Azatlıq Radiosı | Азатлык Радиосы
2.52K subscribers
11.7K photos
1.15K videos
8 files
17.2K links
Татарча хәбәрләр, яңалыклар. Татар-башкорт дөньясы. Ничек бар – шулай.

Русия хакимияте Азатлык Радиосын "теләнмәгән оешма" дип тамгалады. Безгә бу адреска яза аласыз: @azatliqradio. Редакция анонимлыкны гарантияли.
Download Telegram
✈️ Очышлар тоткарлану сәбәпле Казан һава аланы халык белән тулы

Телеграм-каналлар язуынча, кешеләр очкычлар көтә, идәннәрдә һәм баскычларда утыра. Кеше күплегеннән бинада сулау да кыен диелә.

▪️Казан һава аланы бүген төнлә 3:35тән иртәнге 6:18гә кадәр дроннар һөҗүме аркасында ябылып торды. Гадәттән тыш хәлләр министрлыгы төнлә республикада дроннар куркынычы режимын керткән иде.

▪️Һава аланында очып килүгә һәм очып китүгә дистәләгән очыш тоткарланды.

#Татарстан
@azatliqradiosi
🍾5👍1🔥1👏1🤬1
2024 елда Татарстанда ЗАГС бүлекчәләре 23,6 меңнән артык никах теркәгән. Шул ук вакытта республикада 13,5 мең гаилә таркалган – бу теркәлгән никахларның яртысыннан артыгына туры килә.

Шул ук вакытта, республикада яшьләр саны кими бара. 5 елда 25-30 яшьтәге кешеләр саны 30% тирәсенә кимегән.

▪️2023 елда Татарстанның яшьләр эшләре министры Ринат Садыйков республикада биш елда яшьләр саны 100 меңгә кимер дип фаразлаган иде.

Бу хакта 👉 безнең хәбәрдә укыгыз.

#Татарстан
@azatliqradiosi
👍4💔4🔥2😢2👏1
Русия белән Украина арасында киңкүләм әсирләр алмашы башланды

Бу хакта ике ил дә хәбәр итә. Русия Саклану министрлыгы Украинаның Русиягә 25 яшькә кадәр беренче төркем әсир хәрбиләрне тапшыруын белдерә. Үз чиратында Русия шул ук санда әсирләрне Украинага кайтарганы әйтелә.

Моны Украина президенты Владимир Зеленский да раслады. "Украиннар Русия әсирлегеннән өйгә кайта", дип язды ул үз телеграм-каналында. Аның сүзләренчә, әсирләр алмашы берничә көн дәвам итәчәк.
❤3😢3🙏2
Украинадагы сугышта катнашучының хатыны Рөстәм Миңнехановны алдагы сайлауда катнашырга сорады

Социаль хезмәткәрләр көне уңаеннан узган очрашуда Татарстан президентын республика башлыгын сайлауда катнашырга сорадылар. Очрашудан видео өзеген Миңнеханов матбугат сәркатибе чыгарды.

Мондый үтенеч белән ире Украинадагы сугышка киткән Римма Садыйкова чыкты. "Сез безнең Татарстанның төп яклаучысы. Алдагы сайлауда сезнең катнашуынызны теләр идем. Бу минем генә фикерем түгел дип уйлыйм", диде ул.

Моңа Татарстан президенты "Сез [сайлауга] барсагыз, мин дә барырмын" дип көлеп җавап бирде.

▪️Татарстанда президент (республикада бу вазифаны хәзер "рәис" дип атыйлар) сайлавы 14 сентябрь узачак дип көтелә. "Бердәм Русия" праймеризында намзәтләр булып Рөстәм Миңнеханов белән сенатор Александр Терентьев катнаша.

▪️Элегрәк мондый "гади халыктан үтенеч" рәвешендә сайлауга намзәт итеп чыгу технологиясен Русия президенты киң кулланган.

