Казанда «Хәрәкәттә – бәрәкәт” бию проекты дәвам итә
Һәр пәнҗешәмбе кичке алтыда Кабан күле яр буенда татар биюләре буенча остаханәләр уза, халык рәхәтләнеп бии. “тирбәлү”, “чеметеп басу”, “чылбыр”, “әйләнү” һәм тагын бик төрле хәрәкәтләр һәм биюләр өйрәтәләр.
Проект инде биш ел эшли, шул уңайдан оештыручылар профессиональ булмаган биючеләр арасында «Бию көрәше» уздыра. Иң шәп биючегә бүләккә – 300 000 сум бирмәкчеләр.
Фото: “Хәрәкәттә – бәрәкәт” проектының Вк төркеменнән.
Һәр пәнҗешәмбе кичке алтыда Кабан күле яр буенда татар биюләре буенча остаханәләр уза, халык рәхәтләнеп бии. “тирбәлү”, “чеметеп басу”, “чылбыр”, “әйләнү” һәм тагын бик төрле хәрәкәтләр һәм биюләр өйрәтәләр.
Проект инде биш ел эшли, шул уңайдан оештыручылар профессиональ булмаган биючеләр арасында «Бию көрәше» уздыра. Иң шәп биючегә бүләккә – 300 000 сум бирмәкчеләр.
Фото: “Хәрәкәттә – бәрәкәт” проектының Вк төркеменнән.
❤9🔥5🤯1
Чаллыдагы сәяси ачлыкка 35 ел: бәйсезлек өчен көрәшкән Зиннур Әһлиуллинга каршы мәхкәмә эше бара
1990 елның 2 августында Чаллыда татар милли хәрәкәте җитәкчеләренең берсе Зиннур Әһлиуллин Татарстанга союздаш республика статусы таләп итеп ачлык игълан итте. Хәзерге вакытта Әһлиуллинга каршы җинаять эше ачылган, тиздән чираттагы мәхкәмә утырышы узачак. Шул уңайдан Татар иҗтимагый үзәге рәисе Фәрит Зәкиев татар халкына мөрәҗәгать белән чыкты.
Анда әйтелгәнчә, 2 август яңа татар тарихында иң истәлекле көннәрнең берсе, чөнки Зиннур Әһлиуллин үз тарафдарлары белән татар тарихында беренче сәяси ачлыкны башлый. Ул Татарстанга суверенитет, ягъни союздаш республика статусы таләп итә.
"4-5 август көннәрендә Татарстанга РСФСР башлыгы Борис Ельцин килде. Ул Зиннур Әһлиуллин белән очрашырга теләде, Әмма Әһлиуллин: "чын татар урыс патшасына буйсынмый" дип аның янына барудан баш тартты. Кирәк булса үзе килер, диде. Ельцин белән очрашу булмады. Әмма Чаллыда чыгыш ясаганда Ельцин: "Күпме йота аласыз, шул хәтлек суверенитет алыгыз", дигән сүзен әйтте", диелә мөрәҗәгатьтә.
Ачлык 12 көн дәвам итә. Әһлиуллин авызыннан кан киткәч ачлыкны туктата.
Мөрәҗәгатьтә әйтелгәнчә, бу милли хәрәкәтне уятып җибәрүгә очкын була. Меңнәрчә татарлар суверенитет таләп итеп урамнарга чыга...
"Меңнәрчә татарлар Чаллы, Түбән Кама, Әлмәттән 30 август көнне Татарстан дәүләт суверенитеты турында Декларация кабул итүне таләп итеп Казанга юл ала. Аларга меңнәрчә казаннар кушыла. Бу кешеләрне урамга Татар иҗтимагый үзәге алып чыга...
Булачак президент, миллиардер һәм сатлыкҗан Шәймиев Декларацияне имзаларга мәҗбүр була. Әмма соңрак ул суверенитет һәм татар халкын миллиард долларга сатып җибәрә.
