсендә "Экстремизмга каршы көрәш" үзәге хезмәткәрләре җыелуы турында язды. Алар артыннан автозак да килгән булырга мөмкин.

Румянцев шулай ук Казанның Декабристлар урамындагы 2нче йорт янында автозак күренүен хәбәр итте. Аның сүзләренчә, "Татмедиа" акционерлык җәмгыяте бинасы ишегалдында "Э" үзәгенең берничә хезмәткәре булган. Әлеге бинада 135нче сайлау бүлгесе урнашкан.

"Яблоко" фиркасенең Татарстандагы бүлекчәсе дә 135нче сайлау участогы ишегалдында "Э" үзәге хезмәткәрләре булуын хәбәр итте. Фирканең Телеграм-каналында җиде кешенең фотосы да урнаштырылган. Канал мәгълүматына күрә, аларның алтысы "Экстремизмга каршы көрәш үзәге" хезмәткәрләре булырга мөмкин.

@azatliqradiosi

21 сентябрьдә Казанда чираттагы бушлай татар теле дәресләре башлана.

Бу эшне Татарстан рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау һәм үстерү комиссиясе ярдәм белән Казан мэриясе оештыра.

Алты атналык курслар берничә әзерлек дәрәҗәсенә исәпләнгән. Казан мэриясе хәбәр итүенчә, башлангычлар пәнҗешәмбе, ә дәвам итүчеләр төркеме сишәмбе саен икешәр сәгать шөгыльләнәчәк

Татар теле курсы тел, грамматика һәм сөйләм нигезләрен үз эченә алган програмнан гыйбарәт диелә.

Курсларда барлык теләүчеләр катнаша ала, моның өчен бары теркәлергә кирәк.

🔷Казан мэриясе татар теле курсларын 2021 елда үткәрә башлады. Башта аны татар телләрен камилләштерү максатыннан Казан мэриясе хезмәткәрләре өчен оештырганнар иде. 2022 елда мэрия татар теле дәресләрен хезмәт күрсәтү өлкәсе белгечләре өчен тәкъдим итте. Моннан соң дәресләр барлык теләүче казаннарга тәкъдим ителә башлады.

@azatliqradiosi

18-20 сентябрьдә Русия Дәүләт Думасына узган сайлауларда партия исемлегеннән 83,52 процент беркетмә саналганнан соң, "Бердәм Русия" 57,85% тавыш җыя.

Бу хакта Үзәк сайлау комиссиясе хәбәр итә.

Аннан соң Коммунистлар фиркасе (КПРФ) - 13,93%, ЛДПР - 8,77%, "Новые люди"- 7,96%. килә.

Татарстанда уздырылган экзитпол мәгълүматларына караганда, республикада "Бердәм Русия" фиркасе 71,7 %, ә Башкортстанда 62% тавыш җыйган.

Халыкны сайлауга төрле чаралар аша җәлеп итәргә тырыштылар. Татарстанда машина уйнату, ташламалы ярминкәләр, концертлар шуларның берничәсе генә.
Шул ук вакытта өч көндә дә сайлау бүлекчәләрендә төрле хокук бозулар күзәтелде. Азатлык Радиосы алар турында социаль челтәрләрдән күзәтеп барды.

Шимбә көнне Казан шәһәренең Үзәк сайлау бүлгесе буенча «Яблоко» партиясеннән Дәүләт Думасы депутаты намзәте, "Яблоко" фиркасенең Татарстан бүлекчәсе җитәкчесе Руслан Зиннәтуллинга һөҗүм ясалды, Казанда сайлау бүлгеләре янында автозаклар йөрүе турында хәбәр ителде, 2836 нчы сайлау участогындагы күзәтүче Азат Шаеховны Мәскәү районының полиция бүлегенә алып киттеләр. Соңрак аны тавыш санауга кертмиләр.

Башкортстанда күзәтүчеләргә аракы, шампан шәрабы тәкъдим итәргә тырышканнар. Коммунистлар фиркасе "ят агентлар белән бәйләштә" дип "Гражданнар берлеге" күзәтүчеләрен сайлаудан чакыртып ала, шулай ук ике күзәтүчене полиция хезмәткәре алып китә, соңрак аның берсенә дүрт мең сум штраф салалар.

Сайлау вакытында тагын нинди хокук бозулар булганын 👉монда укыгыз.

@azatliqradiosi

Бүген дроннар Уфаның төньяк сәнәгать мәйданына һөҗүм итте

Хәбәрләргә караганда, дроннар "Новойл" ширкәте тирәсендә бәреп төшерелгән. ASTRA хәбәр итүенчә, сәнәгать мәйданында дроннар һөҗүменнән соң янгын чыккан.

Бу хакта рәсми мәгълүмат юк.

Русия саклану министрлыгы Башкортстан һәм шулай ук Татарстанда дроннар бәреп төшерелүен белдерде. Татарстанда шулай ук ракет һәм дрон һөҗүме куркынычы игълан ителгән иде.

▪️Уфаның төньяк сәнәгать мәйданында өч ширкәтне үз эченә алган эшкәртү комплексы урнашкан: «Башнефть-Уфанефтехим», «Башнефть-Новойл» һәм «Башнефть-УНПЗ». Бу Русиядә иң эре нефть эшкәртү комплексларының берсе. Ул елына 23,5 миллион тонна чимал эшкәртүгә куәтле.

▪️"Башнефть-Новойл» "Роснефть"кә караучы "Башнефть" ширкәтенең бер филиалы. Ширкәт мотор майлары, авиация һәм реактив ягулык, дизель ягулыгы, битум һәм башка нефть продуктлары җитештерә.

@azatliqradiosi