▪️Азатлык Украинадагы сугышта катнашучыларның яңа "урта сыйныф"ка әйләнүен язган иде. Аларны сәясәткә дә актив җәлеп итәләр.

#Татарстан
@azatliqradiosi
🤮8🤡6🤣4
❗️Татар милли хәрәкәте вәкиле Фазыл Вәлиәхмәтов сәяси тоткын дип танылды

Мондый карарны "Мемориал. Сәяси тоткыннарга ярдәм" проекты кабул итте.

— Вәлиәхмәтовка карата кулланылган гаскәрне кабаттан дискредитацияләү турындагы маддә Русиянең Украинага каршы сугыш башлавыннан соң фикер иреген бастыру өчен булдырылган. Ул сугышка һәм Русия хакимиятенә каршы теләсә нинди тәнкыйтьне тыя, ягъни фикер белдерү иреген бозу булып тора, — диелә проектта.


Вәлиәхмәтовка карата бу маддә нигезендә куелган гаепләүләр нигезсез һәм сәяси, ди "Мемориал".

Моннан тыш, хокук яклаучылар олы яшьтәге кешене, гамәлләре җәмгыять өчен куркыныч тудырмаган булса да, озак вакытка сак астына алуны нигезсез һәм юл куелмаслык хәл дип саный.

70 яшьлек Фазыл Вәлиәхмәтов ни өчен СИЗОда утыра һәм аны нәрсәдә гаеплиләр? 👉 Безнең сайтта укыгыз.

#Татарстан
@azatliqradiosi
👍7🔥5🙏3
⚡️Татарстанга дроннар һөҗүм итте

Бүген иртән Түбән Кама һәм Алабугага дроннар һөҗүм итүен шәһәр җитәкчеләре раслады.

Түбән Кама мэры Радмир Беляев шәһәр күгендә дрон юк ителүен хәбәр итте.

Аның сүзләренчә, зыян күрүчеләр һәм җимерекләр юк.

"Ширкәтләрнең технологик эшчәнлеге бозылмады.

Шәһәр халкын тынычлык сакларга һәм рәсми чыганаклардан алынган мәгълүматка ышанырга чакырабыз", дип язды Беляев.

ASTRA Telegram-каналы Түбән Кама күгендә дрон бәреп төшерелүен чагылдырган видео урнаштырды.

Соңрак Алабуга башкарма комитеты җитәкчесе Рөстәм Нуриев та үз Telegram-каналында шәһәр күгендә дронның юк ителүен язып чыкты.

Казан һәм Бигеш һава аланнары очкычларны җибәрми һәм кабул итми. Казан һава аланы 3.35 сәгатьтә, Түбән Кама һава аланы 4.55 сәгатьтә ябылды.

▪️"Алабуга" махсус икътисад зонасында дроннар җыю ширкәте урнашкан. Бу Татарстанны украин һөҗүмнәре өчен әһәмиятле бер максатка әйләндерә.

Элегрәк хәрби-хокук тикшеренүләр үзәге җитәкчесе Александр Мусиенко Татарстандагы “Шахед” дроннары җитештерүче заводлар Украинаның кораллы көчләре өчен һөҗүм һәдәфе булып тора дип белдергән иде.

“Бөтенесе дә халыкара хокук нормаларына ярашлы. Украинаның хәрби объектларга һөҗүм итеп, саклану хокукы бар”, диде ул "Настоящее время" телеканалына.

@azatliqradiosi
❤6🤬2👍1🎉1
Хәзер кыскача башка хәбәрләр.

🔸Сишәмбегә каршы төндә Русия армиясе Украинаның Киев һәм Одесса шәһәрләренә көчле һөҗүм ясаган. Одессада бала тудыруны йортына зыян килгән. Шулай ук торак йортка ясалган һөҗүм нәтиҗәсендә бер кеше һәлак булган, өч кеше яраланган дип хәбәр итте Одесса мэры Геннадий Труханов. Прокуратура исә ике кеше һәлак булган, тугыз кеше яраланган дип белдерә.

