Azatlıq Radiosı | Азатлык Радиосы
2.53K subscribers
11.7K photos
1.15K videos
8 files
17.2K links
Татарча хәбәрләр, яңалыклар. Татар-башкорт дөньясы. Ничек бар – шулай.

Русия хакимияте Азатлык Радиосын "теләнмәгән оешма" дип тамгалады. Безгә бу адреска яза аласыз: @azatliqradio. Редакция анонимлыкны гарантияли.
Download Telegram
Мәскәүнең милли мәктәпләрдән башлаган басымы халыкара мәктәпләргә дә кагыла башлады.

International Baccalaureate (IB) оешмасы "теләнмәгән" дип танылды. Татарстанда да ике мәктәп әлеге програм нигезендә эшли иде.

Бу хакта тулы язманы 👉 безнең сайтта укый аласыз.

#Татарстан

@azatliqradiosi
😢4💊4❤1🥴1
❗️"Теләк белдерүчеләр коаллициясе" Украинага ерак арага атучы ракетлар бирәчәк

Бу хакта коалициянең Парижда узган саммитыннан соң Британия премьер-министры офисы хәбәр итте.

Саммит Украинага озак вакытка иминлек гарантияләрен тәэмин итү планын булдыруга багышланды.

"Теләк белдерүчеләр коалициясе"нең башлангычында торучы Франция президенты Эммануэль Макрон һәм Британия премьер министры Кир Стармер Украина җирлегендә урнаштырылган Европаның "тотып тору көчләре" АКШ ярдәменә таянырга тиеш диде.

Тулырак👉 монда укыгыз.

@azatliqradiosi
🔥5❤3👍1🤬1
Хәерле иртә, хөрмәтле укучыларыбыз! Бүген 5сентябрь, җомга, әлеге сәгатькә булган кайбер хәбәрләрне барлыйк:

🔸Кичә кич Русия армиясенең Харьков өлкәсе Хотимля авылына һөҗүмдә ике кеше һәлак булган, өч кеше яраланган. Бу хакта өлкә хакимият башлыгы Олег Синегубов хәбәр итте.

🔸Белгород өлкәсендә дроннар һөҗүме нәтиҗәсендә бер кеше һәлак булган. Өлкә губернаторы Вячеслав Гладков хәбәр итүенчә, ким дигәндә ике кеше яраланган.

🔸Рязаньда нефть эшкәртү корылмасы урнашкан җирдә дрон һөҗүменнән соң янгын чыккан дип яза Astra. Җирле халык шартлаулар булуын әйтә. Өлкә губернаторы Павел Малков дрон калдыкалырының "сәнәгать ширкәте җирлегенә" төшүен хәбәр итте.

🔸Мәхкәмә "Башкортстан" дәүләт концерт залы мөдире, Башкортстанның халык артисты Вилдан Ярулинны СИЗОдан өй сагына күчергән. Яруллин сак астына май аенда алынды, ул вазифасы вәкаләтләрен арттыруда гаепләнә.

🔸Русия журналист, Agentura.ru сайты мөхәррире Андрей Солдатовны халыкара эзләүгә игълан иткән. ТАСС хәбәр итүенчә, аны армия турында "фейклар" таратуда гаеплиләр. Солдатов Русия махсус хезмәтләре турында язучы журналист.

🔸Бүген Казанның Горький паркында «Илһам Шакировка Трибьют" концерты узачак. Анда 40 музыкант Илһам Шакировның 14 җырын заманча аранжировкада башкарачак.

@azatliqradiosi
🔥5🤯2😈1
Казан авиация ширкәте хәзер "Россия" махсус очыш отряды өчен очкычлар җитештерә, ә юл ташучы коммерция ширкәтләре өчен ТУ-214 2027 елдан җитештерелә башлаячак.

Бу хакта Русия сәнәгать-сәүдә министры Антон Алиханов ТАССка әңгәмәдә белдерде.

Шул ук вакытта Алиханов сүзләренчә, быел бер ТУ-214 бер очкычы Red Wings һава ширкәтенә тапшырылган.

