Олимпиадада шорт-тректен Қазақстан құрамасы (Абзал Әжғалиев, Денис Никиша, Яна Хан, Ольга Тихонова) аралас эстафетаның жартылай финалына шыға алмады. Олар Қытай, Канада, Бельгия бар топтан төртінші орын алып, эстафетадағы жарысты аяқтады.

Фото: Reuters

t.me/azattyq

«Қатар» мен «теңнің»арасы. Тіл бабындағы бір сөзге қатысты дау

Қазақстан Конституциясының тіл туралы бабындағы орыс тіліне қатысты тармақта бір сөз өзгермек. Яғни орыс тілі қазақ тілімен «тең қолданылады» деген сөз «қатар қолданылады» деп жазылады. Желіде бұл өзгеріс ештеңені өзгертпейді деп сынағандар көп болды. Депутаттармен мамандар не дейді?

Халықаралық олимпиада комитеті украиналық скелетоншы Владислав Гераскевичке соғыста қаза тапқан спортшылардың суреті жабыстырылған шлеммен ⚡олимпиадаға қатысуға тыйым салды.

Гераскевич кеше, 9 ақпанда Италиядағы олимпиадада соғыста қаза болған украиналық спортшылардың суреті жабыстырылған шлеммен жаттығуға шыққан еді. Ол бұл шлеммен олимпиадада 12 ақпанда өтетін ресми жарысқа шыққысы келген.

"Жүрек ауыртатын шешім. ХОК бұрын олимпиада қозғалысының бөлшегі болған, бірақ енді ешқашан олимпиадаға қатыса алмайтын спортшыларға аренада құрмет көрсетуге тыйым салды. Осы арқылы ХОК бұл спортшыларды сатып кеткендей" деп жазды Гераскевич желіде.

Украина ұлттық олимпиада комитеті ХОК тарапынан шлемге тыйым салынғанын растады. Дегенмен ХОК Украина спортшыларына қара лента байлап шығуға рұқсат еткен.

Тоқаев Назарбаевты мақтап, Жапаров Ташиевті қуды — AzatNEWS l 10.02.2026

🔹 Қырғызстан президенті сенімді серігі, қауіпсіздік комитетінің басшысы Қамшыбек Ташиевті қызметінен алды.

🔹 Тоқаев Бектенов үкіметінің жұмысын жақсы деп бағалап отыр. Ал сарапшы үш қояр едім дейді.

🔹 Жемқорлық индексінде Қазақстанның көрсеткіші тағы да кері кетті.

Депутат неге қуанды? Орыс тілі туралы тармақ дауы әлі басылған жоқ

Жаңа Конституция жобасында тіл туралы баптың мемлекеттік тіл туралы бірінші тармағы өзгеріссіз қалады. Ал көпшілік арасында даулы пікір тудырған орыс тілі туралы тармағында «тең» деген сөз «қатар» сөзімен алмастырылады. Желідегі жұрт екі сөздің айырмасын ажырата алмай отыр. Азаттық маманға жүгініп, жұрт пікірін білді.

Алты олимпиадада қатар медаль алған спортшы

Милан олимпиадасында шорт-тректен 3000 метр аралас эстафетада алтынды Италия, күмісті Канада, қоланы Бельгия иеленді. Италия құрамасының мүшесі 35 жастағы Арианна Фонтана қатарынан алты олимпиада медаль алды. Ол – мұндай жетістікке жеткен алғашқы әйел спортшы. Фонтана 2006 жылы Италияның Турин қаласында өткен олимпиадада әйелдер арасындағы эстафетада қола медаль алған, енді Миланда аралас эстафета алтын иеленді. Бұл спортшыда олимпиаданың 12 медалі бар.

t.me/azattyq

Миландағы олимпиадада америкалық мәнерлеп сырғанаушы Максим Наумов қысқа бағдарламадан соң ұшақ апатынан қаза тапқан ата-анасының фотосын көрсетті.

Спортшының ата-анасы Евгения Шишкова мен Вадим Наумов 2025 жылы 29 қаңтарда ұшақ апатынан қаза тапқан. Олар Вашингтонда АҚШ әскерінің тікұшағымен соқтығысқан American Airlines ұшағында болған еді.

Шишкова мен Вадим Наумов 1994 жылы Ресей мәнерлеп сырғанау құрамасы сапында әлем чемпионы болған еді. Кейін олар АҚШ-қа көшіп кеткен. Максим Наумов АҚШ-та дүниеге келген. Ол биыл АҚШ чемпионатында қола жүлде алып, олимпиадаға қатысу мүмкіндігін иеленген.

Фото: Reuters

t.me/azattyq

⚡Шайдоровтың жүлдеге мүмкіндігі бар ма?

🔹Қысқа бағдарламадан кейінгі жағдай

Олимпиадада мәнерлеп сырғанаудан ерлер арасындағы жарыстың қысқа бағдарламасынан соң Қазақстан үміт артқан Михаил Шайдоров әзірге 5-орында келеді.

Қысқа бағдарламада Шайдоров 92,94 ұпай алды. Ол төрт айналым лутц+үш айналым тулуп каскадында сәл қателік жіберіп алды. Кейін үш айналым аксель мен төрт айналым тулупты қатесіз секірді.