Ә суверенитет башында торган милли каһарман Зиннур Әһлиуллин даими рәвештә эзәрлекләнеп килә, хәзер аңа каршы чираттагы мәхкәмә бара", диелә мөрәҗәгатьтә.
▪️Зиннур Әһлиуллин — сәясәтче, татар милли хәрәкәте җитәкчеләренең берсе. 1987 елда Чаллы шәһәрендә берничә кеше белән бергә татар милли хәрәкәтен оештыру эшен башлап җибәрә. 1990 елның августында Чаллыда Татарстанга союздаш республика статусы таләп итеп ачлык игълан итә. 1993 елда Татар иҗтимагый үзәге рәисе булып сайлана, бу вазифада ярты елга якын эшли. Сәяси карашлары өчен Русия кануннары нигезендә берничә тапкыр мәхкәмәгә тартыла.
Аны нәрсәдә гаепләүләре турында 👉монда укыгыз.
@azatliqradiosi
1990 елның 2 августында Чаллыда татар милли хәрәкәте җитәкчеләренең берсе Зиннур Әһлиуллин Татарстанга союздаш республика статусы таләп итеп ачлык игълан итте. Хәзерге вакытта Әһлиуллинга каршы җинаять эше ачылган, тиздән чираттагы мәхкәмә утырышы узачак. Шул уңайдан Татар иҗтимагый үзәге рәисе Фәрит Зәкиев татар халкына мөрәҗәгать белән чыкты.
Анда әйтелгәнчә, 2 август яңа татар тарихында иң истәлекле көннәрнең берсе, чөнки Зиннур Әһлиуллин үз тарафдарлары белән татар тарихында беренче сәяси ачлыкны башлый. Ул Татарстанга суверенитет, ягъни союздаш республика статусы таләп итә.
"4-5 август көннәрендә Татарстанга РСФСР башлыгы Борис Ельцин килде. Ул Зиннур Әһлиуллин белән очрашырга теләде, Әмма Әһлиуллин: "чын татар урыс патшасына буйсынмый" дип аның янына барудан баш тартты. Кирәк булса үзе килер, диде. Ельцин белән очрашу булмады. Әмма Чаллыда чыгыш ясаганда Ельцин: "Күпме йота аласыз, шул хәтлек суверенитет алыгыз", дигән сүзен әйтте", диелә мөрәҗәгатьтә.
Ачлык 12 көн дәвам итә. Әһлиуллин авызыннан кан киткәч ачлыкны туктата.
Мөрәҗәгатьтә әйтелгәнчә, бу милли хәрәкәтне уятып җибәрүгә очкын була. Меңнәрчә татарлар суверенитет таләп итеп урамнарга чыга...
"Меңнәрчә татарлар Чаллы, Түбән Кама, Әлмәттән 30 август көнне Татарстан дәүләт суверенитеты турында Декларация кабул итүне таләп итеп Казанга юл ала. Аларга меңнәрчә казаннар кушыла. Бу кешеләрне урамга Татар иҗтимагый үзәге алып чыга...
Булачак президент, миллиардер һәм сатлыкҗан Шәймиев Декларацияне имзаларга мәҗбүр була. Әмма соңрак ул суверенитет һәм татар халкын миллиард долларга сатып җибәрә.
Ә суверенитет башында торган милли каһарман Зиннур Әһлиуллин даими рәвештә эзәрлекләнеп килә, хәзер аңа каршы чираттагы мәхкәмә бара", диелә мөрәҗәгатьтә.
▪️Зиннур Әһлиуллин — сәясәтче, татар милли хәрәкәте җитәкчеләренең берсе. 1987 елда Чаллы шәһәрендә берничә кеше белән бергә татар милли хәрәкәтен оештыру эшен башлап җибәрә. 1990 елның августында Чаллыда Татарстанга союздаш республика статусы таләп итеп ачлык игълан итә. 1993 елда Татар иҗтимагый үзәге рәисе булып сайлана, бу вазифада ярты елга якын эшли. Сәяси карашлары өчен Русия кануннары нигезендә берничә тапкыр мәхкәмәгә тартыла.
