Azatlıq Radiosı | Азатлык Радиосы
2.52K subscribers
11.7K photos
1.16K videos
8 files
17.2K links
Татарча хәбәрләр, яңалыклар. Татар-башкорт дөньясы. Ничек бар – шулай.

Русия хакимияте Азатлык Радиосын "теләнмәгән оешма" дип тамгалады. Безгә бу адреска яза аласыз: @azatliqradio. Редакция анонимлыкны гарантияли.
Download Telegram
Көн язмасы: "Безне татар итеп милли ризык һәм тел саклый"

Төркиянең Бөгрүделик авылы турында яңа китап дөнья күрде. Ул "Татарларның Себердән Коньяга гамь тулы хиҗрәте" ("Sibiryadan Konyaya tatarların gam yüklü hicreti") дип атала. Аны авылда яшәүче активист Рәхмәтулла Куртаран язган.

Китапта авылның бер гасыр эчендә ничек үзгәргәне, югалган йолалар һәм сакланган кайбер гореф-гадәтләр турында укырга мөмкин. Азатлык Рәхмәтулла әфәнде белән авылның үткәне һәм бүгенгесе, милли йолаларның юкка чыгуы турында сөйләште.

💬1908 елда Истанбулга килгәннән соң татарларны Коньяга җибәргәннәр. Башта кырымтатар авылларына юллаганнар, әмма анда күнмәгәннәр. 20ләп кешене Акшәһәргә, 30лабын Коньяга җибәргәннәр. Безнең татарлар сәүдәгәрлек белән шөгыльләнгән, аларга үзләренә аерым җир кирәк булган. Менә алар хәзерге авыл җирен ошаткан, чөнки сала уртасыннан чишмә чыккан. Монда алар атларына су эчерткән, җим әзерләгән, үзләре ял иткән. Аннары хакимият татарларга биредә йорт салып биргән. Акшәһәргә җибәрелгән татарлар да кире авылга кайткан, ди Рәхмәтулла әфәнде.

👉Азатлык сәхтфәсендә
👉Көзге сәхифәдә

@azatliqradiosi
❤6👍2🔥1
Русиядән Әрмәнстанга күченгән сәяси активистлар сәяси тоткын математик Азат Мифтаховны яклап акция уздырды

"Left-wing Comunity in Yerevan" берләшмәсе оештырган акция Ереванда Русия илчелегеннән ерак түгел урнашкан Русия мәйданында узды.

"Апелляциягә кадәр хөкем карарының йомшаруына яки аның кире каралуына өмет шәүләсе бар иде", ди пикетта катнашучылареың берсе, Русиядәге "Сулчыларның социалистик хәрәкәте" активисты Никита Аркин.

Аның сүзләренчә, апелляция мәхкәмәсенең элекке хөкем карарын үзгәрешсез калдыруы билгеле булгач, алар моңа каршы протестка чыккан.

Тулырак👉 монда, ачылмаса 👉монда басыгыз.

@azatliqradiosi
🔥5👏2❤1
This media is not supported in your browser
VIEW IN TELEGRAM
ТАГЫН 3 КӨН КАЛЫП БАРА!..

21 августта Азатлык Радиосының YouTube-каналында — зур премьера... Истә калдырыгыз, язылыгыз!

#Татарстан #татарлар #премьера

@azatliqradiosi
🔥15🤔1
Хәерле иртә, дуслар! Яңа атнаны башлыйбыз, кыскача яңалыклар мондый:

🔸Курски өлкәсендә Русиянең ике хәрбие мародерлыкта гаепләнде. Аларның Глушково бистәсендәге телефоннар сата торган салонга керүләре видеокамераларга эләккән. Курски түрәләре аларны "ике чечен" дип әйтте һәм алар үз гамәлләре өчен җавап бирә диде.

🔸 Украина төнлә сигез өлкәдә Русия җибәргән 11 дрон бәреп төшерелде дип хисап торты, Русия саклану министры Белгород белән Курски өлкәләрендә 4 дрон бәреп юк ителде, диде.

