⛸️Қысқы олимпиада-2026. Сіз білу керек негізгі деректер

Бүгін Италияның Милан және Кортина қаласында 25-қысқы олимпиада ойындары басталады. Азаттық олимпиада жайлы жанкүйерге қажетті негізгі сұрақтарға жауап береді.

🔹Қазақстаннан неше спортшы қатысады?

Қазақстаннан 36 спортшы жолдама алды. Ашылу салтанатында Қазақстан туын шорт-трекші Денис Никиша мен фристайлшы Аяулым Әмренова ұстап шықпақ. Ұлттық құраманың орташа жасы – 25 жас. Бұл – Қазақстан тарихындағы олимпиадаға қатысатын «ең жас» құрама.

🔹Қай спорттан жүлдеге таласады?

Қазақстан спортшылары мәнерлеп сырғанау, шорт-трек, конькимен жүгіру, фристайл акробатика, фристайл могул, биатлон, шаңғы жарысы, шаңғымен трамплиннен секіру, шаңғы қоссайысы, тау шаңғысы спортынан олимпиадаға қатысады.

🔹Олимпиаданы қай арналар көрсетеді?

Қазақстанда қысқы олимпиаданы көрсету құқығын «Қазақстан», «Қазспорт», «Хабар» және «Жібек жолы» телеарналары алған. Барлық жарысты осы төрт арна бөліп көрсетеді. Олимпиада ойындарын өткізу құқығын әр ел Халықаралық олимпиада комитетінен сатып алады. Қазақстан телеарналары олимпиада көрсету құқығына қанша қаржы жұмсағанын ашық жарияламайды.

🔹Қазақстан хоккейшілері олимпиадаға қатыса ма?

Қысқы олимпиада әлем көз тігетін жарыстың бірі – шайбалы хоккей. Қазақстан ерлер және әйелдер құрамасы да олимпиадаға қатыспайды. Қазақстан ерлер құрамасы іріктеуде Словакия, Австрия, Венгрия бар топта Словакияға жол беріп, жолдама иелене алмаған. Олимпиадаға Словакия лицензия алған еді.

Ал әйелдер құрамасы екінші іріктеу кезеңінде Словакия, Словения, Исландия бар топтан екінші орын алып, іріктеудің шешуші кезеңіне шыға алмаған.

Қазақстан ерлер құрамасы 1998, 2002, 2006 жылғы олимпиадаға қатысқан.

Стендап-әзілкеш Нұрлан Сабыровтың (Сабуров) Ресейге кіруіне 50 жылға тыйым салынды

Ресей құқық қорғау органдарының ресми тұжырымы бойынша, шешім "ел қауіпсіздігі, заңдылықты сақтау және дәстүрлі рухани-адамгершілік құндылықтарын сақтау мақсатында" қабылданған. Бұған қоса Сабыров "миграция нормаларына қарамастан, Ресейде табыс тапқан".

Кей телеграм-арналар оның Украинадағы соғысты сынауы да себеп болған деген болжам жасады.

Британдық Shell мұнай-газ компаниясы сот дауларына байланысты Қазақстанға қосымша инвестиция салуды уақытша тоқтататынын мәлімдеді. Бұл жөнінде Bloomberg агенттігі хабарлады.

Қазақстанның талап-арызы негізінде қозғалған істер бойынша миллиардтаған доллар төлемдер талап етіліп жатыр.

Қазақстан өз елінің сотында және халықаралық арбитражда қозғалған істерде Батыстың бірнеше мұнай компаниясынан миллиардтаған доллар өтемақы талап етіп отыр.

Тоқаевтың мәлімдемесі, Лукашенконың ақылы. Конституция қалай жазылып жатыр? — AzatNEWS l 06.02.2026


🔹 Тоқаев "Қазақстан суперпрезидент жүйесінен бас тартты" дейді. Сыншылар сенбейді.

🔹 Жаңа Конституция қай тілде жазылып жатыр? Қариннің сөзіне күмән келтіретіндер бар.

🔹 Миланда қысқы Олимпиада ойындары басталды. Қазақстанның намысын кім қорғайды?

Мәскеудегі қастандық, Трамптың талабы | Соғыс жаңалықтары

🔹 Украина мен Ресей Әбу-Дабидегі келіссөзден кейін тұтқын алмасты. Келіссөздің келесі раунды АҚШ-та өтуі мүмкін. 🔹 Мәскеуде Ресей генералына қастандық жасалды. АҚШ пен Ресейдің ядролық қару санын шектеу туралы келісімінің мерзімі өтіп кетті. Трамп мұны жалғастырғысы келмейді.

🔸Қазақстан қысқы олимпиадаға дайындыққа қанша жұмсады?

6 ақпанда басталатын Милан-Кортина қысқы олимпиадасына дайындыққа Қазақстан 13,3 млрд теңге жұмсаған. Бұл туралы спорт және туризм министрлігі хабарлаған еді.

Бұл - ақша 2022-2026 жылғы олимпиада цикліне кеткен қаржы. Министрлік ақша мемлекеттік бюджеттен, жергілікті бюджеттен, демеушілерден алынғанын айтады.

Ведомство дерегінше, төрт жылда Қазақстан спортшылары 612 оқу-жаттығу жиынын өткізіп, 434 жарысқа қатысқан

⚡Сонымен Италияның Милан және Кортина қаласында 25-қысқы олимпиада басталды. Ашылу салтанатындағы шеруде Қазақстан құрамасы Милан мен Кортинада да шықты. Миланда туды шорт-трекші Денис Никиша, Кортинада фристайл могулдан олимпиадаға қатысатын Аяулым Әмренов ұстап шықты.

Олимпиадаға Қазақстаннан 36 спортшы қатысады.

Фото: Reuters

🎥 Соғыстан қашып, Қазақстанға келген ресейлік офицердің әңгімесі

Ресей Украинаға басып кіргелі 50 мыңнан астам ресейлік соғысқа күштеп жөнелтуден қашуға мәжбүр болған. Олар пана іздейтін елдің бірі – Қазақстан. Қазақстан мұндай азаматтардың тізімін жүргізбейді, дегенмен құқық қорғаушылар көмек сұрап келген кемі 10 әскери қызметкер барын айтады.
🔗Толық видеоны Азаттықтан көріңіз