Аны нәрсәдә гаепләүләре турында 👉монда укыгыз.
@azatliqradiosi
🔥6😢3😨3❤2
Башкортстанда башкорт телле элмә такталардагы хаталарны тикшерәчәкләр
Бу эш белән Иҗтимагый пулат һәм республика муниципалитетлары шөгыльләнәчәк.
Максат кемне дә булса гаепләү яки җәза бирү түгел, ә телләргә хөрмәтне саклау, ди оештыручылар.
Башкорт телен саклау һәм үстерү фонды мөдире Гөлназ Йосыпова РБК-Уфа басмасына Ишембайда кибет, мәктәп һәм башка оешмаларның элмә такталарын тикшергәнен сөйләде. Иң еш очрый торган хаталар арасында башкорт хәрефләрен урыс хәрефләре белән алыштыру (мәсәлән, "Ү" урынына "У" дип язу), ялгыш тәрҗемәләр һәм контекстка туры килмәгән сүзләр куллану күзгә ташлана.
Тулырак 👉Азатлык Радиосы сәхифәсендә укыгыз.
@azatliqradiosi
Бу эш белән Иҗтимагый пулат һәм республика муниципалитетлары шөгыльләнәчәк.
Максат кемне дә булса гаепләү яки җәза бирү түгел, ә телләргә хөрмәтне саклау, ди оештыручылар.
Башкорт телен саклау һәм үстерү фонды мөдире Гөлназ Йосыпова РБК-Уфа басмасына Ишембайда кибет, мәктәп һәм башка оешмаларның элмә такталарын тикшергәнен сөйләде. Иң еш очрый торган хаталар арасында башкорт хәрефләрен урыс хәрефләре белән алыштыру (мәсәлән, "Ү" урынына "У" дип язу), ялгыш тәрҗемәләр һәм контекстка туры килмәгән сүзләр куллану күзгә ташлана.
Тулырак 👉Азатлык Радиосы сәхифәсендә укыгыз.
@azatliqradiosi
Азатлык Радиосы
Башкортстанда башкорт телле элмә такталардагы хаталарны тикшерәчәкләр
"Мониторинг максаты – кемне дә булса гаепләү түгел, ә телләргә хөрмәтне саклау", ди әлеге башлангыч белән чыгучылар.
❤6👍5🔥1🎉1
Татар-башкорт элмә такталарында хаталар еш очрыймы?
Anonymous Poll
64%
Әйе
15%
Юк
3%
Миңа барыбер
17%
Иң мөһиме ана телендә язганнар
Бу атнаның төп хәбәрләре – Азатлык Радиосы күзлегеннән 🗞
Барлык хәбәрләрне тулырак безнең Telegram-каналда укып барыгыз.
@azatliqradiosi
Барлык хәбәрләрне тулырак безнең Telegram-каналда укып барыгыз.
@azatliqradiosi
👍2🔥2
Хәерле иртә, хөрмәтле укучыларыбыз! Бүген 4 август, дүшәмбе, әлеге сәгатькә булган кайбер хәзбәрләрне барлыйк:
🔹Ленинград өлкәсендә туристлар утырган автобус йөк поездына бәрелү сәбәпле бер кеше һәлак булган.
🔹Бүген төнлә Украина дроннары Волгоград өлкәсенең Тимер юл һәм энергетика объектларына һөҗүм иткән. Рәсмиләр белдерүенчә, Арчеда станциясе янында поездлар туктап тора.
🔹Дональд Трамп хәбәр итүенчә, махсус вәкил Стив Уиткофф Русиягә 6 яки 7 августта киләчәк. Әгәр 8 августка кадәр Украинада тынычлык урнаштыру турында килешә алмасалар, Вашингтон Мәскәүгә санкцияләр кертәчәк дип тә кабатлады АКШ президенты.
🔹Йәмән яр буенда мигрантлар утырган көймә баткан, 60тан артык кеше һәлак булган. Хакимиятләр мәгълүматынча, көймәдә 150дән артык Эфиопия ватандашы булган.