Киевка һөҗүм нәтиҗәсендә берничә районда янгын чыккан, шәһәрдә төтен таралган. Мэр Виталий Кличко сүзләренчә, берничә кеше җәрәхәтләнгән. Шәһәрдә алты сәгать һава кисәтүе эшләгән. Торак йортлар, сәнәгать зоналарына зыян салынган.

🔸Башкортстанның Нефтекама шәһәрендә Икенче дөнья сугышы аллеясында торган бронетранспортерга кече йомышын үтәгән өчен ике ир-атны ике елга мәҗбүри эшкә хөкем иткәннәр. Мәхкәмә билгеләвенчә, алар шушы юл белән Ватанны саклаучылар истәлеген мыскыл итәргә теләгән. Башта мәхкәмә аларны ике елга ирегеннән мәхрүм иткән булган, аннары карарны үзгәрткән.

🔸Казанга кабат талиблар килгән. Бу юлы алар мәгариф министрлыгының "Формируя будущее" III Халыкара форумында катнаша. "Талибан" төркеме вәкилләре Казан федераль университетында булган дип хәбәр итә уку йортының матбугат үзәге. Талиблар әле күптән түгел Татарстан башкаласына "KazanForum" җыенында булып киткән иде.

🔸17 июньнән Казанда татар сөйләм теле клубы эшли башлый. Очрашулар атна саен сишәмбе көнне Кабан күле янында үткәреләчәк дип яза Tatnews Telegram каналы.

Әлегә шулар. Бүген дә Азатлык Радиосы белән калыгыз.

@azatliqradiosi
Azatlıq Radiosı | Азатлык Радиосы
⚡️Татарстанга дроннар һөҗүм итте Бүген иртән Түбән Кама һәм Алабугага дроннар һөҗүм итүен шәһәр җитәкчеләре раслады. Түбән Кама мэры Радмир Беляев шәһәр күгендә дрон юк ителүен хәбәр итте. Аның сүзләренчә, зыян күрүчеләр һәм җимерекләр юк. "Ширкәтләрнең…
❗️Казан һәм Бигеш һава аланнары кабат эшли башлаган

Кертелгән чикләүләр алынган.

Һава аланнары ябылып тору сәбәпле, Казанга 11 очкыч соңга калып киләчәк дип яза Казань с огоньком телеграм каналы.

▪️Бүген иртән Татарстанга дроннар һөҗүм итте. Барлыгы республика күгендә дүрт дрон бәреп төшерелгән. Бу хакта Русия саклану министрлыгы хәбәр итте.

#Татарстан

@azatliqradiosi
❤2
Күмертау халкы Украинаны басып алучы хәрбиләргә дроннар җибәргән

Шәһәр халкы Русия хәрбиләренә 32нче тапкыр "һуманитар ярдәм" җибәргән, дип хәбәр итә Күмертау идарәсе. Янәсе, халык хәрбиләргә дроннар, дроннарны эзләп табучы детекторлар, генераторлар, радиостанцияләр җыйган диелә.

▪️Башкортстан Украинага каршы сугышны хуплау һәм аңа ярдәм итүдә – иң алдынгы төбәкләрнең берсе. Башкортстан сугышта иң күп кеше югалткан төбәк булса да, республика хакимиятләре кешеләрне әле дә Украинага һөҗүмгә күпләп җибәрергә тырыша.

▪️Тикшерүгә күрә, Украинага һөҗүм итүгә иң зур өлешен керткән Русия төбәкләре арасында Башкортстан өченче урында.

▪️Сәясәт белгече Андрей Потылицын Башкортстан башлыгы шулай Кремльгә ярарга тырыша дип саный.

