Azatlıq Radiosı | Азатлык Радиосы
2.52K subscribers
11.7K photos
1.16K videos
8 files
17.2K links
Татарча хәбәрләр, яңалыклар. Татар-башкорт дөньясы. Ничек бар – шулай.

Русия хакимияте Азатлык Радиосын "теләнмәгән оешма" дип тамгалады. Безгә бу адреска яза аласыз: @azatliqradio. Редакция анонимлыкны гарантияли.
Download Telegram
Яңа уку елы башланса да, Татарстан мәктәпләренә укытучылар җитми. Август уртасында уку йортларына 2,3 меңгә якын мөгаллим кирәк иде.

Бу хакта җентекле язма әзерләгән идек, аның төп фикерләрен җайлы форматта, рәсемнәрдә укыгыз.

#Татарстан

@azatliqradiosi
🔥4👍1😁1
Татарстан дәүләт биналарына "Бердәм Русия" агитацияләрен ябыштыруда сайлау комиссиясе канун бозу тапмаган

Август аенда Татарстанның Биектау районы Шәпше авылында мәдәният йорты бинасына "Бердәм Русия" баннерлары ябыштырып чыкканнар.

Активист мөрәҗәгатеннән соң территориаль сайлау комиссиясе "Бердәм Русия" фиркасенең "агитация материаллары табылмаган" дип җавап биргән.

"Бердәм Русия әрсез рәвештә канунны боза, мондый баннерларны оятсызларча балалар бакчаларына, хакимият биналарына һәм башка урыннарга элә. Тик тикшерү аларны ачыклый алмый икән!", дип язган Дмитрий Румянцев.


Бу хакта тулырак 👉 монда укыгыз.

#Татарстан

@azatliqradiosi
😁7🤮3👎1🌚1
Azatlıq Radiosı | Азатлык Радиосы
Башкортстанда республика башлыгын сайлыйлар, Корылтайга өстәмә сайлау һәм җирле шураларга сайлаулар үтә. Радий Хәбиров икенче мөддәткә барырга җыена. Сәяси күзәтүчеләр быелгы сайлауда көчле агитация кулланылмый, аның урынына хакимият үз кулындагы административ…
Уфадагы сайлау урынына "янгын кисәтүе" игълан итеп ярты сәгать буе күзәтүчене кертми торганнар

Башкортстанның Уфа районындагы 3076нчы сайлау урынында "янгын кисәтүе" игълан иткәннәр.

Нәтиҗәдә үзен-үзе тәкъдим иткән намзәт - Константин Куликовның күзәтүчесен сайлау бинасыннан чыгарганнар һәм ул анда ярты сәгать буе керә алмаган.

Бу хакта "Аспекты" басмасына Борис Надеждинның Уфадагы штабы җитәкчесе Аким Туктаров сөйләгән.

Әлеге вакыт эчендә тартмага күпләп бюллетеньнәр ташлау булганмы - анысын белмибез, кичке беркетмә нәтиҗәләреннән генә карый алачакбыз, дигән ул.

Башкортстанда башлык сайлау кызганнан-кыза бара. Вконтакте һәм Одноклассники сайлуга баручылар фотолары белән тулган. Кайбер оешма вәкилләре "бу мәҗбүри өстән кушылды" дип белдерә, шул ук вакытта әлеге постлар белән кыйммәтле бүләкләр дә отып була.

Тулырак Азатлыкта укыгыз. VPNсыз ачыла.
💩7
Русия юстиция министрлыгы "ят агентлар" исемлеген яңартты:

🔹Залина Машенкулова - фемактивист

🔹Давид Канкия - сәясәт белгече

🔹Александр Савельев

🔹Аркадий Янковский - либераль сәясәтче, Думаның элекке депутаты

Реестрдан "Данное сообщение" оешмасы чыгарылган
💩4
Казанда Тинчурин театрына яңа янкорма салыначак

Казанның Горький урамында урнашкан Кәрим Тинчурин исемендәге татар дәүләт драма һәм комедия театры биләмәсендә яңа дүрт катлы бина салачаклар.