🔹Мәскәүдә бүген "Крокус Сити Холл"дагы терактны турындагы җинаять эшен карый башлыйлар. 19 кешене хөкем итәләр: дүртесе - терактны башкарган дип санала, 15е - аларга ярдәм итүче дип әйтелә. Соңгылары арасында гаепләнүчеләр яшәгән фатир хуҗалары да бар.
🔹Ленинград өлкәсендә туристлар утырган автобус йөк поездына бәрелү сәбәпле бер кеше һәлак булган.
🔹Бүген төнлә Украина дроннары Волгоград өлкәсенең Тимер юл һәм энергетика объектларына һөҗүм иткән. Рәсмиләр белдерүенчә, Арчеда станциясе янында поездлар туктап тора.
🔹Дональд Трамп хәбәр итүенчә, махсус вәкил Стив Уиткофф Русиягә 6 яки 7 августта киләчәк. Әгәр 8 августка кадәр Украинада тынычлык урнаштыру турында килешә алмасалар, Вашингтон Мәскәүгә санкцияләр кертәчәк дип тә кабатлады АКШ президенты.
🔹Йәмән яр буенда мигрантлар утырган көймә баткан, 60тан артык кеше һәлак булган. Хакимиятләр мәгълүматынча, көймәдә 150дән артык Эфиопия ватандашы булган.
🔹Мәскәүдә бүген "Крокус Сити Холл"дагы терактны турындагы җинаять эшен карый башлыйлар. 19 кешене хөкем итәләр: дүртесе - терактны башкарган дип санала, 15е - аларга ярдәм итүче дип әйтелә. Соңгылары арасында гаепләнүчеләр яшәгән фатир хуҗалары да бар.
❤3🔥2
Казакъстан театры Казанда Алтын Урда ханы Җүчи хатыны турында опера күрсәтәчәк
26 августта Татар дәүләт опера һәм балет театрында Абай исемендәге Казакъ милли опера һәм балет театры гастрольләре узачак. Алматыдан килгән театр тамашачыга «Хан Солтан. Алтын Урда» операсын тәкъдим итәчәк. Бу әсәрнең премьерасы 2024 ел ахырында узган иде, ул Алтын Урдага 800 ел тулуга багышланган.
Опера үзәгендә – Хан Солтан образы. Ул тарихта Чыңгызханның өлкән улы Җучинең өченче хатыны һәм ислам динен кабул иткән беренче монгол хакиме булган хан Бәркәнең анасы буларак билгеле. Әсәрнең музыкасын казакъ композиторы Хәмит Шангалиев язган. Казаннан билгеле тарихчы, Мәрҗани исемендәге Тарих институтының Алтын Урда һәм татар ханлыкларын өйрәнү үзәге җитәкчесе Илнур Миргалиев киңәшче булган.
«Хан Солтан. Алтын Урда» - зур спектакль, анда сәхнәгә берьюлы йөздән артык артист чыга. Әсәрне Алматыда дөньякүләм танылган итальян режиссёры Давиде Ливермор куйган.
Спектакльнең музыкаль җитәкчесе һәм куелыш дирижёры - Нурҗан Байбусынов. Ул Татар опера театрыннан киткән баш дирежер Ренат Салаватовның шәкерте.
26 августта Татар дәүләт опера һәм балет театрында Абай исемендәге Казакъ милли опера һәм балет театры гастрольләре узачак. Алматыдан килгән театр тамашачыга «Хан Солтан. Алтын Урда» операсын тәкъдим итәчәк. Бу әсәрнең премьерасы 2024 ел ахырында узган иде, ул Алтын Урдага 800 ел тулуга багышланган.