Ал бірінші орында екі дүркін әлем чемпионы Илья Малинин (АҚШ) тұр. Ол мәнерлеп сырғанаудағы қиын элементтердің қатарына кіретін төрт айналым флип және төрт айналым лутц+үш айналым тулуп каскадын таза секіріп, жоғары ұпай алды – 108,16. Екінші орында жапониялық Юма Кагияма келеді – 103,07 ұпай. Ол Милан олимпиадасының командалық жарысында 108,67 ұпай алған еді. Бірақ жекелей сында үш айналым аксельден қателік жіберіп алды.

Үшінші орында франциялық Адам Сяо Хим Фа (102,55), төртінші орында италиялық Даниэль Грассл (93,46) тұр.

🔹Негізгі бағдарлама қашан?

13 ақпан негізгі бағдарламадан соң олимпиада чемпионы мен жүлдегерлері анықталады. Шайдоров алғашқы үштікте тұрған қарсыластарынан кемі он ұпай қалып келеді. Егер Малинин, Кагияма, Сяо Хим Фа негізгі бағдарламаларын таза орындаса, үшеуін озу басқа спортшыларға қиынға соқпақ.

Бірақ мәнерлеп сырғанауда негізгі бағдарламадан соң жағдай күрт өзгеріп, қысқа бағдарламадан кейін үштікте тұрған спортшылар жүлдеге ілінбей қалған кездері жиі болады.

2014 жылы Сочи олимпиадасында қазақстандық Денис Теннің қысқа бағдарламадан кейін тоғызыншы орында тұрып, кейін қола медаль жеңіп алғанын еске алып жатыр.

Сочи олимпиадасында Тен қысқа бағдарламада 84,06 ұпаймен 9-орын алған. Бірақ 3-орын мен 9-орынның арасын үш ұпай ғана бөліп тұрған еді. Кейін Денис Тен негізгі бағдарламасын мінсіз орындап, ал қысқа бағдарламада оның алдында болған спортшылар негізгі бағдарламаларын таза орындай алмаған еді.

Азаттық тілшісі Руслан Меделбек Миланнан хабарлайды

Белсенді Амангелді Жаһиннің ісі бойынша тергеу аяқталды

"Алға, Қазақстан" оппозициялық партиясын құру жөніндегі бастамашыл топ жетекшілерінің бірі Амангелді Жахиннің ісі бойынша тергеу аяқталды. Бұл жөнінде адвокаты Бақытжан Омарханов хабарлады.

10 ақпанда белсенділер адвокатпен бірге Көкшетау қаласындағы изоляторға барып, белсендінің жағдайын білген.

“Адвокаттың айтуынша, Амангелді қатты арықтап кеткен. Ол бұрыннан-ақ арық еді, ал соңғы екі айдың ішінде тіпті одан да қатты салмақ тастаған. Бұл оның денсаулығына қатысты үлкен аландаушылық туғызады. Адвокат Амангелдімен жеке кездесіп, егжей-тегжейлі сөйлесті. Оның айтуынша, Амангелді Жахинге катысты кылмыстык іс аяқталған, тергеу тәмамдалып, іс сотқа жолданнып жатыр. Амангелді тоғыз томдық іспен толық танысып шыққан. Адвокаттын мәліметінше, алдағы уақытта, шамамен наурыз айында, сот процесі басталуы мүмкін. Амангелді өзіне қолдау білдіріп жатқан барша жандарға үлкен алғысын жеткізді” деп жазылған құқық қорғаушы Бақытжан Төреғожина жариялаған жазбада.

Адвокаттың сөзінше, Жахинге “тыйым салынған ұйымның ісіне араласу” және “экстремистік ұйымды қаржыландыру” баптары бойынша айып тағылған. Дәл осындай баппен тіркелмеген "Алға, Қазақстан" партиясының жетекшісі, қазір қамауда отырған Марат Жыланбаев сотталған.

Қызметінен шеттетілген Қамшыбек Ташиев Садыр Жапаровтың шешімі жөнінде пікірін айтты

Ташиевтің мәлімдемесін оған жақын адам саналатын журналист Нұрғазы Анарқұлов Facebook желісінде жариялады.

"Мен ауырып қалып, президенттің рұқсатымен Германияға келгенмін. Бұған дейін жасалған отаға байланысты тексеруден өтуім керек болды. Алайда кеше мені қызметтен босатты, бұл мен үшін күтпеген жағдай. Не болса да, президент шешімін орындауға міндеттіміз. Мемлекет, халық және президент алдында қызметтік міндетімді адал атқардым және оны мақтан тұтамын. Бар болғаны жеке құраммен қоштасуға мүмкіндік берілмегеніне өкініш білдіремін. Ұлттық қауіпсіздік жөніндегі мемлекеттік комитеттің әрбір қызметкеріне алғыс айтып, оларға сәттілік тілеймін. Елімізде бейбітшілік пен тұрақтылық сақталуы үшін ешкім заңсыз әрекетке бармауы керек және біздің әрбір әрекетіміз заң аясында жасалуы қажет" деді Қамшыбек Ташиев өз мәлімдемесінде.