Бу хакта театр мөдире Фәнис Мөсәгыйтов сүзләренә сылтанып, "Бизнес Online" яза.

Шулай ук ул театрга капиталь төзекләндерү булачак дип сөйләгән ул.

Яңа һәм иске биналарны җир өсте кичүе тоташтырып торачак. Яңа янкорманы хәзерге иске кирпеч янкорма урынына салачаклар, бу бина кулланылышта түгел.

Кәрим Тинчурин театрының хәзерге бинасы XX гасыр театрларының үрнәге булып тора. Ул мәдәни мирас объекты. Экспертиза күрсәткәнчә, бинаның төзелеш корылмалары чикләнгән рәвештә генә эшкә сәләтле дип табылган. Түбәсен, инженерия системнарын алмаштырырга кирәк.

Тулырак Азатлыкта укыгыз.
👍7🔥1
Media is too big
VIEW IN TELEGRAM
Украинадагы сугыштан Татарстан ирләренең мәетләре кайта тора. Август азагында Әлки районы Иске Салман авылында Раил Гыйниятуллинны күмделәр.

Русия Украинага каршы сугышын 2022 елның 24 февралендә башлады. Шуннан бирле Татарстаннан әлеге сугышта кимендә 2,5 мең ир һәлак булган...

#Татарстан #татарлар

@azatliqradiosi
🤬8🕊4😢3👍1😭1
Азатлык һәм YouTube: "Көздән ни көтәмме? Сугыш бетүен"

Бу атнада Азатлык Радиосының YouTube-каналында баланы туган телгә өйрәтү өчен җаваплыларны эзләделәр, уртача хезмәт хакын тикшерделәр, быелгы көздән ни көтүләрен уртаклаштылар, җырчы Гөлназ Асаева итәгенең озынлыгын үлчәделәр.

Туган телне өйрәтү турында:

"Дәүләт каршы түгел. Сөйләш өйдә татарча. Мәктәптә генә бала тирән итеп сөйләшергә өйрәнә алмый".

"Татарча язарга, укырга, аннары татар шагыйрьләрен танырга мәктәптән башка өйдә өйрәтеп булмый".

Уртача хезмәт хакы турында:

"Эшләп ат баер иде. Урлашканнар байый инде, бигрәк тә безнең илдә. Дөрес яшәгән кеше гомергә дә баемый".

"Эшләсәң бездә б.ктан да акча эшләп була. Халык ялкау, эшләми. Мин айга 500 мең сум тирәсе алам. Көне-төне эштә, мин — фермер".

Быелгы көздән ни көтүләре турында:

"Сугышлар туктаса, шуннан да зуррак бүләк булмас иде. Дары мичкәсендә утырган кебек яшибез".

"Ул сугыш ничек туктасын? Сез, татар-башкортлар, бер туктамый сугышка китәсез. Акча өчен җан бирә торган халык. Сугышны үзегез генә туктата аласыз. Җибәрмәгез ирләрегезне. Иртән улыгызны сугышка җибәрәсез, кичтән намаз укып, сугыш беткәнен телисез".

Башка фикерләрне Азатлыкта укыгыз:

👉Төп сайтта.
👉Көзге сылтама.
❤5👍3
Русия армиясе Киевка "Шахед"лар аткан. Югары Рада янында дрон калдыклары табылган

Русия армиясе шимбә иртәсендә Киевка "Шахед" дроннары аткан. Шәһәрдә ике шартлау тавышы ишетелде дип яза Украина медиасы.

Киев администрациясе башлыгы Сергей Полко хәбәр итүенчә, барлык дроннар да бәреп төшерелгән. Җимерелүләр һәм зыян күрүчеләр юк диелә.

Киев шәһәренең хәрби администрациясе белдерүенчә, дрон калдыклары дүрт җирдә табылган. Аның берсе - Югары Рада бинасы янында.

