Үшінші президент, Конституцияны өзгерту, әнұран ауыстыру — AzatNEWS l 28.01.2026

Тоқаев келесі сайлауға қатыса ма? Мәжіліс депутаты маңызды мәлімдеме жасады. | Қазақстанның қазіргі Конституциясы 84 пайыз жаңарады, 77 бапқа өзгеріс енеді. | Былтыр ғана мемлекеттік туын өзгерткен Қырғызстанда енді әнұран ауыспақ.

❗Тоқаевтың шетелге шығарылған 7 трлн теңге туралы сөзі Ақорда сайтынан, басқа да сайттардан алынып қалды.

🔹Не болды?

Қазақстан президенті Қасым-Жомарт Тоқаевтың елдегі банктердің бірі шетелдерге 7 триллион теңгеден (шамамен 14 млрд доллар) аса қаржыны заңсыз "жөнелткенін" жайлы сөзі Ақорда сайтынан алынып қалды.

Бұған қоса, қазақстандық сайттар да Тоқаевтың осы сөзі айтылған видеоларды, ақпараттарды алып тастағаны байқалды.

Ақорда және басқа да сайттар президенттің бұл сөзін неге алып тастағанын әзірге түсіндірмеді.

🔹Тоқаев не деп еді?

Тоқаев Қаржылық мониторинг агенттігіндегі жиында "Жақында [Қаржылық мониторинг агенттігінің] төрағасы [Жанат] Элиманов қазақстандық банктердің бірі арқылы былтыр көршілес елден басқа мемлекеттерге 7 триллион теңгеден астам қаржы "жөнелтілгені" туралы баяндады" деген еді.

Тоқаев 7 трлн теңгені шетелге қай банк жібергенін, ақша қай елдерге шыққанын ашып айтпаған.

Жаңаөзен ауруханасында дәрігер пышақ жарақатынан қаза болды

Оқиға 28 қаңтарда қаладағы медицина мекемелерінің бірінде болған. Мекеменің дәлізінде ер адам дәрігерге тап беріп, пышақ ұрған. Соның салдарынан 29 жастағы ер адам өз жұмды.

Полицияның хабарлауынша, жанжал “отбасы-тұрмыстық негізде” туындаған. Оқиғадан кейін күдікті қалалық полицияға өзі барған.

“Адам өлтіру” бабы бойынша қылмыстық іс қозғалды. Күдікті уақытша қамау изоляторына қамалды.

Руслан Желдібай президенттің көмекшісі және баспасөз хатшысы қызметінен босатылды.

Айбек Смадияров президенттің кеңесшісі – президенттің баспасөз хатшысы қызметіне тағайындалды. Ол бұрынғы атқарған қызметінен босатылған.

Қазақстан теннисшісі Елена Рыбакина Grand Slam жарыстары қатарына енетін Australian Open жарысының жартылай финалына өтті. Мельбурнде болып жатқан жарыста қазақстандық теннисшілер Рыбакина мен Юлия Путинцеваның ойынымен қатар олардың Ресейден кеткені де сөз болып жатыр.

Шымкентте тағы бір әйел пышақ жарақатынан көз жұмды

Полиция күдіктіні ұстау кезінде қару қолданған.

“Алдын ала мәлімет бойынша, күдікті қастық ниетпен жәбірленушіні пышақпен жарақаттаған, соның салдарынан ол оқиға орнында көз жұмды” деп хабарлады полиция.

Жергілікті БАҚ-тың жазуынша, оқиғаны полицияға куәгерлер хабарлаған. Күдіктіні ұстау кезінде ол қарсылық көрсеткеннен кейін полиция қызметкерлері табельдік қару қолданып, жарақаттаған. Ер адам медицина мекемесіне жеткізілген, ізінше қамауға алынды. Қазір тергеу органдары оқиғаның мән-жайын анықтап жатқаны хабарланды.

Шымкентте осымен екінші қыз кісі қолынан қаза болып отыр. 11 қаңтарда Шымкентте 21 жастағы студент Нұрай Серікбай пышақ жарақатынан қаза болды. Желіде тараған видеода жас жігіттің, қызды пышақтап, қашып кеткені байқалады. Күдікті ұсталды, оның үстінен адам өлтіру бабымен іс қозғалған.

Екібастұз қаласындағы №22 ықшамауданның халқы бірнеше жыл бойы орталық жылу жүйесіне қосылуды сұрап келеді. Әкімдік дәл қазір ондай мүмкіндік жоғын айтады.

⚡Қазақстан теннисшісі Елена Рыбакина (әлемнің 5-ракеткасы) Australian Open жарысының финалына шықты. Ол жартылай финалда америкалық Джессика Пегуланы (6) жеңді.

Рыбакина финалда әлемнің бірінші ракеткасы Арина Соболенкомен (Беларусь) ойнайды. Қазақстан теннисшісі Australian Open жарысының финалына екінші рет шықты. 2023 жылғы финалда Соболенкоға екі сетте есе жіберген.

Жалпы Рыбакина Grand Slam жарыстарының финалына үшінші рет шығып отыр. 2022 жылы Англиядағы Wimbledon жарысында жеңімпаз атанған еді.

Рыбакина Australian Open жарысының финалына шыққанының арқасында, финалдың нәтижесіне қарамастан келесі аптадан бастап әлемдік рейтингіде 5-орыннан 3-орынға көтеріледі.

Ресейде туған Елена Рыбакина 2018 жылы Қазақстан азаматтығын алған. Оны Қазақстан құрамасына миллионер Болат Өтемұратов басқаратын Қазақстан теннис федерациясы шақырған еді. Рыбакина "карьерасында қаржылық қиындықтар болған кезде Қазақстан көмектесті" деп алғыс айтқан.