#Башкортстан
@azatliqradiosi
🤮4❤3👍1👎1🔥1
Коррупциягә каршы көрәш фонды (ФБК) "Русия боралаклары" ("Вертолеты России") холдингы башлыгы Казан кешесе Николай Колесов һәм аның туганнарының 14 миллиард сумлык байлыгын тапкан

Фонд Колесов байлыклары турында тикшерү уздырып хисап чыгарды. Андагы мәгълүматларга күрә Колесов виллалар, сарайлар, очкычлар вә боралакларны үзенең балалары, апасы һәм элекке хатынына яздырган.

Аерым алганда 2022 елның маенда Колесовның дүрт яшьлек кызы Николь Пальма-де-Майоркада 1200 квадрат метрлы йорт "алган". Аның базар бәясе биш миллион евро дип исәпләнә. Улы Алексей 2024 елны өч йорт алган. Аларның бәясе ун миллион евро диелә.

Моннан тыш Колесовлар гаиләсенең Ялтада бер миллиард сумлык сарае, Гарәп Әмирлекләрендә, Кырымда һәм Мәскәү янында күчемсез милекләре барлыгы әйтелә. Шулай ук "Русия боралаклары" башлыгының якыннарында Сербия, Испания, Кыпрыс ватандашлыгы булуы ачыкланган.

Күчемсез милектән тыш Колесовта биш миллион долларлык Agusta-Westland 109 боралагы һәм 20 миллион долларлык Bombardier Global Express вә 10 миллион долларлык Embraer Legacy 650 бизнесы джеты булуы әйтелә.

ФБК Колесовны саклану ширкәтләрен хосусыйлаштыруда гаепли. Алар аны Баш прокуратура, Тикшерү комитеты, ФСБга шикаять иткән.

Колесов 90нчы елларда Казанда "Элекон" ширкәтен җитәкләде. ФБК язуынча, әлеге ширкәт тә аның һәм гаиләсенең милегенә әйләнгән. 2007-2008 елларны Колесов Амур өлкәсенең губернаторы итеп билгеләнә. Аннары Путин аны "Ростех" җитәкчесе итеп куя. 2009 елны ул "Радиоэлектрон технологияләр" концерны белән җитәкчелек итә башлый. 2021 елны "Русия боралаклары" холдингына билгеләнә.

"Русия боралаклары" холдингына конструкторлык бюролары, боралак заводлары, шул исәптән Казан боралак ширкәте, комплектлау эшләнмәләрен җитештерү, төзәтү һәм хезмәт күрсәтү оешмалары, очкычларны төзәтү заводлары һәм сервис ширкәтләре керә. "Русия боралаклары"ның баш офисы Мәскәүдә урнашкан.

@azatliqradiosi
❤3🔥1👏1🤬1🤮1
⚡️Австриянең Грац шәһәре гимназиясендә ут ачу аркасында ким дигәндә сигез кеше һәлак булган.

Бу хакта Kronen Zeitung газетасы хәбәр итә.

Басма язуынча, ут ачуда шикләнелүче бәдрәфтә үле килеш табылган.

Шаһитләр сүзләренчә, һөҗүм итүче иртән ике сыйныфта ут ачкан. Корбаннар арасында укытучылар да, укучылар да бар.

Ут ачучы турында мәгълүмат бик аз. Аның әлеге гимназиядә укыганы әйтелә. Kronen Zeitung язуынча, ул үзен кимсетелгән итеп хис иткән булуы ихтимал.

@azatliqradiosi
😱6❤1😢1
Көн язмасы: Ана теле өчен "Кызыл мәйданда" кызару: сак хезмәте милли китаплар фестиваленә урысча булмаган китапларны уздырырга теләмәгән

4-7 июнь көннәрендә Мәскәүдә Русия халыкларының милли әдәбиятлар фестивале узды. Быел ул Кызыл мәйданда оештырылды. Чара милли әдәбиятларга багышланган булса да, сак хезмәте, урысча булмаган китапларда ни язылганын аңламыйбыз дип, кайбер кешеләрне кертергә теләмәгән.