Опера үзәгендә – Хан Солтан образы. Ул тарихта Чыңгызханның өлкән улы Җучинең өченче хатыны һәм ислам динен кабул иткән беренче монгол хакиме булган хан Бәркәнең анасы буларак билгеле. Әсәрнең музыкасын казакъ композиторы Хәмит Шангалиев язган. Казаннан билгеле тарихчы, Мәрҗани исемендәге Тарих институтының Алтын Урда һәм татар ханлыкларын өйрәнү үзәге җитәкчесе Илнур Миргалиев киңәшче булган.
«Хан Солтан. Алтын Урда» - зур спектакль, анда сәхнәгә берьюлы йөздән артык артист чыга. Әсәрне Алматыда дөньякүләм танылган итальян режиссёры Давиде Ливермор куйган.
Спектакльнең музыкаль җитәкчесе һәм куелыш дирижёры - Нурҗан Байбусынов. Ул Татар опера театрыннан киткән баш дирежер Ренат Салаватовның шәкерте.
🔥5❤3
123 миллионлык «Ана теле». Казна акчасы ничек тотылган?
Татар телен үзлектән өйрәнү платформасы янә эшли башлады. "Ана теле" проектын яңартуга 123 миллион сум дәүләт акчасы түгелгән. Бу акча Петербурда теркәлгән "Прогресс" ширкәтенә киткән.
Азатлык чыганакларына күрә, бу соңгы сумма түгел. Моңа сәхифәне эшләтеп тору кермәгән, аның өчен федераллар Татарстаннан өстәмә миллионнар алачак.
Ниләр үзгәргән соң? Чынлыкта, эчтәлек шул килеш калган: 12 ел элек төшерелгән диалоглар, башка видеолар, ә аларда шул вакытта хөкем сөргән хәлләр. Мәсәлән, Татарстанның төп икътисади партнерлары дип Германия, Франция, Италия һәм Финляндия атала.
Кайбер фотолар яңарган: хәзер аларны ясалма интеллект иҗат иткән.
Азатлык Радиосы әлеге платформа турында татар телен өйрәтүчеләр белән сөйләште, Татарстаннан читкә киткән акчаны санады.
👉Мәкаләне монда укыгыз.
Татар телен үзлектән өйрәнү платформасы янә эшли башлады. "Ана теле" проектын яңартуга 123 миллион сум дәүләт акчасы түгелгән. Бу акча Петербурда теркәлгән "Прогресс" ширкәтенә киткән.
Азатлык чыганакларына күрә, бу соңгы сумма түгел. Моңа сәхифәне эшләтеп тору кермәгән, аның өчен федераллар Татарстаннан өстәмә миллионнар алачак.
Ниләр үзгәргән соң? Чынлыкта, эчтәлек шул килеш калган: 12 ел элек төшерелгән диалоглар, башка видеолар, ә аларда шул вакытта хөкем сөргән хәлләр. Мәсәлән, Татарстанның төп икътисади партнерлары дип Германия, Франция, Италия һәм Финляндия атала.
Кайбер фотолар яңарган: хәзер аларны ясалма интеллект иҗат иткән.
Азатлык Радиосы әлеге платформа турында татар телен өйрәтүчеләр белән сөйләште, Татарстаннан читкә киткән акчаны санады.
👉Мәкаләне монда укыгыз.
Азатлык Радиосы
123 миллионлык "Ана теле". Казна акчасы ничек тотылган?
Русия Украинага бәреп кергәннән соң, Русиягә кертелгән чикләүләр татар теленә дә кагылды. 10 ел дәвамында уңышлы эшләүче, татар теленә бушлай өйрәтүче "Ана теле" проекты ябылды. Аны техник яктан ясаган һәм эшчәнлеген тәэмин итеп торган ЕF Education ширкәте…
🙈7🔥3❤1
Казанның яңа прокуроры итеп Илдар Исмәгыйлов билгеләнгән
Ул Татарстан башкаласына Әлмәттән күчеп килә. Әлеге карарны раслаган боерык 1 августта ук имзаланган булган, ә бүген Исмәгыйловны прокуратура коллективына рәсми рәвештә тәкъдим иткәннәр.
