"Мұндай маңызды өзгеріс үш кезеңнен өтуі керек. Алғашқы кезеңін көрген жоқпыз" деді Дос Көшім.

Конституцияда билік тармақтарының арақатынасы қалай өзгереді? Қазіргі Конституция мен ұсынылған жаңа жобаны салыстырып көрейік.

Қатты аяз бен Ресейдің үздіксіз шабуылдарына қарамастан, Одессада бір диджей атқан күнді Қара теңіз жағасында қарсы алып, жылу мен жарықсыз қалған жұртты қолдап сет орындады. Оны қала тұрғындары қолдап, билеп, бір жылынып алды.

Ұсталған белсенді, тіл дауы, академиктің сыны – AzatNEWS| 04.02.2026

Конституциядағы тіл бабына қатысты Алматыда жиын өткізбек болған қоғам белсендісін полиция ұстады. | Жобада «орыс тілі қазақ тілімен тең қолданылады» деген 9-баптың 2-тармағы жөнінде партиялардың ұстанымы қандай? | Жаңа жобаны қолдау акциясын билік қолдан ұйымдастырып отыр ма?

🚕Yandex прокуратураға жүргізушілердің табысы жайлы ақпарат беріп отырмақ

Алматы қалалық прокуратурасы мен Yandex Qazaqstan алимент төлеуден жалтарғандарға қарсы және бала құқығын қорғауға бағытталған ынтымақтастық туралы меморандумға қол қойды. Оған сәйкес, Yandex Qazaqstan өзге мәліметтермен қатар жүргізушілердің кірісі жайлы да ақпарат беріп отырмақ

Желіде түрлі пікір жазылып, Конституция жобасының айналасында дау-дамай жүріп жатқанда Азаттық алматылықтардың пікірін сұрады.

Алматы облысында бір үйдің төрт адамы өлі күйде табылды

Алматы облысы Райымбек ауданы Сарыбастау ауылында бір үйдің төрт адамы қаза болды, арасында 1,5 жасар нәресте де бар. Бұл жөнінде Qonaev TV хабарлады.

Әзірге толық емес мәлімет бойынша, отбасы мүшелері ыстан уланып, мерт болуы мүмкін.

Отбасы ауылдан қашық жердегі қыстауда тұрған. Туыстары екі күн бойы оларға хабарласа алмай, ізінше үйіне барғанда төрт адамның мерт болғанын көрген. Осылайша полицияға хабар берген.

"Холодомор". Аязда тоңған украиндар | Репортаж

Ресей әскерінің жаппай шабуылынан кейін Киевтегі ахуал әлі де күрделі. Энергетиктер күшейтілген режимге көшіп, күн-түн демей жұмыс істеп жатыр. Қаланың әр бөлігінде жылжымалы бекеттер қойылған. Жұрт жылынып, ыстық тамақ іше алады. Сондай орынның бірі – Мызғымастық вагондары.

Конституциялық реформа жөніндегі комиссия отырысында тіл мәселесі айтылғанмен қоғамда қызу талқыланып жатқан 9-бапқа қатысты дау айтылмады. Негізінен бұрынғы Конституция тілінің күрделі жазылғаны, калька көп болғаны сөз болды. Айтуларынша, қазіргі нұсқада Конституция мәтінінің оқылымы едәуір жеңілдеген.

“Конституциялық комиссия құрылған кезде «оның құрамында тіл мамандары мен журналистер не істеп жүр?» деген сын да айтылды. Бұл ретте, тіл мамандары мен журналистер Ата Заң мәтінінің сапалы әрі түсінікті жазылуына зор үлес қосып жатыр” деді мемлекеттік кеңесші Ерлан Қарин.

Ол қазақ тілі кеңсе тіліне айналуы үшін әуелі Ата заң ұғынықты жазылуы керек деді. "Мемлекеттік тілдің мәртебесін көтеру тіл мәселесін ту етіп, ұрандатудан емес – осындай көзге көріне бермейтін, күрделі маңызды жұмыстан басталады" деді.