Билгеле булганча быел июнь башында бер очкыч Русия сәүдә һәм сәнәгать министрлыгына тапшырылды. Чөнки ул министрлык заказы булган. Аны инде 2019 елны ук ясый башладылар, 2023 елда тапшырылырга тиеш булса да, ширкәт аны үти алмады.

Гомумән Казан Русия өчен очкычлар ясау эшен җайлый алмады. Украина сугышы башланганнан соң Татарстан Русия өлешләреннән торган пассажирлар йөртүче Ту-214 очкычын күпләп җитештерә башлаячагын белдерде.

2022 елда Казан авиация заводына 2023-2030 елларда 115 данәдә Ту-214 очкычы җитештерү бурычы куелды: 2023 елда — өчне, 2024 елда — җидене , 2025 елда — унны, 2026 елда — 15, 2027-2030 елларда — 20шәрне. Әлеге күрсәткечләр Русиянең авиация транспортының комплекслы програмына кертелде.

Ләкин әлегә Казан авиация заводы очкычларны тиешле күләмдә җитештерә алмый. Очкыч ясауны кичектерүнең төп сәбәбе — санкцияләр шартларында Русиянең чит ил технологияләренә мохтаҗ булуы. Русия детальләреннән торган очкыч та чит ил очкычларыннан шактый калышуына киная ясый белгечләр.

@azatliqradiosi
❤2👏1😢1
Татарстанның Бөгелмә шәһәреннән алты ир-ат һәм бер туташны Африка корпусында хезмәт итү өчен озатканнар.

Бу хакта "Бугульминская газета" хәбәр итә.

Ирләрнең берсе - Бөгелмәнеке, калганнары башка төбәк кешеләре диелә. Күрәсең алар контрактны Татарстан аркылы төзегән һәм акчаны да республика түләячәк.

Татарстан февральдән башлап Русия саклану министрлыгының Африка корпусына контрактчылар җыя. Һәр шундый ялчыга республика бюджетыннан 2,7 млн сум бирелә, тагын 400 мең сумны Русия саклану министрлыгы түли.

Корпуска кушылуга өндәгән кәгазләрдә айлык хезмәт хакы 230 мең сум булачак дип вәгъдә итәләр.

▪️Африка корпусы — Русия саклану министрлыгы контролендә булган һәм Русиянең Африкадагы сәяси һәм хәрби мәнфәгатьләрен яклаучы хәрби бүлекчә. Ул 2023 елның ахырында, Евгений Пригожинның һәлак булуынан соң, Вагнер хосусый хәрби ширкәте структураларын үз эченә алып, яңадан оештырылды.

▪️АКШның сугышны өйрәнү институты бу корпусның төп максаты — Русиянең Африкадагы йогынтысын ныгыту һәм Русиягә лояль хөкүмәтләргә хәрби ярдәм күрсәтү дип бәяли. Корпусны Русия саклану министры урынбасары Юныс Бәк Евкуров җитәкли, әлеге вакытта ул башлыча Мали, Буркина-Фасо, Нигер, Үзәк Африка Республикасында, Либиядә эшли. Әлеге корпуска эләгәм дип контракт төзүчеләрне Украинадагы сугышка җибәрүләре дә билгеле булды.

Бу хакта👉 Азатлык Радиосында укый аласыз.

@azatliqradiosi
👎3❤2🤬2🍾2😢1
Татарстан хакимияте татар тарихын өйрәнүгә бер миллиард сумга якын акча бүлеп бирәчәк

Татарстанда "Евразия далалары халыклары тарихы һәм мәдәнияте" дип аталган үзенчәлекле төбәк програмы әзерләнгән. Програм 2026 елда эшли башлаячак һәм 2034 елга кадәр дәвам итәчәк диелә.

Проект кысаларында киң күләмле археологик тикшеренүләр, борынгы телләр һәм мәдәни йолаларны өйрәнү, шулай ук тарихи документларның зур базасын булдыру планлаштырыла. Програмда аерым урын Алтын Урда һәм татар ханлыклары чорын өйрәнүгә бирелә. Галимнәр урта гасыр шәһәрләрен, сәүдә юлларын һәм төбәк халыкларының мәдәни бәйләнешен тикшерәчәк.

Моны гамәлгә ашыруны контроль итү Татарстан Фәннәр академиясенә йөкләнгән.

