Azatlıq Radiosı | Азатлык Радиосы
2.53K subscribers
11.7K photos
1.16K videos
8 files
17.2K links
Татарча хәбәрләр, яңалыклар. Татар-башкорт дөньясы. Ничек бар – шулай.

Русия хакимияте Азатлык Радиосын "теләнмәгән оешма" дип тамгалады. Безгә бу адреска яза аласыз: @azatliqradio. Редакция анонимлыкны гарантияли.
Download Telegram
Татар интеллектуалы Йосыф Акчура вакытында Төркиядә сыену таба һәм бөтен акылын, җанын Төркия республикасын булдыруга багышлый. Мәмләктендә татар дәүләтен булдыра алмагач, ул татарга якын булган кардәш төрек халкына, аларның бәйсез дәүләтенә хезмәт итә. Әмма без аның хакында ниләр беләбез? Бүген без аның биографиясеннән мөһим фактларны барлыйбыз.

Бу эштә безгә профессор, Йосыф Акчураны аркылы буйга өйрәнгән тарихчы Исмаил Төркоглы ярдәм итте.

👉 Мәкаләне Азатлык Радиосы сайтында укыгыз. Сылтама VPN-сыз ачыла.
❤15❤‍🔥3
Сәлам, хөрмәтле укучыларыбыз! 15 апрель, сишәмбе иртәсенә дөньяда нинди хәбәрләр бар?

🔵Русия Үзәк банкы Уфадагы Промтрансбанкның лицензиясен гамәлдән чыгарды. Үзәк банк хәбәрендә әйтелгәнчә, әлеге кредит оешмасы акча юдыру һәм террорчылыкны финанслау белән көрәш таләпләрен бозган.

🔵Курски шәһәрендә дроннар һөҗүменнән 85 яшьлек хатын-кыз һәлак булган, тагын тугыз кеше яраланган. Дрон күпкатлы торак йортка килеп эләккән диелә. Русия саклану министрлыгы белдерүенчә, төнлә төбәктә 109 дрон бәреп төшерелгән.

🔵АКШ хакимияте Һарвард университетына 2,2 миллиард доллар күләмендәге финанслауны туктатуын игълан итте. Университет Ак йортның антисемитизмга каршы көрәш кысаларында студентларны кабул итү һәм хезмәткәрләрне эшкә алу буенча куйган таләпләрен кире каккан. Һарвард җитәкчелеге Трамп идарәсе университет җәмәгатьчелеген контроль итәргә тырышуда гаепләде.

🔵Русия хакимияте "шикле" криптоянчыклар исемлеген булдырачак. 2025 елда Росфинмониторинг "дигиталь акча берәмлекләренең шикле адреслары" реестрын төзи башлаячак.

🔵Мәскәүдәге "Фаланстер" китап кибете һәм аның нигез салучы Борис Куприяновка карата "теләнмәгән оешма" белән хезмәттәшлек итү турындагы беркетмә төзелде. Сүз кайсы оешма турында баруы билгеле түгел.

Хәбәрләр әлегә шундый, көн дәвамында Азатлык белән калыгыз!
Please open Telegram to view this post
VIEW IN TELEGRAM
👍4🔥2❤1❤‍🔥1
❗️Татарстан Югары мәхкәмәсе татар милли хәрәкәте активисты Фазыл Вәлиәхмәтовны сак астында калдыруны канунсыз дип таныды

Татарстан Югары мәхкәмәсе бүген, 15 апрельдә, түбән инстанция мәхкәмәсенең карарын гамәлдән чыгарды. Вәлиәхмәтовны сак астында тоту чарасы мәсьәләсен Казанның Совет районы мәхкәмәсендә яңадан карарга кушылды.

Шул ук вакытта мәхкәмә 70 яшьлек активистның изоляторда калу вакытын 29 апрельгә кадәр озайтты.

Адвокат Рим Сабиров фикеренчә, бүгенге карар беренче инстанция мәхкәмәсе карарында булган хаталарга бәйле, дип яза "ОВД-Инфо".

👉 Тулырак безнең сайтта укыгыз.
👉 Татар милли хәрәкәтенең 70 яшьлек ветераны Фазыл Вәлиәхмәтов эше турында җентекләп монда язган идек.
🔥9👍6❤3
Милли азчылыкларга украиннарны үтерү җиңелрәкме? Кара-Мурза чыгышына милли активистлар фикерләре

Интернетта оппозиция сәясәтчесе Владимир Кара-Мурза әйткән сүзләренә карата көчле тәнкыйть сүзләре яңгырый. Франция Сенатында чыгыш ясаганда, Кара-Мурза Русиянең Украинага каршы сугышында милли азчылык вәкилләрен күпләп куллануын "психологик сәбәп" белән аңлатты. Башка кеше сүзенә сылтанып, ул "урыслар өчен украиннарны үтерү психологик яктан авыр" диде.