Бинага зыян килмәде дип белдерде Украина парламенты матбугат хезмәте.
👍7🔥1🤬1🙏1
Киләсе өч елда Татарстан бюджетын үтәү 50 млрд сумга кыенрак булачак

Бу хакта республиканың бюджет үтәлеше һәм киләсе өч елга бюджет өлгесен әзерләү киңәшмәсендә Татарстан финанс министры урынбасары Марат Фәйзрахманов белдерде.

Аның сүзләренчә, Русиядә кертелүче салым реформасыннан Татарстан югалтулар кичерәчәк.

— Салымнар үссә дә, бу Татарстанның берләштерелгән бюджеты керемнәрен арттыруга китермәячәк. Өстәмә җыелган сумма федераль бюджетка күчереләчәк. Шул ук вакытта республика бюджетына алар тискәре йогынты ясаячак, — диде ул.

2024 елның 8 аенда Татарстан берләштерелгән бюджеты кереме 400 млрд сумга якынлашкан. Шул ук вакытта республикадагы төп салымнарның берсе — табыш салымы 10,4 процентка кимегән. Бу нефть һәм нефть-химиясе тармагы торышына бәйле.

Татарстан президенты Рөстәм Миңнеханов нефтька бәйле кертелгән чикләүләр без көткән нәтиҗәләр бирми диде. Ул җитештерү сәнәгате индексы 101,5 процент үсеш күрсәтте, ләкин чикләүләр булмаса саннар күпкә зуррак булыр иде, дип өстәде Миңнеханов.

Тулырак Азатлык сайтында укыгыз. VPN-сыз ачыла: https://smarturl.click/z2eX8
🤬9👍2👏1
"Алтын мөнбәр" кинофестивалендә татар-башкорт кинолары бармы?

Казанда XX Мөселман кинофестивале башланды. Аның исеме дә янә кайтты: "Алтын мөнбәр"

Бүген "Алмаз синема Родина" кинотеатрында музыкант, музыка турында язучы журналист Рәдиф Кашаповның "Моң.Аңлатма" киносын күрсәтәләр. Ул документаль фильмнар бәйгесендә катнаша.

8 сентябрьдә шунда ук милли кино конкурсында катнашучы фильмнарны карап булачак.
Аерым алганда, анда режиссер Рәүф Кубаевның "Телсез күке", Солтан Сөнгатуллинның "Ак мәчет эзләреннән", Сергей Китаевның "Әминә" фильмнары күрсәтелә.

"Телсез күке" язучы Зөлфәт Хәким әсәренә нигезләнгән, фильмда Хәким үзе дә уйный.

Якшәмбе режиссер Салават Юзеевның "Гашыйклар тавы" күрсәтеләчәк. Ул тулы метрлы кино бәйгесендә катнаша.

Башкортстаннан Фәрзәнә Үтәрбаеваның "Йорт" фильмы күрсәтеләчәк. Ул конкурстан тыш програмда.

Кайсы кино кайчан булачагын "Алтын мөнбәр" сайтында карарга мөмкин.
❤3👍3🔥1🥰1👏1
Азатлык сүзлегендә "сайлау урыны" сүзтезмәсе.

Башкортстанда башлык сайлау дәвам итә, иртәгә Татарстанда Дәүләт шурасына депутатлар сайлаячаклар. Сайлау участогын Азатлык "сайлау урыны" дип яза.

#азатлыксүзлеге
❤7
Татар телендә сленг сүзләрне беләсезме?

Әйдә.Online проектының әлеге текст татар телен өйрәнүчеләр өчен, ләкин телне белүчеләргә кызык булыр дип уйлыйбыз.

Кәттә, сеңү, манчу, шылу...

➡️ https://www.azatliq.org/a/33104082.html
(VPN-сыз сылтама: https://smarturl.click/VDAGn)

Сез тагын нинди сүзләр кулланасыз?
👍10❤1
Ә бит Азатлык Радиосы Tik-Tokта да бар! 😃

👉 Безгә язылыгыз! Бергә булыйк!