Тулырак 👉монда укыгыз.

@azatliqradiosi
❤9🔥2👍1
🇪🇺🇺🇸 Европа Шурасы рәисе Антониу Кошта: Русиягә карата яңа санкцияләр турында киңәшмәләр уздыру ниятеннән Европа Берлеге вәкилләре Вашингтонга юл тота.

Бу хакта ул Украина президенты Владимир Зеленский белән Ужгород шәһәрендә узган матбугат очрашуында белдерде.

"Санкцияләр аша басымны тагын да арттыру максатыннан АКШ һәм башка беректәшләр белән бергә эшлибез —. Чикләү чараларын киңәйтеп, Русияне бу сугышны туктатырга, кешеләрне үтерүдән ваз кичә башларга мәҗбүр итәргә телибез. Брюссельдә яңа санкцияләр әзерләү эше башланды, һәм Европа вәкилләре Вашингтонга юл тота – Америкадагы дусларыбыз белән берлектә эшләү өчен", – дип сөйләде Кошта.

Үз чиратында, Владимир Зеленский, кайбер илләрнең Русиядән энергетика ресурсларын сатып алып, аның хәрби машинасына ярдәм итүен АКШ кабул итә алмавын "мөһим сигнал" дип атады.
🤮5👍3❤1🔥1
Русия юстиция министрлыгы яңа "ят агентларны" чыгарды:

🔻 Om TV проекты;
🔻дин белгече Сергей Говорун;
🔻Архангельскидан блогер һәм активистка Анна Степанова;
🔻блогер Владимир Смолин;
🔻икътисадчы, Һарвард университеты профессоры Олег Ицхоки;
🔻"Компромат 1" интернет ресурсы.
🔥1
Бүген Казанңда Алтын мөнбәр XXI Казан халыкара кинофестивале ачыла.

Ачылыш тантанасы Камал театрының яңа бинасында әлеге вакытларда уза.

Кызыл келәмнән фестивальдә катнашачак фильмнарда уйнаучы Любовь Казарновская, Елена Цыплакова, Константин Раскатов һәм Даяна Гудз, Нәфисә Хәйруллина, Равил Шәрәфиев, Резеда Сәлахова, Ирек Хафизов, Ләйсән Рәхимова, Эмиль Талипов һәм башкалар үтә.

Быел кинофестивальдә 29 илдән җибәрелгән фильмнар катнаша.

Казанга шулай ук Һиндстан режиссеры, 2008 елда "Миллионер из трущоб" ("Slumdog Millionaire") фильмы өчен "Оскар" алган Ресул Пукутти килде. Аның белән иҗади очрашу узачак.

Татарстан фильмнарыннан кино белгечләре төп конкурста катнашучы Ирек Хафизовның "Әниләр һәм бәбиләр" фильмына, Бай Хәйруллинның "Казан җөе" документаль фильмына, "Русия – Ислам дөньясы" програмында катнашучы һәм кинофестиваль ачылышында күрсәтелүче Александр Далматовның "Кырык дүртнең май аенда" фильмнарын карарга киңәш итә.

"Кырык дүртнең май аенда" кинокартинасы бүген "Родина" һәм "Мир" кинотеатрларында һәм 7 сентябрьдә "Родина"да күрсәтеләчәк.
👍4❤2🔥2
Дональд Трамп АКШ Саклану министрлыгын Сугыш департаментына үзгәртү турында фәрман имзалаган.

Аның сүзләренчә, бу атама әлеге оешмага ныграк туры килә. Шушы атама белән ил Беренче һәм Икенче дөнья сугышларында җиңде, аннары хакимиятләр аны сәяси яктан дөрес дип саналган атамага алыштырды диде ул.

Пентагонны 1949 елга кадәр War Departament дип атыйлар иде.

Трамп, дөньяда барган вакыйгаларны исәпкә алганда, яңа атама Пентагонга ныграк туры килә дип саный.
🤡5👍2🌚1
Русия Украинага каршы башлаган сугышта Башкортстаннан 7 меңнән артык кеше һәлак булган.

Бу хакта язманы тулысынча безнең сайтта укыгыз.

#Башкортстан #сугыш
🍾3❤2🔥1😢1