Azatlıq Radiosı | Азатлык Радиосы
2.53K subscribers
11.7K photos
1.16K videos
8 files
17.2K links
Татарча хәбәрләр, яңалыклар. Татар-башкорт дөньясы. Ничек бар – шулай.

Русия хакимияте Азатлык Радиосын "теләнмәгән оешма" дип тамгалады. Безгә бу адреска яза аласыз: @azatliqradio. Редакция анонимлыкны гарантияли.
Download Telegram
Атна вакыйгалары фотоларда

Күбрәк фотоларны 👉Азатлык Радиосы сәхифәсендә карый аласыз.

@azatliqradiosi
❤‍🔥1👍1🔥1
Ленинград өлкәсендәге Усть-Луга портында мазут ташучы Koala танкеры бата дип хәбәр итә "Фонтанка".

Baza язуынча, корабта 1300 тонна ягулык бар. Телеграм канал чыганаклары белдерүенчә, корабның хәрәкәтен көйләүче машиналар бүлегенәдә берничә шартлау булган, әмма "Фонтанка" бу хәбәрне расламый.

Шул ук вакытта Ленинград өлкәсе губернаторы Александр Дрозденко Усть-Лугада "двигательны эшләтеп җибәргәндә техноген һәлакәт" булганын һәм танкерның машиналар бүлегенә зыян килгәнен әйтте.

Танкер Антигуа һәм Барбуда байрагы астында йөри. Экипажында дүрт кеше бар: дүрт русияле, сигез грузин һәм 12 индонезияле.

"Mash на Мойке" язуынча, кораб сай җиргә терәлгән, экипаж тулысынча эвакуацияләнгән. Беренчел мәгълүматларга күрә, ягулык агып чыкмаган.

@azatliqradiosi
👍3😡3😢1🎉1
This media is not supported in your browser
VIEW IN TELEGRAM
👆Украинаның Краснодар төбәгендәге "Албашнефть" нефть саклагычына һөҗүм нәтиҗәләре

Иярченнән төшерелгән фотоларда ягулык булган ике зур мичкәгә зыян килгәне күренә. Һөҗүм 5 февральгә каршы төндә ясалды.

Astra телеграм каналы язуынча, микчәләрнең берсендә 60 тонна нефть, икенчесендә шул ук күләмдә дизель ягулык булган. Икенче мичкәгә өлешчә генә зыян салынган, ул янмаган.

Новоминская станциясендәге "Албашнефть"кә дрон түгел, ә украиннарның яңа канатлы ракеты һөҗүм иткән дип тә әйтелде.

Ракетны "уңышлы сынау" турында "Полковник ГШ" телеграм каналы да язды.

@azatliqradiosi
🔥4👍2👏2🤬1
📍Косовода сайлауда премьер Куртиның хакимият партиясе җиңеп бара

Якшәмбе көнне Косовода парламент сайлаулары узды. Сайлау бүлекләре ябылды, хәзер тавышларны саныйлар.

Урындагы телеканал үткәргән экзитпол мәгълүматынча, премьер-министр Альбин Курти җитәкләгән “Үзбилгеләнү” хакимият фиркасе 38%тан күбрәк тавыш казанып алда бара. Оппозициядәге Косов Демократ партиясе һәм Косово Демократик лигасы һәркайсы 20%тан артык тавыш җыеп икенче һәм өченче урын өчен көрәшә. Тагын бер оппозициядәге көч - Косовоның киләчәге өчен альянсы дүртенче урында.

Сайлауларда шулай ук "Серблар исемлеге" дә катнашты. Аның өчен күбрәк төньяк районнарда яшәгән серблар тавыш бирде.

Әгәр сайлау нәтиҗәләре экзитполны мәгълүматлары белән туры килсә, абсолют күпчелекне җыя алмаган Курти фиркасенә мөгаен башка сәяси көчләр белән коалициягә керергә туры килер.