🔸 ЛДПР фиркасе мигрантларга Русиягә гаиләләрен алып килергә тыярга тәкъдим итә.

🔸 Илон Маск Рамзан Кадыйровка Cybertrack пикап бирмәдем, диде. Моңа кадәр Кадыйров видео чыгарды, анда ул пулемет урнаштырылган автомобильдә йөрүен күрсәтә һәм аның өчен Илон Маскка рәхмәт укый.

🔸 Русиядәге кулланучылар янә Telegram начар эшләвенә зарланды. Сәбәбе - билгесез, хәзер сервис эшли.

🔸 Камчаткада 5 баллы җир тетрәве булган. Аннан соң тагын 250 афтершоклар булуы теркәлгән. Зыян күрүче кешеләр юк.

🔸 Русиядә Татарстан юл һәлакәтләре саны белән рейтингның 39нчы урынына чыккан. Республикада 100 мең транспорт берәмлегенә 97 авария туры килә.

🔸 Башкортстанның Хәйбулла районында танылган курайчы, башкорт фольклор белгече Йомабай Исянбаевка һәйкәл ачыклган.

Әлегә шушындый хәбәрләр. Матур көн, атна телибез!
👍5❤1🔥1
Төркиядә 247 урында урман яна

Әмма түрәләр ышандыруынча, янгыннар зур куркыныч тудырмый. 247 янгыннан 241е контроль ителә дип әйтте Төркиянең урман хуҗалыгы министры.

Измир, Маниса, Ушак, Мугла шәһәрләре тирәләрендә урманнар кешеләр яшәгән урыннарга да күчә башлаган иде, хәзер исә бу урыннарда вазгыять ул кадәр куркыныч түгел дип әйтә түрәләр.

#төркия
😭5😱3❤2🔥1😢1
Янгыннар темасын дәвам иттереп...

Бу - Стәрлетамак шәһәре. Уфа тракты. Зыян күрүчеләр хакында әлегә хәбәр ителми.

Русиянең гадәттәш тыш хәлләр министрлыгы фотолары.

@azatliqradiosi
👍1😱1
Казан метросында үзгәрешләр көтелә. Нинди?

Казан метрополитенында 30 август көнне, Татарстан суверенитеты көнендә FacePay дип аталган систем эшли башлаячак. Ул кешеләрнең биометрия мәгълүматын кулланачак. Бу хакта үз чыганакларына сылтанып "БИЗНЕС Online"хәбәр итә.

Татарстан башкаласы Русия транспорт министрлыгының "Юлчының яшел дигитальләшкән юлы" дип аталган проектында беренче сынау шәһәре булачак.

Русия түрәләре моны җайлылык белән аңлата. Имеш, поездга утырганда биометрияне куллану чиратларны кыскартырга булышачак, поездда эшләүчеләр кеше турында белешмәләрне кулдан кертү өчен вакыт әрәм итмәячәк.

Нәрсә белән куркыныч бу?

▪️Бу башлангыч Синҗан-Уйгыр автоном бүлгесендәге хәлләргә дә охшаш. Көнбатыш басмалары Синҗан автоном төбәгендә халык өстеннән даими контрольне арттыру өчен заманча технологияләр кулланылуы турында тикшерүләр уздырып аны бәян иткән иде.

▪️ Кытай хакимияте заманча техниканы куллануны арттыру җәмгыять иминлеге өчен кирәк дип аңлата. Төп максаты – мөселманнарны өркетү хакында ләм-мим.

Казанда FacePay нәрсәгә китерә ала? Бу хакта тулырак 👉 моннан укыгыз.
🤬7👍1👎1🤔1🕊1
📍Көн язмасы: "Адвокат яллар өчен малны саттык"

Азатлык "Баймак эше" фигурантлары турында сөйләвен дәвам иттерә. Бүген Айнур Кәримов тарихын сөйлибез.