Бу хакта 5 июнь көнне үзенең "Страна языков" Telegram каналында филолог, нанай теле белән кызыксынучы Василий Харитонов язып чыкты.

" Алар (сак хезмәте - ред.) китапта ни язылганын аңламауларын белдерә һәм китапларның тыелган яки экстремистик булуы ихтимал дип әйтә. Видеога төшерү, әлбәттә, тыелган...”, ди ул.

Аның әйтүенчә, тавыш купканнан соң, җентекләп тикшереп, берәм-берәм кертә башлаганнар.

“Фестивальдә катнашучылар куркуга калган, кайберләре 30нчы еллардагы репрессияләрне искә ала”, дип язды Харитонов.

FaziRus исемле кулланучы быел фестивальдә тикшереп кертү пунктында чыннан да киеренке мохит хөкем сөрүен язды.

" Битләрен (китапларның – ред.) актарып чыгалар, рәсемнәрне карыйлар, әллә нинди яшерен мәгънәләр эзләгән кебек кыланалар. Минем рюкзакта үз китабым бар иде. Хәтта бу китапта нидер табып, бу мәйданга туры килми дип уйламасалар ярый дип борчыла да башладым. Әлбәттә, бу күңелсез хәл, йөрәккә дә азрак шом керә (бернинди гаепсез килеш тә үзеңне җинаятьче итеп тою күңелле хәл түгел). Шулай да мин түздем. Башкалар, мөгаен, түзмәгәндер”, дип язды ул.

Тулырак👉 монда укыгыз.

@azatliqradiosi
🥴3👏1🤬1
Интернетта "Хәрефләр илендә" дип аталган яңа татар мультфильмының беренче сериясе чыкты

Аны татар проектлары авторы, дизайнер Илдар Әюпов ясый. Тавыш яздыруда җырчы Рәдиф Кашапов, алып баручы Роберт Исламов, артист Нияз Садыйков катнаша. "Безнең максат — татар балалары өчен заманча, кызыклы һәм туган телгә мәхәббәт тудыручы мультфильм чыгару", ди мультфильм авторлары.

"Хәрефләр илендә" мультфильмы татар хәрефләре яши торган тылсымлы дөньяны күрсәтә. Һәр хәреф — ул тере герой. Ул уйный, бәхәсләшә, маҗараларга очрый, дуслаша һәм яңа нәрсәләр өйрәнә.

Проект максатлары булып татар телен кечкенәдән үк яраттыру, татарча сыйфатлы визуаль контент булдыру һәм әдәби мирасны заманча формада тәкъдим итү тора.

#татартеле
@azatliqradiosi
👍19❤2
❗️Русия һәм Украина чираттагы тапкыр әсирләр белән алмашты дип хәбәр итә Русия саклану министрлыгы.

Украина президенты Владимир Зеленский да әсирләр алмашуны раслады.

Ничә кешенең азат ителүе турында әйтелми.

▪️Әсирләр белән алмашу турында Русия белән Украина Истанбулда узган сөйләшүләрдә килешкән иде.

@azatliqradiosi
❤1
Хәерле иртә, хөрмәтле укучыларыбыз! Бүген —11 июнь. Азатлык Радиосы эшен дәвам итә. Шушы минутка булган яңалыклар белән танышыйк.

🔹Русия армиясе төнлә Украинага 85 дрон җибәргән. Харьков өлкәсендә ике кеше һәлак булган, 54 кеше яраланган, аларның тугызы балалар. Бу хакта шәһәр мэры хәбәр итә.

🔹Курски өлкәсе Марьино авылында дрон калдыкларыннан 7, 9 һәм 13 яшьлек өч бала җәрәхәтләнгән. Бу хакта төбәк башлыгы Александр Хинштейн хәбәр итте. Алар хастаханәгә салынган.