Қазақстан Пәкістанмен сауда көлемін 1 млрд долларға ұлғайтпақ

Қазақстан Пәкістанмен арадағы сауда көлемін 1 миллиард долларға дейін ұлғайтпақ. Бұл жөнінде Қазақстан президенті Қасым-Жомарт Тоқаев Исламабадқа мемлекеттік сапары кезінде мәлім етті.

Тоқаевтың сөзінше, әлемдік мұхитқа шығатын жолы жоқ Қазақстан Пәкістанның транзит әлеуетіне көп мән береді. Сондықтан ол Пәкістан премьер-министрі Шахбаз Шарифпен келіссөз кезінде бұл елдің Карачи және Гвадар порттарының мүмкіндігін пайдалану жайын да сөз еткен.

❗Қысқы Азиада аяқ-асты неге Алматыда өтпек?

2029 жылғы қысқы Азиада Алматыда өтетін болды. Бұл жарыс Сауд Арабиясының жаңадан салынып жатқан Неом қаласында өтуі керек еді. Бірақ қаңтарда Сауд Арабиясы қысқы Азиаданы өткізе алмайтынын мәлімдеді. Ал 5 ақпанда Миланда ҰОК президенті Геннадий Головкин мен Азия олимпиада комитеті (АОК) басшысы Шейх Джоан бин Хамад Әл-Тани Азиаданы өткізу туралы құжатқа қол қойды.

🔹Азиада өткізетін ел табу қиын

АОК үшін Қысқы Азия ойындарын өткізетін ел я қала табу кейінгі кезде қиынға айналды. 1986 жылдан 2011 жылға дейін Қысқы Азияда тек Жапония (үш рет), Қытай (екі рет) және Оңтүстік Кореяда (бір рет) өтіп келген. Ал 2011 жылғы Азиаданы Астана мен Алматы қабылдаған.
Азия құрлығында қысқы Азия ойындарын өткізуге табиғат мүмкіндік беретін ел аз. Қытай, Жапония, Оңтүстік Корея, Қазақстаннан басқа елдерде қысқы жарыс өткізетін инфраструктура, база жоқ.

🔹Алматыға Азиада керек пе?

Спорт журналисі Ақырыс Сейітқазы Алматыда инфрақұрылым болғанымен, елде экономикалық жағдай қиындап бара жатқанда Азиада өткізудің қажеті жоқ деп санайды.

- Алматыда 2011 жылғы қысқы Азиада мен 2017 жылғы қысқы универсиададан қалған инфраструктура, спорт кешендері бар. Бірақ дәл қазіргі экономикалық жағдайда Азиада өткізудің қажеті жоқ деп ойлаймын. Бұл жарысқа деп бюджеттен көп ақша бөлінеді, жұмыс тобы құрылады. Ал елде бюджет тапшылығы бар, салық өсіп, азық-түлік қымбаттап жатыр. Сондықтан Қазақстан Азиада қабылдайтын жағдайда емес деп санаймын, - дейді ол Азаттыққа.

Ал ҰОК басшысы Головкин Миландағы рәсімде Азиаданы өткізу Қазақстанда қысқы спорт түрлерінің жаңа серпін береді деп мәлімдеді.

«Азия ойындарын, ірі халықаралық жарыстарды ұйымдастыру ел үшін стратегиялық маңызы бар. Бұл халықаралық спорт қауымдастығының Қазақстанға деген жоғары сенімін білдіреді. Сондай-ақ еліміздің осындай деңгейдегі турнирлерді қабылдауға толық дайын екенін көрсетеді» деді ол.

Белсенділерді қамау, Конституция жобасын сынау, "Атажұрт" соты — AzatNEWS l 05.02.2026

🔹 Қазақстанда жаңа Конституция жобасы талқыланып жатқан тұста белсенділер қамала бастады.

🔹 Талдықорғанда тіркелмеген "Атажұрт"ұйымының белсенділеріне қатысты сот жалғасты.

🔹 Тәжікстанда тұрғындар қажылыққа жинаған қаражатын үкіметке берген.