— Урыс либераллары милли теманы төптән аңламый. Алар өчен бу мөһим булмаган, маргиналь тема. Минемчә, алар "россиян" милләте идеясен чынбарлык дип кабул итә. Ә инде төрле "вак", "кечкенә" халыклар, азчылыклар илдәге сәясәткә һәм тарихи процесска әллә ни йогынты ясамый дип уйлыйлар, — ди сәясәт белгече Руслан Айсин.


Милли активистлар, журналистларның Кара-Мурза чыгышына бәйле фикерләрне 👉 безнең язмада укыгыз.

@azatliqradiosi
🤬11🤮2💩2👀1
✈️ Казаннан Вьетнамга чартер очышлар оча башлый

Вьетнамның Нячанг ял шәһәренә очышларны Fun&Sun туристик операторы оештырачак диелә. Очышлар ял сезонында, май аеннан октябрьгә кадәр башкарылачак.

Беренче очыш 14 майда оештырылачак дип көтелә. Шуннан соң очышлар атнага ике тапкыр булачак.

Русия паспорты ияләре Вьетнамда 45 көн визасыз ял итә ала.

4 апрельдән Казаннан Белградка очышлар да яңадан торгызылды. Air Serbia ширкәте бу очышларны гыйнварда Казанга ешайган дрон һөҗүмнәре аркасында туктатып торган иде.
👍6
Башкортстанда яшәүче егетне Украина армиясе ягында сугышта катнашырга теләктә гаепләп кулга алганнар

Башкортстан Федераль иминлек хезмәтенең төбәк идарәсе Уфа районы Михайловка авылында яшәүче 26 яшьлек ирне тоткарлаган, дип хәбәр итә РБК-Уфа.

ФСБ 2025 елның гыйнварында бу егет интернет аша Украина кораллы көчләренә кушылу өчен гариза тутырган дип саный. Аның мөрәҗәгате хупланган, шуннан соң ул чикне узуга караган күрсәтмәләр алган.

Ирне илдән чыгып киткәндә тоткарлаганнар диелә. Уфаның Киров районы мәхкәмәсе аны сак астына алу карарын кабул иткән. ФСБ ир "гаепне таныган" дип белдерде.
😢2👀1
1913 елның 15 апрелендә (иске стиль белән 2 апрель) татар шагыйре Габдулла Тукай вафат була.

Берничә ел элек Азатлык әдипнең үлеменә бәйле аз кеше белгән, мөһим фактлар барлады. Кайберәүләрен рәсемнәрдә укый аласыз, тулырак язма безнең сайтта бар.

#татар_дөньясы
@azatliqradiosi
😢11❤4
Татарстанда сугышта катнашучыларны машина салымыннан азат итәргә тәкъдим итәләр

Моны күздә тоткан канун өлгесе Татарстан Дәүләт шурасының бюджет, салымнар һәм финанслар комитеты тарафыннан тәкъдим ителде. Хәрби хезмәткәр бу ташламаны якын туганы файдасына тапшыра алачак.

Бу канунны кабул итү республика бюджеты керемнәренең кими төшүенә китерергә мөмкин, ләкин төгәл саннарны бәяләп булмый, диелә.

▪️Инде 3 елдан артык дәвам иткән Украинадагы сугышта Русия төбәкләре арасында иң күп кеше Башкортстан һәм Татарстаннан үлә. Бүгенге көнгә Азатлык Радиосы Татарстаннан сугышка китеп һәлак булган кимендә 4680 кеше турында мәгълүмат таба алды. Башкортстаннан — кимендә 5284 кеше үлеме турында хәбәр табылды.

▪️Күп югалтуларга карамастан, Татарстан белән Башкортстан сугышка ихтыяриларны җыюны актив рәвештә дәвам итә, пропаганда чараларын һәм түләүләрне арттыра.

Тулырак монда укыгыз.

#сугыш #Татарстан
@azatliqradiosi
👎4🤮3👍2😁2❤‍🔥1
Дөньяда 15 апрель көнне булган төп вакыйгалар кыскача:

🟠АКШ Конгрессындагы демократлар Русиягә карата чикләүләрне киңәйтү һәм Украинага ярдәмне арттыру турында канун өлгесе әзерләде.

🟠Кытай хакимияте һава ширкәтләренә Boeing очкычларын кабул итмәскә кушты — бу АКШ белән барган сәүдә сугышының бер өлеше, дип яза Bloomberg.

🟠АКШ Иранга үзендәге уран запасын өченче илгә — мәсәлән, Русиягә — тапшыруны тәкъдим итте.

🟠Франциядә бер үк вакытта берничә төрмәгә һөҗүм ясалды. Юстиция министры бу хәлләрне "хезмәткәрләрне куркыту омтылышы" дип бәяләде.