🔹Протестлар сәбәпле Лос-Анжелес үзәгендә комендант сәгате кертелгән. Җирле вакыт белән сәгать кичке сигездән иртәнге алтыга кадәр үзәк ябык булачак. Шәһәр мэры сүзләренчә, бу талау һәм мародерлыкны булдырмау өчен эшләнә.

🔹Еврокомиссия Русия нефтенә бәя чиген 60 доллардан 45 долларга кадәр төшерергә, шулай ук 18нче санкцияләр җыелмасы кысаларында "Төньяк агым" инфраструктурасын куллануны тыярга тәкъдим итте. Моннан тыш, SWIFT системасыннан тагын 22 Русия банкын өзәргә мөмкиннәр.

🔹ОМОНның Мәскәүнең Строгино районына ясаган рейдыннан соң, Үзбәкстан канәгатьсезлек белдерде. Илнең тышкы эшләр министрлыгы бу чараны Русиядә Үзбәкстан ватандашларын "хөрмәтсезләү һәм тупас мөгамәлә" дип атады. Әлеге рейд вакытында миграция тәртибен бозган өчен 5-6 кеше тоткарланды.

🔹Бүген Казанда узачак «Киләчәкне формалаштыру» III халыкара форумда совет системасы традицияләренә нигезләнгән яңа форматтагы мәктәпләрне тәкъдим итәргә җыеналар. Бу хакта форумга багышланган матбугат конференциясендә Русия мәгариф министры Сергей Кравцов хәбәр итте дип яза "Ватаным Татарстан".

🔹Казанда төзеләчәк фигуралы шуу үзәгенә Олимпия чемпионы, татар кызы Алинә Заһитова исеме бирелмәячәк. Бары үзәккә караган аерым академия яки мәктәп кенә Алинә исемен йөртәчәк. Бу хакта Татарстан спорт министры Владимир Леонов белдерде.

Әлегә шулар. Бүген дә Азатлык Радиосы белән калыгыз.

@azatliqradiosi
❤3🔥1🤯1
Көн язмасы: Башкортстанда Урал Байбулатов ни өчен тоткарланды?

Узган атнада Башкортстанда Әбҗәлил районындагы Кырктытаудан бакыр чыгаруга каршы чыгыш ясаган берничә активистта тентү узды. Активист Урал Байбулатовка "ялган мәгълүмат тарату" турында җинаять эше ачылды.

"Idel.Реалии" мәгълүматынча, эшне Байбулатовка 2025 елның 22 апрелендә язган посты өчен 3 июньдә ачканнар.

Тикшерү фаразлавынча, Байбулатов үзенең видеосында бакыр чыгарырга планлаштырылган җирләрдә экологик нормалар бозылу, атом калдыклары күмелүе һәм себер түләмәсен таратучы үләт базы булу турында ялган мәгълүмат тараткан. Хокук саклау оешмалары фикеренчә, әлеге видео халыкны ялгыш юлга кертеп, җәмгыятьтә киеренкелек артуга һәм протест хәрәкәте көчәюгә китергән.

Байбулатов нәрсә язган булган соң?

Тулырак 👉Азатлык Радиосы сәхифәсендә укыгыз.

@azatliqradiosi
🤬2
Бүген Татарстан Дәүләт шурасы утырышта "рәис" сайлау көнен раслады.

Сайлау 14 сентябрьдә узачак.

Моңа кадәр Татарстанның хәзерге президенты (аны хәзер "рәис" дип атыйлар) республика башлыгы вазифасына дәгъва кылучы намзәтләргә таләпләрне тәгаенләндерүе канун имзалаган иде.

Хәзер бу вазифага Русия җирлегендә даими рәвештә яшәүче ватандашлар гына дәгъва кыла ала. Шулай ук, намзәт сайлау көнендә 30 яшен тутырган булырга тиеш.

