Олимпиададағы 52 жастағы сноубордшы

Аустриялық 52 жастағы сноубордшы Клаудия Риглер бесінші олимпиадасына қатысты. Ол параллель слалом жарысында бәсекеге түсіп, финалдық кезеңге дейін жетті.

Риглер – Милан олимпиадасына қатысып жатқан жасы ең үлкен спортшылардың бірі. Ол алғаш рет 1994 жылы алғашқы халықаралық жарысына қатысқан. Содан бері үлкен спортта жүр. Риглер 30 жасқа толғанда Аустрия құрамасының бапкерлері жасың келді деп ұлттық құрамадан шығарып тастаған. Ол бапкерлерінің бұл шешімі қате болғанын дәлелдегісі келгенін айтады.

"Менің ең үлкен мотивациям – жасым. Себебі отызға толғанда тым кәрісің деп құрамадан қуып шыққан еді" деді ол.

Клаудия үш жыл жеке спортшы ретінде жарысқа қатысып жүріп, 2005 жылғы әлем кубогындағы нәтижесінен соң құрамаға қайта алынады. 2015 жылы 41 жасында сноубордтан параллель гигант жарысында әлем чемпионы атанған.

Риглер биыл елі Австрияда өтетін әлем чемпионатына қатысып, одан кейін карьерасын аяқтамақ.

t.me/azattyq

Қазақстан Конституциясы жобасының тіл туралы заңына өзгеріс енеді

Баптың мемлекеттік тіл туралы бірінші тармағы өзгеріссіз қалады. Ал көпшілік арасында қарсы пікір тудырған орыс тілі туралы тармағында "тең" деген сөз "қатар" сөзімен алмастырылады.

Бұл туралы Конституциялық сот төрағасының орынбасары Бақыт Нұрмұханов конституциялық комиссия отырысында айтты. Яғни жаңа нұсқада былай болады:

"Мемлекеттік ұйымдарда және жергілікті өзін-өзі басқару органдарында орыс тілі ресми түрде қазақ тілімен қатар қолданылады".

Спортшыларды "қуған" дрондар

Милан-Кортина олимпиадасында алғаш рет тау шаңғысы, коньки, шана спортында жылдам дрондар түсірілімге пайдаланып жатыр. Спортшылар жарыс жолына шыққанда артынан дрон еріп, түсіріп жүреді. Мұны телетрансляциядан байқауға болады әрі спорт аренадан да, теледидардан да дронның ызылдаған даусын анық естуге болады.

Дрондар тау шаңғысы кезінде 120 км/сағ жылдамдықпен сырғанап бара жатқан спортшының артынан жақын әрі жылдам жүріп отырады.

Халықаралық олимпиада комитеті (ХОК) дрондар телетрансляцияның сапасын арттыру үшін қолданылып жатқанын, дрондардың дауысына қатысты көрермендер мен спортшылардан шағым болмағанын айтады.

"Мұны спорттағы эволюция деп қарастырамыз. Дрондар спортшыларға айтарлықтай әсер етпейді деп санаймыз. Біз бұл мәселені зерттеп, сенімді болған соң енгіздік. Дрондар спортшылардың нәтижесіне, олардың жарысына кедергі келтірмейді" деді Миландағы баспасөз мәслихатында ХОК-тың спорт директоры Пьер Дюкре.


Фото: Reuters

t.me/azattyq

Донбасс кімде қалады? Украина мамырда референдум өткізуі мүмкін бе? | Соғыс жаңалықтары

Мәскеуде Ресейгенералына қастандық жасады деген күдікті Дубайда ұсталды. Мәскеу оның артында Украина тұр дейді. АҚШ мамырда Украинада президент сайлауы мен референдум өткізу мүмкіндігін қарастырып отыр. Референдумда Донбасс және Ресей бақылауындағы өзге де аумақтардың кімге тиесілі екендігі сұрала ма?

Орыс тілінің орны, Мәскеудің талабы, журналистердің ашық хаты — AzatNEWS l 09.02.2026

🔹 Жаңа Конституция жобасын жасаушылар сөз бостандығын шектегелі жатыр ма?

🔹 Қазақстандық журналистер президент Тоқаевтан араша сұрайды.

🔹 Ресей Қазақстанның сайтын бұғаттап тастағысы келеді.

10 ақпан күні таңертең Астанада Қазақстан үкіметінің кеңейтілген отырысы басталды. Оны ашқан президент Қазақстан президенті Қасым-Жомарт Тоқаев жиында премьер-министр Олжас Бектенов елдің былтырғы әлеуметтік-экономикалық дамуы жайлы есеп беріп, үкіметтің 2026 жылға арналған жоспарын таныстыратынын айтты деп хабарлады мемлекеттік басылымдар.

Бұдан бөлек, Тоқаевтың сөзінше, премьер-министрдің орынбасары Жаслан Мәдиев цифрландыру процесі және жасанды интеллектіні енгізу жөнінде, ал Ұлттық банк төрағасы Тимур Сүлейменов ақша-несие саясаты және инфляцияны төмендету шаралары туралы баяндайды.

Биылғы үкіметтің кеңейтілген отырысы тікелей эфирден көрсетіліп жатқан жоқ. Баспасөз қызметі өткен жексенбіде жасақтаған алдын ала тізімге тіркеліп үлгерген журналистер жиынды бөлек залдан бақылап отыр.

Премьер-министр Олжас Бектеновтің айтуынша, Қазақстанда жалақының өсу қарқыны бизнес табысының, оның ішінде өз күшімен әрі мемлекеттік қолдау есебінен алынған табыс динамикасынан артта қалып отыр.