🟠Азатлык Радиосының урыс хезмәте урта дулкыннарда радиотапшыруларны туктатты. Моңа кадәр АКШның Глобаль медиа агентлыгы Русиягә тапшыруларны тараткан иярченнәрне сүндергән иде.

🟠Журналистлар Антонина Фаворская, Артем Кригер, Сергей Карелин һәм Константин Габов 5,5 елга иректән мәхрүм ителде. Алар ФБК белән хезмәттәшлек итүдә, аерым алганда YouTube-канал өчен эчтәлек әзерләүдә гаепләнде.

Азатлык эшен иртәгә дәвам итәчәк, әлегә сезгә имин һәм хәерле кичләр телибез!

@azatliqradiosi
Please open Telegram to view this post
VIEW IN TELEGRAM
❤2👍1🔥1🙊1
Хәерле иртә! 16 апрель иртәсе нинди хәбәрләр китергән, укып алыйк!

🔵Русия дроннары төнлә Одесса шәһәренә һөҗүм иткән, өч кеше яраланган. Кичә Одессага НАТО генераль сәркатибе Марк Рютте рәсми сәфәр белән килгән иде.

🔵Түбән Новгород һәм Ярославль шәһәрләрендә һава аланнары вакытлыча ябылды, ди Росавиация. Моңа кадәр Русия Саклану министрлыгы алты төбәк һавасында 26 украин дронын юк итү турында хәбәр иткән иде.

🔵Татарстан Эчке эшләр министрлыгы Казанда самокатлар сезонына юл куймау тәкъдиме белән чыкты. Бу башлангычны Казанның Дәүләт автоинспекциясе хуплады, ә башкала мэриясе аңлатма хаты әзерли.

🔵АКШ хакимияте дөньяның 70 иленнән Кытай белән сәүдәне чикләүне тәкъдим итәчәк. Моның өчен Вашингтон дәүләт җыемын киметергә әзер, дип яза Wall Street Journal. АКШ тәкъдим иткән чаралар арасында — Кытай ширкәтләренә әлеге илләрдә эшчәнлек алып баруны тыю.

🔵АКШ алдагы ике ай дәвамында Сүриядән гаскәрләрне чиратлап чыгара башларга җыена. Узган ел ахырында Пентагон белдергәнчә, Сүриядә якынча 2 мең американ хәрбие урнашкан.

Азатлык сезнең өчен эшли, хөрмәтле укучыларыбыз. Безне укыгыз, белгән кешеләрне чакырыгыз, хәбәрләрне башкаларга да сөйләгез. Бергә булыйк!

@azatliqradiosi
Please open Telegram to view this post
VIEW IN TELEGRAM
❤‍🔥4👀1
"Татарны тагын үзәктән куалар". Шигырь бәйрәме быел Тукай һәйкәле янында булмаячак

Моңарчы Казанның Муса Җәлил исемендәге Татар дәүләт опера һәм балет театры янәшәсендәге Тукай һәйкәле янында узучы Шигырь бәйрәме быел Камал театрының яңа бинасы янында узачак. Татар җәмәгатьчелеге моны "татарны тагын үзәктән куу" дип бәяләде.

— Бәйрәмне шәһәрнең үзәгеннән башка мәйданчыкка күчерү татар халкы өчен үзәктән "сыгу", читләштерү булып кабул ителә. Сезне шушы тарихи хатага юл куймаска чакырабыз! — дип язды Татарстан президентына әдәбият тәнкыйтьчесе Миләүшә Хабетдинова.


▪️Казанда беренче Шигырь бәйрәме 1964 елда Кабан күле янындагы Тукай һәйкәле янында узган. Һәйкәл алдыннан агач вагонлы трамвай йөргәнлектән, бәйрәмне Опера һәм балет театры янындагы Тукай һәйкәле янына күчерәләр.

Бу хакта көн язмасын Азатлык Радиосы сайтында укыгыз.

#Татарстан
@azatliqradiosi
🤬15🤷‍♂1😁1
Казанда Салих Сәйдәшевка багышланган Татар музыкасы йорты ачылачак 🎻

Ул Горький урамында урнашкан Сәйдәшев музее кысаларында эшләячәк. Татар музыкасы йорты ачылышына 7,3 млн сум акча бүленгән, дип белдерделәр Мәдәният министрлыгында.

Татар музыкасы йорты XX гасырда татар профессиональ музыкасының үсеш тарихын һәрьяклап күрсәтәчек диелә — аңа нигез салган композиторлар иҗатыннан башлап, хәзерге музыкаль юнәлешләр һәм жанрларга кадәр.

Татар музыкасы йортын ачуны 2025 елның 3 декабренә планлаштыралар. Ул көнне Салих Сәйдәшев тууына 125 ел булачак.

#Татарстан
@azatliqradiosi
❤12🔥3👎1👌1