Курти хөкүмәте нигездә төньякта яшәгән серб азчылыгына карата кырыс сәясәт алып барды. Оппозиция Куртиның бу сәясәтенә каршы чыкты. Алар АКШ һәм Европа берлеге белән мөнәсәбәтләрне яхшыртырга, Сербия белән элемтәләрне арттыру өчен сөйләшүләр башларга чакырды.

2022 елның декабрендә Курти хөкүмәте Косовоның Европа берлегенә кушылуы өчен рәсми мөрәҗәгать тапшырды, әмма ил әлегә намзәт ил статусын ала алмады.

Европа берлегенең биш дәүләте, шулай ук Сербия, Русия һәм тагын берничә ил һаман да Косовоны бәйсез дәүләт буларак танымый.

@azatliqradiosi
🔥2
⚡️Казанда Гарифьянов урамындагы йортта урнашкан фатирда 4 студентның мәете табылган.

Ул хакта KazanFirst хәбәр итә. Сүз 20 яшьлек КДЭУ студенты, 24 яшьлек КДМУ студенты, 19 яшьлек һәм 22 яшьлек ир-атлар турында бара.

Егетләр фатирны арендалап яшәгән, диелә. Фатирда шулай ук ак һәм яшел төстәге порошоклар да табылган.

Җинаять эше инде ачылган дип яза KazanFirst.

#Татарстан

@azatliqradiosi
👍1
Казанда Гаврилов урамындагы йортта урнашкан фатирда янгын чыккан, нәтиҗәдә 12 яшьлек мәктәп укучысы һәм аның 41 яшьлек әнисе һәлак булган.

Шул ук вакытта янгыннан тагын 6 кешене (шул исәптән 2 баланы) коткарып кала алганнар.

#Татарстан

@azatliqradiosi
😱10😢2👍1
Баймак районын бүген ике сугыш арасында калган район дип атарга була: бер яктан, аның иң көчле ир-егетләре күпләп Украина сугышында кырыла, икенче яктан, халыкка каршы эчке сугыш алып барыла.

Эчке сугыш дигәндә, кешеләрнең экологик каза йогынтысында яшәргә мәҗбүр булуы, ә моңа каршы көрәшүеләрнең хакимият һәм куәт оешмалары басымы астында яшәве, дип аңларга кирәк. Бер сүз белән Баймакны бүген Башкортстанның "үги районы" дип атарга мөмкин.

Азатлык Радиосы Башкортстанның Украина сугышында иң күп ир-егетен югалткан районнарны барлавын дәвам итә. Баймак, Учалыдан соң, авыл тормышы белән көн күрүче районнар арасында үлемнәр саны күп булган районнарның берсе санала. Безнең хисапка күрә, Баймакта кимендә 120дән артык кеше сугышта үлгән.

Сугыш башланганнан соң Русиядә иң зур протест оештырылган Баймак районында ничек көн күрәләр? Былтыргы вакыйлардан соң нинди үзгәрешләр бар? Ни өчен биредә гомер озынлыгы кыскара? Күпме хезмәт хакы алалар?..

👉Безнең зур мәкаләдә укыгыз.

#Башкортстан

@azatliqradiosi
🔥4😢3🤡2
Узган ялларда Казанның Җиңү паркында Татарстанның Украинага һөҗүмдә катнашып һәлак булган "Алга" батальоны хәрбиләрен искә алу чарасы үткән.

Бу хакта "Бизнес Online" хәбәрчесе җиткерә.

Митингны Угледар янындагы ике ел элек булган сугышка багышлаганнар, ул чакта "Алга" батальоны тар-мар ителгән иде.

2023 елның октябрендә "Алга" батальонының Бахмут янында тар-мар ителүе билгеле булды. "Шайтан" кушаматлы командир әсирлеккә алынды. Батальондагы башка сугышчылар Угледар янында хезмәттәшләренең һәлак булуына нәкъ менә аны гаепләде.

Тулырак 👉Азатлык Радиосы сайтында укыгыз.

"Бизнес Online" фотолары

#Татарстан

@azatliqradiosi
🤮8👍2🤡2❤1🤬1😢1
☝🏻2025 елда Рамазан аенда бирелә торган фитр сәдакасы 250 сум тәшкил итәчәк.