Башкортстанның Гафури районы Красноусол авылында яшәүче 25 яшьлек Айнур Кәримовны 1 февральдә тоткарлыйлар. Әлегәчә ул тикшерү изоляторында утыра. Уфада урын булмаганга аны Дөртөйле изоляторында тоталар.

Айнур тумышы безлән Гафури районы Усман авылыннан. Гаиләсе белән Красноусолда яшиләр. Тоткарлануга кадәр вахта белән йөреп, эретеп ябыштыручы булып эшләгән. Аның өч кечкенә баласы бар: зурысына 6 яшь, уртанчысына - 3, сабыена - 8 ай. Авылдашлары Айнурны гаиләсен яратучы, ярдәмчел кеше буларак искә ала. Усман авылын төзекләндерүдә дә актив катнашкан.

"Айнур туган ягын бик ярата. Бигрәк тә табигатен. Өлкән улыбыз белән балыкка йөриләр иде. Күршеләр белән дус-тату яши, авыр вакытларда ярдәменнән ташламый. Тоткарлануга кадәр ял саен Усман авылына кайта идек. Балаларны карауда, тәрбияләүдә терәк иде. Улы әтисе белән горурлана, үскәч аның кебек булам ди. Айнурга һәрвакыт таянырга була. Ул гаиләсен туендыру өчен күп эшли, гаиләсе бернинди ихтыяҗ күрмәсен өчен бөтен көчен куя", дип язды аның хатыны Гөлнара.
Айнурның умыртка баганасы чире дә бар. Елына берничә тапкыр дәвалану алырга кирәк, медицина ярдәме булмаганда, аягы йөрми башларга мөмкин ди Гөлнара.

Гөлнара Моталапова иренә адвокат яллау өчен акча җыю оештырды. Адвокатка Уфадан Дүртөйлегә барып йөрергә кирәк булганлыктан, чыгымнары зур булды. Ул иренең атларын сату турында да игълан итте. "Акча җыю әкрен бара, атларны сатарга мәҗбүрбез" диде ул.

Дәвамы безнең сәхифәдә.

👉 Төп сәхифә
👉
Көзге сәхифә
😢7🙏1
Azatlıq Radiosı | Азатлык Радиосы
Янгыннар темасын дәвам иттереп... Бу - Стәрлетамак шәһәре. Уфа тракты. Зыян күрүчеләр хакында әлегә хәбәр ителми. Русиянең гадәттәш тыш хәлләр министрлыгы фотолары. @azatliqradiosi
Стәрлетамактагы һәлакәт турында тагын ниләр билгеле?

▪️Башкортстанның Сәламәтлек саклау министрлыгы зыян күрүче өч кешенең хәлләре турында сөйләде.

— Алар барысы да Стәрлетамакның 1 санлы хастанасенең реанимациясендә ята. Ике кешенең хәле авыр, бер кешенең хәле аеруча авыр. Аларга барлык медицина ярдәме күрсәтелә, — диде министрлыкның матбугат хезмәте.

▪️Стәрлемактагы шартлау газның агып чыгуы аркасында булган. Моны Тикшерү комитеты белдерде.

▪️ Алар мәгълүматына күрә, газ узган җирдә ул агып чыккан, аннары янып киткән. Өч кеше төрле дәрәҗәдә пешкән, җәрәхәтләгән. Бу - өч ир. Берсенә - 50 яшь, икенчесенә - 36 яшь, өченчесенә - 44 яшь.

Җинаять эше ачылган.

#башкортстан
🤯3💔2❤1😢1
Татарстанда Муса Җәлил премиясен фән һәм мәгариф өлкәсендәге казанышлар өчен бирүдән туктарга мөмкиннәр

Бу хакта әлегә коррупциягә каршы экспертизада яткан документка сылтама белән "БИЗНЕС Online" яза.