Казан прокуроры вазифасы ике айдан артык вакант буш торды. Олег Дроздов, икенче мөддәтен тулысынча үтәп, быел май ахырында вазифасыннан китте һәм пенсиягә чыкты.
Илдар Исмәгыйловка 45 яшь. Ул Казан федераль университетының юридик факультетын тәмамлаган. Хезмәт юлын 2002 елда Мамадыш районы прокуроры ярдәмчесе вазифасыннан башлаган. 2009–2014 елларда Казан прокуроры ярдәмчесе һәм өлкән ярдәмчесе булып эшләгән. Аннары тугыз ел дәвамында Татарстан прокуратурасының федераль иминлек, милләтара мөнәсәбәтләр, экстремизмга һәм террорчылыкка каршы көрәш кануннарын үтәлешен тикшерү бүлеген җитәкләгән. Ә 2023 елның ноябреннән Әлмәт прокуратурасын җитәкләде.
Ул Татарстан башкаласына Әлмәттән күчеп килә. Әлеге карарны раслаган боерык 1 августта ук имзаланган булган, ә бүген Исмәгыйловны прокуратура коллективына рәсми рәвештә тәкъдим иткәннәр.
Казан прокуроры вазифасы ике айдан артык вакант буш торды. Олег Дроздов, икенче мөддәтен тулысынча үтәп, быел май ахырында вазифасыннан китте һәм пенсиягә чыкты.
Илдар Исмәгыйловка 45 яшь. Ул Казан федераль университетының юридик факультетын тәмамлаган. Хезмәт юлын 2002 елда Мамадыш районы прокуроры ярдәмчесе вазифасыннан башлаган. 2009–2014 елларда Казан прокуроры ярдәмчесе һәм өлкән ярдәмчесе булып эшләгән. Аннары тугыз ел дәвамында Татарстан прокуратурасының федераль иминлек, милләтара мөнәсәбәтләр, экстремизмга һәм террорчылыкка каршы көрәш кануннарын үтәлешен тикшерү бүлеген җитәкләгән. Ә 2023 елның ноябреннән Әлмәт прокуратурасын җитәкләде.
🥴7❤4😐2🖕2
🇮🇱Израил махсус хезмәтләренең 550дән артык элекке югары вәкилләре, шул исәптән "Моссад"ның күзләү хезмәте һәм "Шабак"ның гомум иминлек хезмәтенең элекке башлыклары АКШ президенты Доналд Трампка мөрәҗәгать итеп, премьер-министр Биньямина Нетаньяху хөкүмәтенә Газзә сызыгындагы сугышны туктату өчен тәэсир итәргә чакырды.
AFP язуынча, хатта алар ХӘМӘСнең хәзер инде Израил өчен стратегик куркыныч тудырмавын әйтә.
"Шабак"ның элекке башлыгы Ами Айалон видео белдерүдә аңлатуынча, бу башта гадел саклану сугышы булган. "Әмма барлык хәрби максатларга ирешелгәч, ул үз асылын югалтты", ди ул. Аның сүзләренчә, 23 айга сузылган сугыш Израилнең иминлегенә дә, дәүләт буларак үзбилгеләнүенә дә зыян китерә".
Хатны имзалаучылар арасында "Моссад"ның өч элекке башлыгы Тамир Пардо, Эфраим Халеви һәм Дани Ятом, "Шабака"ның биш элекке җитәкчесе Ами Айалон, Надав Аргаман, Йорам Коэн, Яаков Пери һәм Карми Гилон, шулай ук Израил саклану армиясенең (ЦАХАЛ) элекке баш штаб башлыклары, шул исәптән элекке премьер Эхуд Барак, элекке саклану министры Моше Яалон һәм генерал Дан Халуц та бар.
Алар әйтүенчә, Израил армиясе инде көч белән ирешеп була торган өч максатның икесен үтәгән: ХӘМӘСнең хәрби инфраструктурасын юк иткән һәм Газзә сызыгында аның идарәсен бетергән. Өченче һәм мөһим максат - барлык тотыкларны кайтаруга бары килешү нигезендә генә ирешеп була, ди алар мөрәҗәгатьтә. Ә "ХӘМӘСнең калган җитәкчеләрен эзәрлекләүне соңрак та дәвам итәргә мөмкин", дип әйтә.