Бу сумманы Русия мөселманнары Диния нәзарәтенең Голәмәләр шурасы билгеләгән.

Бу узган елдан — 66,7%ка, яки 100 сумга күбрәк. 2024 елда фитр сәдакасы күләме 150 сум тәшкил иткән. Бу — аз керемле кешеләр өчен түләнә торган мәҗбүри сәдака, диелә. Аны һәр ир кеше хатын һәм балалары өчен ураза беткәнче бирергә тиеш.

Урта хәлле кешеләр фитр сәдакасын — 800 сум, баераклар — 1 300 сумнан (былтыр 1 200 сум булган) башлап түләргә киңәш итә мөфтият.

Ураза тота алмаучылар өчен фидия сәдакасы бер көнгә 400 сумны тәшкил итәчәк. Былтыр ул 350 сум булган.

Тулырак 👉Азатлык Радиосы сайтында укыгыз.

@azatliqradiosi
🖕4
Мәскәү Украинага каршы сугыш башлаганнан соң, Русиянең Җәзаларны үтәү федераль хезмәте (ФСИН) хезмәткәрләренә украин әсирләренә карата рәхимсез булырга һәм аларга көч кулланырга кушылган.

WSJ белешмәләренчә, Петербур һәм Ленинград өлкәсе ФСИНы җитәкчесе Игорь Потапенко оешманың элит бүлекчәләрендә эшләүчеләргә (мөгаен ФСИН махсус көчләре (спецназ) турында сүз бара) килгән әсирләргә карата рәхимсез булырга боерган. Көч кулланулар чикләнми, ә киемгә тагып куела торган камераларны алып атачакбыз, дигән.

Соңрак башка төбәкләрдәге, әйтик Псков, Мәскәү, Бурятиядәге җәзаларны үтәү хезмәтләрендә эшләүчеләргә дә шундый ук күрсәтмәләр бирелгән диелә. Әсирләрне күзәтеп торучы хезмәткәрләрне алыштырып торганнар, алар бер колониядә бер айдан да артыграк калмаган.

WSJ болар турында язганда ФСИНның элекке өч хезмәткәрләренә таяна. Икесе махсус бүлекчә хезмәткәре булган, берсе медицина хезмәткәре. Алар Халыкара җинаять мәхкәмәсе тикшерүчеләренә күрсәтмәләр биргән һәм шаһитләрне яклау системына эләккән. Бу шаһитләрнең сөйләгән сүзләре документлар белән, аларга качарга булышкан кешенең һәм украин тоткыннарының биргән әңгәмәләре белән раслана.

▪️Петербур һәм Ленинград өлкәсе ФСИНы җитәкчесе Игорь Потапенко исә үзе Украинада, Сумы өлкәсендә туган, аңа 53 яшь. Хәрби белеме бар.

▪️Потапенко Петербур һәм Ленинград өлкәсе ФСИН идарәсе белән җитәкчелек иткән чорда медиа һәм хокук яклаучылар төбәктәге изоляторларда һәм колонияләрдә тоткыннарны җәфалау очраклары турында берничә тапкыр хәбәр итте.

@azatliqradiosi
😢4👍2🤬2
🔹Казан хакимияте 2024 елда кагыйдә бозучыларны 740 млн сум штрафка тарткан.

Бу 2023 елдан ике тапкырга күбрәк. Ул вакытта штрафлар күләме 354 сум тәшкил иткән. Бу хакта бүген Казан шәһәренең административ комиссияләр эшчәнлеген оештыру идарәсе җитәкчесе Наил Биктагиров мэрия киңәшмәсендә хәбәр итте.

Аныңча, салынган штрафларның чиреген әлегә түләмгәннәр. Барлыгы Казан бюджеты 546 млн сум керем алган. 2023 елда — 300 млн сум булган.