Татарстан Яшьләр министрлыгының матбугат хезмәтендә аңлатуларынча, фән, мәгариф һәм тәрбия өлкәләре Муса Җәлил премиясенә бүтән карамаячак, чөнки бу өлкәләр Мәгариф һәм фән министрлыгына карый.

— Татарстанда әлеге юнәлешләрнең үз конкурслары һәм премияләре бар. Мәсәлән, "Педагогик эшчәнлектәге казанышлар өчен Татарстан республикасының иң яхшы укытучысы", "Елның иң яхшы яшь укытучысы", "Ел укытучысы" конкурслары һәм башкалар", — дип аңлаталар Яшьләр министрлыгында.

Моннан тыш, Яшьләр министрлыгы яшьләр эшмәкәрлеген һәм цирк сәнгатен дә Муса Җәлил исемендәге премиядән алырга тәкъдим итә, чөнки бу тармакларда инде күп еллар гаризалар килмәгән.

▪️Муса Җәлил исемендәге премия ике елга бер мәртәбә дүрт кешегә йә төркемгә бирелә (акчалата күләме 200 мең сум).

👉 Тулырак монда, ачылмаса монда басыгыз.

#Татарстан
@azatliqradiosi
👎9👍3🤡3👻2
Башкортстанда 120 мең һектар җирдә ашлык үлгән, бер млрд сумлык зыян килгән

Башкортстанда иртә җылыну, су басу һәм яңгырлар аркасында 120 мең һектардан артык җирдә авыл хуҗалыгы культуралары үлгән, килгән зыян 1,06 млрд сум дип бәяләнә, дип белдерде Башкортстан авыл хуҗалыгы министры Илшат Фәйзрахманов.

Республиканың барлык 54 районында 11 сентябрьгә кадәр гадәттән тыш хәл режимын кертергә җыеналар.

Үлгән уңышның зур өлеше (112,3 мең га) — бөртекле һәм кузаклы культуралар, шулай ук 6 мең гектардан артык шикәр чөгендере үлгән.

Министр сүзләренчә, уҗымның өчтән бере җыеп алынган, өчтән бере үлгән, тагын өчтән берен җыеп алырга тырышалар.

👉 Тулырак монда, ачылмаса монда басыгыз.

#Башкортстан
@azatliqradiosi
😢7👍2❤1🤯1
Татарстан Русиядәге югары уку йортлары арасында иң күп бюджет урыннары алган

Русия Мәгариф һәм фән министрлыгы мәгълүматына күрә, Татарстан иң күп бюджет урыннары алган — 23 083.

Икенче урында — Свердловски өлкәсе (19 728 урын), өченчедә — Ростов өлкәсе (18 352 урын). Русия тарафыннан басып алынган төбәкләр университетларына 29 304 урын бүлеп биргәннәр.

▪️Быел барлыгы 621 меңнән артык бюджет урыны бүлеп бирелгән, шуларның 73%ы Русия төбәкләренә каралган.

▪️Иң күп бюджет квоталары мәгариф һәм педагогика фәннәре (4 849), информатика һәм исәпләү техникасы (1 437), шулай ук авыл, урман һәм балык хуҗалыгы (1 293) юнәлешләренә бүленгән.

👉 Тулырак монда, ачылмаса монда басыгыз.

#Татарстан
@azatliqradiosi
🔥5❤1👎1
Русиянең "традицион кыйммәтләрен" үз итүчеләргә Русиягә күченүне җиңеләйтәчәкләр

Русия президенты Владимир Путин дүшәмбе көнне "Русиянең традицион рухи-әхлакый кыйммәтләрен үз иткән затларга һуманитар ярдәм күрсәтү турында" фәрман имзалады. Документта әйтелгәнчә, "деструктив неолибераль идеологияне" үз итмәгән чит ил кешеләренә Русиягә күченү гадиләштереләчәк.

Әлеге документ нигезендә, мондый чит ил кешеләре Русиядә яшәү хокукын хөкүмәт билгеләгән квоталардан тыш ала алачак. Аларга шулай ук урыс телен һәм тарихын белүне дә раслау кирәк булмаячак.