Алар фикеренчә, Доналд Трамп Израильләр арасында абруйга ия һәм Нетаньяһуга йогынты ясый ала. Сугышны туктатудан соң, АКШ президенты төбәк коалициясе төзүгә һәм Фәләстин автономиясен формалаштыру эшенә ярдәм итәр иде дип саный хат авторлары. Автономия үз чиратында АКШ һәм Европа берлегендә террорчы дип саналган ХӘМӘС урынына Газзә белән идарә итүне үз карамагына алыр иде.
▪️Халыкара җәмәгатьчелекнең Израилгә басымы көннән-көн арта. Күпләр Израил тотыкларын кайтару һәм Газзәгә һуманитар ярдәм кертү өчен сугышны туктатырга чакыра. Шул ук вакытта Израилнең кайбер сәясәтчеләре, шул исәптән хөкүмәт коалициясендәге кайбер министрлар, хәрби чараны дәвам итәргә һәм Газзәне өлешчә яки тулысынча басып алырга чакыра.
@azatliqradiosi
AFP язуынча, хатта алар ХӘМӘСнең хәзер инде Израил өчен стратегик куркыныч тудырмавын әйтә.
"Шабак"ның элекке башлыгы Ами Айалон видео белдерүдә аңлатуынча, бу башта гадел саклану сугышы булган. "Әмма барлык хәрби максатларга ирешелгәч, ул үз асылын югалтты", ди ул. Аның сүзләренчә, 23 айга сузылган сугыш Израилнең иминлегенә дә, дәүләт буларак үзбилгеләнүенә дә зыян китерә".
Хатны имзалаучылар арасында "Моссад"ның өч элекке башлыгы Тамир Пардо, Эфраим Халеви һәм Дани Ятом, "Шабака"ның биш элекке җитәкчесе Ами Айалон, Надав Аргаман, Йорам Коэн, Яаков Пери һәм Карми Гилон, шулай ук Израил саклану армиясенең (ЦАХАЛ) элекке баш штаб башлыклары, шул исәптән элекке премьер Эхуд Барак, элекке саклану министры Моше Яалон һәм генерал Дан Халуц та бар.
Алар әйтүенчә, Израил армиясе инде көч белән ирешеп була торган өч максатның икесен үтәгән: ХӘМӘСнең хәрби инфраструктурасын юк иткән һәм Газзә сызыгында аның идарәсен бетергән. Өченче һәм мөһим максат - барлык тотыкларны кайтаруга бары килешү нигезендә генә ирешеп була, ди алар мөрәҗәгатьтә. Ә "ХӘМӘСнең калган җитәкчеләрен эзәрлекләүне соңрак та дәвам итәргә мөмкин", дип әйтә.
Алар фикеренчә, Доналд Трамп Израильләр арасында абруйга ия һәм Нетаньяһуга йогынты ясый ала. Сугышны туктатудан соң, АКШ президенты төбәк коалициясе төзүгә һәм Фәләстин автономиясен формалаштыру эшенә ярдәм итәр иде дип саный хат авторлары. Автономия үз чиратында АКШ һәм Европа берлегендә террорчы дип саналган ХӘМӘС урынына Газзә белән идарә итүне үз карамагына алыр иде.
▪️Халыкара җәмәгатьчелекнең Израилгә басымы көннән-көн арта. Күпләр Израил тотыкларын кайтару һәм Газзәгә һуманитар ярдәм кертү өчен сугышны туктатырга чакыра. Шул ук вакытта Израилнең кайбер сәясәтчеләре, шул исәптән хөкүмәт коалициясендәге кайбер министрлар, хәрби чараны дәвам итәргә һәм Газзәне өлешчә яки тулысынча басып алырга чакыра.
@azatliqradiosi
👍2🤔2❤1🤡1