"Еңбекақының жалпы ішкі өнімдегі үлесінің көрсеткіші шамамен 30 пайыздан асады, бұл – Орталық Азияда жоғары көрсеткіш. Бірақ біздің мақсатымыз – әлемдік орташа көрсеткішке – 40 пайызға жеткізу", –

деген Бектенов үкімет халықтың нақты табысының өсуіне басымдық беретін болады деп мәлімдеді.

Оның сөзінше, бұл мақсатта еңбекақыны көтеруді, лайықты жалақы төлейтін жұмыс орындарын көбейтуді, азаматтарға түсетін қаржы салмағын азайтуды көздейтін қаржы, салық және басқа да ынталандыру шаралары қарастырылмақ.

Қазақстанда азық-түлік пен қызметтер бағасы, бұған дейінгі болжамдарда айтылғандай, табыстың төмендеуімен қатар өсіп жатыр. Кейбір есептеулер бойынша, халықтың жан басына шаққандағы нақты табысы 3,4 пайыз қысқарған.

Қазақстан президенті Қасым-Жомарт Тоқаев қазір қоғамда жобасы талқыланып жатқан жаңа Конституцияға қатысты түпкілікті шешімді халық қабылдайтынын айтты.

"Жаңа Жаңа Конституция Қазақстанды тың қарқынмен өркендетуге, әр азаматтың әлеуетін арттыруға жол ашады деп сенемін. Қалай десек те, Ата Заңымызға қатысты түпкілікті шешім жалпыұлттық референдумда қабылданады",

— деп мәлімдеді Тоқаев сейсенбі күні Астанада үкіметтің кеңейтілген отырысында.

Президент конституциялық реформаға байланысты азаматтармен байланыс желілері тиімді жұмыс істеді деп есептейді.

"Қоғамда кеше ғана емес, жарты жылдан бері Конституцияға қатысты жан-жақты пікір алмасу жүріп жатыр. Барлық ұсынысты жүйелеп, саралау үшін 130 адамнан тұратын Конституциялық комиссия құрылды. Бұл – ауқымы жағынан да, кәсіби деңгейі тұрғысынан алып қарасақ та, еліміз үшін теңдесі жоқ комиссия. Осы жолы комиссия құрамында шетел мамандары жоқ"

, – деген Тоқаев.

2022 жылғы Қаңтар оқиғасынан кейін президент Тоқаев бұрынғы билік тұсында енгізілген пропорциялық сайлау жүйесін сынап, Қазақстанда араға едәуір жыл салып, аралас сайлау жүйесі қайта енгізілген еді. Алайда қазір талқыланып жатқан жаңа жобада бір палаталы парламент толықтай партиялық тізім бойынша жасақталатыны жазылған.

Қоғамда оны сынға алып жатқандар аз емес, алайда билік мұны әлемде кең тараған тәжірибе деп айтып жүр.
🔗Толығырақ оқыңыз

⚡Бүгін, 10 қаңтарда олимпиадада Шайдоров жарысқа шығады?

⛸️Миландағы олимпиадада Қазақстанның үміті мәнерлеп сырғанаушы Михаил Шайдоров жарысқа шығады. Мәнерлеп сырғанаудан ерлер арасындағы қысқы бағдарлама Қазақстан уақытымен 22:30-да басталады. Шайдоров түнгі 02:00-ден кейін өнер көрсетеді. Михаил былтыр әлем чемпионатында күміс медаль алған. Оның басты қарсыластары – әлем чемпионы, Миланда командалық сында чемпион атанған Илья Малинин (АҚШ), жапониялық Юма Кагияма мен Шун Сато (екеуі де осы олимпиадада командалық сында күміс медаль алды), бейтарап атлет ретінде қатысып жатқан ресейлік Петр Гуменник, италиялық Даниел Грассл (командалық сында қол жүлде иеленді), франциялықтар Кевин Эймоз бен Адам Сяо Хим Фа болмақ.

🔸Сондай-ақ Қазақстан уақытымен 18:00-де фристайл могулдан іріктеу жарысы басталады. Қазақстан сапынан Юлия Галышева (2018 жылғы олимпиаданың қола жүлдегері), Анастасия Городко (әлем чемпионатының жүлдегері), Аяулым Әмренова және Павел Колмаков қатысады.

🔹16:00-де шорт-тректен Қазақстан құрамасы (Абзал Әжғалиев, Денис Никиша, Яна Хан, Ольга Тихонова) аралас эстафетаның іріктеуіне қатысады. Жартылай финалға шығу үшін топта бірінші-екінші орынның бірін алуы керек. Қарсыластар – Қытай, Канада, Бельгия.

🔹Олимпиадада шорт-тректен қазақстандық Денис Никиша 1000 метр жарысында ширек финалға шыға алмады (суретте). Әйелдер арасындағы 500 метрлік жарыста Яна Хан мен Ольга Тихонова да ширек финалға өтпеді. Никиша іріктеуде өз тобында үшінші, Хан мен Тихонова өз тобында төрт спортшының арасында төртінші орын алды. Финалға шығу үшін алғашқы екі орынның бірін алу керек еді.

Сәлден кейін Қазақстан құрамасы (Абзал Әжғалиев, Денис Никиша, Яна Хан, Ольга Тихонова) аралас эстафетаның іріктеуіне қатысады. Жартылай финалға шығу үшін топта бірінші-екінші орынның бірін алуы керек. Қарсыластар – Қытай, Канада, Бельгия.

t.me/azattyq