▪️2023 елда Мәскәү таләбе белән Татарстанның Конституциясе үзгәртелде, элек республика җитәкчесе "президент" дип аталган булса, хәзер аны "рәис" дип йөртәләр.

@azatliqradiosi
🤬8❤3🤡3
Татарстан Дәүләт Шурасы депутатлары һәм парламент хезмәткәрләре Лисичански һәм Рубежноега һуманитар ярдәм җибәрәчәк.

Анда күбрәк балалар өчен кирәк-яраклар тупланган.

Сугыш башланганнан бирле Татарстан әлеге шәһәрләргә 205 йөк машинасы белән ярдәм җибәргән дип хәбәр итә "Ватаным Татарстан".

▪️Русиянең Украинага каршы сугышын алып бару өчен Татарстан сугышчылар җибәреп һәм икътисади яктан ярдәм итә. Русия хәрбиләре басып алган Украинаның Лисичански һәм Рубежное шәһәрләрен республика төзекләндерә.

▪️Татарстан бюджеты инде өченче ел рәттән сугыш шартларында корыла. 2025 елда республика бюджеты 13,5 млрд сумлык дефицит белән кабул ителде. Хакимият дәүләт эше һәм иминлек өчен чыгымнарны арттырды. Ә менә фән, торак-коммуналь хуҗалыгы кебек тармакларга акчаны киметте.

@azatliqradiosi
🤮9😡2❤1🤬1
Azatlıq Radiosı | Азатлык Радиосы
Татарстан Дәүләт Шурасы депутатлары һәм парламент хезмәткәрләре Лисичански һәм Рубежноега һуманитар ярдәм җибәрәчәк. Анда күбрәк балалар өчен кирәк-яраклар тупланган. Сугыш башланганнан бирле Татарстан әлеге шәһәрләргә 205 йөк машинасы белән ярдәм җибәргән…
❗️Татарстан бюджеты дефициты тагын да зурайган

Элек казна 13,5 миллард сум дефицит белән кабул ителгән булса. Хәзер дефицит 31 миллиард сумга җиткән. Ягъни 2,4 тапкырга арткан.

Бүген Татарстан Дәүләт шурасы депутатлары быелгы һәм 2026-2027 елның план чорына республика бюджеты турындагы канун өлгесенә төзәтмәләр кертте.

Бизнес Online язуынча, элек 472,1 миллиард сум керем алырга ниятләнсә, хәзер бу сан 505 миллиард сумга җиткән. Бу 33 миллиард сумга күбрәк.

Шул ук вакытта чыгымнар 50,4 миллиард сумга артачак, ягъни 485,6 миллиард сумнан 536 миллиард сумга җитәчәк. Чыгымнарның иң күбе торак-коммуналь хезмәте өлкәсендәге инфраструктура проектлары белән бәйле. Шулай ук социаль мөһим булган фәнни, мәдәни һәм спорт чараларын уздыруга, төбәк проектларына, башкарылмаган дәүләт контрактларына түләү, бюджет өлкәсендә эшләүчеләрнең хезмәт хакы арту һәм бюджет оешмаларының кредит бурычларын түләүгә дә чыгымнар арта.

@azatliqradiosi
😱3👍1🎉1
Украина сугышны туктату өчен комромисс эзләүдән баш тартса, тагын да күбрәк җирләрен югалтырга ихтимал.

Бу хакта The Wall Street Journal газетасына әңгәмәдә Русия президенты Владимир Путин ярдәмчесе Владимир Мединский әйтте.

Ул Русиянең озак вакытлы сугышка әзер булуын аңлатты, һәм мисал итеп XVIII гасырда Русия белән Швеция арасындагы сугышны китерде. Әлеге сугыш 21,5 ел дәвам иткән.

Мединский бу хакта инде Истанбулда бер әйткән иде.

Тулырак👉 монда укыгыз.

@azatliqradiosi
🦄4🤮3💩2❤1🖕1