Штрафларның төп өлешен түләүле парковка өчен түләмәүчеләр тәшкил иткән. Узган ел мондый 225 меңнән артык очрак ачыкланган. 2023 елда парковка өчен түләмәүчеләр — 120 мең кеше булган.

Биктаһиров әйтүенчә, штраф түләмәүчеләргә карата чикләүләрне яңа ысул белән сала башлаганнар: иң элек махсус програм аша машинаның хәзерге вакытта кайда урнашуын ачыклыйлар, шуннан соң бу хакта мәхкәмә тәфтишләренә (пристав) хәбәр ителә. Тәфтишләр үз чиратында транспорт чарасына йә блок куя, йә аны эвакуацияли. Машинага чикләүләр штрафлар түләнгәч кенә бетерелә.

Шул ук вакытта урамда сәүдә итү кагыйдәләрен бозучылар ике тапкырга кимегән диде ул.

@azatliqradiosi
Русия хакимиятләре телефоннан шалтыратучы акча каракларына каршы көрәшү өчен кануннарга төзәтмәләр әзерли

Журналистлар документтан берничә пунктны китерә

🔸аерым алганда дәүләт оешмалары, кредит оешмалары, Үзәк банк, элемтә операторларына, тауар һәм хезмәтләр күрсәтү оешмаларына эш белән бәйле аралашкан чакта чит ил мессенджерларын куллануны тыярга. Мондый мессенджерларның исемлеген Роскомнадзор чыгарачак;

🔸югарыда телгә алынган оешмаларның хезмәткәрләре эш өчен Русия мессенджерларын куллана алачак. Әмма моның өчен Бердәм идентификация һәм аутентификация системы (ЕСИА) аша шәхесеңне расларга кирәк булачак;

🔸Русиядә яшәүче 200 меңнән артык кулланучысы булган маркетплейслар һәм тауар сату, хезмәт күрсәтү сервислары үзләрендә игълан калдырырга теләүчеләрнең бөтенесен дә ЕСИА аша тикшерергә тиеш булачак;

Тулырак 👉монда укыгыз.

@azatliqradiosi
🤡3❤2🥱1
Галиәсгар Камал исемендәге татар дәүләт академия театрының яңа бинасында беренче спектакльне 1 мартта күрсәтәчәкләр.

Ул беренче тапкыр узган елны куелган Айдар Җәббаровның "Казанга Тукай кайткан" тамашасы булачак.

Спектакльне 1 һәм 2 мартта уйнаячаклар, бәяләр бер мең сумнан 1,3 мең сумга кадәр, билетлар инде калмаган. Аларны бер сәгатьтә сатып алып бетергәннәр, дип искәртә басма.

2023 елның 26 апрелендә М.Җәлил исемендәге опера һәм балет театрында шагыйрь Габдулла Тукайның тууына 137 ел тулуга багышланган тантана булды. Тамашаны режиссер Айдар Җаббаров куйды.

Тамашада Тукай образы күнегелгән күзаллаудан аерыла. Шагыйрь тамашачы хозурына ябык, бераз югалып калган, борчылган һәм авыру хәлендә килеп баса.

Cпектакльнең өзеген Азатлыкның YouTube каналында да карарга мөмкин.

2023 елның 8 июнендә Дәүләт шурасы сессиясендә КПРФ фракциясе җитәкчесе, депутат Хафиз Миргалимов Тукайдан көлгәннәр дип, Мәдәният министрлыгын тәнкыйтьләде.

Тулырак 👉Азатлык Радиосы сәхифәсендә укыгыз.

@azatliqradiosi
❤3🔥1
Media is too big
VIEW IN TELEGRAM
Татар авылларына Украинадагы сугыштан мәетләр һаман кайтарыла тора.

Бүген Актаныш районы Әҗәкүл авылында 31 яшьлек Илвир Шәемовны күмделәр. Ул сугышка үз теләге белән 2023 елда киткән булган. Узган елның сентябрендә үк һәлак булган булса да, мәетен туган ягына әле генә алып кайта алганнар...

#Татарстан

@tatarchavideolar
😢7🤡7👏2🤮1