@azatliqradiosi
❤12
Azatlıq Radiosı | Азатлык Радиосы
Мәскәү прокуратурасы рэпер Моргенштернга каршы җинаять эше ачуны таләп итә Уфада туып үскән Алишер Вәлиевны (Моргенштерн) «ят агент» таләпләрен үтәмәүдә гаепләмәкчеләр. Рэперны инде административ маддә нигезендә ике тапкыр штрафка тартканнар. Прокуратура…
❗️Рэпер Моргенштернга каршы җинаять эше ачканнар

Уфада туып үскән Алишер Вәлиевны (Моргенштерн) «ят агент» таләпләрен үтәмәүдә, аерым алганда интернетка чыгарган язмаларын "ят агент" дип тамгаламауда гаеплиләр.

Рэперны инде административ маддә нигезендә ким дигәндә дүрт тапкыр штрафка тартканнар иде. "Ят агент"лар кануны нигезендә елына ике тапкыр административ эш ачылганнан соң җинаять эше кузгатыла ала.

Моргенштерн гаепле дип табылса, аңа ике елга кадәр ирегеннән мәхрүм итү яный. Тикшерү комитеты хәбәр итүенчә, хәзер рэперны эзләүгә игълан итмәкчеләр.

▪️2022 елны Моргенштерн "ят агент" дип танылды. Хәзерге вакытта ул Русиядән читтә яши.

@azatliqradiosi
🤣4👍2😢2
Татарстанда парламент сайлавы уза.

Иртән 2760 сайлау бүлгесе ачылды.

Республика халкы 100 депутат өчен тавыш бирә. Депутатларның яртысы (50 мандат) фирка исемлегеннән уза, икенче яртысы — бер мандатлы бүлгеләрдән.

Быелгы сайлауда 397 намзәт теркәлде. Сайлауга биш сәяси фирка үткәрелде. Бу — "Бердәм Русия", КПРФ, ЛДПР, "Гадел Русия" һәм "Яңа кешеләр" ("Новые люди").
Быелгы сайлау алды кампаниясе беренче тапкыр сугыш вакытында узды. Намзәтләр арасында бәхәсләшү дә, зур шигарләр күтәрү дә күренмәде.

Милли мәсьәләләрне дә күтәрүче, бу проблемның барлыгы турында әйтүче дә күренмәде.

Азатлык бу хакта язган иде. Тулырак👉 монда укып була.

@azatliqradiosi
👎6🤮2
7 сентябрь кичендә Газзә сызыгы белән солых урнаштыру һәм ХӘМӘС әсирлегендә булган тотыкларны азат итүне таләп итеп Тел-Авивта зур протест чарасы узды

Чараны оештырган тотыктагыларның гаиләләре форумы мәгълүматынча, чарага якынча 500 мең кеше чыккан. Алар сүзләренчә, бу Тел-Авивта узган иң зур чара. Моннан тыш илнең башка шәһәрләре урамнарына 250 меңләп кеше чыккан.

Протестлар шимбә саен уза. The Times of Israel язуынча, кичә беренче тапкыр бу чара хөкүмәткә каршы демонстрациядә катнашучылар белән берлектә оештырылган.

7 октябрьдән бирле Газзә сызыгында үтерелгән халык саны 40 меңнән артты. Бу Газзә сызыгы сәламәтлек саклау министрлыгы китергән саннар.

@azatliqradiosi
❤3🔥2
7 сентябрь Төркиянең Искешәһәр китап клубының чираттагы очрашуында Коньяда яшәүче татар активисты Рәхмәтулла Куртаранның Себердән килгән татарлар нигез салган Бөгрүделик авылы турындагы яңа китабы тәкъдим ителде.

Китапта татарларның Себердән Анадолуга күчү хәтирәләре, аларның үзләре белән алып килгән мәдәнияте һәм һиҗрәт хакында әңгәмәләр тупланган.

Искешәһәрләр белән очрашу башында Куртаран китапның язылу тарихын сөйләде, соңрак, китап клубындагы гадәт буенча, очрашуга килгәннәр китапның төрле өзекләрен чиратлап укыдылар, үз гаиләләренең һиҗрәт тарихлары белән бүлештеләр.

Чара турында тулырак 👉монда укый аласыз.

@azatliqradiosi
👍16