Үз кешеләренә "деструктив неолибераль идеологик кыйммәтләр" тагучы илләр исемлеген Тышкы эшләр министрлыгына якын арада әзерләргә кушылган.

▪️"Русиянең традицион рухи-әхлакый кыйммәтләрен саклау һәм ныгытуда дәүләт сәясәте нигезләре турында" фәрманны Русия президенты 2022 елның ноябрендә имзалады.

▪️Анда кыйммәтләр арасында патриотизм, ныклы гаилә, рухи тормышның матди тормыштан өстенлеге, тарихи хәтер һәм башкалар саналган.

👉 Тулырак монда, ачылмаса монда басыгыз.

@azatliqradiosi
💩8👍2❤1😁1
This media is not supported in your browser
VIEW IN TELEGRAM
Башкортстан заводында бүген шартлау булган

Стәрлетамактагы бу хәл нәтиҗәсендә кимендә өч кеше зыян күргән диелә.

Гадәттән тыш хәлләр министрлыгы аңлатуынча, газ торбасында герметизация бозылган. Нәтиҗәдә сыекландырылган газ яна башлаган һәм шартлау булган.

Зыян күрүчеләрнең берсе — заводта эшләүче диелә.

👉 Тулырак монда, ачылмаса монда басыгыз.

#Башкортстан
@azatliqradiosi
🔥3👻1
This media is not supported in your browser
VIEW IN TELEGRAM
ТАГЫН 2 КӨН КАЛЫП БАРА!..

21 августта Азатлык Радиосының YouTube-каналында — зур премьера... Истә калдырыгыз, язылыгыз!

#Татарстан #татарлар #премьера

@azatliqradiosi
🔥11👍3❤2
Хәерле иртә, хөрмәтле укучылар. Бүген 20 август, сишәмбе. Азатлык Радиосы үз эшен дәвам итә. Әлегә булган яңалыклар мондый:

🔸Сишәмбегә каршы төндә һәм иртән Украинаның берничә шәһәренә дроннар һөҗүм иткән. Киевка дроннардан соң канатлы ракетлар очып килгән. Хәрби җитәкчелек аларның барысы да бәреп төшерелде һәм җитди зыян салынмады дип белдерә. Украина көнбатышындагы Тернопольдә шартлаулар һәм көчле янгын турында хәбәр ителә.

🔸Украина президенты Владимир Зеленский Украина кораллы көчләренең Русиядәге 92 торак пунктны контрольдә тотуын әйтте. Президент сүзләренчә, әсирлеккә алынганнарны Киев сугыш украин әсирләренә алыштырырга исәпли.

🔸Бурятиядә 7 дәрәҗәдәге зилзилә булган. Корбаннар һәм зыян күрүчеләр турында әлегә мәгълүмат юк.

🔸Украина журналисты Суджа хәрби комиссариатында хәрби хезмәткә барудан баш тарткан өчен эзләүгә бирелгән Русия егетләренең шәхси эшләрен табып яндырган.

🔸Татарстанга Курски өлкәсе кешеләре эвакуацияләнгән. Аларны Лениногорски һәм Нурлат районнары интернатларына урнаштырганнар.

🔸Русия белән Кытай арасында Газпромның "Себер көче-2" ("Сила Сибири-2") газүткәргеченең икенче чиратын төзү кичектерелгән. Ул Монголия аша узарга тиеш иде. The South China Morning Post хәбәр итүенчә, Монголия хакимиятләре аны 2028 елга кадәр каралган дәүләт үсеше планына кертмәгән.

🔸“Мемориал” 10,5 елга ирегеннән мәхрүм ителгән 24 яшьлек кырымтатар Февзи Саганджины сәяси тоткын дип таныды. Саганджи Номан Челебиджихан исемендәге кырымтатар батальонында катнашуда гаепләнде. Әлеге төркем Русиядә тыелган.

@azatliqradiosi
❤2👍1